إهداء إلى شباب ليدز (قصيدة)

[Tareq Al-Saei]

السلامـ عليكمـ ورحمة الله


هذي قصيدة كتبتها في إجازة الإيستر ... لما رجعوا أخواني إلى الدوحة وخلوني هني بروحي في ليدز ... طبعاً أغلى كنز في هذي الدنيا هو الأخ الصديق الصدوق ... وهم بالفعل بدون مجاملة كنز هذي الدنيا ويستاهلون أكثر ... الله يديم المحبة ويوفقنا جميعاً في الدراسة

يقول :


شربنا من بعدكم وارتوينا ... ومن فرقا الحبايب ما غفينا

شربنا بعادكم سم(ن) وغصة ... تغصبنا عذاب(ن) يحتوينا

وغابت شمسكم فينا وكانت ... تدفي قلوبنا حب وحنينا

وصارت دارنا ظلمى بعدكم ... ظلام(ن) حول الدنيا علينا

وهلت من محاجرنا دموع(ن)... تواسي شدة(ن) مرت علينا

وتبكي فراقكم غيمة سمانا ... وهلت بالبرد لما بكينا

خطاويكم سقت أرض(ن) حوتكم ... وتزهر من سقاكم ياسمينا

ترى بارت وماتت من رحلتوا ... وغطى زهركم شوك(ن) وطينا

توجدنا الليالي ما رقدنا ... وترى غير التوجد ما لقينا

ودمع(ن) بالقصايد والقوافي ... بحور(ن) والدفاتر تشتكينا

ياليتك لايمي تبصر ضياهم ... تساموعن كلام الحاسدينا

تعلو في سما فخر المعالي ... ترانا من محبتهم رقينا

أخوتهم وسام(ن) للكرامة ... رداة الناس عنهم قاصرينا

قروم(ن) في اللوازم و الشدايد... عزاز(ن) ما يوطون الجبينا

سلامٌ يابن كلثوم دعـــــــاني ... لمدح القوم شوقاً وحنينا

فخلد ذكرهم طيب الفعالي ... كما خلدت (خمر الأندرينا)

سيوفٌ في الوغى يبرق سناها ... صناديد في وجه المعتدينا

(ألا هبي بصحنك فاصبحينا) ... وذودوا عن رجال خالدينا

تمنينا لقاكم أو هواكم ... نسايم من هبايبكم علينا

هبوب(ن) من قطر تضوي مسانا ... وتشفينا شفاة العاشقينا

ديار الطيب والله ما نكرها ... سوى الأنذال وبعض الحاقدينا

ترى طيب المنازل من أهلها ... ومن شيخ(ن) حكمها من سنينا

وأنا بارسل مع النسمة أمانة ... توصلها وربي لا يهينا

سلامي يوصل الغالي واقوله ... ترى عهد المحبة ما نسينا

ونار أشواقنا جمر(ن) حطبها ... ضلوع(ن) بالصدرتشعل أنينا

وسلامتكم ... سامحونا على القصور

ملاحظة: الأبيات اللي مكتوبة بالأزرق هي فصيحة ... وأعني بخمر الأندرينا هي معلقة عمرو بن كلثوم ...
والشطر (ألا هبي بصحنك فاصبحينا) هي مطلع تلك المعلقة التي خاطبت بها عمرو بن كلثوم والبيت الكامل هو :

ألا هبي بصحنك فاصبحينا :: ولا تبقو خمور الأندرينا

إللي عنده ملاحظه ولا نقد يتفضل ترى صدري وسيع :D

[Hassan Al-Ibrahim]

السلام عليكم أخوي بوعبدالله ..

صح الله لسانك ويستاهلون شباب ليدز اللي طريته فيهم وزود ..

ونعم الرفجة رفجتهم الطيبة والله يجمع قلوبكم دوم على الخير

بوعبدالله في المزيج بين العامية والفصحى أنت مبتدع ولا مقلد ؟ ما شاء الله المزيج طلع روعة ..

[Tareq Al-Saei]

هلا والله بوعلي ... صح بدنك يالغالي ... وما عليك زود

آمين ان شاء الله ...

بالنسبة لسؤالك الصراحة مزج العامية والفصحى انا مش مبتدع فيه ... ونشوف المزج أصلا في الشعر القديم والقصايد القديمة للهزاني مثلا أو الغيهبان .. هذي أصل الفكرة رغم أنهم كانو يمزجون القصيدة كلها ...

لكن أنا حطيت هالابيات اللي بالفصحى تقدر تقول هو نوع من استعراض العضلات :)... واذكر انه مر علي كذا قصيدة فيها مزج لشعراء معاصرين


أشكرك أخوي على مرورك الرائع ونتشرف بك يا خوي

[Abdulla Al-Fayhani]

السلام عليك اخوي الغالي بو عبدالله..
صح الله لسانك وتسلم على هذي القصيده الرائعه.. وترى حنا بعد فقدناك في الدوحه ووحشتنا سوالفك.. وانا اعتقد ان حالنا السنه الجايه اذا رحت عنا ..راح يكون مثل حالك يا طارق في الايستر.. لانك يابوعبدالله بصراحه وبدون مجامله انت عمله نادره في هذا الوقت.. وعسى الله يديم المحبه بيننا ولا يفرقنا ان شاء الله.. وانا لي الشرف اني تعرفت على واحد مثلك ..
واسمحلي يا بوعبدالله على الاطاله لان الكلام راح يطول في وصف مكانتك عند شباب ليدز واللي انا منهم; ) ; ) ..
ولاهنت ياطارق على هالابيات وصح الله لسانك مره ثانيه..
وتقبل تحياتي:) ..
أخوك / عبدالله الفيحاني

[Abdulaziz Al-Mawlawi]

صح الله السانك يا شيخ ليدز والله ....

ماازيد على كلام اخوي عبدالله شي ...

بس حبيت اقولك شي ....


والله ثم والله ثم والله ان ليدز بتفقد رجال كل القطريين حبوه ...


بوعبدالله ... اذكر ربك وكمل ماستر ترى كلها سنه ... وخل الزواج بعدين ... ترى اللي اكبر منك ماتزوجو ... استانس هالسنتين ترى بتتمناها بعدين :D

اخوك الصغير عبدالعزيز المولوي

[Mohammed Al-Malki]

طاااااااارق :( ((متأثر)) أخوي وحبيبي
صح لسانك ..والله العظيم ان أحنا فقدناك أكثر...والحين أنا متشقق لأني رديت وشفتك..
بس...دايم اتخيل صورتنا السنة الجاية وانت مب موجود...وارد ازعل..لان والله والله والله مكانك صج صج بييبين.. لأنك الصمغ اللي يلصقنا:p
أخوك ..محمد المالكي

[Abdulla Al-Naimi]

بسم الله الرحمن الرحيم
السلام عليكم و رحمة الله و بركاته
الله يغر الشعر كان ما وفى
(شبعنا من هواهم وإرتوينا*وعند رسوم منزلهم بكينا) :rolleyes:
و غيبة من بعدها رمينا*عنا(ن) يا طارق غدى سمينا
سنين عمر(ن)وراها خطينا*وبيتكم بعد القطار مرينا
يا محلا غربة فيها لقينا*ربع لهم ولشوفهم عنينا
أبيات شعري لكم نوينا*و وصف الشعر ما يبين كنينا
و لو لا جمعكم بالنار إستوينا*نار المفارق بالحب إنكوينا
و سلامتكم
أكمل لك الباقي بعدين ; )

السلام عليكم و رحمة الله و بركاته
عبدالله بن محمد بن مبارك النعيمي
مدينة لييدز العزيزه :)

[Khalid Al-Mulla]

صح لسانك يا بوعبدالله
:)

والله يخليكم لبعض

وفعلاً ما شاء الله عليك عندك قدر في التعبير والتشبيه دوم تبهرني فيهام ا شاء الله عليك
:)

الله يحفظك

[Mohammed Aldelaimi]

صحّ لسانك يا بو عبدالله ........

ربي يخليك لهم ولنا ........ ((((( خاطري اقول لنا وبس لكن انت للحين اهناك ... أخاف يخطفونك ويخلونك عندهم رهينة

فديت روحكم الطيبة


أخوكم

محمد الدليمي

[Saoud Al-Baker]

السلام عليكم ورحمة الله

صح لسانك يا بوعبدالله .. لا هنت ..

ومثل ما تفضلت أهم شي هو الأخ الصديق الصدوق ; )

ويستاهلون شباب ليدز كل هالغزل :p والكلام الطيب ..

والله أسأل لك التوفيق والتيسير في التخرج ..

وبسك غربة .. لاحق على الماستر ما عليك من بوسعود :D

وبالتوفيق لكل شباب ليدز وبريطانيا أجمع ..

في أمان الله

[Tareq Al-Saei]

وعليكم السلام يالغالي عبدالله الفيحاني ...

صح بدنك يا خوي ... وما قصرت يالغالي على كلامك الحلو ... وصدقني يكفيني أخو نفسك أتفاخر فيه وحط أخوته وسام على صدري نفس ماقلت في القصيدة ... ويمكن من أفضال وجمايل الغربة إللي ما أقدر أردها إنها عرفتني عليكم ..
يعلكم ذخر
من قال لا هان يا عبدالله وعساك سالم

بوسعووووووووووود ... صح بدنك يالحبيب ...


والله محد راح يفقد شي غيري انا اللي بفقدكم ... والله يعلم بمعزتكم عندي ... ما قصرت يا خوي على مرورك الرائع ... وانت تبي جلسني سنتين الماستر سنة والسنة الثانية شاسوي فيها اشجعكم ؟؟؟ :D الله كريم يا ريال ادعوا لنا ان الله ييسر ... بعدين انا ما بتزوج قبلك :cool:

بوجاااااااااااسم .... يا خووووووووووي صح بدنك ...

ههههههههههههه ماتدري شقد اشتقت حق كلمتك طااارق واتخيلك تقولها ... حبيب والله ... ما قصرت وصورتكم بتكون كاملة واحلى السنة الجاية بالطلاب الجدد

وعليكم السلام ورحمة الله يا بوعابد ... صح يدنك وبيض الله ويهك على ردك ... أحسنت ... وردك بروحه يكفي وزوووووود
يا حياك الله


بوجسوووووووم ... صح بدنك .. وآمين ان شاء الله

ياريال ترانا مبتدئين ...والله يخليك ياخوي ويوفقك

بوجاااااااااااسم ... صح بدنك يا خوي ... والله يخليك ان شاء الله لي ... عاد لين اخطفوني بيي (روبن هود:D ) بيخلصني >>وانت تعرف من روبن هود :D يفداك اللاش


هلا والله بالشييييييييخ بوفهد ... صح بدنك يا خوي واسعدني والله مرورك العذب ...

وترى هاي مدح مب غزل ... والغزل مخشوش بنسمعك منه :p

والله انت اللي فاهمني
والله يوفقك واحنا بعد يا خوي دوم ندعيلكم ... مشكووووور يالغالي ولا تقطعنا

بالتوفيييييييق

تحياتي للجميع وللاخوان اللي اكتفو بالشكر ما قصرتو على مروركم

[Yousuf Al-Mulla]

سلام (ن) لطارق الاب والاخو والرفيق والقلب الابيض المصفون

سلام (ن) مني ومن كل ظلوع جسمك يا الحنون ; )

سلام (ن) لك من قلوبنا وصدقني بدونك بنصير بلا لون :confused:

صدقني بنفتقدك لكن هاي الدنيا يا ما ترحم المحكوم

تحكم عليه بالمؤبد او بالاعدام اذا يمون

معرفتك كانت فخر وحبك كان بجنون

بعدك بيوتنا بتصير كهف مسكون :eek:

بس لا اتخاف علينا . ترا من بعدك وتحت يدك صرنا ذيابه بعيون :cool:

عيون تنور بنصايحك وطريقنا بصير ان شاء الله بلون

وفي النهايه شنسوي اذا القدر كان مكتوب ومكنون

ان شاء الله تقدر ترفع رايه بلادك في كل الكون واتقول ليدز خرجت رجال يفتخر فيه كل قطري وحاقد ومينون :p

وسلامتكم ...................... :D To be Continue

ان شاء الله يوفقك ويخليك لبلادك وهلك ولنا وللي بتتزوجها ان شاء الله

الله يوفقك

اخوك العفطي خخخخخخخخخخخخخخخخخ
اما عفطي (كثر منها) ; )
يوسف الملا

بس اهم شي لا تنسانا اذا رحت عنا
we will miss U bo-abdulla

[Saoud Al-Baker]

هلا والله بالشييييييييخ بوفهد ... صح بدنك يا خوي واسعدني والله مرورك العذب ...

وترى هاي مدح مب غزل ... والغزل مخشوش بنسمعك منه :p

والله انت اللي فاهمني
والله يوفقك واحنا بعد يا خوي دوم ندعيلكم ... مشكووووور يالغالي ولا تقطعنا

بالتوفيييييييق


علينا يا بوعبدالله .. نار شوق و دفا قلوب وحب وحنين وهوى

كل هذا بس مدح ..

هي اشوفها مزيج بين الغزل والمدح ..

بس الغزل يطغى عليها ; )

والله يجزيك كل الخير على الدعاء يا بوعبدالله ..

والله يوفقك وييسر لك دربك ( ويزوجك :D )

والملتقى قريب بإذن الله ..

[Sultan Al-Kuwari]

,,,,
,,,
,,
,
أخووي طاارق ..ألف شكر على هالإهداء ..
.. .

.. . . . . ..

وفعلا ما قصرت .. ومكانكــ ـ ـ ـ صج بيبين ..


..
..
..

وياما بنقول .. .

آطارقا زرت يوما أيكه .. طائر الشوق أغني ألم ..

,,,
,,
,

,



..

[Tareq Al-Saei]

بويعقوووووووووووووووووب

هااااااااااااااااااااااااااااااااهاااااااااااااااا ااااااا هاااااااااااااااااااااااي

ذبحتني من الضحك يالرزيل ... والله انك مبدع ... مادري من وين تييب هالافكار ... صدقني حيرت أبوالطيب المتنبي على هالقصيدة ... الله يخس بليسك

بس ما قصرت والله ... وانت عزيز وغالي وتعرف مكانتك عندي ...يالعفطي :D

تسلم لي ويسلم لي مرورك

بوفهههههههههد شيخ منتريااااااااال ...

يا خوي لا تيود علي ... ترى المعنى في بطن الشاعر :D

والله يزوجك ان شاء الله وترى كل في قلبه شقى ; )

وان شاء الله نشوفك قريب يا خوي لك وحشة والله

بوابراهيم ... الله يحيك يا خوي ... وانت عزيز وغالي ومن الاخوان اللي ما راح انساهم ان شاء الله ...

ودايما ذوقك رفيع :)


ومشكووووووووورين جميعا ياللي مر وشكر ... العفو

وسامحونا على القصور ... واللي عنده نقد في القصيدة لا يستحي المجال مفتوح :) ترى انا ما اعظ:D

[Abdulla Al-Mireekhi]

السلام عليكم ورحمة الله وبركاته

صح لسانك يا بوعبدالله.......تصدق يابوعبدالله أنا من اول لحظه عرفتك فيها حسيت ان لك مكانه عاليه بين الشباب والايام اثبتت لي انك وبكل صراحه مثل ماقالوا اخواني عمله نادره في هاي الزمان ومااظن من يعرفك يقدر ينكر معزتك عنده او اي واحد من الشباب يقدر ينكر انك مثل الاخو العود (النوخذه) والي انا افتقده لاني البجر بين اخواني و لا اظن بيختلف راي الشباب في هااااي الشي واشهد الله ان لك بصمه مميزه في كل شي والله يوفقك وييسر عليك كل امورك وينجحك دنيا واخره والسموحه على الاطاله ولكن هاااي الي قدرت اذكره وبكل اختصار لان الكلام عنك يطول ولا اظن بقدر اوفيه في هاااااي المكان لاني بملغ عليك ويعطيك كل عافيه يانوخذتنا

مع تحياتي
أخوك الصغير عبدالله بن ماجد المريخي

[Hamad Al-Ibrahim]

يالي على بالي ما اني بناسيك

لو طالت الغيبة غصبن اجي لك

لا تفتكر لو غبت عنك اني بجافيك

حبك سرى بقلبي وروحي ترتجي لك

لكن ظروفٍ اشغلتني عن ذكر طاريك

وذكرك على البال دايم وقلبي بين ايدينك


بوطروق والنعم ,من خيرة الشباب الي عرفتهم خلق وعلم وادب وفصاحه وشهادتي فيك مجروحة وراح اوروبا تفتقد رجل من رجالاتها

الله يحفظك ويوفقك لما يحب ويرضى اخي الغالي

[Tareq Al-Saei]

يا مرحباااااااااا والله ببوعابد ...

الله يحيك يا خوي ... وعطيتني أكثر من حقي والله أنت والشباب اللي قبلك ...

والله الواحد ما يعرف شيرد عليكم لكن تكفي معزتكم اللي في القلب إنها ترد عليكم... وانت يا عبدالله قلبك أبيض ومعزتك كبيرة :) مشكور يا عبدالله وكبرتني وايد وترى انا بيني وبينك كم شهر :D

صح لسانك يا بومريم ... وماعليك زود

وانت ياخوي ما قصرت ويانا وفضلك علينا دايم ... اخونا العود والبيج بوس بتاعنا :D الله يحفظك ان شاء الله وييسر امورك


تحيــــــــــــــــــاتي للجميع

[Abdulla Al-Mireekhi]

السلام عليكم ورحمة الله وبركاته

ياخوي انت اذا قلت عنك كبير فهذا يعني مب بالعمر بس وكثر منها اذا كنت اكبر مني بكم شهر:D (ولا حد يحرج حد:p ) انا اقصد انك كبير بعقلك وقلبك يالغالي
; )
مع تحياتي

[Abdulla Al-Malki]

للأبداع اسمه طارق الساعي .. هذا اللي اقدر اقوله عن قصيدتك المعبره جدا .. اللي احسست فيها بمشاعر صادقه ما تجي من اي واحد ..

بيض الله وجهك بوعبدالله .. وشكرا جزيلا على القصيده (بما اني واحد من شباب ليدز هههه ) ..

على العموم تحياتي العميقه لك ولي اناملك الذهبيه .. ولا تحرمنا من اي جديد في المستقبل القريب << اشفيني قمت اتفلسف !!

برافيت حق شيخ مونتريال بوفهد !!
يالله حييييييييييييييييييييييه والله .. موحشني يالتعبان .. !!


اخوك :: عبدالله بن ابراهيم بن عبدالله المالكي
عضو فعال في ليدز
<< بيضربنا النعيمي الحين ههههههه

واخيرا ::

من ارض اسبكيت الموده المحبه ارض الحضارات << اشدعوه مصر << مصر ول السودان << بديت املغ خلااص بطلع ههههه

فمان الله ،،،

[Tareq Al-Saei]

المرييييييييخي ... مرحبا فيك مره ثانية ... يسلم غاليك يا خوي ... وانت الحين احرجتني ... لكن مب مشكلة ... نردها في وقت ثاني :) يعطيك ألف عافية ولا تحرمنا من طلتك

عبدالله بن إبراهيم ... كل الردود في صوووووووب وانت في صوووووووب ... ياخي ردودك ديما مميزة يالمميز ...

وويهك أبيض .. ولا تقطعنا

الله يعينك عاد على النعيمي ... طلعوني من السالفة بينك وبينه :D

وسلملي على أبوالهول اللي حاطينا عند مدخل السكن (أرض الحضارات) ... هههههه

سلامي

[Abdulla Al-Fayhani]

بسم الله الرحمن الرحيم
معاكم اخوكم راشد المنصوري
بس حبيت اهني اخوي طارق على القصيدة
واقوللك مافي روحه من ليدز لو تموت تبي تجزوج بنزوجك وحدة من هنني ياخي مافيها شي خذ وحدة بريطانيه تنفعك في اللغة هههههههه
وعلى العموم ما ابي اطول عليكم لايزعل علينا عبدالله الفيحاني ههههههههههههه
وحبيت اهني جميع الشباب على تفاعلهم
وياطارق انا ما ابي امدحك انت تعرف معزتك في قلبي
بس اهم شي نبي انلحن القصيدة لحن خبيتي هههههههههههههههههههههههه وانت فاهمني عدل ياطارق هههههههههههههههههههههههههههههه
على العموم كان معاكم .
راشد المنصورى
الدوحة قطر عضو لجنت المجلس الاعلى للتقييم ورئيس شؤؤن جلسة السدو في الغرفة وضيف شرف في قناة الكاس
واي سوال انا حاضر لكم تبون ابليكيشن حق عضويت جلسة السدو انا حاضر هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه

[Ahmad Telfat]

السلام عليكم

صح الله لسانك اخوي طارق قصيدة حلوة ومؤثرة .. يعطيك ألف عافية وصراحة المزح مابين الفصحى والعامي شي مب طبيعي ورهيييييييييب يعطيك العافيه ..

تحياتي

أحمد تلفت

[Tareq Al-Saei]

مرحبا يا بوسنيدة ... ضيف الشرف في جامعة ليدز :D


ما قصرت يا خوي على ردك ... والقصيدة تحت أمرك تبي تلحنها تبي تمولها سوف فيها اللي تبيه :rolleyes:

الله يعز مقدارك ... والله يعينك على المسؤوليات اللي على راسك ... وأهم شي السدو :)


وعليكم السلام يا بوتلفت .. يا خو الدكتور :p

صح بدنك يالغالي .. ومرورك أروع الشيخ ... الله يعافيك .. وهذا يدل على ذوقك الرفيع

[Noor.M.A]

اخوي طارق

صراحه قمه هذه القصيده...ورائعه

سلمت يا شاعر المنتدى

وفقك الله لما يحبه ويرضااااه

[Tareq Al-Saei]

أشكرج أختي نور على ردج ...


وفي المنتدى أشعر مني بكثير ... انا مجرد هاوي شعر :)
والله يوفق الجميع ان شاء الله

[Thani Al-malki]

السلام عليكم ورحمة الله وبركاته

اما بعد
وبعد مرور سنة واربعة شهور واربعة ايام... أرد


اولا صح لسانك ياطارق عالابيات ومبينة انها طالعه من الخاطر :)

ثانيا
احب اهنيك عالتطور الكبييييير لأسلوبك في الشعر

فاللي يشوف الابيات اللي تكتبها هالايام واللي كتبتها من بداية مافتحوا المنتدى يذهل

ثالثا
اسمحلي راد متأخر

واكيد انت اصلا كاتبها لي بس قلت خل احط الشباب عشان مايزعلون :24:




واتمنى لك النجاح في حياتك
والتطور اكثر واكثر في قصايدك



سلااااااااام
بوعلي

[Tareq Al-Saei]

وعيكم السلام ورحمة الله


صح بدنك ...

يقولون كل ما تعتق العود زاد طيبه ... وهذا ينطبق على ردك ... اشبهه بدهن العود ... فاح شذاه في هذه القصيدة ...


لك كل تحية يا مشجعي الأول بلا منازع ... ومكانها مناسب الان حتى يتجدد الاهداء للشباب في ليدز ،، وتبقى قداسة ليدز وجمالها في الشباب اللي تعرفنا عليهم وعرفناهم في السراء والضراء


لكم كل الود والله يوفقنا وياكم جميع :)

[Abdulla Al-Malki]

اقول بوعبدالله ما قاعد اشم شي تقول دهن عود .. اظاهر الزكام ماثر على حاسة الشم عندي هههههه<<داش املغ

[Tareq Al-Saei]

ههههههههههههه

ما تخلي سوالفك يالعرباوي :)

[Hilal M. Al-Khulaifi]

صح الله لسانك ياطارق ...

الصراحة أبيات روووووووووووعه ،،

وبيجيك الرد على نفس القاف لكن عن سنقفوره .

تبشر به.

أخوك ( بوخليفة )

[M7ammed Al-3thbah]

صح لسناك والله لايهينك اخوي على هالقصيده الاكثر من حلوه .. اي والله صدقت ياخوي الصداقه كنز هالدنيا
يعيطيك العافيه ولاتحرمنا من جديدك

اخوك: محمد العذبه