انتقالنا لمبنى تكساس...؟!! [الأرشيف] - منتدى شبكة الطلبة القطريين

مشاهدة النسخة كاملة : انتقالنا لمبنى تكساس...؟!!

A.A.Al-Nasser

01-10-2006, 12:47 AM

السلام عليكم ورحمة الله ...

في خبر متداول هالأيام... والأحرى إنه مب شائعة.. الخبر يقول إن طلبة كارنيجي راح ينتقلون لمبنى تكساس الجديد... ما أدري طلبة تكساس... الأخبار عندكم شتقول...؟!!

أنا سمعت إن الخبر أكيد.. يمكن الاختلاف في اللي سمعته هو متى ...؟!!

يعني ناس يقولون السمستر الجاي.. وناس تقول السنة الجاية...!!

الأخبار عندكم إيش...؟!!

S.Al-Nasr

01-10-2006, 12:15 PM

انا على ما سمعت ان اول ما تكساس يسكنون بيتهم الجديد .. بسكنه وياهم .. نقعد على جبوهم
بس السؤال هو ..
ليييش احنا اللاجئين ؟!
كله قاعدين على قلوب خلق الله

Abdulrahman Fakhroo

01-10-2006, 04:58 PM

نقعد على جبوهم
بس السؤال هو ..
ليييش احنا اللاجئين ؟!
كله قاعدين على قلوب خلق الله
خخخخخخخخخخخخخخخخخ :D

يمكن لان في مشاكل بين ادارة كورنيل وكارنيجي مثل ماصار مع تكساس سابقا.. أو المبنى مايستوعب العدد :)

هذا والله أعلم

A.A.Al-Nasser

01-10-2006, 05:13 PM

الله يهداج يا خويتي.... فكري فيها بطريقة إيجابية... احنا كنا في ضيافتهم ثلاث سنين... بس كانت ضيافة إجبارية :D

تكساس... جايينكم.. !!

أخوي عبد الرحمن... والله يمكن بسبة العدد.. يعني الدفعات وايد زادت في عدد الطلاب.. وخاصة إنهم جامعتين في جامعة وحدة...

واحنا علشان نحصل غرفة ندرس فيها إدارتنا تقعد تتهاوش مع إدارة كورنيل سنة كاملة... بس لا يفرطون في هالغرفة الصغيرة...

العداء بين إدارة كورنيل وإدارة كارنيجي واضح... لكن بين الطلبة في تصالح.... بنات كورنيل يعرفون إن احنا حبايب... !! :D

A.A.Al-Nasser

01-10-2006, 05:16 PM

بس يا جماعة.. محد تأكد من موعد الانتقال...

أبي أعرف مبنى تكساس متى يفتحونه...؟!!

أنا من يوم ما كنت في الابتدائية وأنا أتنقل من مدرسة لمدرسة.. يوم وصلت الجامعة قلت إني استقريت...

لكن شكله مالي حظ ألحق على مبنى جامعتنا الجديدة.. بنتخرج وللحين ما فتحوها... :(

S.Al-Nasr

01-10-2006, 10:16 PM

أنا من يوم ما كنت في الابتدائية وأنا أتنقل من مدرسة لمدرسة.. يوم وصلت الجامعة قلت إني استقريت...

لكن شكله مالي حظ ألحق على مبنى جامعتنا الجديدة.. بنتخرج وللحين ما فتحوها... :(

كسرتـي خااااطري .. :(

Hassan Al-Ibrahim

01-10-2006, 10:18 PM

لول المشردون في الأرض ..

الله يعينكم والأفضل تسألون إدارة الجامعة عشان يعطونكم الجواب الشافي ..

A.A.Al-Nasser

02-10-2006, 07:43 AM

إيــــــه... زمن يا ناس... والله وقمنا نكسر الخواطر.... شفتي اشلون حال الزمن...!!

لول المشردون في الأرض ..

الله يعينكم والأفضل تسألون إدارة الجامعة عشان يعطونكم الجواب الشافي ..

أخوي حسن... ارحم الله والدينا ووالديك... شفت البؤساء...!!
بس ما عليه.. مقبولة منك............ اشعليك... متخرج... على قولة أخوانك... شايب :D :D

لا إن شاء الله نسأل الإدارة.. بس المشكلة ما يعطونك الخبر الأكيد في بعض المسائل... يحبون أحياناً يتركونك تايه شوي... بس إن شاء الله يوصلنا خبر أكيد...

وأنا قلت بالمرة نسأل الأخوان في تكساس.. إذا وصلهم خبر من هالنوع... !!

Ahmad Telfat

11-05-2007, 11:04 AM

السلام عليكم

هو صحيح الموضوع شوي قديم .. بس توني شايفه والله ..

عموما الأخبار اللي عندنا تقول إنه مافيه حد راح ينتقل إلى مبنانا الجديد واحنا سمعنا إنه في جامعة راح تنتقل مكانا في ال LAS Buildingواعتقد هي كارنيجي ..

A.A.Al-Nasser

18-06-2007, 10:22 AM

إيه صح كلامك أخوي أحمد... راح ننتقل لمبنى الجسر... والله يعينا على هالحال... بتكون زحححححمة من قلب.....

والله طول الشهور اللي طافت قعدنا نحاتي وين راح ندرس ووين راح نقعد...!!