المساعد الشخصي الرقمي

مشاهدة النسخة كاملة : Portsmouth Guys..

Mohamed Al-Naimi
10-12-2004, 02:18 AM
.. السلام عليكم والرحمه ..

.. شباب بورتسمث ..

.. طالت فترة غيابي عنكم ..

.. لكن ما اقدر اقطعكم ..

.. المهم ..

.. نشاطي هالمره غير عن كل مره ..

.. ابي منكم خدمة ..

.. مو لي انا ..

.. لكم .. ولبلادكم الغالية قطر ..

.. سلمكم الله ..

.. بعد الامتحانات النادي الخليجي في جامعتنا بيسوي يوم مفتوح ..

.. هذا اليوم بيكون عباره عن معرض يشمل خيمة لكل دوله خليجيه ..

.. وكل خيمه تعتبر معرض لوطنها ..

.. يعني مثلا نعرض فيها صور ومجسمات ونضيف الحضور ..

.. ماابي اطول عليكم ..

.. المطلوب منكم بالعربي ..

.. كل واحد فيكم يقدر يجيب معاه شي يمثل قطر من الدوحه خلال الاجازه يسوي خير ..

.. يعني مثلا : قطعه سدو .. والا دلة رسلان .. بشت .. لوحة تراثية ..

.. احنا ما نبي نسوي الشغل كامل ..

.. مش علشان ان احنا متكاسلين او اي شي من هذا القبيل ..

.. لا وألف لا ..

.. العبرة هي الاحساس بروح المشاركة والأخوه ..

.. لأن هذا المعرض يمثل قطر مو أنا او الي بيساعدوني فقط ..

.. شدوا حيلكم ..

.. الي يقدر جزاه الله خير ..

.. والي ما يقدر ..

.. يحضر المعرض بزيه الوطني فقط لا غير ..

.. وبنكون له ممتنين جدا ..

.. ترى المساعده مو بس بالمعروضات ..

.. بتكون فيه عرضه وضيافة وشرح للحضور ..

.. يعني لكم حرية الاختيار ..

.. طرت على بالي جملة ياليت لو تفهمونها صح ..

.. الجملة هي ..

.. ربع تعاونوا ما ذلوا ..

.. اقصد المنافسة ..

.. يعني في خيم غيرنا بدوا شغلهم واستعدوا ..

.. واحنا كقطريين ما نبي يكون مستوى بلادنا اقل من غيرها ..

.. خصوصا وان بيسون دعوات للملاحق الثقافية الخليجية ..

.. نبي نبيض ويه الملحق ..

.. ونبيض هذا الويه بعد ..
http://www.qataria.net/image2/emir.jpg

.. اعذروا لي اطالتي ..

.. تسلمون ..



الي ضامن نفسه يقدر يوفر شي يكتبه في الرد ..

الشباب والبنات من الفرجان الباقيه ..
ياليت لو تثرووونا باقتراحاتكم ..
Hamad Al-Ibrahim
10-12-2004, 02:37 AM
بوجاسم يوم كنا في لندن وقعدت مع الاستاذ سعد الكبيسي قال انه الوزاره ممكن اتساعدكم في توفير هالاشياء فممكن تطلب منهم يوم ترد
Mohamed Al-Naimi
10-12-2004, 02:55 AM
عساك علاقوه يا اخوي

انا سألت الملحق وقالي ارووح للمركز الاعلامي في الخارجية ..

والحين لقيت جهة ثانية ..

تسلم والله ..


على فكره ترى اليوم مفتووووح لكم كلكم ..
Hamad Al-Ibrahim
10-12-2004, 03:04 AM
باكون مع ام العيال ومريومه والشور عقبها مب شوري :)
Mohamed Al-Naimi
10-12-2004, 04:16 AM
اذا جذيه سهالات ..

بوصي حسن :p

منتظرينك ترى ..

.. يااخي نبيك تساعدنا .. :mad:

.. وما اعتقد تبخل علينا .. ;)
Hamad Al-Ibrahim
10-12-2004, 06:55 PM
حاضرين لكم ومن العين هذي قبل هذي
Mohammed Marafi
11-12-2004, 02:37 PM
When is the open day??

in other words.. am I invited??

:D
Mohamed Al-Naimi
11-12-2004, 05:48 PM
.. تسلم عينك يا بو مريم ..

.. ومنها نخليك تلقي لنا محاضرة ..

.. ما ننعطى ويه .. صح .. :D

.. محمد أنت منا وفينا وما تحتاي عزيمة ..

.. اليوم بيكون باذن الله ورعايته 17-2 ..
Mubarak Al-Marri
13-12-2004, 11:37 PM
ابشر اخوي محمد


بس نسيت تعطيني مقاسات الاعمدة علشان اجهزها


منتظر ردك