المساعد الشخصي الرقمي

مشاهدة النسخة كاملة : نهاية الدوام اليومي .....

S.A.M
15-12-2005, 09:26 PM
سؤال يخص الجامعات في المدينة التعليمية:

تكساس
كورنيل
كارنيجي ميلون
و جورج تاون


بس جزاكم الله خير بغيت أتأكد متى يخلص دوامكم اليومي "الرسمي" ؟ وهل في طلبة عندكم يشتغلون في الجامعة بعد الساعة 11؟؟

وكيف الدوام في رمضان؟؟ يقصرون وقت الكلاسات؟؟ ولا ما يتغير..


شكراً
N.A
15-12-2005, 10:22 PM
بخصوص كورنل
الدوام ساعات لي 11 وساعات لي 2ونص وساعات لي 3 ونص وساعات لي 5 !!!
في رمضان يقصر الدوام حوالي ساعه مب اكثر
ان شاء الله اكون فدتج
Fahad Al-Jefairi
16-12-2005, 10:56 AM
احنا الدوام الرسمي يخلص كل يوم الساعة 5 المسا ...

وآخر رمضان اتفقوا مع تكساس وجورج تاون انهم ما يغيرون الجداول ...

لكن ان شاء الله نحاول نغيرها للسنة الجاية ..

وجزااكم الله خير
M.M.N
16-12-2005, 12:36 PM
احنا الدوام الرسمي للطلاب هذا الفصل كان يخلص الساعة 4 و ربع لكن الفصل الجاي بينتهي حوالي الساعة 3
و بعدين الجامعة و المكتبة مفتوحة للي يبي يدرس و يحل واجباته و فيه بعض الطلاب يقعدون لين 11 بالكثير

أما بالنسبة لرمضان فكان الدوام يخلص الساعة 3 لكن وقت الصفوف كان ثابت أما بالنسبة للسنة الجاية يقولون احتمال نفطر في الجامعة
هذا و العلم عند الله
S.A.M
16-12-2005, 01:36 PM
شكراً لكم..NA... فهد... MMN


حلو..يعني آخر دوام هو الساعة خمسة

و احنا آخر دوام عندنا الساعة 8

احنا كل سنة يقصرون الدوام في رمضان و يخلونه "بشكل عام" لين 2 كحد أعلى الا اذا المدرس متفق مع الطالبات

والمشكلة انهم شافوا ان الجامعات الثانية ما يقصرون .. فنزلوا قرار (أظن من مؤسسة قطر) ان الدوام يتم مثل ما هو حتى نتامشى مع باقي الجامعات...!!! للأسف ما شافوا الفرق في الدوامات ولا راعوا ان طبيعة شغلنا تحتم علينا نقعد بعد الدوام بساعات!!!

المهم..جزاكم الله خير .. والله يقدر لنا الي فيه الخير
Ahmed Al-Salahi
16-12-2005, 01:43 PM
الله يعينكم ويقويكم
صج كارفينكم

الحمدلله تخرجنا :D
عقبالكم
N.A
17-12-2005, 12:49 PM
نسيت اقولكم شي ,, ساعات في رمضان نخلص 5 !! مع الاذان :(
S.A.M
21-12-2005, 11:21 PM
حلو!

يعني أعتقد الأغلب مستاء!

نوينا كمجموعة طالبات أن نجمع توقيعات من الطالبات كمعارضات لفكرة ابقاء الدوام على ما هو عليه ..و نوينا نطرش رسالة ثانية لمؤسسة قطر


تحبون تكون رسالة المؤسسة موحدة؟؟ اقصد نطرش رسالة وحدة وننزل في النهاية توقيعات كل جامعة على حدة؟؟
M.M.N
22-12-2005, 09:43 AM
أختي S.A.M.

أنا أتفهم عدم رضاك على الدوام إللي راح يتغير في رمضان
لكن أقولك لك دام أنهم قالوا لكم إنهم بيغيرون الدوام فهذا يعني إنهم ما كانوا يشاورونكم
لا يعني إنهم بيغرونه أكييد و ما راح تنفعكم أي عريضة توقعونها

و بعدين أنا اسفة لكن ما راح أوقع باسم جامعتي في العريضة لأن أول ما داومنا وضحوا لنا إن الدوام هالسنة في رمضان بيكون قصير لكن في السنوات الجاية بيكون طويل على اعتبار إن عددنا بيزيد و ما عندنا صفوف كفاية فبتزيد ساعات الدوام اليومي

و كلنا وافقنا فما يصير أستوي منافقة وأوافق على إللي يقولونه قدامهم و من وراهم أروح وقدم عريضة


فاسمحيلي
S.A.M
22-12-2005, 10:11 AM
شكراً اختي الفاضلة على صراحتك

بس بالنسبة لنا..دام هذي رغبة الأغلبية في جامعتنا..أعتقد من واجب الطالبات انهم يعبرون بآرائههم..حتى لو الادارة ما اهتمت..

المهم ان الانسان يحاول...و لو بالقليل ... والي فيه الخير الله بقدره


شكراً اختي