معلومات عن الاطلنطي

[Sara Mohammed]

السلام عليكم

شحالكم

حبيت اسالكم عن الجامعه

1- الشخص اللي يبي يدرس على حسابة جم يدفع في الكورس ...

2- النظام بعدد الساعات او السنين ...
3- كم عدد الساعات الموجودة للتخصصات ...
4- الدوام من الساعه كم لين الساعه كم ...
5- الاوراق المطلوبة ...
6- التوفل المفروض كم الواحد ايب فيه .. . هل فيامتحانات غير امتحان التوفل ...؟

:o

في انتظار الرد

[R. Al-Harami]

هلا اختي وعليكم السلام ورحمة الله وبركاته

راح اجاوب على اسئلتج ان شاءالله

بالنسبة للرسوم 20 الف في السنة والسنة الدراسية 3 فصول تدفعين 10 الف في الفصل الاول و10الف في الفصل الثاني .. والفصل الصيفي (شهر 5و6 )مجاناً

النظام بالسنوات وعلى حسب المواد اللي تاخذينها في كل فصل دراسي

بالنسبة لعدد الساعات هذا النظام غير معمول به حالياً .. لان الدراسة بنظام المواد

بالنسبة للدوام يعتمد على جدولج الدراسي وكم مادة سجلتي ..

بالنسبة للاوراق جيبي عدد صورتين شخصيتين نسخة من الشهادة الثانوية .. واذا عندج توفل جيبيه وبامكانج تراجعين الكلية ال admssion عشان تتاكدين من الاوراق المطلوبة

التوفل اختي يفضل 500 عشان ما يعطونج لغة انجليزيه (لاتحسب ضمن المعدل).. وفي امتحان رياضيات (لتحديد المستوى فقط)


ان شاءالله اكون جاوبتج على اسئلتج ..

واذا عندج اي استفسارات اضافية لا تترددين اختي الفاضلة :)

[Sara Mohammed]

الله يعطيج الف عافيه

بس حبيبتي بغيت اتاكد من نقطه الدفع قصدج في الكورس الواحد 10.000 واي عدد ساعات اخذه ؟؟؟

[R. Al-Harami]

ايي حبوبة
10,000 في الكورس بغض النظر عن كم مادة او كم ساعه .. نسيت اقولج الحد الادنى للساعات 17 والاقصى 25 تقريباً

اذا عندج اي استفسارات ثانية عطيني خبر :)

بالتوفيق ان شاءالله

[Sara Mohammed]

الله يعطيج الف عافيه تعبتج وياي

يعني التوتل للتخصصات كم ... يعني

مثلا خذت بكل كورس 17 ساعه طبعا كل ما اخذ اقل كل ما اطول يعني طول ما انا موجودة بالكلية ادفع لنفرض خلصت بعد 5 سنوات يعني بدفع 100.000

واذا خذت 25 ساعه لنفرض بخلص بعد 3 سنوات يعني 60.000

وكم الساعات المحددة للتخصص ... وكم المعدل التراكمي واذا يبت اقل انطرد .. ( نفس جامعه قطر )

[R. Al-Harami]

الله يعافيج الشيخه .. لا بالعكس مافي اي تعب :)

بالنسبة للمواد الجامعه بتحطلج الجدول وفيه عدد المواد مرات 5 او 6 وطبعاً تقدرين تحذفين او تضيفين على حسب عدد الساعات ومقدرتج انتي ..

وبالنسبة للمواد وعدد الساعات مثل ما قلتي ما يهم كم ساعه اهم شي ما تخذين اقل من 17 ومب اكثر من 25 ونصيحه اذا سجلتي ان شاءالله امشي على الجدول اللي بيعطونه لج الجامعه وبتخلصين في حدود سنتين او 3 سنوات هذا اذا التزمتي بالخطة .. وطبعاً الرسوم مثل ما قلتي كل سنه 20 الف على كورسين والكورس الصيفي مجاناً بدون رسوم

بالنسبة للمعدل لاء غير جامعة قطر .. واكثر الانذارات بالنسبة للغياب اللي لازم ما تتعدى 20% اما عن المعدل بس اذا نزل تحت ال 1 يعطونج انذار وبالنسبة للتخرج لازم يكون معدلج 2.10

واذا عندج استفسارات زيادة تفضلي .. والسموحه على القصور

[Sara Mohammed]

مسموحة فديت قلبج ...


خذت معلومات كافيه عن النورث ... الله يعطيج الف عافيه

[R. Al-Harami]

الله يعافيج يالغالية

وبالتوفيق ان شاءالله :)

[Saad Al-Hababi]

ماقصرت أختي ريـم ^_^

ماشاء الله عليها معلوماتها وافيه

بس بخصوص التوفل على ما اعتقد انه تكنسل وصار مجرد امتحان تحديد مستوى

يعني انقلش وماث بس

وامتحان بسيط مب نفس اللي خذناه <<==<< منبطه جبده من التوفل ههه

[Saad Al-Hababi]

وتصحيح بسيط

بالنسبه لمعدل الغياب

10% مب عشريـن >_< ياريته بقى عشرين وماغيروه