لـــزمتك بالكـــلام..شنهي؟ [الأرشيف] - منتدى شبكة الطلبة القطريين

Eman Al-Marri

21-04-2007, 12:44 AM

السلام عليكم ورحمة الله

كيف الحال

يعني بخير ؟

يعني انا بالأمس كنت في فيلم مستر بن ..ويعني كان زوين .. وأم الضحك فيه ...وشفت لقطة حدها ضحكتني يعني مووايد بس ضحكت ..كان مستر بن يغني مثل الراهبة اللي تلبس حجاب براسها"ام اسود" وشايل الطفل بيده ويعني شكله غريب http://www.qataries.net/vb/uploaded/1639_dru.gif..
وممم يعني استانست شوي وفرفشت ..تعالوا خلوني اقولكم سالفة الرجال ام دراجة بطيـــــــــــــــــــــئة بالفليم ..وإلا اقول مايحتاج ..يعني سالفته ممله ..يعني اظن اللي شافوا الفيلم بيعرفونه:D

كم مرة قلت يعني وكم مرة شبهت شئ بأم http://www.qataries.net/vb/uploaded/1639_dru.gif..؟؟!

حديثنا لايخلوا من اللازمات وكل شخص منا يميزة لزمة معينة ..واحيانا تسير موضه للشخص يغير لزمته بين فترة وفترة..

اذا بدأت التركيز ستشاهدون انها تخرج بوعي أو بدون وعي .. تتكرر بزيادة!!

احب ان استكشف لزمة من يتحدث امامي حتى ألتقطها ويصبح هناك تمازج غير مرئي:o ....

احب اللزمات الغريبة بل اعشقها .. هل تكون في احدكم؟

اثروا الموضوع بلزماتكم .... خلونها نضحك شوي... حلو الواحد يطلع من جو الدارسة والاشغال والبيت http://www.qataries.net/vb/uploaded/1639_begging.gif..

مشاركتكم اوكسجين لموضوعيhttp://www.qataries.net/vb/uploaded/1639_rose.gif

Saleh Alkhulaifi

21-04-2007, 01:44 AM

انزين .. موضوع حلو .. ها ..
في منتدى حلو .. ها ...

ها .. نعم .. ها ..

كلمة " هــا " .. لصيقة لســـاني ..

مادري اذا في كلمة غيرها .. ها ..

يعني ع التلفون .. لما اسولف . لما اندمج .. ها ..

كله اقول كلمه ... ها ..

( انا اقصد بها .. ان .. وصلتك المعلومه .. وكأني انطر رد و تجاوب من الشخص .. اكون على اعصابي .. وهم ساكتين .. اقول .. هـا .. )

احـــس . . ها ..

و اتمنى من اخونا . . "حلو حلو " يشاركنا الموضوع ..

( واذا احد يعرف كلمه لزيمة لي .. يقولها )

اي . . ها .. خووش مووضووع اختي .. ها ..

Ahmad Telfat

21-04-2007, 03:35 AM

السلام عليكم

يعطيج العافية أختي على الموضوع ..

صالح فعلا أنا لاحظت فيك ها الشي .. كله تقول ها ها بعد ماتكمل الجملة ..

ممم بالنسبة لي والله ما لاحظت على نفسي ماادري الشباب إذا كانوا ملاحظين علي شي ..

يمكن أنا أقول (ياخي) وايد .. ياخي شوف ياخي اسمعني ..

Abdulrahman Fakhroo

21-04-2007, 03:49 AM

ههههههههههه نفسي... دوم اقول (ياخي) و (ما) :D

Muneera.A

21-04-2007, 10:59 AM

انا اقول "انزين" :D :D

Sara Mohammed

21-04-2007, 12:08 PM

الله يعطيج الف عافيه

انا كله شايرة على كلمة ( عاد اقولج ... الخ ) يعني بالسالفه مليون مرة كلمة عاد اقولج خخخخخخخ

Eman Al-Marri

21-04-2007, 02:01 PM

السلام عليكم

ماشاء الله تجمع طيب ولزمات أطيب...:o

ضحكتني لزمة اخونا صالح ها :D <<دخلت مزاجي ها

خلوني اكشف عن بعض من لزماتي الغير منتهية ..

اولها يعني ...اذا الجملة تتكون من اربع احرف ..3 منها يعني والباقي هو المفيد:D
.. اهم شئ
.. المهم .. الزبدة
.. اذا متابعه مع احد .. انزين؟ وبعدين؟>>عشرة الالاف مرة اعيدها http://www.qataries.net/vb/uploaded/1639_dru.gif

..اهااااااا

..وفيه مثل لصيق تشبيهاتي "ماطاح إلا انبطح"http://www.qataries.net/vb/uploaded/1639_dru.gif

وكل شايب او عاقل يتكلم معاي ..قلت له صادق صادق ..في كل شئ صادق..http://www.qataries.net/vb/uploaded/1639_dru.gif

فنتك <<على كل شئ يعجبني..

ميرم ميرم=مجرم<<عبط بس كثير اقولها لما انسان يلعوزنيhttp://www.qataries.net/vb/uploaded/1639_dru.gif

صدق ؟
<< لما ابغي اتحقق من شئ:o
***************************
..يؤ يؤ كأن كلامي كله لزماتhttp://www.qataries.net/vb/uploaded/1639_begging.gifhttp://www.qataries.net/vb/uploaded/1639_dru.gif..

على فكرة..انا لزماتي معظمها موسيقيه ، يعني ماتنكتب :D http://www.qataries.net/vb/uploaded/1639_dru.gif

لي رجعه بعد مااكتشف كلمات جديدة..<<حبت الموضوع:p

Sara Mohammed

21-04-2007, 02:28 PM

ايمان انتي نفسي لما اتابعد موضوع ويه حد لازم كلمة انزين ... خخخخخخ او احلف مسندرة اللي يدامي

وشرات مثلج ( ماطاح الاانبطح ) خخخخخخخ

او مثلا يوم اتكلم عن موضوع بعض الاوقات اقول مثلا وما ادراك ...؟ واكمل الموضوع

واقول كلمة فنتك لشي مايعجبني يعني .. وشو ذي الفنتك بعد شبلاها مسوبله بعمرها ... خخخ

ولي رجعه بعد الاكتشاف

Saleh Alkhulaifi

21-04-2007, 03:19 PM

السؤال اللي يطرح نفسه ..
- وعلى فكرة اقولها واجد-

شنو يعني "يؤيؤ" ؟؟

Eman Al-Marri

22-04-2007, 12:28 AM

شنو يعني "يؤيؤ" ؟؟

مممم كيف اشرح لك:rolleyes:

أنت لما تتفاجأ بشئ شتقول ؟؟

انا اقول يؤ يؤhttp://www.qataries.net/vb/uploaded/1639_dru.gif:D

مممم
اكتشفت لزمة جديدة اليوم ..

تخيل.!! <<كل مابغيت اسولف عن موضوع قلت "تخيل" ..انزين الموضوع استوى قدامنا ليش يتخيلhttp://www.qataries.net/vb/uploaded/1639_dru.gif

Muneera.A

22-04-2007, 03:00 PM

واالله خوش موضوع :D :D

تذكرت كلمة اقولها واايد بس الحين قل استخدامها لاختلاف الناس الي كنت اقولها معاهم ; ) وهي كلمة "لقطة"
.. مثال : شفتي شصار في اللقطه الي طحت فيهااا :eek: ..
او تستخدم كمصطلح لكل اسم ماعرفه عند الشرح عن معناه خخخ :D

Adel Al-Jalham

23-04-2007, 07:11 PM

داش بسلندر اوكسجين عشان اثري الموضوع

بالنسبه لكماتي اللصيقه ماشاء الله علي عندي اب ديت مستمر يعني مايمر علي شهر الا الكلمات كلها تتغير حسب البيئه والمجتمع وذلك لانني انسان متنقل بين المجتمع الغربي والشرقي بس لاحظت في الاونه الاخيره اني قمت مع الربع الي حولي استخدم كلمات اللغه العربيه الفصحي مثل

ماذا تقول <<<< تدل على الابهار مثل (اشششدعوه)

تستطيع <<<< تدل على تمكن الرجل مثل (رووح يامجرووح او كفوووو)

سد فوك <<<< تدل على التسكيت :D مثل (ممكن تنطم)
ويوجد غير هذه الكلمات الكثير والكثير اهم شي لاحد يتابع مسلسلات عربيه وايد لان احنا متأثرين وخصوصا بدور مسيلمه الكذاب في مسلسل خالد بن الوليد :D :D فعلا فعلا ضبط الدور الي مثل

اتمنى اني ما ثقلت وما تقصرون

Eman Al-Marri

25-04-2007, 12:27 AM

السلام عليكم

للوالد - الله يحفظه- لزمة أزلية ...من وعيت على الدنيا وهو يضيفها بكل جملةhttp://www.qataries.net/vb/uploaded/1639_not-sure.gif..

اسمع- سامع - تسمعني <<كل لوازم وأدوات السمعhttp://www.qataries.net/vb/uploaded/1639_dru.gif

الوالد سمعي درجة أولى; )

AA.Abdulaziz

25-04-2007, 01:04 PM

هلا أختي ايمان ,,

الكلمة اللي دايم اقولها لدرجه حفظنا مدرسينا الاجانب :D هي (شسمه)

والكلمات اللي عادة اقولها ,, (انترستينج :D)

Eman Al-Marri

08-05-2007, 08:18 PM

السلام عليكم

حاليا لزمتي:

أحس..

كل شئ احس ..

احس اني الموضوع حلو ..<<لازمhttp://www.qataries.net/vb/uploaded/1639_paranoid.gif

أحس ان العصير بارد..

أحس اني فوقhttp://www.qataries.net/vb/uploaded/1639_not-sure.gif

أحس ان التلفون علّق

حتى الشوف ..احس اني شفت ..خخhttp://www.qataries.net/vb/uploaded/1639_dru.gif

واحس ان للحيث بقية..; )

H.Mohammed

08-05-2007, 09:15 PM

عطيج العافية أختي على هالموضوع..فعلاً كنت محتاجة أطلع من جو الدراسة .. وكعادتي دخلت قطريز .. وطبيت على موضوعج..:D

بصراحة أنا واايد أكرر كلمة (تخيل/تخيلي) خاصة في لحظة الاندماج في السالفة:D أو شرح حدث معين..

وعلى قولتج إيمان الموضوع صار وخلص .. وأحنا لين ألحين نتخيل..:D <<ماشاء الله خيالنا واسع

على العموم جزاج الله خير غيرتي لي جو بموضوعج وبردود الأخوة والأخوات..:)

ولي عودة بلزمات أخرى:)

A. Al-Meer

08-05-2007, 10:01 PM

السلام عليكم

والله خوش موضوع .. يونس

انا الكلمات اللي دوم ارددها والله وايد

اهمها ..

كلمة "اممممم" .. او "مادري" << لين مايكون عندي تعليق او انحرج

كلمة " لا " البحرينية لين تكون في آخر الجمل .. مثلا : اناسه الموضوع لا !!! << العرج لاعب لعبته معاي الفترة الاخيرة

وبعد كلمة "اختراع " << عاد هذه قصتها قصة .. اي شي في الدنيا انسى اسمه وانا اتكلم اسميه اختراع .. مثلا : اذا ابي اتكلم على الكيكة اللي في المطبخ .. اقول الاختراع اللي في المطبخ .. واذا ابي اقول الصورة اللي على الطاولة اقول الاختراع اللي على الطاولة << عاد تعالي ودوري انا ايش اقصد :)

وكلمة "يحليلج او يحليلك " اقولها للصغير والكبير << ومادري ليش على حظي دوم تطلع مني على الناس الكبار .. مثلا ً ابوي ولا خالي او حتى اخواني الكبار .. وطبعا لازم اسمع بعدها كلمة "لاتقولين يحليلك للرجال"

اتوقع هذه الكلمات اللي دوم انا اقولها .. ومشكوره عزيزتي على الموضوع

E.E.A

08-05-2007, 10:19 PM

السلام عليكم ورحمه الله وبركاته

ماشاء الله موضوع عجييييييييب :D

لزمتي هي كلمه " هيه "

هيه : ادات تأكيد الشيء :p

يعني مثلا :-

فلانه صليتي ؟؟

الجواب هيه صليت ،، وبالقطري " اي " خخخخ :p

وهالكلمه من وعيت على الدنيا وانا اكررها لاشعوريا

اذا حد سأني سؤال وكان جوابي بــ نعم

اتم اقول هيه هيه هيه تتراوح من 3 الى خمس مرات :D

يعطيج العافيه اختي ايمان على الموضوع الحلو:)

Jassim Al-Naama

08-05-2007, 10:51 PM

السلام عليكم ورحمة الله وبركاته

موضوع اشوفه من زمان لكن متردد اشارك فيه والا :rolleyes:

يعطيج العافية اختي على الفكرة الحلوة للموضوع :)

مممم عاد اللي معروف بين الشباب انه يعيد الكلمة 3 مرات ورايح .. يعني حد يتصل لي اخبارك اقوله " الحمدلله" ثلاث مرات !!:confused:

حد يقول شي ويعجبني على طول كلمة " حلو حلو حلو " ... :D

كلمة " سهالات " تعودت استخدمها وايد .. اي مشكلة امر فيها او نقاش بين الشباب اول كلمة للاجابة عندي تكون " سهالااااات " :D

Mohammed Al-Mannai

08-05-2007, 11:57 PM

بسم الله الرحمن الرحيم

كلمة صار لها مده عالقة في لساني واقولها بسبب او من غير سبب هي .. "شوو" يعني شنو بس بالشامي .. :)

كلمة ثانية صرت وايد استخدمها في الاونة الاخيرة هي " طبعا"

وللأسف الكلمتين اعلقوا في لساني لاني كنت اعيب على ناس انهم كانو كله يقولونها وصرت انا الي اعلق عليها ..

Faraj Alabdulla

09-05-2007, 01:57 AM

مشكووره اول شي عالمووضوع ..

اذكر واحد معانا في الجامعه ..
كلله يقووول شدعووه ..

اقووله مثلاا ..اليوم تغديت مكدونالز .. يرد شدعووه .. !!

وسلاامتج .. :D

G.Rashid

10-05-2007, 03:59 PM

اما لزماات عجيبة ..

احيانا تتغير الكلمات . .
لكن الحين دايما اقوول ..
> يحليله < ..
> جيه < ..
> مادري و الله < كله مادري !!. ..
> يعني <

و تسلمين اختي عالموضوع

Eman Al-Marri

10-05-2007, 04:49 PM

السلام عليكم

تجنن لزماتكم ... تونّس بجد! http://www.qataries.net/vb/uploaded/1639_goodvibes.gif

على فكرة بجد<<إحدى لزماتيhttp://www.qataries.net/vb/uploaded/1639_dru.gif

H . Al_Mulla

بصراحة أنا واايد أكرر كلمة (تخيل/تخيلي) خاصة في لحظة الاندماج في السالفة أو شرح حدث معين..
اختي الملا ..
ملاحظة عليج وبقو:cool: ...ترى كثر اندماجنا مع بعض يرجع لكلمة السر المشتركة "تخيلي":p

A A A

كلمة " لا " البحرينية لين تكون في آخر الجمل .. مثلا : اناسه الموضوع لا !!! << العرج لاعب لعبته معاي الفترة الاخيرة

اكتشفت ان فيه ناس بالامارات يقولون لا بنهاية الجملة ...لا؟؟

لزمة متأصله ومتوارثة فيهمhttp://www.qataries.net/vb/uploaded/1639_dru.gif

وعلى فكرة انا وايد اكرر يحليلكم:o

E.E.A

لزمتي هي كلمه " هيه "

فديت هالكلمة عسيل على قلبي; )

ماني معلقه..

Jassim Al-Naama

حلوه "سهالات" ..وايد ايجابية ..حبيتها :o

Mohammed Al-Mannai

وللأسف الكلمتين اعلقوا في لساني لاني كنت اعيب على ناس انهم كانو كله يقولونها وصرت انا الي اعلق عليها ..

يمكن نص لزماتي لاني كنت استنكرها على غيري..ومن عاب ابتلىhttp://www.qataries.net/vb/uploaded/1639_Threaten.gif http://www.qataries.net/vb/uploaded/1639_dru.gif
...

Faraj Alabdulla

اذكر واحد معانا في الجامعه ..
كلله يقووول شدعووه ..

ليكون تقصد اخوي الصغنن:cool::D ..

G.R.A

الله يخليلج لزماتج; ) ..
تسلمين على وجودج الرائع

Jassim Al-Naama

10-05-2007, 11:47 PM

السلام عليكم ورحمة الله وبركاته

تذكرت كلمة ثانية وايد استخدمها وهي معربة من قبلي :D

كلمة ( مركلس ) من relax وانا هالكلمة علقت على لساني كل ماكلمني حد شتسوي .. اقوله اركلس !!!

Jassim Al-Asmakh

11-05-2007, 01:22 AM

يا سلام على الموضوع ... عاد كل واحد راح يتصيد للثاني ...

الكــلــمة الي الزقت فلساني هاليومين

"" يا اخي اوووفر " و الله اوفر :p

و الموضوع بكبره اووفر:p

Sultan Al-Kuwari

11-05-2007, 07:46 PM

السلام عليكم .. الموضوع عجييييييييييييييب ..

انا كل فترة لي لزمات .. وبعد فترة أحاول اتخلص منهم اذا حد نبهني عليهم .. مثلا ..

عندي سؤال .. قبل ما أسال ..بس الحمد لله تخلصت منها .. عقدت اخوي كل اشوي اقوله عندي سؤال يرد علي يقول لي عندي جواب .. لين خلاني اتركها ..

وفي لزمات لين الحين استخدمهم .. مثل ..

Still
Over
اوقيق من اوكيك ..
وباي ذا وي ..
و بعد دووم اقول .. اني ويييز ..
( هاي من تأثري بالسفر للدراسة لووول )

واتذكر بعد لما كنت في الدوحة مرات كنت اقول ..

انزيييييييييييييين ..
واللي ما تخلصت منها اهي ..

المووووهوووووم .. كل اشوي لما اتكلم مع حد .. المهم المهم .. المهم ..

..

وألف شكر على الموضوع الحلو :)

Asmaa.K.H

12-05-2007, 06:26 PM

موضوع فللللللله

انا الله يسلمج

دووم اقول "ماادري" و "أحس"

احس الدرس حلو

احس ان خاطرج تقولين شي

احس الدكتوره معقده

خخخخخ

يسلمووو عالموضوع

A.A.Al-Nasser

12-05-2007, 08:05 PM

في كلمة كنت أستخدمها من أيام الثانوية ولحد الحين

"خربطيـــــشن"

F Al-Missned

23-05-2007, 02:51 AM

وااااااااو واااااااااو واااااااااو ايمي مو طبيعيه حتى بمواضيعج موهقه العالم لول http://www.asmilies.com/smiliespic/happy/084.gif (http://www.asmilies.com)
خلّ ادورلج http://www.asmilies.com/smiliespic/happy/118.gif (http://www.asmilies.com) بالمعجم مالي ..حدّها كلماتي مالها خصّ !!

اذكر بفتره من الفترات كانت وحده من الاهل مسميتني Fatma Coz لول من كثر ما اقول "عشان"
"حدّه" هذي بالفتره الاخيره !
"ها!"
" Wow "
" يبيله "
" cool wallah "
" 7addah interesting "
" يا معووووده " اذا السالفه مو داشه المزاج
" مادري " واااااااااااايد اقولها لدرجه عادي اعرف
بس قبل لا اجاوب اقول مادري !!!!! << ليش مادري لول

http://www.asmilies.com/smiliespic/happy/180.gif (http://www.asmilies.com)اتوقع جذيه خلصو !

F.R

25-12-2007, 08:10 PM

نايس توبك ^^

بالنسبه لي ..

(مممممم)..(شيسمونه وشسمه) لول..

عساكم ع القوه ^^

Zahra Al Mossa

25-12-2007, 10:48 PM

مشكورة ايمان ع الموضوع الحلو

=======

انا من اللزمات اللي ملازمتني

" نكته " هالكلمة بغت توديني في داهية

نكتة في قاموسي معناتها اني استانست بشغله معينه يعني حلوة

بقول لشخص .... انت نكته ... يعني انت فله يعني انا مستانسه عليك هذا قصدي :)

و من الكلمات بعد " مدري " بس حد يسالني شي اقول له مدري

و بعدين اكمل و ابين له اني ادري و نص

>> يفر وجه و يحك راسه مستغرب من اني مدري طيب كل اللي قلتيه كان شنو ! خخخخ

و من اللزمات بعد " ممممممممممم " عاد هذي معناتها اني افكر ههههههه

و كلمة طيب اقولها كثير و بعد " إلا "

و لي لزمات بالفصحى الا جمل مو كلمات :sorrriso:

Amira.A

26-12-2007, 01:53 AM

السلام عليكم ورحمة الله وبركاته

"الله حبيته\ا" و "جميييل\ه"

اقولها عن اي موقف جميل او شي حلو وعاجبني,,

بس وايد تسبب لي احراج خصوصا عند الناس اللي مو عارفين انها لزمة لا اكثر!!

Abrar Al-Janahei

26-12-2007, 08:07 AM

السلام عليكم ورحمة الله وبركاته

:)

لزمتي كلمة ايرانيه بما معناها يــاويلــي .. بس بطريقة مظحكة مش خطره :)

ومثلي مثل أميرة " جميـــل " كلمة أحبها وايد :)

Aljazi Almannai

26-12-2007, 08:27 PM

السلااااااااااام عليكم
بصراحه موضوعج عسل << لزمة من لزماتي

والله هو على حسب الوقت والمكان .. فالدوحه مثلا.. صج والله .. صج ,صج << الخ
واذا اكلم وحده من ربعي او اهلي المهم اذا (بنت) .. اقولها حبيبتي و فديتج
واذا اكلم حد من الاهل ( ولد ) .. الشيخ و يبا

اممممممم .. الحين باقولكم لزماتي لما اروح لاهلي في الامارت
اكييييييييد عرفتوها
هي .. هي .. هي << الا وهي كلمة اي.. وانا مكمله في الموضوع
شو .. شو << الا وهي كلمة شنو .. اذا باستفسر

اما حاليا في اليو كي دووووووووم اكرر wooooooooow it's good
ومثل ماقلت لكم في البدايه على حسب الزمان والمكان

وموفقين ان شاء الله

F.Aldosari

27-12-2007, 02:41 PM

...السلام عليكم والرحمة والبركة...

...قواج الله أختي Eman Al-Marri ...

...أنا أحس ان أكثر شي أكرره كلمتين.."أستغفر الله"...وهو شي رائع بس بعض الناس يحسبونها من باب الملل أو الضيق...!

...الكلمة الثانية أصلها انجليزي..."eew" اذا شي ماعاجبني أو فيه شي...!

...تحيــــــــــــــــــــاتي...

F.H

01-04-2008, 05:28 AM

أكثر كلمة أكررها (( شكراً )) كتعليق على الأشياء إلي تعجبني وإلي ماتعجبني ..

:)

S.S.Ahmed

10-04-2008, 03:35 PM

الســـلام عليكم...

الله يعطيج العــافيه على الموضوع...

وبصراحه حــلو :)

فيه لزمـــات تعور راسي من كثر مــا أسمعهــا,,,مثل ((شدعـــوه)),,, وكنت أنتقدهــا,,,,وسبحان الله من عااااااب أبتلــى ((شـــــــــــــــدعوه)) :)

كلمــاتي هي كالتالي ((وترا حقوق النسخ والأخذ محفظه :) )) :-

(( يــااااابووووووج))

((دخيــــلج))

(( روحــي لاااااا ))

((أهـــم شي ))

((تمــااااام))

((مضبوط)) و ((بالضبط))

ولسته لا حصر لهــا ولا نهايه :)

بارك الله فيج على الموضوع...

---------------------------

بالنسبة لأختي اللي تقول ((استغفر الله)) مــا أجملها من كلمه :)

A.Alhajri

20-04-2008, 04:12 PM

هههههههههه

انا على اي شي اقول (حلفييي)

لدرجه اني اقولها حق امي وابوي ويعصبون علي وايد

لاشعوريا اقولها مب قصدي اجذب الي جدامي بس انا هشكل !!

و( خفي علينا ) لول

Latifa.K

20-04-2008, 11:03 PM

اناااا اكثر كلمه اقولها عن العبط .. والا تستعبط؟؟ ... << حق اي حد يعني مرات امي وابووي ...
بس هم يدرون انهاا لزمه عندي فيضحكون علي بس ...

وفي كلمه ثانيه بعد >>> جي يعني
تلقوني اسولف واقول السالفه جي يعني ....
اي بس اقولج جي يعني .... لو سالت وحده سؤال وردت عليها اقولها اهاااااا جي يعني ....

هههههههههههههههه السالفه كلهاا جي يعني

Eman Al-Marri

01-06-2008, 12:25 AM

وووو خلونا نجدد هالموضوع شوي .. لأن لزماتي تغيرت ..

لصقت بلساني لزمه مو عارفه كيف اطيرها ...

من حد قالي شي وإلا بغيت شئ لازم نهايته

تيب = طيب ؟

تيب

تيب

تيب

لدرجة ان اخوي حمد انعدى منها هههههههه صح؟

يمكن تكون لي رجعه .. : )

Sh.W

01-06-2008, 12:33 PM

تيب ،،، انا ما عندي لزم جديدة،، ان شاء الله اول ما اجدد لزماتي ارجع تيب...ههههه
ومتابعة للموضووع

Mohammed Al-haddad

01-06-2008, 12:39 PM

الحمد لله ما عندي وايد

وايد أستخدم كلمة " الصراحة " في كلامي و كتابتي

" والله " بسبت بعض الناس خلوني أستخدمها وايد مب كحلف لكن صارت لزمه معاي في الكلام و الله المضوع كيت كيت

إن شاء نقدر نفتك منهم

A al-thawadi

06-06-2008, 12:14 AM

مشكووره اختي ايمان على موضوعج

بصراحة انا مشاركة يديده

واول شي لفت نظري هالموضوع حسيته حليوو

الله يسلمج انا كله اقووول....... وه وه وه

في اغلب الحالات

اذا استقربت ولا تنكرت حق شي ماعجبني يعني هلوون

على طووول اقول وه وه وه وه

وسلامتج :)