وداااااااااااااااااااااااعاً يا طارق ):

[Yousuf Al-Mulla]

بسم الله الرحمن الرحيم

في البدايه انا عضو جديد على المنتدى وهاي اول موضوع لي في المنتدى وحبيت انه يكون بدايه لي والموضوع عن شخص عزيز وبنفتقده وايد وايد في ليدز وهو طارق الساعي :) (بوعبدالله)

طارق يعتبر عميد ليدز لانه الاقدم فينا في ليدز ولكن هاي مو السبب الوحيد الي خلاني اعتبره العميد .... انا اعتبرته العميد لانه كان اكثر من صديق..... كان الاخو في بعض الاحيان وكان الابو في الاحيان الثانيه وكان في الاوقات الصعبه موجود , كان يجمعنا دايما في ليدز على الحلوه والمره , كان يحب دايما الخير لغيره وحزات يفضلهم على نفسه

المهم

طارق ترا بيتخرج هالسنه من ليدز وتخصصه علوم سياسيه مثل ابوه على ما اظن (يعني هذا الشبل من ذاك الاسد) بس الاهم انه بيبدا في بناء نفسه وبناء مستقبله وبناء بلاده مثل ما اشعل او شمعه في لقطرييز في بريطانيا

المهم ما اطول عليكم بس كنت ابي اقول اني ابي اهني طارق الساعي على كل الي سواه في ليدز واقوله اني بشتاق له ولغشمرته الحلوه ولقلبه الطيب ولقهوته المره :p والصراحه انا احسد البنت الي بتاخذه :p لانها بتاخذ شخص عظيم

واخيرا اقول = اسمحلنا طارق على الاقصور واذا في يوم حسيت انه احنا غلطنا عليك :cool: والله يوفقك دنيا واخره

اخوكم يوسف الملا

[Turki Al-Ahbabi]

قليلة في حق بوعبدالله هذه الكليمات

لكن ما قصرت أخوي بويعقوب

و إن شاء الله فيكم الخير و البركة و تكملون اللي بدأه بوعبدالله

و يستاهل بوعبدالله

[Khalid Al-Mulla]

هلا والله يوسف

مثل ما قال بوفارس قليلة هالكلمات في حق بوعبدالله
:)

والنعم فيه من عرفناه وما شفنا منه إلا كل خير
:)

وما قصرت يا بويعقوب على هالكلام الطيب وإن شاء الله انتوا تواصلون المسير بإذن الله
:)

[Abdulla Al-Fayhani]

السلام عليكم ورحمة الله وبركاته ..

في البداية .. لي تعقيب بسيط على العنوان الي حاطه يابوعبدالرحمن على الموضوع .. ياحبذا << ركز على يا حبذا :D .. لو كتبت إلى اللقاء يا طارق :) اعتقد بتكون افضل من ودااااااعا .. لان وداعا تعني ان اللقاء صعب يتجدد .. اما إلى اللقاء فتعني انه من الممكن ان يتجدد اللقاء <<< سيبويه مب عبدالله الفيحاني :D :D

وثانيا .. احب اشكرك على طرح هذا الموضوع .. وبوعبدالله يستاهل والله كل هالكلام واكثر .. وانا ما احب اعيد واكرر كلام قلته من قبل في حق بوعبدالله .. اعتقد هو يعرف معزته وغلاته عندي .. بس في عباره وحيده تلخص الكلام الا وهي " طارق الساعي رجل .. والرجال قليل " ; )

وما احب اطول عليكم ..

والله يحفظك ويوفقك يا طارق وين ما كنت .. وابشر ترى الي قمت فيه في ليدز مشكورا راح يكتمل انشاء الله << انت فاهم قصدي يا بوعبدالله; ) ; )

وتقبلوا تحياتي ..
اخوكم / عبدالله الفيحاني:)

[Abdulla Al-Malki]

بيض الله وجهك اخوي بويعقوب على الموضوع اللي اكيد يحكي مشاعر طلاب ليدز بكبرها لهذا الشخص (طارق الساعي ) ..

على العموم لي عوده باذن الله في موضوع ثاني بعد ظهور النتائج وتخرج اخونا طارق الله يزوجه :) ..

اخوكم عبدالله المالكي

[Hassan Al-Ali]

مشكور يا بو يعقوب عالموضوع
.
.
.
.
.
ويا بو عبدالله هذي اول مشاركه لي
كله علشانك بس :)
عاد ما قلتي متى العرس ؟؟ في س***ي ولا لا :p
هههههههههههههههههههههه


تستاهل يا بوعبدالله و عقبالنا انشالله

[Nasser Al-Saadi]

اووووب يا بوعبدالله قام سوقك :D

صاير Limit Up

[Yousuf Al-Mulla]

مشكورين يا الربع على المرور الحلو :D

كلماتي الي وضعتها في هذا الموضوع هي كلمات اقل ما تقال عن شخص عظيم

طارق على كثر ما انا مستانس انه بيتخرج على كثر ما انا حزين اني بفتقده السنه الجايه وبنتقد نصايحه (((يوسفوه لا اتسوي جذي ويسفوه سوى جذاك بكون احسن))) كلمات ونصايح بتفيدني في ليدز وفي حياتي ان شاء الله

المهم اتمنى من كل الي يحبون هالشخص انهم يشاركون في الموضوع

وفي النهايه مبروووووووووووووووووووووووووك لكل المتخرجين

[Tareq Al-Saei]

السلام عليكم ورحمة الله ....


اخوي العزيز يوسف الملا ...

الصراحة ما أجد ما اعبر عن مكنونات شعوري ... ولو المعزه بالكلمات كان مليت المنتديات كلها كلام بالمعزه لك ولشباب ليدز ... لكن الله يعلم بالقلوب وان شاء الله الافعال هي اللي تعبر عن هالمعزه ...

الله يعطيك العافية على هالكلام الطيب وما خبرت منك الا الطيب ... وما كان له داعي تنزل موضوع في المنتدى وتكفيني دعوة منكم في ظهر الغيب وتزيدني بعد ... الله يرحم والديك يا بويعقوب ومثلك ما ننساه :)

بوفااااااااااارس ... اول فلات ميت لي في الغربة ... أشكر مرورك الرائع وتعقيبك الجميل ... وان شاء الله شباب ليدز ما يخيبون الظن ابداً


بوالوليد ... ونعم بحالك ... وما شفنا منك الا بياض الويه يا بووليد ... وترى الشباب يبالغون في المدح وايد وانا ما استحق كل هاي ...


عبدالله الفيحاني ...

وعليكم السلام ورحمة الله وبركاته ...

بخصوص تعقيبك ... اكيد ان شاء الله بيكون في لقاء ولقاءات بعد ... واذا في حد محتاج حق هاللقاء فهو انا ... الله لا يهينك يا بوعابد ... وانت تعرف غلاك عندي ... وانا والله ما جفت فيكم الا الخير والصدق ... وان شاء الله ما يبقى الا الحب والمعزه اللي ماليه القلوب ... الله يوفقك يابوعابد وين ما كنت ويسر امورك ... وانا كلي يقين باللي قلته عن ليدز ... وانتو رجال قدها وقدود :)


عبدالله المالكي ...

الله يرحم والديك على مرورك ... ودعواتك للدرجات ... الله كريم ان شاء الله ... والله يعطيك الله تمناه

بوعلي ...
الله يعطيك العافية على مرورك ومشاركتك الاولى ... وابشرك دام بتحضر افا عليك اللي تبي موجود وزيادة هههههههههههههههههههههههههههههههههههههه
يالله حبيبي ونشوفك في الدوجة

سعداوي ... اسكت ياريال ... وهقوني الشباب والله ما عرف شارد ... الله يوفقك بعد انت في لندن

يوسف ...

والله ما قصرت ... والله يخس بليسك احرجتني ...
وان شاء الله نردها لك قريب :)

تحياتي للجميع

[Yousuf Al-Mulla]

من القلب للقلب مني ومن كل شباب ليدز كلمتين انوجهم لك

"طارق الله يوفقك دنيا واخره "

بس عاد لا تنسانا اذا اشتغلت وتز ..............
((الظاهر اتخطط الحين)) خخخخخخخخخ اتغشمر

اخوك يوسف الملا

[Rashid Al-Hajri]

السلام عليكم و رحمة الله و بركاته

طارق الساعي يستاهل كل خير ،، عرفته في كاردف يوم ماكانوا يدرسون سنة الفاونديشن مع تركي الاحبابي ، الله يوفقهم في حياتهم جميع و من يقرا ما سطرته بالكيبورد.

أخوي طارق يطرا عليك park place في كاردف:)

راشد