ادارة الاعمال في كندا وامريكا

[Mohamed Al-Sayegh]

بسم الله الرحمن الرحيم

اذا في حد من الشباب القطري في كندا او امريكا يدرس ادارة اعمال او تسويق او ادارة الموارد البشرية او ادارة مالية يعني اي تخصص في الادارة ... حبيت اعرف:
وايد شباب يقولون ان الدارسة في كندا اصعب من امريكا هل هذا الكلام صحيح؟
بأي جامعة تنصحون في كندا لو الواحد يبي يدرس مثل هاذي التخصصات يا شباب كندا؟
بأي جامعة تنصحون لو الواحد يبي يدرس مثل هاذي التخصصات في أمريكا يا شباب أمريكا؟
بالنسبه لامريكا اسمع وايد ان جامعه عن جامعه تفرق من حيث الصعوبه ؟

نرجو منكم الافاده

اخوكم: محمد الصايغ

[Dana Al-Kuwari]

والله يا بوجاسم..

التخصصات الي ذكرتها ماعتقد انها صعبه لا في كندا ولا امريكا..لانها نظريه اكثر شي ..

وبالنسبه لسؤالك عن الجامعات مثل ماذكرت قبل.. ماعتقد ان لك حرية الاختيار لان المجلس الاعلى حاط لست ولازم تختار وحده منهم .. وعموما دراسة الاقتصاد والاداره في اي جامعه موجوده وعادي .. يعني اسمع الطلاب يقولون الجامعه الفلانيه قويه فالهندسه..والجامعه الفلانيه قويه فالطب.. بس بالنسبه للاداره ماسمعت..بس نسأل لك ليش لا ..


مادري اذا الشبااب والشابات يوافقوني فالراي.. وننطر تعليقات الي بكندا

[Mohamed Al-Sayegh]

تسلمين أختي دانه , وننتظر حد من كندا ايفيدنا..

محمد الصايغ

[R.A.A]

السلام عليكم

بأعتقادي الشخصي تخصصات البزنس وإلي تخصصك من ضمنهم من أجود وأروع وأحلى التخصصات في أمريكا. انا ماخذه بعض الكلاسات في البزنس ودايم شغلهم جروبات وبرزنتاشين وهالسوالف يعني خفايف.

كل الجامعات زينه بهالسوالف...بس صراحة بعد طول تفكير انصحك بكلفورنيا واهلها يفقدونك بالاجامعه الاحسن فيها.

موفق اخوي

[Mohamed Al-Sayegh]

يعطيك العافية R.A.A , وينكم يا شباب كندا نبي رآيكم...

محمد الصايغ

[Khalid Al-Mulla]

السلام عليكم ورحمة الله وبركاته

هلا بوجاسم اسمحلي يا اخوي على التأخر في الرد

عندنا واحد من الشباب هنيه في اوتوا يدرس تسويق
:)

وإن شاء الله إما انا بخليه يرد ولا انا برد عليك بس مش الحين لأني مشغول نسبياً وراي واجبات وتقارير لازم اسلمها بكره

لكن بشكل عام معروف إن تخصص الإدارة التنافس عليه كبير هنا لأن اغلب البيض يدخلون إدارة
:)

وبس يا اخوي وبالنسبة إذا كندا ولا أمريكا اسهل اتصور إن امريكا الدراسة فيها اسهل من كلام الشباب اللي عندنا اهنيه واللي محولين من امريكا

ويعطيك العافية حبيبنا
:)

[Mohamed Al-Sayegh]

يعطيك الف عافية اخوي خالد الملا, خذ راحتك اخوي, ومتى ما قدرت اتجيب معلومات راح اكون شاكرلك, واتمنى لك التوفيق ولكل اخواني واخواتي القطريين, وان شاء تتخرجون وترفعون اسم بلادنا قطر فوق... وجزاك الله الف خير

اخوكم: محمد الصايغ

[Khalid Al-Mulla]

هلا بوجاسم اسمحلي على التأخير بس صاحبنا قاللي بيرد على الموضوع ولين الحين ما رد . . . الحين اكلمه واشوف واسمحلنا على القصور

[Mohammed A. Al-Mulla]

hi bojasem..

i study marketing in canada at university of ottawa i will try to answer you questions for you. as far as where it's harder canada or the US, i have to say from what the guys say Canada is more difficult and strict with its regulations. As for which university in Canada, it all depends on you grades in highschool and TOEFL grade, just remember that buissness is one of the most competitive feilds in north america not becouse it's easy like most peple think but becouse of the high demand and the rapid growth in the feild.

my experince in canada is that they will make sure you graduate from the universty ready regardless of the university you go to and you will learn alot from canadians they are really nice people and really really hard workers.

i hope that answers your questions and let me know if you need eny thing

[Mohamed Al-Sayegh]

يعطيك العافية أخوي خالد الملا وما قصرت, وجزاك الله الف خير أخوي... ويالتوفيق ان شاء الله.

محمد الصايغ

[Mohamed Al-Sayegh]

I would like to thank you my brother Mohamed for answering my question about the difference between studying in Canada and U.S.A. Good luck..

[Ahmed Al-Salahi]

اشكر الشباب على الهمه و العزيمه في مساعده اخواننا
وجزاكم الله خير والله يرجعكم لاهلكم بالسلامه ويعينكم على الغربه

شدوا حيلكم بارك الله فيكم

[Mohamed Al-Sayegh]

يعجز اللسان عن شكر اخواني خالد ومحمد الملا على اهتمامهم على الاجابة عن اي استفسار, وهذا ان دل فهو يدل على حبهم لتقديم المساعده للغير , جزاكم الله الف خير , والله الامام دائماً, وان شاء الله عقبال التخرج..

محمد الصايغ

[Khalid Al-Mulla]

يا هلا فيك اخوي العزيز محمد

بالعكس يا اخوي ما يحتاي اتقول هالكلام
:)

هالموقع انوجد عشان يحقق هالهدف وهو هدف التعاون بين الطلبة وتبادل الخبرات

وترى اللي رد عليك محمد الملا
:)

واحنا في الخدمة يا اخوي إذا احتجت اي شئ
:)

اخوك خالد