اقتراح بتوجيه خطاب الى مدير الكلية

[Mohamed Al-Sayegh]

بسم الله الرحمن الرحيم

يا طلاب وطالبات كلية شمال الاطلنطي يوم بعد يوم انعرف أشياء مب في مصلحة الطالب ووعود كلها كلام فاضي سواء من الكلية او الشركات, والمشكله الكبيره ان ما نقدر انكمل في الجامعات الي بينها وبين الكلية اتفاقية لان هاذي الجامعات غير معترف فيها من قبل المجلس الاعلى للتعليم... علشان جذي اقترح:
ان انوجه خطاب الى ادارة ومدير الكلية بحل هاذي المشكله والاتفاق مع المجلس الاعلى للتعليم للاعتراف بهذه الجامعات, ليش احنا ساكتين, ولحد يقول لي ان كلامنا ما راح ايسوي شي, على الاقل انسوي الي علينا والباقي على الله ان شاء , اتمنى اني اسمع رآيكم, علشان انكلف احد الطلاب او اي طالب من المجلس الطلابي ونآخذ اكبر عدد من التواقيع والاصوات من قبل الطلاب ...

اخوكم: محمد الصايغ

[Hussain Al-Neama]

أتشرف إني أكون أول المؤيدين والمآزرين لك :)

طيب هل هناك أحد الطلاب اللي يتميز بروح التعبير وعنده الجرأة بكتابة رسالة تعبر عن (قهرنا)؟.

ومن ناحية اننا نوقع عليها فهذا الموضوع سهل.

وهناك طريقة ثانيه اننا ندزها لبعضنا البعض على بريد الكلية وكل واحد يحولها لـمدير الكلية.

لكن الآن الرسالة تتوقف على:

من يصيغ حروفها؟ ..

ولمن توجة ( بالإسم)؟

كل الشكر والتقدير لك ..

[W Al-Mohannadi]

انا كانت فكرتي ان نكتب كتاب للجرايد و الجامعه الام
ويكون فيها تواقيع الطلاب


بصراحه احنا وايد ساكتين عن حقنا

[Majed Al Hamar]

وهناك طريقة ثانيه اننا ندزها لبعضنا البعض على بريد الكلية وكل واحد يحولها لـمدير الكلية

عجبتني هالفكره أكثر

[Mohamed Al-Sayegh]

اخوي حسين النعمه موضوع كتابة الرساله مب مشكله , اللحمدلله عندنا كثير من الطلاب في الكلية يقدرون يكتبون رسالة بصيغه اوكي, ولو ما قدرنا نقدر نستعين بأي احد سواء من الكلية او خارج الكلية..

الاخت W Al Mohannadi موضوع الجرايد صراحه فكره حلوه اما الكلية الام , ما اعتقد ان راح نستفيد شي .

انا من رآيي ان نبدأ بتوجيه خطاب الى ادارة الكلية وانشوف شنهو ايصير , اذا ما فاد نتوجه للجرايد, وطبعاً في النهاية الامر راجع لكم, وانا معاكم في الي راح تتفقون عليه.

بالنسبه لموضوع الرساله اذا حد منكم عنده حد يقدر يصيغ لنا رساله اوكي , يا ليت ايقول لنا , واذا لا , انا ان شاء راح ادور على حد يصيغ لنا رسالة اوكي, ومن بعد هاذي الخطوه نبدأ بأخذ تواقيع الطلاب, وانا من ناحيتي راح ان شاء من يوم الاحد ادور على شباب من الكلية يعرفون يكتبون لنا رسالة اوكي..واتمنى اسمع رآيكم

وبالتوفيق للجميع

اخوكم: محمد الصايغ

[W Al-Mohannadi]

اقترح تكون نسخه بالعربي والانجليزي وتكون على شكل ملزمه
وباقي الاوراق فاضيه
ويتم كتابه رقم الطالب والتوقيع

وبعدين نسوي كذا نسخه ويتم توزيعه للجرايد وغيره

انا كلمت صحفي في جريدة الوطن قال يبي اقل شي 100 توقيع عشان يكون الموضوع قوي وينحط في اول صفحه


بالتوفيق في كتابه الموضوع

[Mohamed Al-Sayegh]

أختي W Almohanadi اوكي ان شاء الله انا راح اكتب رساله بالعربي مبدئياً علشان نحصل على تواقيع الطلاب , وبالنسبه للرسالة الي بالانجليزي ان شاء الله راح اتكون الخطوه الثانية, بس طبعاً محتاج لمساعده منج ومن اخوي حسين النعمه, ومن اي طالب اتعرفونه من المجلس الطلابي , علشان اتساعدوني في أخذ اكبر عدد من التواقيع من الطلاب... عموما لما انتهي من كتابة الرسالة بالعربي راح اعطيكم خبر, يعني يوم او يومين بالكثير....وبالنسبه للجريده, مدام انج كلمتي صحفي في جريدة الوطن فالموضوع صار اسهل , الحين من رآيي ان انوجه خطاب حق مدير الكلية وبعد نعرض الموضوع في الجرايد..

اخوكم: محمد الصايغ

[W Al-Mohannadi]

بس ابيك تركزز في الرساله على الطلاب المتخرجين وشلون الصعوبات اللي واجهتهم
بعض المواضيع في الفريج يمكن تساعدك في كتابه الموضوع

بس يكون الكتاب موجهه
إلى من يهمه الأمر :

عشان يكون شامل للكل

[Hussain Al-Neama]

كفو والله , كثر الله من أمثالكم ..

ترى لا تنسـون ان الكثير من الطلاب سواء الواعيين والغير واعي منهم
بحاجه لهذه الرسالة من مدة .. وان وصلناها واخذت حقها من الاهتمام والتفاعل .. ان شاءالله مانكون ضيعنا تعبنا ع الفاظي ..

بالنسبة للـ100 صوت اختي W.Al-Mohannadi تتدبر ان شاءالله ..

ويامحمد الصايغ بالنسبة لصيغة الرسالة باللغة العربية نشتغل فينا اثنينا ..
بس بالبداية لازم نحدد ( النقاط ) اللي نتكلم عنها .. ونفصلها باسلوبنا ..

اختي W.Al-Mohannadi شيء طيب نشوفه منج .. كثر الله من امثالج ..
محمد الصايغ ان شاءالله نشوف التفاعل من الكل ..

هدفنا واحد الان .. اننا نوصل اصواتنا إلى "من يهمـة الأمـر " :)

قواكم الله ,

ويالله نبدا؟ اعتقد جيه وقت الجد =)
CHEERS

[Mohamed Al-Sayegh]

أخوي حسين النعمه وأختي W Almohannadi ان شاء اوصلت لكم الرساله الي راح انوجهه الى مدير الكلية, وانا اليوم بديت بأخذ التواقيع, بس للأسف تضايقت لان بعض الطلاب ما رضوا انهم ايوقعون( خوف وتردد), على العموم اتمنى تبدأون بأخذ التواقيع, وانا من صوبي كلفت احد الشباب بأخذ التواقيع معاي, اما بالنسبه لموضوع كتابة الرسالة باللغة الانجليزية, كلمت احد الطالبات وان شاء الله راح تكتبها باللغة الانجليزية واتوصلها لكم او لي , وعموما ننتظر الى الاسبوع الجاي , الى الانتهاء من اخذ التواقيع, ونتأمل خير , وبالتوفيق للجميع,,,

اخوكم: محمد الصايغ

[Hussain Al-Neama]

هلا محمـد،
من ناحيتي جبت اللي اقدر عليهم ووقعنا ع الرسالة
والبركـة في اختنا W.Al-Mohannadi الحين ..

[Fatma R]

السـلام عليكم ..
الصراحة فكرة حلوة .. والله يعطيكم الف عـافية ..
انا انصح بهالكتاب يكون بالانجليزي ..
ويتوجة الى مدير الكلية ..
وتشرحون فيه الحــالة ..
لان بالانجليزي بيكون احســن ..
عشــان كلن يفهمه .. لو وجهتووه بــالعربي ..
ما راح يهتموون اصــلاً ...
انا نصيحتي تكتبون افكاركم ..
وتوجهونهــا لــ Ms. Davida او Ms. Wafaa
وهم يقدرون يصيغوونها لكم صــح ..
وانتو اشرحووو لهم كيف طريقة الكتاب وكيف
بتكون الفورمــااات ...
واكتبو في الكتاب ... حنا نسمع بالاتفاقيات بس ماشفنا
شي لحد الاآآآآن .... انا سمعت ان هناك اتفاقية مع
جامعة قطر ... وما شفنــا شي ...
و افضل تكون نسخة :cc لـ الشيخ / عبدالله و لـ لطيفة الحوطي
لان هم المسؤلين عن اتفاقيااات الجامعــااات !!

اما عن تردد الطلاب ... !!! على ايش يترددون ..
والله هذا من مصلحتهم ... والله لجربوو الشغل بيعرووف وش هي دراستهم .... وكيف درجتهم ومصيررررهم مقيد ...

واتمنى انكم اتعدون الرسالة وترتبون لكل شي ..
وبعدين تعلنووونها للطلبة ... واتمنى واتمنى
انـ الــ Student Services مايتدخلــون بالمــوضـــوع ...

والله يــوفقكم انشـــالله ....

واتمنى يكون هالشي بالسر .. لما تخلصوون كل شي ..
اعلنوها للطلبة .. من دون علم الادارة ..
وبعد ماتكتمل التواقيع .. ارسلوها للمدير ونسخ للأعضاء مجلس الادارة الكلية ...

اما فكرة الايــميل انا ما انصح بهــا ... ماتأثر كثر كتاب جايهم وفيه التوقيعــات ..

كلمو Ms. Daivda واشررحو لها القصة واهي بتساعدكم في كتابة الرســالة ... وبأسلووب حلووو ..