ليش الرفض؟ اذا كان الموضوع لصالحهم

[Mohamed Al-Sayegh]

بسم الله الرحمن الرحيم

مثل ما اتعرفون ان بدأنا بأخذ التواقيع من قبل الطلاب لتوجيه خطاب الى ادارة الكلية , نطلب فيها التنسيق بشأن الاعتراف بالجامعات الي بينها وبين شمال الاطلنطي اتفاقيات, وبشأن مناقشة موضوع مستقبل طلاب شمال الاطلنطي مع الشركات وفرصة التدرج الوظيفي والدرجة الوظيفية والراتب, ولكن للأسف ان بعض الطلاب رفض التوقيع بحجة ان الكلية ما راح اتسوي شي, واحد الطالبات بحجة انها راح تتخرج السنه وخايفه ان التوقيع يأثر على تخرجها( اشدخل ما ادري), وطالبه تمتنع عن التعليق, طبعاً الامر الاخير راجع للطالب , بس بالمنطق احنا نطلب منهم التوقيع على شي في صالح كل الطلاب !!! وفي النهاية احنا الي انسويه في مصلحة طلاب وطالبات الكلية, ومن حقنا ان انوصل صوتنا للمسؤوليين, لان ما ايصير ان نتكلم وبس بدون ما نتحرك وانسوي شي.

اخوكم: محمد الصايغ

[R. Al-Harami]

When was that?!! :eek:

no one told me about the these signatures collecting!
if I knew I will sign my name immediatly .
Walla I can't belive it ! how come these students don't want to sign if they don't wana help them selves at least they will help others who really want this !! :confused:
yes the college might not do anything but who knows what will happen tomorrow , at least we should take a first step , see what happen and only then we can think of other alternative solutions!

any way thanks alot brother Mohamed and thanks for your consideration ,please let us know what happened with you regarding this issue.

Wishing you all the best and all of the student in the academic career

[Mohamed Al-Sayegh]

We started collecting students' signatures last week, and you can ask W Al Mohaandi to sign in the signatures sheet if you know her, because she knows about the situation.
We will let you know if we get any news bout the situation.

Thanks

Mohamed Al sayegh

[Ahmed Al-Salahi]

ههههه

مب مستغرب من الموقف ... انانيه
ولين الحين ما شفتوا شي
شدوا حيلكم والله يوفقكم وحاولوا مع الناس اللي مهتمه اما اللي مايبي يوقع كيفه واذا الله اراد لكم ان التواقيع تتجمع بتتجمع بهم ولا بغيرهم.

[Dana Al-Kuwari]

بل شدعوى.. على توقيع بس ارفضوا :confused: ..

ومهما كان الموضوع ماظن حد يقدر يوقف بطريج تخرجي علشان قلت رايي الشخصي.. ولا راح بيفتح عليه ابواب هو في غنا عنها :)

[M. Albinali]

والله الصراحه انا انصدمت يوم جابت لي الورقه رفيجتي وتقول عن السالفه


مايصير جامعه مفتتحتها الشيخه موزه مو معترف فيها ؟؟؟؟؟؟؟؟


على العموم من باب الاحتياط وقعت

[Dana Al-Kuwari]

هاااا شنو شنو :eek: ..

شمال الاطلنطي غير معترف فيها؟؟
و الي سمعته انه جامعة قطر معترف فيها؟؟

هههههههههههههههههههههههههههههههههههههههههه

ياما قلنا لكم هالجامعات الي ماصارت لها فالاقدميه 8 ولا 10 سنيين ماينفع يندرس فيها.. لانها توها في طور التكوين و و و ..

وانتوا تقولون لا مافي داعي الواحد يتغرب الخير عندنا وجامعات اجنبيه وعلى مستوى وكل شي فيها وجنا متخرجين بالظبط من برى ..

اخذوا عاد الحين..

بس هالموضوع ماينكست عنه .. ياحليلكم تواقيع و اوراق ومادري شنو.. والله لو الموضوع يخصني ومضيعه من عمري سنين ادرس فيها وعقب يقولون لي مب معترف فيها..

هييييييييه بيكونون افتحوا على نفسهم ابواب مب شي كلش :)

[R.A.A]

السلام عليكم ورحمة الله وبركاته

صراحة أخواني وخواتي المهتمين بالموضوع الله يعطيكم العافيه وجعله الله في ميزان حسناتكم يارب. الموضوع مب سهل ولاهين وفعلا تستحقون شي افضل بحكم أنكم تطلعون بلغه + خبرة عمليه + دراسة نافعه تلبي احتياجات سوق العمل.

أما إلي ماوقعوا الله يهديهم...ترا يايبه يد والله ماتصفق...وإلا توقيع مب مأخر ولامقدم ولا يقدرون يضرونكم بشي سبة توقيع يأيد ويطالب بحقوقه..ومايضيع حق وراه مطالب. بكره لما يتحسن وضع الخريجين ان شاءالله ودكم تروحون للمسؤولين عن الموضوع وتحبون راسهم وتشكرونهم...بس أحين خلكم إيجابين ووقعوا وساعدوا اخوانكم وخواتكم ونفسكم.

الله يوفقكم يارب

[Mohamed Al-Sayegh]

بسم الله الرحمن الرحيم

أخواني وأخواتي, لاحظت ان الكثير مب فاهم موضوع الجامعات الكندية الي بينها وبين كلية شمال الاطلنطي اتفاقيات, علشان جذي حبين اتكلم عن هاذي النقطه.

كلية شمال الاطلنطي, كلية كندية وقعت اتفاقية مع دولة قطر علشان تفتح فرع لها في دولة قطر, لتلبية احتياجات سوق العمل وتخريج كوادر مؤهله, يعني الكلية معترف بها اكاديميا ومهنياً في دولة قطر , الرجاء عدم الخلط بين موضوع الاعتراف وموضوع الجامعات الكندية الي بينها وبين كلية شمال الاطلنطي اتفاقيات.

كلية شمال الاطلنطي بينها وبين جامعات كندية اتفاقيات تسمح لخريج كلية شمال الاطلنطي اكمال دراسته للحصول على درجة البكالوريس, بس المشكله ان الجامعات هاذي مب موجوده في قائمة الجامعات الكندية الي يبعث لها المجلس الاعلى للتعليم, بس طبعا خريج كلية شمال الاطلنطي يقدر يحول ساعات الي حصل عليها من الكلية الى جامعات أخرى, بس المشكله ان ما راح يحسبون كل الساعات, لان مثل ما اتعرفون مب كل الجامعات برامجها نفس الشي, يعني راح يلغون الكثير من المواد, فالأفضل ان يتم وضع الجامعات الكندية الي بينها وبين شمال الاطلنطي اتفاقية علشان الواحد ما يضطر ان يدرس سنوات اكثر بعد التخرج من شمال الاطلنطي.

وارجع واقول كلية شمال الاطلنطي كلية معترف فيها في دولة قطر, لو مب معترف فيها ليش الدوله وقت معاها اتفاقية, لو مب معترف فيها ليش المجلس الاعلى للتعليم يتبنى طلاب للدارسة في الكلية, فالرجاء الرجاء فهم الموضوع بصوره صحيحة, لاحظت كثير من الطلاب والطالبات قاموا يقولون ان الكلية مب معترف فيها, وهذا الشي خاطىء, الكلية تخرج طلاب معترف فيهم أكاديمياً ومهنياً.

والنقطه الاخيره: كلية شمال الاطلنطي, كلية تكنولجيه وهاذي الكلية تم انشاءها بدل الكلية التكنولوجية القديمة التابعه لجامعة قطر.

تقبلوا مني اجمل تحية...

اخوكم: محمد الصايغ

[Abdulrahman Al-Homaid]

وفي النهاية احنا الي انسويه في مصلحة طلاب وطالبات الكلية, ومن حقنا ان انوصل صوتنا للمسؤوليين, لان ما ايصير ان نتكلم وبس بدون ما نتحرك وانسوي شي.

المسؤولين الي تتكلم عنهم مب في الكليه ... المسؤولين الي تتكلم عنهم برع الكلية.

انا معاك انه السالفه مب سالفه طالب او طالبين او حتى الدفعه الاولى او الثانيه ... السالفه سالفه اكثرمن الف طالب وطالبه واجيال ... المشكله في اغلب الناس انهم يخافون على روحهم وقت الجد ... وشي اكيد كل شخص يخاف على مستقبله وانا مالومهم.

بس ياليت الناس تفكر في غيرها ومستقبل الكل.

جزاك الله خير على هذي الحركه اخوي محمد ... اتمنى انه كلنا نحط يدنا على بعض ونكلم مسؤولين أكبر

[Mohamed Al-Sayegh]

أخوي عبدالرحمن,
الخطوه الاولى ان انجرب مع ادارة الكلية قبل ما نخطي خطوه
برع الكلية مع مسؤولين خارج الكلية ,لازم انوصل مشكلتنا الى ادارة الكلية واذا ما سويت شي, بعدين نتحرك وانشوف شي ثاني , طبعاً كل واحد حر اذا يوقع او لا , بس ليش يخافون على مستقبلهم, ما أظن ان التوقيع راح يضرهم او يضر مستقبلهم الدراسي او الوظيفي, لان هو في الاخير شخص يطالب بحقه.

اخوكم: محمد الصايغ