المساعد الشخصي الرقمي

مشاهدة النسخة كاملة : === اول قصايدي في المنتدى ,, غربة ===

Abdulaziz Al-Mawlawi
04-12-2005, 11:46 AM
السلام عليكم ..
هاذي اول قصيده انزلها في المنتدى و اتمنى انها تنول اعجابكم ..
الله يسلمكم كتبتها قبل لا اسافر واجي ليدز ..

بس لا تنسون تعطوني رايكم ..

غــــربة

نادت الغربة تعال وجا وقت البعاد الشاق ..
وحانت أخر اللحظات عنوانها أصعب أوقاتي ..
بديت بحمل أغراضي وألامي وكل مافيني من أشواق ..
وبدا بصراخه قلبي وبدت تنطق مساماتي ..
هذا ابوي وهاذي امي واخواني كلن بحزنه ضاق ..
وذاك المكان اللي سكنته وشهد أغلى كتاباتي ..
أبترك كل من حولي وبمشي برجلي درب الفراق ..
ومامعاي بغربتي غير ربي و قرآني ودعواتي ..
آه يا تراب بلادي ياقطر, آه يا عنابي يا خفاق ..
شوقك دوم بقلبي في روحاتي وجياتي ..
بودع كل أحبابي وأصحابي و الألم حراق ..
وبقول نطروني إذا الله كتب وسنحت إجازاتي ..
بتم ناطر شوفتكم وبيزيد فيني الإشتياق ..
وبتم غارق لين ماأشوفكم باأشواقي و إشتياقاتي ..
أبسألك يارب هون علي الحزن إللي سكن الأعماق ..
وهون علي غربتي و إستعجل برجعاتي ..

أخوكم عبدالعزيز المولوي
Thani Al-malki
04-12-2005, 12:03 PM
صح الله لسانك يا بوسعوود
ترى هانت ومابقى شئ عالرجعه
Abdulaziz Al-Mawlawi
04-12-2005, 12:06 PM
صح الله ابدنك ثاني ...

اي والله كلها كم يوم واحنا في الدوحه (( احنا اول الواصلين :p ))
Abdulla Al-Naimi
04-12-2005, 05:35 PM
بسم الله الرحمن الرحيم
السلام عليكم و رحمة و بركاته
إييييييه يا بو سعود إنتو أول الواصلين و إحنا أول القاعدين
على العموم قصيدة حلوة و معبرة
بس ما أدري لو بتكتب قصيدة ألحين شبتقول فيها
لا تحرمنا من جديدك

السلام عليكم
عبدالله بن محمد بن مبارك النعيمي
Sultan Al-Kuwari
04-12-2005, 10:16 PM
رائعه .. منك يابوسعود .. صح لسانك ..


وربي يوفقك .. وتتميز وتتألق .. أكثر وأكثر ..


..

واحنا منتظرين جديدك ..


::Hint ::
طلعت شاعر من ورانا ..


..
S.Al-noaimi
05-12-2005, 12:09 AM
صح لسانك,,


آه يا تراب بلادي ياقطر, آه يا عنابي يا خفاق ..

مشاعر جميله وآهات متواصله للشوق و الحنين للوطن

وأقسى شي على الإنسان هي الغربة,,,

وان شا الله ترجع بالسلامه انت وعيال الديره كلهم
Tareq Al-Saei
05-12-2005, 01:00 AM
يه يه يه من من ما شوف ... بوسعووووود مرة وحدة في المنتدى ...

لا وكاتب قصيدة ... والله انتو مب هينين يا هل الاسبكت ..

صح لسانك يا بوسعود ... والصراحة صدق المشاعر وألم الفراق ظاهر في القصيدة...

كلمات بسيطة وحلوة وقعها كبير في القلب ... الله يوفقك يا بوسعود واتمنى اقرا جديدك ...

(الظاهر بنزيد امسية شعرية في التصور ... نبي اجتماع :D )
Saif Al-Mannai
05-12-2005, 02:22 AM
ماشاءالله تبارك الرحمن

صح لسانك يا شاعرنا ، و كلمات معبره جداً !!

أخوك / سيف المناعي
Sultan Al-Kuwari
05-12-2005, 03:33 AM
(الظاهر بنزيد امسية شعرية في التصور ... نبي اجتماع :D )


طارق أنا اوفقك الراي .. .

:D
Nasser A Al-attiyah
05-12-2005, 03:50 AM
صح الله لسانك

و الله يعينك على الغربة

و يوفقك في دراستك ان شاء الله
Abdulaziz Al-Mawlawi
05-12-2005, 04:27 AM
عبدالله النعيمي ..
حي الله بوعابد .. عالعموم يمدحون التكرمس هني .. شد حيلك .. ياخوك لو بنكتب الحين قول اش مابيكون فيها :P
ومشكور على المرور ...

سلطان الكواري ..
هلا والله يسعدني مرووووورك سلطان .. والابداع عندك الله يسلمك ..

س النعيمي ..
اي والله مع ان صج مافيها شي الدوحه .. بس كفاية الاهل والربع .. بس شباب ليدز فيهم الخير والبركه .. تسلمين اختي على المرور والله يسمع منج ...

طارق الساعي ..
هلا هلا هلا بالعوووووووود ..صح الله ابدنك .. تربيتك يا شيبة الاسبكت .. لازم نطلع عليك ونتعلم منك .. خلاص ولا عليك .. بحط هالموضوع في الملف (( ملف باركليز :p )) وقرييييييييييب بيصير ان شاء الله .. بس وينك اليوم تأخرت عالدوام ؟؟ في مراجعين طلبو مقابلتك وانا قلتلهم عنده اجتماع :p

سيف المناعي ..
هلا والله سيف .. صح الله ابدنك .. وتسلللللم عالمرور .. (( ادرس حق كويز الفيزيا :p ))

سلطان الكواري ..
سلطااانوووووو ملغت .. اتغشمررررر حياك البيت بيتك يبه ..

ناصر العطيه ..
صح الله ابدنك اخوي ناصر .. والله يعينا وياكم ويوفقنا اجمعين ..
تسلم على المرور ...
Mohammed Al-Malki
05-12-2005, 05:05 AM
اووووووووووووووووه....خوش خوش خوش.........
صح لسانك بوسعود......
ومشكور على احياء مشاعر الاشتياق للدوحه
Adel Al-Jalham
06-12-2005, 03:29 AM
صح لسانك يا بوسعود وما قصرت ماشاء الله طلعت شاعر وما يبين عليك ناطرين المزيد من ابداعاتك واشعارك :)
اخوك\ عادل الجلهم
Abdulla Al-Malki
06-12-2005, 03:54 AM
بوسعود
ابدااااع يا بوسعود صح الله لسانك .. وترى انا قاري هالقصيده في قطر فوتبول من قبل فتعرف راي فيها زين .. على العموم لا تحرمنا جديدك ..

بخصوص ..

عبدالله بن محمد بن مبارك النعيمي

والنعم وسبعة انعام يالسمي ..(تذكرت نادوز هههههه ; ) )

اخوك عبدالله المالكي .. من ارض اسبكت الحبيبه !!
Khalifa AlAttiyah
06-12-2005, 03:46 PM
صح السانك يا بو سعود ، وننتظر جديدك ، لا هنت
Abdulaziz Al-Mawlawi
06-12-2005, 11:32 PM
محمد المالكي ..
صح الله ابدنك .. وخف علينا ياالاشتياق :P ... مشكور على المرور ..

عادل الجلهم ..
هلا عادل .. صح الله ابدنك .. وابشر ان شاء الله بتشوف اللي يعجبك ويرضيك ..

عبدالله المالكي ..
صح الله ابدنك يا بوعابد .. ويشرفني ردك اللي هو الثاني بعد قطر فوتبول .. و بخصوص النعيمي .. والنعم فيه والله .. وخل هالسوالف في ناندوز بس ...

خليفة العطيه ..
صح الله ابدنك .. وابشر باللي يعجبك ان شاء الله .. ونتعلم منك طال عمرك .. تسلم على المرور

اخوكم عبدالعزيز المولوي