للنقاش

[Salem Al-Halbadi]

السلام عليكم شباب امريـــــكا

حبيت اطرح موضوع ..... والسبب لاني قاعد اسوي دراسة عن الطلاب خارج دولتنا الحبيبة قطر

والموضوع طبعا يتكون من عدة اقسام ... واحد الاقسام تطرح المشاكل والصعوبات اللي ممكن تواجه او واجهت الطلاب

فالمطلوب اذا مافيه كلافه هو

ابغي اعرف المشاكل شنهي وشنهو الحل في ظن اللي واجهته المشكلة .....

فالموضوع لاي طالب وليس فقط مرحله معينة

فرجـــــــــــــــــــــــــــــاءً
Feel Free to Talk


وأشكركم واقول يعطيكم العافية وعساكم على القوة والمثابرة دوم ان شاء الله

سالم بن محمد
__________________

[R.A.A]

السلام عليكم ورحمة الله وبركاته
أخي الكريم تراني رديت على الموضوع بس في قسم أورباء. :o أسفه بس ياليت الأداريين ينقلون ردي لقسم أمريكا أو تطلع على الرد في قسم أورباء. يوم أرد كان الوقت أخر ليل و أشوف اللثنين ثلاثه من التعب و كبسة النوم :D

وشكرا.

[Salem Al-Halbadi]

اشكرج اختي على المشاركة واضافت وجهة النظر والله يعينكم على معاناة الغربة والدراسة والابحاث ... يعطيكم العافية والله يوفقكم ان شاء الله....

وبالنسبة ان شاركتي في قسم اوروبا او امريكا فالمراد واحد وهو استقبال الاراء والتجارب ولا تحاتين ... :)

ويريت اسمع اراء اكثر واكثر ... اذا كــــــان في تقصير من جهة معينة في تخليص او تأخير ..... يعني يالعربي ... مـــــاهي مشاكل الطلبة :confused:


لان هذا بيساعدني في البحث اللي قاعد اعده واللي اساسه مبدأ التطوير

ومشكورة اختي مرة ثانيه على المشاركه

[R.A.A]

العفو أخوي ماسوينا شي و نتمنى ونطمح بالأفضل و الأفضل للأجيال القادمه للأجيال القادمه إن شاءالله.

في شغله تذكرتها اليوم و أنا اراكض حق وحده من رفيجاتي ويا البنك. صراحة الطلبه الجدد محتاجين حد يوقف معاهم ويرشدهم وهم يفتحون حسابات البنك و يختارون البنك إلي بيتعاملون وياه. في بنوك مستواها تعبان و الافضل أن الطلبه يتجنبونها. فياليت السفاره ترشدهم ولاتنصح الطلبه ببنك معين في الولايه او المنطقه إلي يدرسون فيها.

وشكرا.

[Ahmed Al-Salahi]

اخوي سالم اسمحلي على التأخير بس الموضوع انطرح ومعانات الطلبه موجوده في هذا الموضوع

http://www.qataries.net/vb/showthread.php?t=2412

[Salem Al-Halbadi]

اشكرك يااخوي احمـــــــــــــــد وماقصرت يالغالي

شكلنا شيبنا على قولة ايمن رابطة الشياب :)

اخوك
بومحمـــــــــــــــــــــد