سؤال بالنسبه للجامعات الي يبعث لها المجلس الاعلى للتعليم

[Mohamed Al-Sayegh]

بسم الله الرحمن الرحيم

السلام عليكم... ان شاء الله طيبين

شباب بالنسبه للجامعات الي يبعث لها المجلس الاعلى للتعليم, لو الشخص يبي يدرس على احسابه الخاص لازم اتكون الجامعه الي يبي يدرس فيها موجوده في القائمه, يقولون الي يدرس في جامعه مب موجوده في القائمه حتى لو حسابه الخاص , المجلس الاعلى ما يعترف بالشهاده ولا ايصدقها؟

نرجو الافاده

اخوكم: محمد الصايغ

[Dana Al-Kuwari]

اي نعم كلامك مظبوط 100% ..

حتى الي بيدرس على حسابه لازم تكون الجامعه ضمن القائمه
واعتقد انها حركه حلوه.. قول ليش؟؟ .. هااا قلت ليش

لان بكل بساطه الدراسه والحياه عامة بامريكا رخيصه..
كلن بيقول يه بادرس على حسابي فالجامعه الي ابيها واختارها على كيفي( وتلقاها جامعه من الي تقعد فالبيت والدرجات تجيك عالبريد A ..يعني جامعه من هالجامعات الي تاخذ بكالوريس بالراحه )

في حين طلاب مساكين متوهقين في لائحه كل جامعه اصعب من الثانيه ومالهم خيار وكارفين كرف ) ..

واكبر دليل على هذا التحليل سؤال الطلبه الي بيدرسون على حسابهم برى..اول سؤال يفكرون فيه هل لازم نختار من اللست؟؟ .. لانهم يبون يشقحون هالعقبه..بس مالهم خيار

اعتقد انه اول قرار يصيب للمجلس الاعلى :)

=====================
وبعدين يابوجاسم حتى لو ماكان في شرط يلزمني اختار من القائمه .. بعد راح اختار من القائمه..
لانك انت جاي جاي ومخسر ومتعني..ليش تضيع تعبك وتمشي في طريج مخالف للاغلبيه.. شتسوى عليك عقب كم سنه دراسه يقولون لك المجلس شهادتك غير معترف فيها :confused:


توقع اي شي ..

[Abdulaziz Ahmed]

السلام عيكم ....

انا بعد ابي اسأل ... اذا درست بكالريوس في جامعه مب في اللست ... وعقب درست ماجستير في جامعه في اللست .. هل بيكون وضعي سليم وبعترفون في الماجستير اللي عندي ؟

[Mohamed Al-Sayegh]

تسلمين أختي دانه على الرد ... ويعطيج الف عافية