اقتراحات لمساعدة الجفيري والحمر...

[J.H.Al-Qahtani]

اخواني........واخواتي......

فهد الجفيري و ماجد الحمر محتاجينا الحين اكثر من اي وقت مضى.....فلنكثر لهم الدعاء والصلاة عليهم و القيام بالأعمال الخيريه....

هذا اقتراح حصلته في منتدى العنابي...وعجبني وحبيت اشاركم فيه.......


الأقتراح هو قراءة جزء من القران واهداء اجر قراءة هذا الجزء لماجد الحمر وفهد الجفيري

واذا قام بهذا العمل 30 شخص سيصله اجر قراءة ختمه كاملة من القران له وان شاء الله يصله اجرها

العمل بسيط فقط في يوم واحد يمكنك فعله 5 صفحات ذات الوجهين قبل او بعد كل صلاة سينتهي الجزء بإذن الله بعد صلاة العشاء




اتمنى انكم ماتقصرون في حق اخوانا..........


جوهرة قطر

[Hamad Al-karani]

اقترح بعد ان احنا نتصدق ونهدي ثواب الصدقه لهم ( بالنيه )

[S.J.A]

السلام عليكم ورحمة الله وبركاته



أكيد إختي هذا واجبنا إتجاه إخوانا

والله الله بالدعاء لهم بالرحمه والمغفره

اللهم إرحم فهد وماجد

اللهم يمّن كتابهم وهوّن حسابهم وليّن ترابهم وألهمهم حُسن الجواب

وطيّب ثراهم وأكرِم مثواهم وإجعل الجنة مستقرهم ومأواهم

اللهم آمين

[A.O.A]

الله يرحمهم يااااااااااااااارب

[M. Al-Sulaiti]

جزاج الله الف خير


والله يرحمهم

[Hind Ali]

الله يجزيك الف خير اختي الكريمه

وخير مساعدة لهم

الله يرحمهم

[Jassim Al-Naama]

السلام عليكم ورحمة الله وبركاته

جزاج الله خير اختي

باذن الله الجزء الثاني علي

ياشباب .. همة .. كلها جزء واحد من القرآن نرحم فيه اخوننا رحمهم الله واسكنهم فسيح جناته

[Mohammed Nadom]

:
.
بخصوص القران ان شالله ما بنقصر
:
.
بس عندي اقتراح ثاني
وهو نسوي اشرطه او سيديات قران او اللي تقترحونه
باسم كل من فهد وماجد ... الله يرحمهم
:
.
شرايكم !؟

[N.A]

السلام عليكم
ماشاء الله عليكم احيي فيكم هالروح الطيبه
بس هالشي بدعة والله اعلم
وتفضلوا بزياره هالرابط
http://www.ibnbaz.org.sa/index.php?pg=mat&type=fatawa&id=1998

[S.A.M]

جزاكم الله كل خير...

مادري جاني اقتراح لو نكفل يتيمين عنهم...فيتفاجؤون يوم القيامة بيتيمين ينادونهم ..بـ "يبه" لان عمرهم ما سمعوها في الدنيا ..

[J.H.Al-Qahtani]

انا عجبتني فكرة اختي S.A.M

بتكون صدقة جاريه....وفايدتها اطول و اعظم...... بس شلون راح انطبقها....ياريت لو اخوانا واخواتنا يفيدونا برايهم على هالإقتراح.........

انا عن نفسي مستعدة باللي تبونه.....

[Nasser Al-Emadi]

ابشركم ان شاء الله راح يكون هناك مشروع

والتفاصيل بتسمعونها بعد أيام ..

[M. M. Al-Tamimi]

جزاكم الله الف خير والله يرحمهم ويرحمنا برحمته.........

[Noor.N.Al-Noaimi]

تسلمون وجزاكم الله كل خير وانا مستعده بس انا توني جديدة وابي اعرف لو بتسوون شي اشلون اساعدكم واتواصل معاكم..
اما على القران فابشروا بالخير..

[R. Al_Mansori]

قبل لاتحط التفاصيل اخوي ناصر

انا عندي اقتراح ثاني

كل اللي قلتوا ان شاء الله بنسويه لكن قبل كذا انا شوري انكم

بالأول تشوفون اخواني فهد وماجد الله يرحمهم اذا مديونين نسدد لهم ديونهم
لأن الروح تكون معلقة ومايدخل الجنة اذا كان عليه ديون

فرايي حنا كلنا نجمع ونساعد اهاليهم كان عليهم ديون

فياليت من كل واحد يقدر يجيب لنا معلومات ان كانوا مديونين او لا ونساعدهم

وهذا رايي..وانا مستعده ان شاء الله وهلي بعد

ويعطيكم العافية

[RRR]

ياجماعه الخير انا احيي فيكم نواياكم الصالحه اتجاه الففيدين ماجد الحمر وفهد الجفيري ولكن اقتراح قراءه القران باسمائهما بعد سؤال رجال الدين لايجوز ولا يصل لهما والذي يصل هو الصدقه الجاريه والدعاء وكفاله اليتيم والحج عنهما والله اعلم اما قراءه القران وختم لهما لايصل لهم وهذا تاكدت منه شخصيا من بعض شيوخ الدين والله اعلم احببتت فقط ان اوصل لكم المعلومه التى وصلت لي فلا تبخلو عن اخواننا بالدعاء والتصدق اذا ممكن .

الله يرحمهم ويغمد روحهم الجنه اللهم اميييييييييييييييييييييين

[J.H.Al-Qahtani]

مشكورة اختي على التوضيح...جزاج الله الف خير.....

ياريت اخوي ناصر يقولنا عن المشروع اول مايجهز....

جزاك الله الف خير...

[S.A.M]

السلام عليكم

على فكرة قرأت في احد المنتديات ان هناك مشروع وقفي للفقيدين

ممكن تكلمون ماجد الانصاري بقطر الخيرية...هو المسؤول عن المشروع كما ذكر

حاولت الاتصال مراراً لكن محد يجاوب...فإذا حد عنده فكره عن رقم الاخ ماجد المباشر يسوي فينا خير