صور عن الدوحه

[R.A.A]

السلام عليكم ورحمة الله وبركاته

ياجماعة الخير...ياهل التصوير والصور والفن والابداع.....عندي بروجكت عن قطر ومحتاجه صور عن الدوحه وقطر الله لايهنيكم.
أدري اقدر القى بالنت بس الدكتور يقول لازم حقوق الطبع ومدري اشعنده ولازم بموافقه راعي الصورة...قلت احسن طريقه المنتدا وفنانين التصوير.

كل ما عجلتوا كل ماكان احسن الله لايهينكم.

شكرا
أختكم بالله

[Nasser Al-Saadi]

تفضلي اختي :)
http://www.qatargallery.com/arabic/

[R.A.A]

مشــــــــــــــــــــــــــــــــــــــــكور أخوي وجزاك الله خير وجعله في ميزان حسناتك يارب.

بس أبي اتأكد لأن أدري الدكتور بيذبحني أسأله....هل صاحب الموقع يرضى إني استخدم صور من موقعه حق بروجكتي؟؟؟

شكرا

[Mohamed Al-Naimi]

http://www.qataries.net/vb/showthread.php?t=2721

هذي مشاركه لاخواننا في المنتدى ..


يمكن تلاقيين فيها صور تنفعج .. وما اعتقد حد من الشباب او البنات بيمانع ..

[Khalifa AlAttiyah]

لا ممانعه ما نردك يا بوعمير ، سبقتنا .. هههه ..
تفضلي أختي ..

[R.A.A]

اخواني الكرماء ناصر السعدي و محمد النعيمي و خليفه العطيه

مشكورين مشكورين مشكورين....والله يوفق عليكم ويفرج عليكم كل ضيقه....اللهم أمين

أختكم بالله

[Nasser Al-Saadi]

اختي R A A

دام ان تواقيع اللي صوروا موجوده على الصور ،، فما في مشكله في الحقوق ان شاء الله ،، لمن اتوقع اذا بتشيلين تواقيعهم ،، هني في مشكله :)

وشكراً

[Mohammed Al-Rashid]

وانا ماعندي مانع من استخدام صوري
وهذا الرابط (http://www.flickr.com/photos/qtr/sets/207564/) فيه كذا صوره من اعمالي الخاصه

[Dana Al-Kuwari]

بوووه يا R.A.A
مب سهليين بروفيسوريتكم.. يسألون وحقوق طبع ومادري شنو.. الله يعينج والله كفاح ذي.. ويبيله ريسيرج مظبوط..

احنا مب صور.. احنا نجيب بروجكات طلبه من ايام النفط.. يمشونه لنا :) ..

يالله عالعموم موفقه في البروجكت انشالله .. والامور كلها اوكي..

[Mohammed Ghulam]

السلام عليكم

انا مب متأكد أي نوع من الصور محتاجه... قديمه عن تاريخ قطر او جديده... اتمنى هالصور تنفع...

محمد غلام

[R.A.A]

مشكور أخ محمد غلام
ماقصرتوا أخواني وخواتي وجزاكم الله خير

كنت ناويه أغير موضوع البروجيكت لو ماحصلت صور زينه

أحين أقدر أقول أن الصور إلي محتاجتها أكتملت تقريبا ولو
نقصني شي مب رادني إلا لساني وأنتوا ماتقصرون ماشاءالله
عليكم

شكرا