بدء أنشطة ليدز .. تقرير البرامج :)

[Tareq Al-Saei]

السلام عليكم ورحمة الله وبركاته ..

تم بحمدلله بدء البرامج والأنشطة في الفصل الثاني لطلاب ليدز.. وكان أول برنامج عبارة عن ابطوله بلاي ستيشن التي أقيمت يوم الجمعه الموافق 17 / 2 / 2006 في ضيافة كريمة بشقة (راشد المنصوري ، يوسف الملا، عبدالله المسند) وبحضور لافت من 21 لاعب من اربع دول خليجيه وهي قطر والسعوديه والبحرين وعمان , وكانوا عل النحو التالي : 3 من عمان و3 من السعوديه و2 من البحرين واخيرا 13 من قطر . وحقق المركز الاول المنتخب القطري بقياده المتألق يوسف الملا . البدايه للبطوله كانت قويه نسبيا مع تواجد مرشحين اقوياء من جميع الدول , وعن طريق الصدفه تقابل عضو من الفريق القطري بعضو من العماني لتكون نسخه مصغره لخليجي 17 ولكن لم يستطيعوا العمانيون ان يردوا الثأر بل انتهت المباراه على غير المتوقع وبفور الاعب القطري عبدالله المالكي برباعيه نظيفه

نشكر كل جميع الأخوان على التنظيم والترتيب وبالأخص يوسف الملا وعبدالعزيز المولوي ومبروك للفايزين...
---------------------------------------------------------

وفي اليوم التالي (يوم السبت الموافق 18-2) كان البرنامج الترفيهيي الثاني عبارة عن بطولة جوكر ... بمشاركة 6 أفرقة مكونة من 3 لاعبين لكل فريق ... وكانت البطولة بضيافة من الاخ عبدالعزيز المولوي وعبدالله الفيحاني ... وفي منافسة شرسة ووسط تشجيع حار وحماس مشتعل ترشح الفريقان الكون من ثاني المالكي ، فيصل الرئيسي ، وطارق الساعي ضد المنافس الشرس المكون من محمد المالكي ، سلمان، سلطان الكواري . وبعد مبارة قوية وطويلة تمكن فريق محمد المالكي من احراز الفوز المستحق ... مبروك للفائزين وحظ أوفر للباقين

ونشكر الأخ عبدالعزيز المولوي على تنظيم البطولة ونشكر كل من ساهم وشارك في اللعب أو التشجيع أو (الإزعاج:D )

تحياتي وانتظروا الصور في وقت قريب جدا ...

وترقبوا المزيد من البرامج :)

نادي الطلبة القطريين في ليدز

[Mohammed Al-Mansouri]

تحياتي وسلامي لكل شباب ليدز الي واحشيناا.. وتتتسلم ياطارق على التقرير

[Hassan Al-Ibrahim]

يعطيكم العافية يا بوعبدالله وسلامي على النادي القطري في ليدز :) .. كفو والله

ننتظر الصور يا بوعبدالله عشان نشوف الشباب وجمعتهم ...

[Abdulaziz Al-Mawlawi]

ركز عالازعاج .. هههههههههههههههههههه كان سلاحنا ضدكم ..

عالعموم يعطيك العافيه يابو عبدالله على هالتقرير ...

الحين خلني اتكلم عن بطولة الجوكر اشوي ..

7 ساعاااااااااااااات لعب جوكر ؟؟؟ والله كرهنا اللعبه ... بس الصراحه صج تعب .. بس تونسنا باليمعه الطيبه ...

بوعبدالله شخبار رقم 22 معاك ؟؟

[Jassim Al Obaidly]

يعطيهم العافيه شباب ليددز

[Sultan Al-Kuwari]

وهاذي صور بطولة الجوكر .. . . .

http://s1986.jeeran.com/1.jpg
http://s1986.jeeran.com/2.jpg
http://s1986.jeeran.com/yy3.jpg
http://s1986.jeeran.com/yy4.jpg
http://s1986.jeeran.com/yy5.jpg
http://s1986.jeeran.com/yy6.jpg
http://s1986.jeeran.com/yy7.jpg
http://s1986.jeeran.com/yy8.jpg
http://s1986.jeeran.com/yy9.jpg
http://s1986.jeeran.com/1yy0.jpg
http://s1986.jeeran.com/1yy1.jpg

[Mohammed Al-Malki]

يعطيكم العافية شباب... لوعتوا جبدنا بهالبرامج>>>لالالالا أمزح....
الا استانسنا من قلب...يعطيكم ألف ألف ألف ألف ألف ألف ألف ألف عافية...وانشاءالله تتكرر هالبرامج ((الا الجوكر طبعا :p )).....
وأخصص الشكر حق فريقنا ; ) ..وافول هارد حظ للأفرقه الخاااااسرة... آسفين ان تكسرت ريولكم من القعده....بس محد قالكم تتحدونا :D :D :D
17-22-27-11-21 :D

[Sultan Al-Kuwari]

وهاذي صور بطولة السوني .. .

http://s1986.jeeran.com/0_1.jpg
http://s1986.jeeran.com/0_2.jpg
http://s1986.jeeran.com/0_3.jpg
http://s1986.jeeran.com/0_4.jpg
http://s1986.jeeran.com/0_5.jpg

[Tareq Al-Saei]

:D الله يحيك يالمنصوري ... والله لك وحشه يالعود ..

هلا والله بوعلي ... هذا سلطان ما قصر نزل الموضوع ...

بوسعود ... علي حلفة اني ما العب جوكر لين ما تخرج ... هههههه

اي والله جمعة الشباب ما تتفوت وهي المطلوبة :)

هلا هلا والله الجسمي ... والله واحشنا ... وتمنيناك ويانا :D

بوجاسم ... اي والله الشرهه علينا الصراحة ... لكن الله كريم ان شاء الله ... وبعدين لا ليش حاط هالارقام لما اشوفهم تفتر فيني الدنيا ...

سلـــــــــطان الكواري ... ما قصرت يا خوي على الصور الحلوة والله يعطيك الف عافية وما نستغني عن خدماتك لا خلا ولا عدم ...

واسمحولي يا شباب ترى تأخير الصور كان بسبب مني اسف ...

وانتظرو البرامج الجاية ... والله يوفقكم شباب اللي عنده امتحانات او تسليم او بزنتيشنز :)

تحياتي لشباب ليدز المقدسة

[Talal Al-Khalifa]

والله ماقصرتو على الجمعه الطيّبه هذي ...

ندور على صورة راشد المنصوري ولا حصلناه ..

المهم سلمو لي عليه و على عيال النويصر (التوم) لني اشوفهم في الصوره ; )

[Abdulla Al-Malki]

بل اخيرا انزلت الصور .. شيبنا واحنا ننطر يا بوعبدالله !! خخخخخخ

المهم ..نرجع لمحور حديثنا ..

شكري وامتناني العميق لك يالنوخذه على الجهد المبذول والبرامج الحلوه .. ونتمنى ان تستمر هالانشطه حتى يعم الامان والسلام <<اشدخل !!

ويعطيك العافيه يا سلطان على الصور .. بس انحطت صور ابطال بطولة الجوكر بس وين صورة بطل دوري السوني :) ..

واقول حق بوعبدالله ترا بطل بطولة السوني ينطر بوسته توصله هههه ..

اسفين على الملاغه .. ومشكورين مره ثانيه ..

اخوكم عبدالله المالكي

دائما وابدا من ارض اسبكيت ام الدنيا << اشدعوه مصر << مصر ول السودان خخخخخخخ << جني ملغت ..

فمان الله ..

[Abdulla Al-Malki]

اخوي طلال ..

راشد المنصوري احذاي .. ويسلم عليك سلاما وايد .. ويقولك ما ظهرت صورته لانه كان مخاويك في مون لايت .. :) .. يسلم عليك ويقولك نشوفك الاسبوع الجاي ...

وعيال النويصر بعد احذاي .. ويبلغونك سلامهم ..

فمان الله اخوك عبدالله المالكي

[Abdulla Al-Malki]

على فكرة راشد المنصوري ماكان موجود في بطولة السوني
لو كان موجود كان فاز (بقنا اكاونت عبدالله المالكي هههههه) يالله انجوفكم على خير ويعطيك العافية يا طارق الساعي مدير وزعيم ورئيس نادي الطلبة القطرين
مع تحيات :راشد المنصوري

[Thani Al-malki]

اخيرا
مابغينا نشوف الصور ... لول

وان شاء الله نزيد من هالبرامج الحلوه اللي تنسينا المواجع "بالعربي الدراسه" :D

[Abdulla Al-Fayhani]

السلام عليكم ..
في البدايه احب اشكر الجميع وعلى راسهم اخونا الكبير - خلقا وليس سنا:D - طارق الساعي على الجهد الي بذلوه.. واحب اقوله ما قصرت يا بوعبدالله.. وترى هذه فكرتك الي لولاها كان ما شفنا الشباب كلهم متجمعين حتى اخوانا الخليجين شاركونا في الجمعه الطيبه..
الصراحه استانسنا وايد خلال هاليومين ونتمنى ما تكون هذه اخر مره..
وفي الختام.. تقبلوا تحياتي
أخوكم / عبدالله الفيحاني

[Tareq Al-Saei]

:) أخوي طلال .. يا مرحبا والله فيك والشباب جاوبو عليك :D وانتمنى انك تشرفنا ليدز وتشاركنا في الأنشطة الجاية :)

عبدالله المالكي ... يا خوي الصور تأخرت خبرك الوقت مضغوط والدوام ذابحني الله يجيرك :D

يا خوي اذا بغيت تشكر اشكر الشباب اللي نظموا ولا قصروا ...وحتى اللي ساعدوا في التنظيم وانت منهم يا بوعابد ...

بالنسبة لصورتك خفنا عليها لان في وكالات أنباء وبالأخص رويترز تبي تبوق الخبر وتحط صورتك على انه سبق ... لكن هيهات هيهات ... خخخخخخةبدا التحشش:cool:

وإن شاء الله نسوي ديلفري حق البوسة وبنوكل واحد من الشباب :D

بس ماشا الله عليك بوعابد ردودك عجيبة ... وخاطري اشوف موضوع لك ; )

بوسنيدة .. الحمدلله على سلامة الوالد أولا... وترى مكانك كان مبين .. والخبصة مشتاقة لك :cool: .... الله يهديك سويتني نفس الاخ الركن العقيد القائد الثائر الخ:D

هلا والله بوعلي ... كلكم قبل لا تردون لازم تتحلطمون ... :p
بس يقولون قعدوكم لين الساعة 2 الليل وانتو تخبصون حتى الشايب ياته سكته قلبية من كثر الخبص واخر شي طلعوكم صج :D
المهم البركة فيكم ان شاء الله تسون البرامج السنعة ... :)

وعليكم السلام يا الفيحاني ... غلطت يا بوعابد ... أنا أكبركم سناً وأصغركم خلقاً ...لا والله الفكرة من عند الشباب وهم اللي نفذوها الله يبيض ويوهم ... وانت يالسنافي ما قصرت بعد وان شاء الله الشباب ما بيقصرون في البرامج ...

أحلى تحية لأحلى شباب :)