زلزال في الامارات!!!!

[Abdulaziz Jolo]

مثل ما واضح في العنوان ..


اليوم كان في زلزال خفيف


ضرب راس الخيمة والشارقة وعجمان والمناطق المحيطة بهم


طبعا الزلزال كان خفيف والظاهر انه من توابع زلزال ايران :rolleyes:

والحمد لله مافي اي خساير تذكر ... على حد علمي ..

بس كان شعور غريب نمر فيه للمرة الاولى

يعني وانا قاعد في الشقة وكل شي يهتز حولي :(

اول شي قلت شسالفة ليكون انا دايخ :p

عقب استوعبت الوضع ...

وشفت العالم ينزلون من العمارة ...

واللي يصرخ واللي تصيح ...

والسبب طبعا المفاجاة ولان محد كان متوقع


بس الحمد لله عدت على خير ...


ياريت اي واحد حس بالزلزال يقول لنا اش كان شعوره :D

[Ali Al-Rumaihi]

الحمدلله على سلامتك

[Abdulaziz Jolo]

الله يسلمك ويسلم الجميع ...

[Ahmed Al-Salahi]

سلامات اخواني وخواتي في الامارات
واحساس غريب ... انا نفسي كنت في زلزال وصج شعور غريب

الله يكافيكم الشر ويبعده عنكم
ودعواتنا لكم بالتوفيق والنجاح

[Abdulaziz Jolo]

الله يسلمك اخوي احمد ...

والله يكافي الجميع هالمصايب ...



بس ما شفت ردود حد من اللي عندنا :confused:


ليكون لين الحين منصدمين من الزلزال :D

[Ahmed Al-Salahi]

على حد علمي انهم ما حسوا فيه :D

[W Al-Mohannadi]

هزة أرضية متوسطة تضرب الإمارات - جريدة الراية

طهران- أ.ف.ب: أعلنت السلطات الاماراتية ان هزة ارضية بقوة 4ر4 علي مقياس ريختر ضربت البلاد امس وشعر بها خصوصا سكان المناطق الشمالية من دون ان تسفر عن اضرار ونقلت وكالة الانباء الاماراتية الرسمية عن الشيخة موزة المعلا الوكيلة المساعدة لوزارة المواصلات والممثلة الدائمة للدولة لدي المنظمة العالمية للارصاد الجوية ان معظم مناطق الدولة تعرضت لهزة زلزالية متوسطة الشدة شعر بها معظم الجمهور وخاصة الامارات الشمالية، الي ذلك ضربت هزة ارضية جديدة بلغت قوتها 5ر5 درجات علي مقياس ريختر مساء امس جزيرة قشم الإيرانية والتي سبق وضربها زلزال اول صباحا واوقع 9 قتلي وعددا من الجرحي.

[A A S]

لا حول ولا قوة الا بالله،، الله يكفي المسلمين الشــر ..

[KMMK]

السلام عليكم ورحمة الله وبركاته
تسلم أخوي على نقل الخبر...
بصراحه الاحساس وااااااايد غريب
امس حسيت بالهزة اللي صارت الظهر بين 2 و2:30 لاني كنت في المكتبه واللي كانوا في المكتبه هم اللي حسوا فيه وللاسف كانوا معظم الطلبه يدرسون لان كان عندهم امتحان عالساعه 5 وعليه تخرعوا وااااااايد ..

واما عن اللي حسيته:
انا كنت اشتغل عالبروجكت مع رفيجتي... واحنا نشتغل مرة وحد الا احس الارض تتحرك والم خفيف في راسي وحسيت اني مدوخه .. سألت رفيجتي ما تحسين انه الارض تهتز ... الا قامت تتطنز علي " هاي لانج امصطله او يمكن السائل اللي في مخج زايد " :mad: :mad:
وبعدين راح هالاحساس لان الهزة ما طولت وعقب يات وحده وقالت لنا عن الزلزال وعقب اكتشفنا انه الهزة اللي حسيت فيها هي زلزال وانا الحمدلله والشكر ما دريت عن اللي حسيته الا عقب ساعه
الحين اكيد تسألون ليش رفيجتي ما حست بالهزة مع انها كانت احذاي :confused: :confused: ... لانها كانت رافعه ريلها من الارض وهي تشتغل
واللي سمعته اللي كانوا قاعدين عالكمبيوترات تصرقعوا لان وهم يشتغلون كل شي قام يهتز ....

اللهم نسألك حسن الخاتمه ونسألك الرضا عنا
اللهم آمييييييين

[F Al Sahlawi]

آمين،،، الله يسمع منج،،،
الحمد الله علي سلامة الجميع، و الحمد الله إنها جت سليمة

انا كنت في السياره، قبل شارع الشيخ زايد بشوي، و ماحسيت إلا بهزه خفيفه،،، قلت اكيد من الحفريات و البناء الي قاعد يستوي.
أول ماوصلت المبنى الي بسوي فيه المقابله في شارع الشيخ زايد لقيت الناس كلهم قاعدين يطلعون من المبنى،، قلت يمكن حريقه ولا شي،،، إلا أشوف إن الناس قاعدين يطلعون من كل المباني و سيارات الشرطه قامت تترس الشارع. فما عرفت إن الي كان مستوي زلزال إلا من كلام الناس الي كانو يطلعون،،،

طبعا أنا ما صدقت ألقى عذر حق المدرس عن المقابله،،،، و بلغصب قدرت أطلع من الشارع،،،
الله إعينهم إلي ساكنين و يشتغلون في شارع الشيخ زايد طلعوهم من المباني و وقفوهم في الشمس ساعتين،،،

[Abdulla Al-Nusf]

السلام عليكم ورحمة الله وبكاته

الحمد لله على سلامتكم جميعا , و في الحقيقة عندنا في أمريكية دبي لم نحس بشيء أبدا و على حسب علمي و كما قيل لي أن الهزه حدث بين شارع الشيخ زايد و حدود الشارقة , أسأل الله العظيم أن يحفظنا و يحفظ سائر بلاد المسلمين و أن يبعد عنا الزلازل و المحن