مبروك تأسيس نادي طلبة قطر في ليدز

[Tareq Al-Saei]

السلام عليكم ورحمة الله ...


نزف إليكم خبر أفرحنا ... وإنما هو يتبع سلسلة الإنجازات المقامة على سواعد رجال وطننا الغالي قطر ...

تم تأسيس نادي الطلبة القطريين في مدينة ليدز البريطانية بشكل رسمي ... وقد اعترفت الجامعة بهذا النادي وكذلك الاتحاد الطلابي التابع للجامعة ...

وبهذه المناسبة أود أن أبارك لطلبة ليدز على جهودهم الحثيثة ووعملهم الدؤوب ليصبح هذا النادي واقعاً نمارسه بعد أن كان حلما وخاطر ... وأخص بالذكر إدارة النادي

كما أحب أن أبارك لإدارة وأعضاء هذه الشبكة ونقول لهم جميعاً لولا الله ثم أنت لما كان هذا النادي على أرض الواقع ... فإنجازنا هو إنجاز لجميع أبناء قطر


اسأل الله أن يبارك في النادي وبرامجه وأنشطته وأن يجعله بيت النور الذي يضيء طريق الطلبة وأن يطرح في العاملين والأعضاء البركة في أوقاتهم وأموالهم ودراستهم وأعمالهم ...

وترقبوا ما يسركم من أبناء نادي الطلبة في ليدز ...

الهيكل الإداري للنادي:

1- الرئيس: طارق الساعي.
2- نائب الرئيس: ناصر الطويل.
3- السكرتير: عبدالعزيز المولوي.
4- أمين الصندوق: ثاني المالكي.
5- مسؤول العلاقات العامة: عبدالله النعيمي.


ولكم أطيب تحية

[F Al-Missned]

مبروووووووووك اخواني والله تستاهلون كل خير :)

وان شاء الله انشوف انشطتكم قريب .

[Shaima Al-Quradaghi]

.
.
.
رائــــع

ولله الحمد...

بارك الله فيكم وفي جهودكم

وان شالله يكون للنادي صيت لا مثيل له

بالتوفيق اخواني الأفاضل
.
.
.

[Hassan Al-Ibrahim]

تستاهلون يا بوعبدالله وننتظر منكم الأنشطة الدائمة والمستمرة والله لا يفرق بين قلوبكم :)

[Nayef Al-mansouri]

سلام عليكم ورحمة الله
جزاك الله خير اخونا طارق
وبارك الله فيكم
وان شاء الله نزرو نشاط من نشاطاتكم
المهم الان ماعليك امر تعطينا التصور للنادي
والاعضاء ماعليك امر
بارك الله فيك
اخوك نايف

[Jassim Al-Naama]

بسم الله الرحمن الرحيم

السلام عليكم

الله يعطيكم العافية ياشباب وبالمبارك تأسيس النادي

وان شاء الله دام النادي تحت ادارتك ياطارق بنشوف النشاطات الحلوة منكم

بالتوفيق ان شاء الله

[Khalid Al-Mulla]

بالمبارك بالمبارك يا بوعبدالله
تستاهلون والله يوفقكم ويبارك في جهودكم
:)

[Adel Al-Jalham]

طارق لاتعليق لانه مب شيء غريب عليك وبالمبارك

[J.Y.J.Al-Darwish]

الله يوفقكم ويسدد خطاكم ويطرح البركة في كل أعمالكم يارب..

مبـــروك وتستاهلون كل خير

[Jassim Al-Mulla]

بالمبارك يا طارق

والفال لنا شباب استراليا

[Tareq Al-Saei]

جزاكم الله خير كل من مر وعقب ... والله يبارك فيكم


واللي يستاهل الشكر هنا هو أنتم ... فلو لا الله ثم دعاؤكم وعملكم المخلص لما وجدنا التوفيق ...

رب دمعة من مخلص في استراليا فتحت ببركتها أعمال في أمريكا وبريطانيا ...

فالشكر لكم يامن وجدنا فيكم العزم الصادق والهمة العالية ...

إن قطرات عرق عملكم الدؤوب هي شعلة أشعلت شمعة في ليدز..

ومعاً نضيء طرق الطلبة القطريين في كل العالم





وطبعا لا أنسى أخواني شباب ليدز أصحاب هذا الإنجاز .. فلولا الله ثم هم لما تم شيء ... بتشجيعهم ووقفتهم صف واحد وصدقهم تم الإنجاز الله يجعلنا دوم على قلب واحد ولا يفرقنا بكيد شيطان ... ماشاء الله عليهم

الله يوفقهم ويسهل عليهم دروبهم وين ما كانو

[Ahmed Al-Saadi]

السلام عليكم ورحمة الله وبركاته

مبرووووك ألف مبروووك لكم وإن شاء الله تستمرون بهلنشاط واكثر بعد
وادعولكم بالتوفيق والنجاح إن شاء الله

[Ali Al-Qahtani]

بالمبارك بالمبارك
تستاهلون والله يوفقكم ويبارك في جهودكم ونسمع الاخــــبار الطيبــــه ان شاء اللـــــه



الا كم طــــالب قــــطــــري في الجامعه؟؟؟؟

[Tareq Al-Saei]

عندنا طال عمرك حول 30 طالب وطالبة ولله الحمد

[Mohammed Al-Mansouri]

بالمباااارك يا بوعبدالله...قدها الشباب والله..والله يعينكم ويسهل عليكم ويجعلها بداية لانجازات عظيمة بعون الله

[Abdulla Al-Fayhani]

مبروووووك لك يا بوعبدالله ومبروك لنا كلنا.. واخيرا تم الاعتراف بالنادي القطري.. بس لي تعليق بسيط يا بوعبدالله...
ترى حنا نخاف على النادي السنه الجايه اذا رحت عنا - مب قصور في باقي الشباب - بس لازم تكون معانا والشباب اللي معاك ما يستغنون عن نصايحك وخبرتك.. فاذا لك نيه تتركنا السنه الجايه :( ياريت ما تبخل على الشباب ببعض ما عندك... ولكن اتمنى انك تكمل معانا وما ترجع الا وانت معاك الدكتوراه لانك قدها يا بوعبدالله..
وفي الختام تقبل تحياتي واسمحلي على الاطاله
أخوك الصغير / عبدالله الفيحاني ; )

[Yousuf Al-Mulla]

تحيه طيبه وبعد

احب اشكر كل من ساهم في دعم وقيام النادي في ليدز الي ان شاء الله بكون مصدر قوه لكل الطلاب القطريين في ليدز وبكون جذر والماي لكل شجره بتصير في ليدز ; )

وثاني اخص بالشكر اخوي الشيبه خخخخخخ طارق الساعي الي لولاه كان النادي في خبر كان :cool:

واخيرا اتمنى للنادي النجاح ومثل ما قال اخوي عبدالله الفيحاني will we miss U Tariq:(

والسموحه اذا طولت عليكم
اخوكم يوسف الملا حاليا من فيينا الحبيبيه :D

[Tareq Al-Saei]

الله يبارك فيكم يالربع ... القحطاني والسعدي والمنصوري ... وكل من دخل وبارك ...يعلكم ذخر ان شاء الله ...

الفيحاني وحشتني ووحشتني جلساتكم:D .... يا خوي أنتو فيكم الخير والبركة ... وصدقني إن أغلب إذا مب كل الأفكار اللي تنحط هي من عندكم يا شباب وأنا اللي أسويه إني أجمع هالأفكار ةأكلف الشباب بالتنفيذ بسسسسس والا كل شي الشباب قايمين فيه بيض الله وجوههم ... وأنت يا عبدالله من خيرة الشباب ودام انت وشرواك موجودين الواحد ما يخاف ان شاء الله :) وأكيد أنا ما راح انقطع عنكم غن شاء الله حتى بعد التخرج إذا الله يسر ... وإن شاء الله بايكم بس عليكم السكن:p
الله يحفظك يالفيحاني واستمتع في قطر وسلم لي على الربع والأهل والأخوان ...

بويعقووووووووووب النمساوي ... فقدتك يال(مابي أخمبقها) :D ... أخبار النمسا ؟؟؟؟ سلم لي على الربع وعلى الأهل ... وإن شاء الله ترد الدوحة سالم ...

والله يبارك فيك ان شاء الله ... أقول الربع يبون رقم عمك ... كلمه قبل وطرش لي رقمه على الإيميل طبعا انت عندك إيميلي ؟؟؟ أو طرشه على رقمي هني في ليدز ... يالله انجوي يور تايم وسلم على الوالد

[Faisal Al-Raisi]

مبروك يا طارق
انت تعبت عشان يصير النادي
و الحين صار اللي تبي

اقولك الف الف مبروك

[Abdulaziz Al-Mawlawi]

الف مبروك يا طارق لك ولكل شباب ليدز...

[Mohammed Al-Malki]

مبروووووووك طارق ومبرووووووووووووووووووك لكل شباب ليدز
يتربى النادي في عزنا خخخخخخخخخ
طااااااااااارق ((تخيل :p )) وي ولل ميسس يووو
الا انت من الحين واحشنا ووحشني شايك وقهوة الشياب اللي تسويها
مبرووووووووووكين من جديد

[Tareq Al-Saei]

الله يبارك فيك يا فيصول ... والشباب كلهم ما قصرو والله في التأسيس وهم اللي بغوه

ومبروك عليك ياأحسن سكرتير ولكل الشباب

محمد .... آووووووه القهوة بردت والغوري على حطته ينتظرون من يشربهم ....

والله وحشتوني يا شباب تراكم مصختوها يالله ردو هههههههه شبلاه مصدق ...

لا لا استانسوا في الإجازة وسلمو على هل الدوحة وححللو الاجازة كل دقيقة وثانية عشان عقب تبدعون في الإمتحانات ... موفقين والله يردكم سالمين

[Sultan Al-Kuwari]

مبروك لك ولنا ..

وجزاك الله خير على المجهود الكبير لتأسيس هالنادي ..

وان شاء الله نقدر ان ننجز شي يشرف ..

..

[Hassan Al-Hammadi]

ألف مبروك ياشباب ,انجاز جداااا حلوووو واتمنى التوفيق للجميع


حسن الحمادي

[Abdulla Al-Malki]

بسم الله الرحمن الرحيم

بشرك الله بالشهاده اخوي بوعبدالله على هالخبر الحلو ..

وصدقني اني لي الفخر اني اكون عضو في هذا النادي واحد مؤسيسيه .. وان شاء الله كلنا نتكاتف مع بعض حتى نوسع دائرته اكثر اكثر ..

واحب أأكد على النقطه اللي ذكرها اخوي الفيحاني وهي جهدك و حلمك اللي تحول الى حقيقه وكان الفضل لله تعالى وبعدها لك انت بالذات اخوي طارق..

وتحية اخيره لاخوي الغالي يوسف الملا وترااك موحشنا يا اخوك وبانتظار عودتك على احر من الجمر ..

اخوكم :: عبدالله المالكي من ارض الدوحه الحبييبه هذه المره !!

[Fahad Al-Jefairi]

ما شا ءالله ...

هالاخبار اللي تريح القلب :) ...

الله يثبتكم ويسر لكم اموركم ان شاء الله

والف مبرووك للناس اللي مسكوا الموضوع ... واقول لهم شدوا حيلكم ومأجورين مقدما ان شاء الله :)

بارك الله فيكم

[Yousuf Al-Mulla]

بااااااااااااااااااااااااك

مشكور ياخوي طارق او بوعبدالله مثل ما اتحب انا بناديك على (ال...... خخخخ)

المهم بخصوص الرقم يا طارق ؟؟؟؟ انا برجع قطر قريب وبتصرف بنفسي لا اتخاف وعندي اشياء هني في فيينا بس ما ادري اذا تبيهم والا لا

المهم انا بتصلك قريب واشكر اخوي عبدالله المالكي وانت واحشني بعد مووووت وكل ربعي الي راحوا قطر عني واحشيني بعد ونلتقي قريب يا الربع

see U soon ya moon المنتدى; )