,, تقرير أول مناظره طلابيه في الجسر الأكاديمي ,, [الأرشيف]

مشاهدة النسخة كاملة : ,, تقرير أول مناظره طلابيه في الجسر الأكاديمي ,,

S.J.A

11-06-2006, 06:28 AM

بسم الله الرحمن الرحيم

السلام عليكم ورحمة وبركاته

بعد طول إنتظار أطرح لكم تقرير أول مناظره لطلاب الجسر الأكاديمي

وطبعاً في البدايه أعتذر عن التأخير إللي حصل ولكن كان خارج عن إرادتنا لأن بعد ماجهزنا وخلصنا كل شي للتقرير

لقينا معارضه من بعض الطلاب والطالبات بعرض الصور والفيديو .. وطبعاً إحنا نحترم رايهم ورغبتهم

وأنا ماكان عندي غير الصور إللي هم ظاهرين فيها فراسلت مستر ماثيوز عشان يزودني بالصور إللي عنده وهو ماقصر مشكور

:rolleyes:

طبعاً في البدايه .. إعلنوا المشرفين عن مناظره طلابيه راح تصير في الجسر وإللي حاب يشارك فيها يترشح

وبعد ماتم الترشيح من قبل الطلاب تم عرض الأفكار والمواضيع إللي ممكن يتناقشون فيها في المناظره

وآخر شي إختاروا موضوع

Gender Segregration in Qatar

http://img162.imageshack.us/img162/6554/untitled1copy1vf.gif

بعد ماإختاروا الموضوع بدى كل فريق يتدرب على إللي راح يقوله بالمناظره

وقبل المناظره بثلاث أيام تم الإعلان عنها في الإنترنت وتوزيع بوسترات في الجامعات

وتم تصميم بوسترين

هذا البوستر الأول

http://img113.imageshack.us/img113/2130/debate24xy.jpg

وهذا الثاني

http://img240.imageshack.us/img240/6060/abpdebatecopy9bc.gif

في يوم المناظره قللوا من عدد ساعات الكلاسات عشان يخلصون الساعه 11 وتبدى المناظره الساعه 11 ونص

بدايه بدى الطلاب والطالبات والزوار الدخول لقاعة الـ LRC والحمدلله كان الحضور كبير

إفتتح مستر جون إيدلوت المناظره بكلمه ألقاها وبعده مسس محاسن

http://img86.imageshack.us/img86/9590/im002967copy9eo.gif

وآخر شي مسس ماجده روسترون

وقدمت كل المشاركين في المناظره .. وهم :

Moderator: الوسيط

سعود القصيبي

Proposition: التأييد

محمد آل ثاني
ضحى المير
سحر سعد
مها الخاطر

Opposition: المعارضة

نايف الكعبي
محمد العطيه
علي الأنصاري
حمد المناعي

Organizers: المنظمين

تماضر الخليفي
شريفه النصف
سميه آل حرم
مريم الأنصاري
حمد العبدالله

Advisors: المشرفين

Mr. Gene Bilodeau
Mr. Chris Evans
Ms. Magda Rostron
Ms. Lorna MacPhail
Ms. Nadin Malcolm

http://img90.imageshack.us/img90/2699/untitled2copy7qu.gif

في البدايه تحدث الوسيط سعود القصيبي ورحب بالموجودين وطلب من الجميع إحترام وجهات النظر المختلفه وعدم التطرق للدين الإسلامي في موضوع المناظره

بدى فريق التأييد في طرح وجهات النظر وليش هالفريق مع الإختلاط
والمتحدثين هم محمد آل ثاني وسحر سعد

وبعدها بدى فريق المعارضه والمتحدثين كانوا نايف الكعبي ومحمد العطيه

طبعاً الحوار كان مره متحدث من فريق التأييد ومره من فريق المعارضه

بعدها بدت فترة الأسئله من الجماهير والتجاوب كان كبيييير وكانت أحلى فقره صراحه

http://img98.imageshack.us/img98/2953/copy20of20im002976copy1so.gif

http://img136.imageshack.us/img136/8421/im002975copy9ua.gif

http://img139.imageshack.us/img139/5753/im002976copy7lk.gif

الأسئله كانت حلوه والتجاوب أحلى بس للأسف كانت الفتره قصيره وايد وكان الحوار أكثر من روعه

وطبعاً كان في إحتجاج من الحضور لأن كان ودهم يتطرقون للدين لأنها قطر دوله مسلمه ويحكمها الدين الإسلامي فشي طبيعي الدين له أثر في هذي القضيه

بعدها ختم كل فريق بوجهة نظره ومن فريق التأييد ضحى المير وفريق المعارضه علي الأنصاري

آخر فقره كانت التصويت وصوت الجمهور للفريقين

http://img114.imageshack.us/img114/4125/im002982copy4xx.gif

وفاز فريق المعارضه بـ 108 أصوات مقابل 81 صوت لفريق التأييد

الفريقين سووا اللي عليهم وماقصروا وأهم شي مب الفوز وإلا الخساره أهم شي كسبنا هذا الحضور الكبير وأهم شي التجربه الحلوه

; )

Special thank for:

Dr. John R. Aydelott (Academic Dean)
شكر خاص للعميد د. جون ايدلوت

Doha Debate Producers: Ms. Ali, Ms. Tanya and Ms. Madhawi
لمنتجي مناظرات الدوحة: آلي وتانيا ومضاوي

Mr. Tim Sebastian the Doha Debates Moderator:
ولمقدم مناظرات الدوحة السيد تيم سباستيان

والشكر موصول لمستر ماثيوز على الصور

:o

وأتأسف للمره الثانيه على التأخير

شكراً على المتابعه

:)

S.J.A & شريفه النصف

S.J.A

11-06-2006, 06:35 AM

في هذا الرد بتكلم عن رايي الشخصي في المناظره

كبدايه .. شغل مرتب وحلو

إختيار الموضوع كان موفق وفقرة الحوار والأسئله كانت روعه

الحضور .. أنا عن نفسي إنصدمت من عدد الحضور القاعه كانت مليانه وغير الطلاب والطالبات في ناس شرفونا من برع

تجاوب الناس مع المناظره كان قوي

وكبدايه أكيد في أخطاء تصير وطلاب السنوات الجايه راح يستفيدون منها عشان يتفادونها في المستقبل

من الأخطاء إللي صارت ،،

1- مشكلة الصوت المايكات كان فيها مشاكل فنيه بسيطه ولكن تغلبوا على هالمشاكل بعدين

2- الفتره كانت صغيره بالنسبه لقضيه مثل هذي وإللي الكل كان حاب إنه يشارك برايه

3- كان في شوية لخبطه أثناء فترة التصويت لأن في ناس تلخبطوا .. كنا كاتبين في الأوراق For Against ..

بس إللي صار وتلخبطوا فيه إنهم مب عارفين هل الـ For مع الإختلاط أو مع فصل الجنسين ! وهنيه سبب شوية لخبطه

كلمه أخيره

أشكر إدارة الجسر الأكاديمي إللي أتاحت لنا الفرصه في المشاركه في هذي المناظره إللي أعتبرها تجربه إستفدت منها الكثير

وأشكر كل من شارك لإنجاحها

:)

Abdulrahman Fakhroo

11-06-2006, 06:39 AM

Abdulrahman Fakhroo

11-06-2006, 06:40 AM

For Against :D
هممم.. حتى انا مب عارف :confused:

هل يعني ان نسبة التصويت.. خاطئه؟

For Against ?? وتقولون لي استفدنا من الجسر باللغه P:

S.J.A

11-06-2006, 06:59 AM

جزاج الله خير على التقرير الرائع

مااستغرب من منع استخدام الدين الاسلامي لانهم يدرون الدين ضد.. لكن الهدف هو النقاش لا غير

كنت اتمنى لو تم وضع على الاقل وجهة نظر ليش الطلاب كانوا مع؟ وليش منهم كانوا ضد؟

يعني اقصد ماهي الاحاجيج والأدله الي استخدموها في التمسك برأيهم؟

وشكرا

ويجزاك أخوي عبدالرحمن

لا بالعكس هم ماتطرقوا للدين لأن الدين يجزم إن الإختلاط مب حرام .. فهم قرروا يناقشون هالموضوع من منطلق العادات والتقاليد

أنا ماأحط بذمتي إذا كان الإختلاط حلال أو حرام .. ولكن بالصدفه يوم الجمعه إللي كان قبل المناظره .. ألقى الخطبه الشيخ الدرهم

وتكلم عن موضوع الإختلاط وذكر إنه مب حرام

:)

وعن وجهات النظر أنا كان ودي أزودكم بالتفاصيل الكامله بس الكلام إللي إذكروه مب عندي

ولكن بذكر لك بإختصار كل فريق ووجهة نظره

فريق التأييد

يأيد الخلط بسبب إنه يدخل في تطور الدوله والمجتمع ككل .. وإن المجتمع مب بس رجل .. المجتمع يتكون من رجل وإمرأه

والمفروض مايقتصر دور المرأه على المنزل وشؤونه .. لا .. المفروض تخوض مجال العمل والدراسه في بيئه مختلطه

وإللي يتفقون عليه هو إن البيئه المختلطه تساعد أكثر على فهم طبيعة الرجل وطبيعة المرأه أكثر .. ولكن بحدود طبعاً

فريق المعارضه

وجهة نظر فريق المعارضه تركز على العادات والتقاليد .. ويشوفون إن الأفضل عدم خلط الجنسين ..

لأن من عاداتهم وتقاليدهم إللي إنشئوا عليها هو إن الجنسين لازم يكونون مفصولين تماماً

ومن رايهم إن الأختلاط أمركه لمجتمعاتنا ونسخ للحضاره الغربيه والمفروض نكون مستقلين بحاضرتنا وعاداتنا وتقاليدنا الخاصه فينا

لذلك مايشوفون أي داعي للخلط

:)

هذي بإختصار وجهات نظرهم إللي إنطرحت في المناظره

يعطيك العافيه أخوي ومشكور على المشاركه

:)

S.J.A

11-06-2006, 07:03 AM

هممم.. حتى انا مب عارف :confused:

هل يعني ان نسبة التصويت.. خاطئه؟

For Against ?? وتقولون لي استفدنا من الجسر باللغه P:

والله ماأدري يمكن ماتكون خاطئه في حالة إن الكل عارف شسالفه بالضبط وكيفية التصويت

يمكن تكون النتيجه نفسها

:)

For or Against

=

مع أو ضد

:D

وعن إستفادتي في الجسر أنا ذكرت ماكانت كبيره وحتى موجود كلامي بالموضوع اللي موجود بالقسم

:rolleyes:

Abdulrahman Fakhroo

11-06-2006, 07:05 AM

أنا ماأحط بذمتي إذا كان الإختلاط حلال أو حرام .. ولكن بالصدفه يوم الجمعه إللي كان قبل المناظره .. ألقى الخطبه الشيخ الدرهم

وتكلم عن موضوع الإختلاط وذكر إنه مب حرام
:)
جزاء الله على الرد السريع :)

بس تنويه بسيط ولا اريد ان اغير هدف الموضوع

لكن الشيخ الدرهم.. صار له Brain Wash

وعن إستفادتي في الجسر أنا ذكرت ماكانت كبيره وحتى موجود كلامي بالموضوع اللي موجود بالقسم
هع هع صادوني :D

S.J.A

11-06-2006, 07:08 AM

جزاء الله على الرد السريع :)

بس تنويه بسيط ولا اريد ان اغير هدف الموضوع

لكن الشيخ الدرهم.. صار له Brain Wash

من إللي غسل له مخه!!

:rolleyes:

بعدين سواء كانوا مسوين له غسيل مخ او لا .. من وجهة نظري الشخصيه أشوف إن الإختلاط عادي لو كان كل واحد ملتزوم بحدوده

خصوصاً إن على أيام الرسول عليه الصلاة والسلام كانوا مختلطين ببعض ولكن بحدود !

:)

Yousif Ameen

12-06-2006, 04:53 AM

وعليكم السلاام ورحمه الله وبركاته،،

يعطيج العافية اختي S.J.A على التقرير الحلو،، بس مو كأنه مختزل وااايد :confused:

انزين انا عندي رايي يرضي الجميع :rolleyes:،، ليش ماتحطون التسجيل الصوتي للمناظره!! :D

S.J.A

12-06-2006, 04:59 AM

السلام عليكم ورحمة الله وبركاته

الله يعافيك أخوي يوسف

والله للأسف ماعندنا تسجيل صوتي للمناظره .. حتى الفيديو لما خذناه من إدارة الجسر الصوت ماكان واضح فرجعناه لهم

:)

Yousif Ameen

12-06-2006, 05:07 AM

عيل خيرها في غيرها للي ماحظر :)

Meshaal Al-Sowaidi

05-08-2006, 02:05 AM

S.Al-Nasr

05-08-2006, 04:06 PM

يعطيكم الف عافيه , ما شا الله نشاطكم روعه
و موضوع المناظرة حلو

عقبال المناظرات الثانيه :)

L.A.M

09-08-2006, 12:46 AM

وعدم التطرق للدين الإسلامي في موضوع المناظره
توقعت السبب من منع التطرق للدين الإسلامي بالمناظره هو لأن مثل هالمواضيع الامه و الفقهاء هم الي يستطيعون يتكلمون فيها و يفتون..

شكل المناظره كانت ناجحه و تونس

شكراا على التقرير

S.J.A

22-08-2006, 04:09 PM

Absolutely i'm voting Against

they banned Islam from the debate coz they knew that Islam object it.

what is astonishing me that we r traditional muslims, and Islam playing a main part in our daily life, why the student didn't object of banneding Islam from the discussion !! Islam is the main reason in this meeting! coz we have the idea of gender segregation from Islam. unless we revert from islam to Kufur and disbelieving otherwise we cannot banned it!. it's not like christianity or judaism!

Islam means submitting our wills and behaviours to Allah.

I think this is a starter to made the idea of "banneding islam" easy to us !! I hope that we won't hear Qataris in the future voting for banneding Islam from the law and our daily life !! it starts here but Allah (SWT) who only knows where it will end up.

Allah Yaster

السلام عليكم ورحمة الله وبركاته

أخوي مشعل .. قبل مايصير الدبيت كلنا إجتمعنا وكنا نبي نتطرق للاسلام بهالموضوع

إللي صار .. كل الموجودين إنقسموا لفريقين

فريق يقول الاسلام محلل الخلط .. وفريق يقول لا الاسلام محرم الخلط

إحنا كنا 10 بس وصارت فوضى والكل يقول محرم ومحلل .. فتخيل هالموضوع ينطرح بالدبيت! وإحنا ناس ماعندنا خلفيه دينيه

فماعتقد يجوز نحرم ونحلل على كيفنا .. فقررنا مانتطرق لموضوع الإسلام وننظر للموضوع من وجهة نظر العادات والتقاليد

وأنا بالعكس أشوف إنه قرار صائب .. بعدين في مشايخ وعلماء دين يقولون إنه حلال وفي مشايخ يقولون إنه حرام

فالواحد مايدري وين الصح ووين الغلط .. فإحنا كطلاب مب مأهلين نتكلم في هالموضوع من الناحيه الدينيه :)

ومشكور على ردك أخوي ..

S.J.A

22-08-2006, 04:13 PM

يعطيكم الف عافيه , ما شا الله نشاطكم روعه
و موضوع المناظرة حلو

عقبال المناظرات الثانيه :)

الله يعافيج .. مشكوره على ردج :)

S.J.A

22-08-2006, 04:14 PM

توقعت السبب من منع التطرق للدين الإسلامي بالمناظره هو لأن مثل هالمواضيع الامه و الفقهاء هم الي يستطيعون يتكلمون فيها و يفتون..

شكل المناظره كانت ناجحه و تونس

شكراا على التقرير

بالضبط هذا إللي أقصده

والعفو لاشكر على واجب .. :)