M Al-Mahmoud
17-01-2006, 09:59 PM
بسم الله الرحمن الرحيم
تعلمت عشق الصور من صغري وعرفت كيف أعيش بين الجمل
بكيت وضاق صدري انسان شفته في براويز وسمعته في عبارات وجمل
ضميته في حلمي وسولفت له في غيابه شكيت له الهم ومايسمع
مسح دمعي بيده كان اوسع صدر لي رغم انه ما عرفني في يوم كان قريب رغم بعده
وإن سألت عنه لقيت الاجابه قبل السؤال الكل يشهد له بجود القول والافعال ويطيب المجلس ويزين بقعدته وسواليفه
وإن رسم له صوره بريشة احلى الكلام وياحظ منهو بيكون من نسله
سمعته في حكيهم وشفته في عيونهم ..كنت له اقرب قريب
بس عمري ما عرفته..سألت عنه ولقيت رد ماتمنيت اسمعه
يقولون بيجي يوم وبيكون بينكم اللقى ...
في ظنهم إن هذا يصبرني ومادروا ان الجرح زاد ومابرى
محد يدرى بالي أبيه ..ابي اشوفه واضمه واشكي له قسوه الايام
ابيه يمسح دمعتي ويقول ترا الحزن زايل .. وان خفت لقيت دفئ حضنه ودي اتغلى واتدلع عليك يا اقرب بعيد
ابي اكون طفله ويسايرني ابي اغلط ويسامحني ابي افرح ويفرح لي
ابي لي طحت ترفعني ابي احس احساس طفل خايف لقى دفئ حضن امه يلمه
ابي اكون اقرب قريب ابي اشده من يده وارفع راسي به بين ربعي وناسي
واقول هذا ترا ابوي واضمه واحس ان الدنيا كلها صارت بيدي
ابي عمري يكون هذي اللحظه
ودي اناديه واقول ((يايبا)) وينك ابيك تعالي بغيت اضمك واقولك ارجوك لاتروح ترا الحياه بعدك صعبه
من بعدك نادوني ((باليتيم))وآه يامصعبها من كلمه
شفت من بعدك كيف غدا حالي
جاء يوم سألت ياترى اش يعني الابو؟واش يكون بها الحياه
حبيت كل من كان ابو وحسيت بإني بنته بس للآسف !!
عرفت ان مالي حق يكون لي شخص اقوله ((يبا)) إلا انت
بس مادري اذا في عمري قلتها لك بس الي اعرفه ان مالي نصيب اقولها
يبا قلتها بالقلم وسمعتها على الورق
الكل صار له الحق يشوفك ويعرفك ويسمعك وانا اقرب مااكون لك انا الي سرا دمك بعروقي وشلت اسمك وصرت بنتك
بس للآسف ماعرفتك !! احترق من داخلي لما اسمع ذاك الغريب يتكلم عنك ويعرفك وانا اجهلك
يبا اذا جاء في يوم واسألوني عنك علمني شاقول ارجوك ساعدني لان ماعندي اجابه لسؤال
ياترى اروح واسأل الغريب والا اسكت واحبس العبرى..واضيع الكلام
محد يبي يقولي عنك ابي اعرفك بس كيف؟؟دلني الطريق قولي ليش احبك ,اشتاق لك,ابيك وانا ما اعرفك ولا اتذكرك
ولا في يوم حسيتك ..وان جاء يوم وحد غلط عليك اقوم الدنيا وقعدها بس ليش؟!!
اذا شفتك في صوره وسمعتك في كلمه وضميتك في حلمي وعشتك في خيالي
اعذرني يا يبا بس هذي الحقيقه انت ماكنت في حياتي ولا راح تكون وما اظن في يوم بشتاق لك شوق الغريب إلي شافك واسمع وعاشرك
اسمح لي ارجوك بس اوعدك انك تكون ساكني فيني دوم
واوعدك ان بيجي ذاك اليوم الي اشرفك بين الخلايق ارفع اسمك فوق هذا وعد قطعته على نفسي ووعد الحر دين على نفسه
...اسمحولي على القصور...
اتمنى اسمع تعليقاتكم سواء بالمدح او النقد
تعلمت عشق الصور من صغري وعرفت كيف أعيش بين الجمل
بكيت وضاق صدري انسان شفته في براويز وسمعته في عبارات وجمل
ضميته في حلمي وسولفت له في غيابه شكيت له الهم ومايسمع
مسح دمعي بيده كان اوسع صدر لي رغم انه ما عرفني في يوم كان قريب رغم بعده
وإن سألت عنه لقيت الاجابه قبل السؤال الكل يشهد له بجود القول والافعال ويطيب المجلس ويزين بقعدته وسواليفه
وإن رسم له صوره بريشة احلى الكلام وياحظ منهو بيكون من نسله
سمعته في حكيهم وشفته في عيونهم ..كنت له اقرب قريب
بس عمري ما عرفته..سألت عنه ولقيت رد ماتمنيت اسمعه
يقولون بيجي يوم وبيكون بينكم اللقى ...
في ظنهم إن هذا يصبرني ومادروا ان الجرح زاد ومابرى
محد يدرى بالي أبيه ..ابي اشوفه واضمه واشكي له قسوه الايام
ابيه يمسح دمعتي ويقول ترا الحزن زايل .. وان خفت لقيت دفئ حضنه ودي اتغلى واتدلع عليك يا اقرب بعيد
ابي اكون طفله ويسايرني ابي اغلط ويسامحني ابي افرح ويفرح لي
ابي لي طحت ترفعني ابي احس احساس طفل خايف لقى دفئ حضن امه يلمه
ابي اكون اقرب قريب ابي اشده من يده وارفع راسي به بين ربعي وناسي
واقول هذا ترا ابوي واضمه واحس ان الدنيا كلها صارت بيدي
ابي عمري يكون هذي اللحظه
ودي اناديه واقول ((يايبا)) وينك ابيك تعالي بغيت اضمك واقولك ارجوك لاتروح ترا الحياه بعدك صعبه
من بعدك نادوني ((باليتيم))وآه يامصعبها من كلمه
شفت من بعدك كيف غدا حالي
جاء يوم سألت ياترى اش يعني الابو؟واش يكون بها الحياه
حبيت كل من كان ابو وحسيت بإني بنته بس للآسف !!
عرفت ان مالي حق يكون لي شخص اقوله ((يبا)) إلا انت
بس مادري اذا في عمري قلتها لك بس الي اعرفه ان مالي نصيب اقولها
يبا قلتها بالقلم وسمعتها على الورق
الكل صار له الحق يشوفك ويعرفك ويسمعك وانا اقرب مااكون لك انا الي سرا دمك بعروقي وشلت اسمك وصرت بنتك
بس للآسف ماعرفتك !! احترق من داخلي لما اسمع ذاك الغريب يتكلم عنك ويعرفك وانا اجهلك
يبا اذا جاء في يوم واسألوني عنك علمني شاقول ارجوك ساعدني لان ماعندي اجابه لسؤال
ياترى اروح واسأل الغريب والا اسكت واحبس العبرى..واضيع الكلام
محد يبي يقولي عنك ابي اعرفك بس كيف؟؟دلني الطريق قولي ليش احبك ,اشتاق لك,ابيك وانا ما اعرفك ولا اتذكرك
ولا في يوم حسيتك ..وان جاء يوم وحد غلط عليك اقوم الدنيا وقعدها بس ليش؟!!
اذا شفتك في صوره وسمعتك في كلمه وضميتك في حلمي وعشتك في خيالي
اعذرني يا يبا بس هذي الحقيقه انت ماكنت في حياتي ولا راح تكون وما اظن في يوم بشتاق لك شوق الغريب إلي شافك واسمع وعاشرك
اسمح لي ارجوك بس اوعدك انك تكون ساكني فيني دوم
واوعدك ان بيجي ذاك اليوم الي اشرفك بين الخلايق ارفع اسمك فوق هذا وعد قطعته على نفسي ووعد الحر دين على نفسه
...اسمحولي على القصور...
اتمنى اسمع تعليقاتكم سواء بالمدح او النقد