Public Lecture 27/11/05

[Fatma R]

http://img494.imageshack.us/img494/5099/cnarobertabondar2si17yn.jpg


تحيـاااتي .....

[Mohammed Aldelaimi]

مشكورة يا فاطمة ... بس أعاتب الشباب اللي يدرسون في كلية شمال الأطلنطي ... ليش ما أعلنوا عن هالنشاط من قبل في المنتدى ... على الأقل قبله بكم يوم ... يمكن الواحد ما يبي يروح , بس على الأقل يخبّر ربعه الباقيين

انا ما دريت إلا اليوم ومن الجريدة ... يعني لو ما شريت الجريدة اليوم أو دخلت المنتدى قبل الساعة 7 ... ولا راحت علي

هيـــــــــــــــــــــه ... يله معليش ...... خيرها بغيرها

يعطيـــــــــــــكم العافية


أخووووووووكم الصغيــــــــــ محمد ـــــــــــــــر

[Fatma R]

والله انا نفسك والله ... الكلية ارسلت للمعزومين للافتتاح الكلية ايميل اليوم .. وفيه هالاعلانـات ..... اول ماشفتهـا نزلتها بالموقع على طووول ... :">
انت رحت اهنـــاااك ؟

[Mohammed Aldelaimi]

الحمدلله إني رحت .... والله ما صدقت أن هالدكتورة يطلع منها هالقد معلومات وهالقد من الرزانة في الكلام

تكلمت عن الفضاء وشلون كانت مغامرتها في رحلتها الأولى والأخيرة

بس ما كانت تركز أكثر في رحلتها ... كانت تركز على اللي خلاها تدرس لمدة 18 سنة عن الفضاء

هو الإحساس بالفضول ... من عمرها 3 سنين وهي أدربل بالدربيل على هالنجوم

كانت تقول ... لازم يكون عندك فضول , لأنه يوصلك إلى درجة أنك تحلم بالشئ هذا ... وهالإحلام تعطيك أفكار ... ولين صارت عندك فكرة, راح تكون جدامك مغامرة في تحقيق وتجريب هالأفكار

الجملة الي تلخص محاضرة طولها 50 دقيقة مع الأسئلة هي:

غالب الناس يمتصون ويستخدمون التكنولوجيا الحديثة بدون ما تحرك لهم ساكن, ولكن البعض يستخدمها ليترك بصمته في التاريخ
يستخدمها ليقدم للأنسانية حلول لمشاكلها
يستخدمها لنعيش حياة أفضل


انا رحت بسرعة للمحاضرة ونسيت كاميرتي وللأسف ... ولا كان عطيتكم خوش تقرير

كانو الحضور تقريبا أكثر من 150
طبعا كلهم أجانب إلا 10 أو أقل

طبعا اللي قدم لنا قبل لا تبدأ الدكتورة هو مدير الجامعة بنفسه
فقال بعد مانتهت : أن هالخبرة اللي قالتها الدكتورة ماراح تلاقونها في محاضراتكم اليومية, فعليكم إذا أردتم أن تصلوا إلى مستوى خبرتها أن تقوموا بالحضور لمثل هذه الندوات والمؤتمرات.


انا متأكد أ، في تسجيل للندوة ... فراح أسأل إدارة الجامعة ... وأحاول أعطيكم الرابط له بعد ما أسوي له (ستريمينج) على السيرفر مالي

يعطيك العافية فاطمة على جهدك المتواصل

ودمتم سالمين

[Fatma R]

الله يعطيك الف عــافية ... وتسلم على التقريــرر ...
الصراحة كــان ودي احضر هالمحاضرة ... :")
ماتقصــر محمد ..