ياطلبه الامارات ..^_^

[Jassim Al-Mass]

السلام عليكم ورحمه الله وبركاته

كيف حالكم يا شباب ؟

ان شاء الله بخير ؟

^_^



حبيت في هالموضوع استفسر من كم شي من

طلاب الامارات

وبالتحديد جامعه الشارقه العاديه

بعطيكم المختصر أول شي بعدين بستفسر...

^.^

تخرجت من الثانويه والحمدالله بمجموع جيد

وقدمت على جامعه الشارقه بالامارات - تخصص فنون

وخلصت كل اوراقي معاهم حتى اني دفعت مبلغ حجز مقعد بالجامعه

يعني تقريبا على كلام عميد الكليه انت تقريباً 99.9% منقبل

وباقي لي ان شاء الله تاريخ 20/8 مقابله بالجامعه ...

^_^



المهم انا ابي استفسر من الشباب اللي يدرسون هناك

عن السكن ...

الصراحه من الكلام اللي وصلني عن سكن الجامعه ومن اللي شفته

خفت والله من السكن وقلت بستفسر احسن

اول شي على الكلام اللي وصلني واللي شفته بعيني

=============================

1- كل يوم مشاكل مع بعض باللي ساكنين

2- الجو كئيب والخدمات تعبانه " مثل الحمامات الله يعزكم والمطعم "

3- في سجل حضور وغياب.,..!!

كل يوم الصبح والليل يسوون تسجيل حضور وغياب

كنه طابور بالعربي...واللي يتاخر مره يعطونه انذار

والمره الثانيه نفس الشي انذار...واذا تكرر التأخير 3 مرات

فصل نهائي من الجامعه ...!!!!

شدعوه كني في مدرسه مب جامعه

4- اذا حجزت سكن في غرفه ثنائيه مع شخص...

وهالشخص تغيب عن كورس واحد لأي ظرف من الظروف

يدفعوني فلوس غرفه فرديه بنفسي ..!!!!

5- في تفتيش كل يومين بالغرف ..!!

يعني بوجودي أو غير وجودي يدخلون ويفتشون الشنط

والاغراض وكل شي ...!!
=============================

فأبي استفسر من الشباب هل كل هالكلام ينطبق في الواقع؟

وهل تنصحوني بسكن برع الجامعه ؟

ولو كان اي وين تنصحوني ؟ يقولون الشارقه غاليه ..

وين اقرب مكان ؟؟؟



^_^


اتمنى ماكون طولت عليكم ...

واسمحولي...اول مشاركه وطلبت فيها...

نشوفكم على خير

فمان الله

:rolleyes:

[N A A]

اسمحلي اخوي جاسم مااقدر افيدك وإن شاءالله تلقى احد يدرس هناك ويفيدك..بس عندي سؤال

هل جامعة الشارقة معترف فيها عندنا؟

لأني افكر اني احول من جامعة قطر:rolleyes:

[A.O.A]

السلام عليكم, الصراحه انا ماقدر افيدكم بهالموضوع ولكن ان شاء الله حد من الأعضاء يفيدك اكــثر , بس لازم تتأكد من المجلس الأعلى إذا الجامعه معترف فيها ولا ؟ لأن على حد علمي ان الجامعات العربيه عند المجلس الأعلى مب معترف فيها !!!!! وهاذي المشكلة اللي ملعوزه الطلاب هالأيام وموفقين ان شاء الله ...

[N.A]

تم الاتصال ويا المجلس الاعلى
وقالوا ان معترف فيها
تاكد اخوي واتصل
بخصوص الجامعه انا مادري
علمي علمك لاني انا بعد جديده عليهم هالسنه

[Jassim Al-Mass]

اشكركم على الردود اول شي

وبخصوص الاعتراف

على كلام N.A اعترفو فيها

وانا اصلا كلمتهم شهر 10 اللي طاف

وقالو الجامعه يديده توها من ست سنين مفتوحه

انطر سنه وحده وبنعترف فيها ..

^_^

ومشكورين عالمرور

[Zubair AL-Janahi]

سلام عليكم ورحمة الله وبركاته

بالنسبه للسكن في الشارجه فهو نفس ماذكرت غالي نسبيا إذا ماتقارنه بالخدمات المتاحه لكن السكن اللي إنت تحتاجه هو قريب الجامعه ومن خبرتي بما إني صار لي ساكن قريب المدينه الجامعيه في الشارجه إن الاسعار تتراوح بين 35 إلى 45 ألف في السنه, أغلى سعر سمعت به كان 56 ألف لشقه غرفتين وصاله لكن اللي تبحث عنه مابيكون أكثر من 45 ألف في السنه

تبي نصيحتي, إسكن برع الجامعه ياخوك ترى أبرك لك وتاخذ راحتك أما سكن الجامعه فأنا ماجربته من أول مادخلت الجامعه