.. بشروننا عن حالة اخونا نايف وباقي الشباب ..

[Nasser Al-Emadi]

السلام عليكم ورحمة الله وبركاته

عظم الله اجرنا واجركم بوفاة اخواننا فهد وماجد

وإنا لله وإنا إليه راجعون

في هالموضوع حاب أي احد يطمني على الشباب

حسن الابراهيم

نايف المنصوري

احمد الصلاحي

ومحمد الدليمي

وخصوصاً حسن .. ما شفتك اليوم ؟

عسى المانع خير ؟


تحياتي

[Hind Ali]

السلام عليكم ورحمه الله

عظم الله اجورنا واجور الجميع بالفقيدين والله يرحمهم ويغفر لهم ويسكنهم جناته

بخصوص اخونا نايف المنصوري الحمدلله هو بحاله ممتازه كان يعاني من غيبوبه من صدمة الحادث ولكن وعى منها

ويعاني من كسور بسيطه والحمدلله على كل حال وان شاله بيرجع الدوحه هاليومين

اما بخصوص اخوانا البقيه فكلهم طيبين والحمدلله واعتقد انهم متواجدين بالدوحه والبعض متواجدين مع اخونا نايف

والله يرحمنا برحمته
انشالله افدتك وافدت كل من يسأل عن الغائبين الحاضرين بأذن الله

[Nasser Al-Emadi]

الحمدلله على كل حال

وإن شاء الله يرجعون الدوحة بالسلامة

وتسلمين اختي

طمنتينا عليهم ..

[A.O.A]

اللهم ارحمهم , اللهم امين

[Jassim Al-Naama]

السلام عليك

الحمدللله على كل حال

بالنسبة اخونا نايف فهو مثل ماتفضلت الاخ الكريمة بخير وبس كسر بسيط باليد وبيرجعون الدوحة اليوم ان شاء الله

احمد الصلاحي وحسنالابراهيم ومحمد الدليمي متواجدون مع نايف بالسعودية وبيرجعون وياه الدوحة ان شاء اللله

[R. Al_Mansori]

ان شاء الله اليوم اذا خلصوا اوراق اخوي نايف بيرجعون بالسلامة

الله يصبرهم على موت اخوانهم

والله يرحم الفقيدين ويجمعنا جميعاً في الفردوس الأعلى

[Saleh Alkhulaifi]

اختي بس تخبرينا عن نايف اول مايوصل .. واذا بيقعد فالمستشفى ولا فالبيت ..
لأن نتصلة مايرد ..

[R. Al_Mansori]

لا ان شاء الله بيرجع للبيت ويده ان شاء الله بخيــــر ومافيه الا العافية

واذا الله اراد بيرجع هو واخوانه

ونسأل الله اللطف والرحمه

والجنة بإذن الله مثوانا جميعاً (الأحياء والأموات من المسلمين) آمين

[S.J.A]

الله يرحم أخوانا فهد وماجد ويسكنهم الجنه

ويارب تشفي أخونا نايف وتقومه بالسلامه

[Ahmad Telfat]

السلام عليكم بس يااخوان أتمنى اللي يعرف رقم نايف يعطيني اياه ، والله أنا ماأعرف هذا الشخص إلا عن طريق المنتدى وقد ارتحت له كثيرا بكتاباته ..وأتذكر إنه فهد رحمه الله قال لي في يوم من الأيام لازم اعرفك علي نايف ..

[Jassim Al-Naama]

السلام عليكم

احمد

ارسلت لك رقم نايف اللحين

شوف تلفونك

جزاك الله خير

[S.A.M]

الله يقومه بالسلامة

[Abdulla Alrashdi]

السلام عليكم ورحمة الله

قبل حوالي ساعة كان أخونا نايف قد وصل إلى الحدود في طريق العودة

وبدا لي من صوته أنه بخير والحمدلله على كل حال

شفاه الله وهون عليه أثر الفاجعة

ورحمة الله تعالى أخوينا ماجد وفهد وغفر لهما وتقبلهما عنده


:: عبدالله الراشدي ::

[Hassan Al-Ibrahim]

أخونا نايف وصل للدوحة بسلامة و إن شاء الله اليوم بيحضر عزا الشباب بعد صلاة العصر

[Zubair AL-Janahi]

الحمدلله على سلامة الشباب وعسى ربي يحفظ لنا شبابنا ويتغمد من توفى منهم برحمته ويجعل مثواهم فسيح جنانه

[A.O.A]

الحمد الله على سلامته ,, اللهم ارحم فهد وماجد ,, اللهم امييييييين

[M.M.N]

الحمدلله على سلامته
والله يرحم فهد و ماجد و يغمد روحهم الجنه
اللهم آمين