طر للسماء ...!

[Rashid Al-Khalifa]

طر للسماء و رفرف الجنحانا .. .. و ردد ألا ليت الهوى ما كانا

ألا ليت من نهوى هوونا تبادلٍ .. .. مشاعر صدقٍ تحمل الأشجانا

و لكنهم صدوا و قلبي هملوا .. .. و من كأس حبٍ علقمٍ أسقانا

أيا طير فوق الغصن وحدك جالسٍ .. .. قم لا عدمتك غرد الألحانا

كم مرةٍ زرتك بهمي محملاً .. .. و برفع صوتك تجلي الأحزانا

يا شمس قومي أشرقي و تجددي .. .. أجلي ظلامٍ دامسٍ أعيانا

فسطوعكِ يحيي ورودٍ ذابله .. .. و يفجر الآمالا كالبركانا

و يجددُ حلمٍ قديمٍ عهده .. .. حلمٍ مضى من سالف الأزمانا

وقتٍ مضى لي كالثواني مسرعاً .. .. لم يرتوي من شربهِ الظمآنا

يا باكي الدنيا أأنت مخلدا ؟؟ .. .. باللهِ جاوبني بلا دورانا

فالحزن ما سببه! و الدمع ما جلبه! .. .. و الكون متسعٍ, مملوءُ ألوانا

فالضيق منفرجٍ! و الورد مبتهجٍ! .. .. فأقبل لدنياك طلق الوجه فرحانا

أبسم بوجهك للدنيا فتبتسمُ .. .. أجعل بقلبك للأفراح عنوانا

و الهم و الكدر و الحزن فأمسحها .. .. فالله أوجد نعمة النسيانا

[Mohammed S Al-Rumaihi]

صح لسانك يا راشد ولا هنت...

اي والله صدقت

أبسم بوجهك للدنيا فتبتسمُ .. .. أجعل بقلبك للأفراح عنوانا

و الهم و الكدر و الحزن فأمسحها .. .. فالله أوجد نعمة النسيانا

لا تحرمنا من جديدك

تحياتي

[Mohamed Al-Naimi]

صح لسانك يابوحمد .. ولاتحرمنا من الجديد :rolleyes:

[Haitham M Al-Salama]

صح لسانك يا بوحمد ...
لو تصغر الخط شوي لاهنت

اخوك

*** الحزين ***

[E Al-Mahmoud]

*¤®§( السلام عليكم ورحمة الله وبركاته)§®¤*

صح لسانك اخوي

ماشاءالله أبدعت خاصة في الأبيات الأخيرة

هنيئاً لك على هذا المستوى الرائع


http://www.al-wed.com/pic-vb/102.gif

[Rashid Al-Khalifa]

محمد بن سعد : صح بدنك ! ولا هنت على المرور.

بو عمير : صح بدنك .. و هذا هو جديدي .. مابه أجدد منه!

هيثم : صح بدنك ..! بخصوص الخط .. عدلته .. ولا تزعل :)


E Al-Mahmoud : عليكم السلام ..صح بدنج! و شكراً على الكلمات.

حمد الأبراهيم, مشعل المحمود, ثاني المالكي,
W Al-Mohannadi, A A S

شكراً عالمرور ..

[Adel Al-Jalham]

صح لسانك يالفلات ميت وما اقولك الا كتبت فأبدعت ويعطيك العافيه وكثر من ابداعاتك ; )

[Rashid Al-Khalifa]

عادل : صح بدنك ... مشكور على كلامك .. والله يعافيك.


ناصر السعدي و طلال بن راشد ... شكراً على مروركم.

[Tareq Al-Saei]

صح لسانك يا بوسنيدة على الابيات الحلوة ...
ابيات تحمل معاني جميلة وواضحة ...

وانت شاء الله الله يديم على قلبك الفرح ويفرج عن كل مهموم ...

تحياتي

[Rashid Al-Khalifa]

طارق الساعي : صح بدنك .. و الله يديم الفرحه علينا جميع .. آمين ..! و المهموين .. مأجورين أن شا الله .. و ينفرج همهم .. و يكتشفون أن الحياه ما تسوى الواحد يهتم و يتضايق منها لأنه أخرتها فانيه .. ولا حن ماخذين منها شي ..!

[Hassan Al-Ibrahim]

صح لسانك يا راشد و السموحة تأخرنا في الرد على قصايدك

أمثالك يا راشد الواحد يسعى لهم ويدور قصايدهم و منها يتعلم الكثير ..

كلامك الموزون حكم ننهل منها وقت ما تضيق على الواحد الوسيعة..

فالحزن ما سببه! و الدمع ما جلبه! .. .. و الكون متسعٍ, مملوءُ ألوانا

فالضيق منفرجٍ! و الورد مبتهجٍ! .. .. فأقبل لدنياك طلق الوجه فرحانا

طبت وطاب ما كتبت يابوحمد

[Rashid Al-Khalifa]

حسن الأبراهيم : صح بدنك ! و مسموح كل واحد له ظروفه يا رجال .. !

أنزلتني مقامٍ لم أصله بعد .. توني بأول المشوار .. لمن وصلت لمرتبة حمد السعيد و ضيدان بن قضعان .. بحقق جزء من طموحي .. و البون شاسع مثل ما يقولون ..!

و شكراً على كلماتك الجميلة .. التي زادت الموضوع جمالاً ..!

تحياتي

راشد بن حمد

[Abdulla Al_Marri]

صح الله السانك يا بوحمد والله لايهينك على القصيده وبصراحه كفيت ووفيت في هذي القصيده ومشكور على كلماتها الاكثر من رائعه واحنا ياراشد نتعلم منك صرنا .. وان شاء الله تحقق طموحك يا بوحمد والى الامام ..

تحياتي .. عبدالله المري

[Dana Al-Kuwari]

ياااااااو يااااو .. الصراحه من العنوان شدني الموضوع..
وخاطري اشق الهوا شق :D ..

يعطيك الصحه عزيزي ..

[Mubarak Al-Marri]

صح الله لسانك يا بو سنيده


تعبير جميل يدل على خيال واسع مفعم بالمعاني الجزيله والتي توصل بابسط الطرق الي قلب المستمع والقارئ


أيا طير فوق الغصن وحدك جالسٍ .. .. قم لا عدمتك غرد الألحانا

كم مرةٍ زرتك بهمي محملاً .. .. و برفع صوتك تجلي الأحزانا

*************

وبذي انشهد انك صدقت


فالضيق منفرجٍ! و الورد مبتهجٍ! .. .. فأقبل لدنياك طلق الوجه فرحانا

أبسم بوجهك للدنيا فتبتسمُ .. .. أجعل بقلبك للأفراح عنوانا

و الهم و الكدر و الحزن فأمسحها .. .. فالله أوجد نعمة النسيانا


تعبير موفق


تحياتي

[Rashid Al-Khalifa]

عبدالله المري : صح بدنك .. ولا هنت على المرور .. و وين يا رجال تتعلمون مني .. لمن تعديت مرحلة الأبداع و النجم الخطير على قولة أبن الذيب ذيك الساعه .. يمكن أقدر أقول أيه صرت مدرسه في الشعر .. و أصبها صب الذهب ولا أرسمها لك رسم !

دانه الكواري : لوول شقي السما شق محدن بيردك عن رغبتك..!

مبارك المري : صح بدنك يا بو حسين .. أتمنى والله أن جميع أبيات القصيده وصلت لقلوب القراء و المستمعين .. و أنها حازت على رضاهم .. مرورك أسعدني .. !