طلاب وطالبات شمال الاطلنطي.. ياليت تشرفونا بارائكم

[R. Al-Harami]

السلام عليكم ورحمة الله وبركاته ..

اتمنى انكم تكونون بافضل حال ان شاءالله ..

خواتي واخواني ..في موضوع حبيت اطرحه ..

طبعاً الكل يعرف مناظرات الدوحه او The Doha Debates وهي مناظرات شهرية تقام في المدينة التعليمية..
للأسف نادراً ما اشوف حد من طلاب او طالبات الكلية متواجدين هناك واذا تواجدوا ينعدون على الاصابع .. ليش :confused:

طيب يمكن ان العذر ان البعض ما عنده الجراة ان يحاور في برنامج باللغة الانجليزية ..

مومشكله نجي لبرنامج لكم القرار وهو برنامج حواري يبث من قناة الجزيرة للاطفال باللغة العربية ومن تقديم الاخ محمد سعدون الكواري .. نفس الشي لايوجد اي اهتمام يذكر من طلاب شمال الاطلنطي الا 2 او 3 فقط ..
والله اليوم المنتجه كلمتني تقولي معقولة ماحد من الطلاب او الطالبات القطريين اللي متواجدين عندكم يحضرون !!

يعني البوسترات موجوده في كل مكان بالكلية ومسؤولة الانشطه طرشت ايميل بخصوص مشاركة الطلاب والطالبات ولكن ما في تجاوب ..

يا ترى ما هو سبب عزوف او غياب طلاب وطالبات شمال الاطلنطي (على عكس الجامعات وتى المدارس الاخرى) عن هذه البرامج الحواريه .. والتي اعتقد انها جداً مفيدة ومهمة وفرصة فريدة من نوعها :confused:

اتمنى ان اجد تجاوب بخصوص هذا الموضوع.. بانتظار ارائكم..

وفقنا الله واياكم لما يحب ويرضى ..

[Abdulrahman Almuzaffar]

ماشفت بوسترات كثيرة لهم في الفترة الماضية،، واللي أشوفها على ما أظن أخبار عن حلقات سابقة أو مجرد إعلان،،

لكم القرار : يعني يحاولون شهرياً يحطون بوسترات والحلقة الجايية عن وشو تتكلم، ويعني فيه ناس من طلاب يحاولون يتكلمون عن الشي

كلمة الصج تنقال: أنا مسجل في لكم القرار على أساس أني طالب في جامعة قطر.

طلاب جامعة قطر في لكم القرار وايد ليش؟ أتصور الدعاية اللي بين الطلبة هي اللي كونت زيادة هذا العدد.

أتصور الطلاب لازم يتفاعلون بعد مع الكلية،، والكلية ماقصرت وتحط البوسترات في كل مكان في الكلية، بس ناقص الطالب يحاول يشارك، أو يقترح

دوحة ديبيت مرات أشياء سخيفة يعني :Palestinian Right of Return،، لا تعليق

نرجع سالفة الطلاب في الكلية،،،، وينهم؟ كتبت موضوع : وشو تبغون في الكلية من أنشطة... محد عطاني رد أنه يبغي شي من الكلية
http://www.qataries.net/vb/showthread.php?t=9125

لي عودة قريبة في موضوعي عن مشاركة طلاب الكلية ... لأني يأست!
وين طلاب كلية شمال الأطلنطي؟ ما نشوف حد ينتقد ؟ يقترح؟ يشتكي؟ إلا كم واحد على قد أصابع اليد ( ماقلت اليدين ، قلت يد )

[R. Al-Harami]

لك جزيل الشكر اخوي عبدالرحمن

وبالنسبة للدوحه ديبييت من سنة 2004 واحنا نحاول نقنع بعض الطلبة انهم يرحون بس للاسف اللي يشاركون قله قليلة ..
احترم رايك واقدره .. مرة ثانية لك جزيل الشكر

[Saad Al-Hababi]

قواج الله أختي على الموضوع


انا مالومهم لأنه الاغلبيه جداولهم من الصبح للعصر

وين الواحد يكون فيه نشاط انه يحضر انشطه معا هالكلاسات وغير الاسايمنتس والامتحانات


انا من محبي الانشطه ولكن جدولي مايسمح لي اني اتواجد فيها


انا دائما انتقادي للمجلس الطلابي لأنهم ترشحوا للقيام بكل نشاط طلابي ولكن ماشفناهم لافي برامج ولاحتى فالمنتديات

اللي اذكره كان متواجد كانت أختي مشاعل الكواري لما كنا فاتحين موقعنا السابق وكانت مساعدتنا بشكل جداً كبير

[Mona Al-Emadi]

قواج الله أختي على الموضوع


انا مالومهم لأنه الاغلبيه جداولهم من الصبح للعصر

وين الواحد يكون فيه نشاط انه يحضر انشطه معا هالكلاسات وغير الاسايمنتس والامتحانات


انا من محبي الانشطه ولكن جدولي مايسمح لي اني اتواجد فيها


فعلاً هذا الوضع ينطبق عالكثيرين، منهم أنا

أحاول قدر الامكان احضر انشطة الكلية، و لكن خارجها فصعب
-----------

و عندي وضع آخر غريب شوي


اقدر اقول ان نسبة كبيرة من الطلاب ما بهتمون بكل بساطة للمناظرات و الانشطة؟

و ما يشوفون لوحة الاعلانات الا مره او مرتين بالكورس!

لو كان عندي 10 بنات

و رحت سالتهم عن مناظرات الدوحة

5 بيكونون جاهلين فيها جهل تام

2 سمعوا فيها بس ما يدرون عنها اي شي سوى اسمها

ال3 المتبقيات بيكون عندهم معرفه جيدة، ثنتين منهم بيكون عندهم الرغبة بالمشاركة و لكن ما يقدرون يحضرون..

هذي مجرد نسبة تقديرية مني..



ما اقصد احبطكم

لكن هذا الي اشوفه


فنحتاج دعاية أقوى للمناظرات و برنامج لكم القرار


شرايكم وقت البريكات يتم استغلال الشاشات لعرض الحلقات؟ نوع من الدعاية للبرنامج و نحمس فيها الطلبة

نتائج الحلقات يتم ارسالها بالايميل، و شوي نتساهل و تكون بالعربي و الانجليزي

هذا الي ببالي، مجرد اقتراحات لا أكثر

[Saad Al-Hababi]

حلوه الفكره اللي قلتيها أختي منى

مب عارف ليش مايتم اسغلال هالشاشات ؟؟

معا انه بالامكان الاستفاده بشكل كبير منها

مجرد سي دي وماشاء الله الكمبيوترات فالكليه فيها سيدي رايتر يعني مابيكلفون روحهم شي !!

[Ahmed Al-Ali]

لاتعليق ....