الاخوان في ليدز .. سؤال؟

[Hussain Al-Hail]

السلام عليكم ورحمة الله

اخواني في ليدز .. يعطيكم العافيه


اتمنى تفيدوني باسماء احسن المساكن القريبه من الجامعه

يفضل ان يكون شقه فيها غرفه او غرفتين

ويفضل يكون قريب من الجامعه حتى لو ربع ساعه مشي

بس الكولتي جيد

ياريت تعطوني اسامي المساكن او مواقعهم في الانترنت ان وجدت

او مكتب نقدر نحصل من خلاله شقق للاجار

وياريت كذالك تفيدوني بالفنادق الجيده والقريبه من الجامعه

الي الواحد ممكن يسكن فيها اول الايام
الى حين يحصل السكن المناسب


جزاكم الله خير .

[Ahmed Janahi]

سلام عليك اخوي حسين

اما عن المساكن القريبة والجيدة في ليدز ففي كذا مكان
اول احد وهو (Aspect 14) عمارات فيها شقق حق شخصين عادتا
وممكن اتحصل شقة بس ممكن تحتاج تنتضر فترة من اسبوع الى اسبوعين اويمكن اكثر
والايجار يتراوح من 650-800 على حسب جحم الشقة واذا معاهاباركنج ولا ونفس الشي ( K2 the Cube) بس ممكن يكون اغلى.

مكان ثاني ال(The Plaza) وهذاموقعها ممتاز بس اضن انها ملايناة وصعب اتحصل مكان حق شخصين واعتقد ان تصميمها مثل السكن الطلابي وان مافيها غساله لك شقة ونفس الشي The Tannery بس اشوي بعيد

http://www.unite-students.com/ACCOMMODATION.information/Leeds/

وعندك سمارة سمعتها مش طيبة بس هو اقرب واحد حق الجامعة كلش قريبة حذفت حصي لكن ضيقة اشوي

اما عن الفنادق فاعتقد ان الجامعة يوفرون سكن مؤقت للطلاب واعتقدانه احسن من حيث التكلفة خاصة وان الموضع ممكن يطول وهذا اللنك :
http://www.leeds.ac.uk/accommodation/

وهذي لنك ممكن يكون مفيد :
http://www.leeds.ac.uk/accommodation/other.htm

على كل حال في فنادق تمشي الحال ورة الجامعة يعني يمكن بونجمة وله نص نجمة ; ) وتكلف تقريبامن 40 الى 50 باوند في اليلة انا عندي رقم واحدمنهم بس ما لي خبرة معهم ابدااا : 01132457940(44)+ Glrngarth Hotel

الله يسهل لك امرك ويوفقك ويعنك ويصبرك واذا بغيت شي لاتستحي ترانا في الخدمة

[Hussain Al-Hail]

جزاك الله خير اخوي احمد على هذه المعلومات الرائعه

بالنسبة لي الحمد لله تخرجت من مانشستر

ولكن ادور حق اخوي الاصغر مني لانه حصل قبول في ليدز

بالنسبة للفندق اخاف اخذ شي تحت 3 نجوم

الله يجزيك خير ويوفقك في غربتك

[Ahmad Telfat]

السلام عليكم أخ حسين

أخوك شكله بيروح أمريكا ويفكر جديا في الموضوع ..

عموما الله يوفقه إن شاء الله ..

تحياتي
أحمد تلفت

[Hussain Al-Hail]

عليكم السلام

مرحبا اخوي احمد

والله ياخوك ماعتقد .. لانه حصل قبول في ليدز

واتوقع احسن له بريطانيا اقرب

نتمنى التوفيق للجميع

[Yousuf Al-Mulla]

بسم الله الرحمن الرحيم

بالنسبه للسكن ياخوي كل الكلام الي قاله اخوي الجناحي صح

بس

بالنسبه للمده ياخوي فهي مب اسبوعين ؟؟؟

انت تقدر اتحصل على الشقه باجر اذا بقيت بس تدفع كاش لمده اربع اشهر او حتى مرات ستة اشهر

واذا بغيت ارقام شركات اوا ناس تقدر اتكلمهم هناك يدبرون لك شقق فانا حاضر

اخوك يوسف الملا

[Ahmad Telfat]

عليكم السلام

مرحبا اخوي احمد

والله ياخوك ماعتقد .. لانه حصل قبول في ليدز

واتوقع احسن له بريطانيا اقرب

نتمنى التوفيق للجميع


يا اخوي حسين اليوم كلمته وقال لي بيروح امريكا ...

رغم انه عنده القبول في ليدز .. والله يوفقه ان شاء الله ..

[Hussain Al-Hail]

يا اخوي حسين اليوم كلمته وقال لي بيروح امريكا ...

رغم انه عنده القبول في ليدز .. والله يوفقه ان شاء الله ..


هو قدم اوراقه لامريكا .. لكن ماجاه رد بالقبول الرسمي

مايندرى شكله حاب يدرس بامريكا اكثر

ياله ..الله يكتب الي فيه الخير ان شاء الله