مانشستر وليدز .. ممكن تساعدوني في إتخاذ قرار !

[S.J.A]

السلام عليكم ورحمة الله وبركاته


أخواني وخواتي الطلبه في مدينة مانشستر وليدز

عندي قبول من الجامعتين الحمدلله بس محتاره أختار أي جامعه

التخصص إللي إخترته البزنس

بس أكيد إذا بختار جامعه لازم أحط بعين الإعتبار طبيعة المدينه والناس إللي فيها

وإذا تصلح للطلبه وإلا لا .. وإذا آمنه أو لا .. وخصوصاً إني بنت ولازم آخذ إحتياطي بهالأمور أكثر

طبعاً مانشستر فيها المطار ومن ناحية الـ facilities كل شي متوفر فيها

فيها عرب وهنود وباكستانيين وصعب إني ألقى فيها سكن بسهوله

والجامعه معروفه وعريقه وقويه بنفس الوقت

أما ليدز فيها عرب وآمنه بس الشعب متعصب ومدينه هاديه وحلوه للدراسه


هذا إللي سمعته من الناس إللي راحوا للمدينتين

ماأدري هل الكلام صح أو غلط!

ووين تنصحوني أروح ؟


مشكورين مقدماً

:)

[Ali Al-Rumaihi]

السلام عليكم ورحمه الله وبركاته

أنا طالب في مانشستر وبصراحه مانشستر أعتبرها مدينه مثاليه لكن اللي يميز ليدز هو شعبها الطيب من القطريين وبتلاقين فيها ناس أكثر وبنات أكثر

لكن هنا مانشستر الستي مالها بصراحه من اللي شفته أحلى من ليدز ومثل ماقلتي فيها مطار وثالث شي فيها أكبر المجمعات في أوروبا الجامعه قويه جدا و تنوي أنها تكون من التوب5 على العالم في السنين الجايه.

هذا رايي من مانشستر لكن بيني وبينج أحسن شي تسوينه أنج تصلين الإستخاره وتتوكلين على ربج وتشوفين وين قلبج يرتاح وعسى ربي يوفقنا

[Sultan Al-Kuwari]

السلام عليكم أختي ..

أنا طالب في ليدز .. وادرس بنزنس .. الصراحة انا عن نفسي مرتاااح جدا لاني اخترت ليدز .. لانها صج مدينه حلوه وهاديه .. وحلوه باهل قطر اللي فيها ..

وبالنسبة للتعصب .. الصراحة مافي شي من هذا ..

وبالنسبه للدراسه .. انا خلصت الحين فاونديشن .. وفعلا الدراسة حلوة وسهله .. يعني ما فيها اي ضغوطات .. والحمد لله .. درجاتي كلها ممتازه .. مع ان دراستي معتدله ..

ناخذ رياضيات وانجليزي ومقدمة اقتصاد ..

البزنس سكوول عندنا .. ووايد حلو وجديد ..

وانصحج انج تسألين البنات اللي عندنا يدرسون في ليدز بزنس عن تجربتهم .. تقريبا معانا ست بنات يدرسون بنزنس ..

وبالنسبة للمطار .. احنا نجي على ما نشستر .. وتاكسي ساعه ونص او ساعتين .. يوصلنا ليدز ..

هاي اللي اقدر اقوله عن ليدز .. واتمنى الاخوان في ما نشستر يفيدونج عنها ..

واسمحيلي على القصور ..


وانا حاضر لأي اسئله ..

..

والسلام عليكم ..

[NMN]

elsalam 3alaikm o ra7mat allah

sis.. i'm studying in Manchester.. all i can tell u is that it is v. nice and there are a lot of girls that u can meet and be friends with.. so don't worry about the social life

and as it was clarified by Ali, it's one of the best universities, which means it's tough and needs focusing..

the question now is , r u capable of handling the hard work and the essays that u'll get later in the course.


after all.. i'm sure if u decided to study abroad u have the intention of doing ur best... ; ) i'm sure u can do it

u can ask me anything u want and i'll put my email in the womens' lounge

urs,
nmn

[S.J.A]

السلام عليكم ورحمة الله وبركات

أخوي علي الرميحي

مشكور على ردك

وحبيت أسأل هل السكن في مانشستر ألقاه بسهوله ؟

لأن مثل ماإنت عارف الفاونديشن يكون في city college manchester وبعدين لما أبدى التخصص يتغير المكان

فماأعرف هالمكانين قراب من بعض وإلا لا ؟

يعني راح أضطر أغير السكن ؟ لأني أبي أشوف لي سكن قريب الجامعه ..

===

أخوي سطان الكواري

سؤالي لك هو نفس الشي عن السكن .. ألقى سكن بسهوله قريب مبنى الجامعه ؟

وتسلم أخوي ماقصرت على ردك

===

أختي NMN

أكيد مستعده إن شاء الله للكرف :D

لأن أكيد مافي شي إيي بسهوله

:rolleyes:

وأنا راح آخذ إيميلج وبضيفج عندي .. أكيد عندي إستفسارات ثانيه وحابه ألقى لها جواب

تسلمين يالغاليه



وجزاكم الله خير جميع

:)

[Abdulla Al-Naimi]

بسم الله الرحمن الرحيم
السلام عليكم و رحمة الله و بركاته
أختي S.J.A
السكن في لييدز متوفر و أغلب البنات ساكنين في سكن بينه و بين والجامعه شارع واحد بس
و فيه طبعاً أماكن كثيرة للسكن غير هذا المكان

و لو فيه أي إستفسارات ثانيه
بإذن الله نقدر نجاوب عليها

سلام عليكم و رحمة الله و بركاته
عبدالله بن محمد النعيمي
مندوب بريطانيا في لجنة قمم،
لجنة العلاقات العامه في إتحاد الطلبه القطريين في لليدز

[S.J.A]

وعليكم السلام ورحمة الله وبركاته

مشكور أخوي عبدالله على التوضيح

جزاك الله خير

:)

[Ahmed Janahi]

السلام عليكم

انا ماعندي اضافة بس نقطة ممكن اتكون مفيدة
انا سمعت انه
في بعض الشباب اللى كانوا يدرسون فاونديشن في مانشتر السنة اللى راحت صارت لهم بعض المشاكل بعد ما خلصوا السنة اضن لان الجامعة طلبت منهم ILES 5 او5.5

أما ليدز تشطرط B في كل المواد اللى تندرس في الفاوندشن وبعدين تلقائين تحولين لدراسة السنة الاولى وما يكون في اعتبار للغة

هذا الكلام سمعته من بعض الشباب بس ما متأكد منه مية بالمية

المهم هذي نقطة ممكن اتكون مفيدة
وبتوفيق إنشاء الله

[S.J.A]

السلام عليكم ورحمة الله وبركاته

أخوي أحمد مشكور على ذكر هالنقطه

بس أنا حاليا عندي 6.0 في الايلز .. ولكن بتأكد أكثر عن الموضوع

جزاك الله خير

:)

[Adel Al-Jalham]

السلام عليكم

ماشاء الله اشوف تسويق للجامعتين وصراحه من احسن المدن والجامعات وحتى من كثر المدن الي تضم قطريين وقطريات انا كنت العام في مانشستر بس تخصصي كان هندسه ميكانيكه وخلصت الفاونديشن هناك بس للاسف الله ماكتب اني اكمل وذلك بسبب تخصصي وبالذات تقسيم الامتحانات فا بدال ما يقسمونها على فصلين دراسيين خلوها او تم تقسيمها ووضعها في الفصل الثاني مما يسبب ضغط عند الطالب
والفاونديشن هناك ممتاز ومواده قويه جدا و من شروط القبول للسنه اولى يجب الحصول على 6 في الايلس او 550 في التوفل .
بالنسبه للمدينه من اجمل المدن الدراسيه في بريطانيا مثل لندن بالضبط بس ارخص وحياتها مناسبه للطالب بشكل كبير وعدد المسلمين فيها والبرذرز :) كثير واحسن مافيها المطاعم وشارع رشم هالشارع كله مطاعم حلال والاسعار جدا مناسبه
اما ليدز متميزه بالناس الي فيها واخوانا الي ما عليهم زود وتعتبر ليدز اكبر مدينه في بريطانيا تضم قطريين وقطريات وهناك بتلقين الطابع القطري

والسموحه على الاطاله

[S.J.A]

السلام عليكم ورحمة الله وبركاته


مشكور أخوي عادل على توضيحك

بس عندي سؤال .. تقسيم الإمتحانات إللي ذكرته يشمل كل التخصصات !

جزاك الله خير

:)

[Faisal Al-Raisi]

الصراحة
صعب أني أقولج من الأفضل
لأني ما درست في الجامعتين و ماقدر اقارن بين الاثنين
و لأني في ليدز فأكيد بانحاز لها

لكن ليدز حلوة
و اهل قطر مشالله تراسينها

و الجامعة قريبة من السنتر
و كل شي سهل اتحصلينه
من مساجد مثل "ليدز غراند موسك"
و محلات و مطاعم انواع و اشكال

و تخصصج وايد ممتاز في ليدز
و عندنا كم واحد يدرسون مثل تخصصج مثل الاخ سلطان
راح يفيدونج اكثر منا

[S.J.A]

السلام عليكم ورحمة الله وبركاته


تسلم أخوي فيصل على ردك .. مشكور ويعطيك العافيه ..

:)

[Adel Al-Jalham]

هلا اختي
لا التقسيم مب شامل كل التخصصات بس الهندسه الميكانيكيه للاسف :( والبزنس في مانشستر من احسن الاقسام من حيث موقع وشكل وحتى قوه واعتقد فيه كم طالبه تدرس بزنس في مانشستر اتمنى انهم يفيدونج اكثر مني واذا احترتي بين الامرين صلي صلاه استخاره وروحي للجامعه الي ترتاحين لها والله يوفقج وين ما كنتي ويوفقنا وياج

[S.J.A]

السلام عليكم ..


هلا أخوي عادل .. الحمدلله طمنتني إن نظام الإمتحانات مايشمل قسم البزنس ..

وآمين الله يوفقنا وإياكم جميع إن شاء الله ..

:)

[Ali Al-Rumaihi]

السلام عليكم ورحمه الله وبركاته

عدنا

أختي السكن الحمدلله جيد في بريطانيا عموما ولو بتسكنين في سكن الجامعه يعطونج الاولويه دام أنج جديده في سكن للحريم فقط وفي مختلط وتقدرين تسكنين في شقق برايفت وهذا أعتقد أنه أحسن شي. أما عن الستي كولج مكانها 10 دقايق بالباص عن مبنى البزنس لأن جامعتنا تمتلك أكبر حرم جامعي في أوروبا على ما أظن والمسافه من أول مبنى لين آخر مبنى للجامعه بالباص ياخذ 15دقيقه يتوسط الجامعه شارع أوكسفورد واللي كلشي يبغيه الواحد في مدينته يلقاه فيه من سوق ومطاعم وجامعات وسينمات وحتى مساجد.. على العموم التفاصيل الأكثر ممكن تفيدج فيها الأخت اللي ردت وتجاوب على أسألتج أكثر

وبالنسبه لكلام الجناحي.. كله صحيح وناس وايد مانقبلت لأن متطلبات الجامعه مرتفعه جدا وتطلب درجات عاليه.. لكن مهما كان لو ماجبتي متطلبات مانشستر تقدرين تدشين ليدز دام يقبلون B.............. :)

وطبعا مثل ماذكرت الاخت الجامعه صعبه والواحد مايجي برى يدور السهل...

ومعلومه يمكن جديده على الكل أن متطلبات اللغه أرتفعت لبعض الكليات وصارت 6.5 آيلتس من بعد ماكانت 6

على العموم أنا أقولج الإستخاره هي أهم حاجه وتوكلي على الله

ولأخي طالب ليدز لا تاخذ تكسي من المطار لين ليدز لأنه بيكلفك وايد
في محطه قطار في المطار أركب قطار وبيآخذك دايركت على ليدز :)

أخوكم
علي ماجد الرميحي
نائب الأب الروحي لمانشستر العظمى :)

[Ali Al-Rumaihi]

آسف ماجاوبت السؤال
هذا الشي يعتمد عليج أنتي أنج تغيرين سكن ولا لأ

لكن إذا كنتي كله تبين تكونين قريبه من الجامعه أي نعم بتضطرين تغيرين السكن

[S.J.A]

السلام عليكم ورحمة الله وبركاته ..


أخوي علي .. مشكور ويعطيك العافيه على شرحك الوافي .. كفيت ووفيت ..

جزاك الله خير ويعطيك العافيه ..

:)

[Mohammed Al-Mohannadi]

السلام عليكم,,,,

I just wanna add one more thing,
There are two branches for city collage in Manchester, one in da center and the other in north Manchester.
So if you are in da north, I think you will struggle with da transportation, if you are thinking to live in da city center.

وبتوفيق للجميع

Regards

Mohammed Al-Mohannadi

[Ali Al-Rumaihi]

ماكتب شي بعد شيبتنا المهندي لأنه إذا وجد الماء بطل التيمم

والعفو يا أخت و الحمدلله أني أفدتج دعواتكم لنا في الإمتحانات

[S.J.A]

السلام عليكم ورحمة الله وبركاته ..


أخوي محمد .. مشكور على ذكر هالنقطه المهمه .. كانت غايبه عن بالي بصراحه ..

تسلم وماقصرت ..

:)

[S.J.A]

الله يوفقك أخوي علي ..


وتسلمون كلكم وماقصرتوا .. جزاكم الله خير .. موفقين

:)

[Abdulla Al-Malki]

الصراحه الشباب ما خلوا لنا شي بيض الله وجوهم .. لكن حبيت اضيف .. ان اللي يميز ليدز انها مدينه ( مــلمــومه) على بعضها .. يعني الجامعه احذا السكن احذا السوق احذا الجمعيه .. وهالشي مهم واايد ومريحنا احنا في التنقل بدون الحاجه الى السياره .. مهب نفس مانشستر اكيييد !!

وشي مهم بعد وخاصه انج بنت وهي وجود عدد من الطالبات في نفس تخصصج وهم ما راح يقصرون وياج في كل شي وخاصه في امور الدراسه من حيث الاوراق والنوتس وغيره وغيره ..

على العموم اختي الكريمه .. اختاري الانسب لج ومن ثم استخيري .. والله ما راح يضيعيج اكييد ..

مع تحياتي :: عبدالله المالكي

[S.J.A]

السلام عليكم ..


هلا أخوي عبدالله .. أكيد هذا شي حلوو يميز منطقة ليدز .. قرب الأماكن من بعضها .. ووجود أهل قطر .. :)


مشكور أخوي وجزاك الله خير ..