درجة الدبلوم في كلية شمال الاطلنطي [الأرشيف]

Mohamed Al-Sayegh

12-11-2005, 10:00 PM

انا طالب ادرس ادارة أعمال, وتخصص ادارة الاعمال كالتالي:
اذا كملت اول سنه تقدر تتخرج ب Business administration certificate
اذا كملت السنه الثانيه تقدر تتخرج ب business administraion diploma
اذا كملت السنه الثالثه تتخرج ب business management diploma
المشكله اني ابي اعرف هل اذا درست ثلاث سنوات احصل على دبلوم عالي في ادارة الاعمال واذا سنتين احصل على دبلوم في ادارة الاعمال...
المصيبه الكبرى اني اسأل المدرسين ويقولون لي ما يدروون!!!! والبعض يقول لي ان اول مره يسمع ان الكلية تمنح دبلوم عالي..وأحد المدرسين قال لي :
"our college is a post secondary technical school"
!!!!!!!!!!!!!!!!!!!!!!!
والله الواحد احتار .. على الاقل الواحد يبي ايعرف علشان يخطط حق مستقبله وما ايحط آمال وبعدين ينصدم بالواقع...
اذا في حد ايعرف اذا الكلية اتخرج دبلوم عالي او لا يفيدنا...؟

اخوكم: محمد الصايغ

M. Al-Swaidy

13-11-2005, 08:12 AM

خلا اخوي محمد انا سألت ادارة الكليه وقالو لي الدبلوم العالم تاخذها في 3 سنوات...والدبلوم العادي تاخذه بسنتين

وانشالله اخواني يفيدونك اكثر :)

W Al-Mohannadi

13-11-2005, 08:29 AM

in our college there's no high diploma
2years or 3years are the same - Diploma

Mohamed Al-Sayegh

13-11-2005, 04:18 PM

أختي W Al Mohannadi , هذا الي توقعته ان ما في دبلوم عالي في الكلية, أختي انتي متأكده ان الكلية في قطر ما تمنح دبلوم عالي ؟ لان انا اسمع ان طلاب الهندسه يتخرجون بدبلوم عالي بس ما ادري هل هذا الكلام صحيح او لا؟ أختي اذا اتعرفين شي أكثر الرجاء الافاده ولكي جزيل الشكر..

اخوكم: محمد الصايغ

Mohamed Al-Sayegh

13-11-2005, 04:24 PM

أختي M Al Sawaidy لا تآخذين على كلام الكلية , الادارة كلامها وايد, والدليل اني انا سألت من قبل وقالوا لي ثلاث سنوات يعني (in depth training ) لا أكثر , كل يوم يقولون شي !!!!!!

محمد الصايغ

Abdulrahman Fakhroo

13-11-2005, 05:02 PM

IMO there is no High Or Low Diploma

they are all the same... However the difference is that when you take the 3 year program you'll get Business Management Diploma, where in 2 years you'll get Business Adminstration Diploma

The Only Differece is... and its a Big Difference...

~~~~ MORE EXPERIENCE ~~~~

When you apply for a job... they usaully dont really care HOW MANY YEARS U'VE STUDIED...

They care about WHAT YOU'VE STUDIED + YOU'RE KNOWLEDGE OF THE MATERIAL

Sure that they care about if its Diploma Or Bachelor Or Master Degree

but the main point per Degree Level is... what is your background Knowledge?
Taking the 2 years Diploma program = less knowledge + Less Job Opportunities + Increases your Credit Hours NEEDED to get your Bachelor Degree (if your planing for one)

Taking the 3 years Diploma Program = Mid Knowledge + Mid Job Opportunities + Shorten your Credit Hours NEEDED to get your Bachelor Degree (if your Skill planing for one)

Taking the 4 years Program (Which is the Bachelor Degree and its not offered in CNA-Q) = High Knowledge + High Job Opportunities + Allows you to go and Have the Master Program ;)

Also other thing are took in consideration in applying for Jobs :)

Did you know that Companies takes a look at your ELECTIVES :confused:
Surely there is a Difference from those who took Foreign Language OR Computer Courses THAN THOSE who took FOOTBALL Or BALLY DANCES!!!
Elective can make a Change :)

And the main Impact IN GETTING the Job is... the Interview :cool:

Its your Personality NOT the Paper that you HOLD IN YOUR HANDS ; )

W Al-Mohannadi

13-11-2005, 09:58 PM

اخواني واخواتي
اعرف طلاب وطالبات لما راحو اداره العمل لتصديق الشهاده
تدرون شحطو لهم

(( دبلوم متوسط - دون الجامعه ))

يعني احنا و مركز التدريب واحد

Fatma R

16-11-2005, 07:29 PM

انا يوم اشتغلت طلبو مني ورقة من ادارة العمل .. واكتبو فيه .. دبلوم متوسط (دون الجامعه .. ويوم وديته للشغل .. قاعد يستهزز في التخصص والدراسة .!!!!!
ويقول لي شفتي .. ماكتبو دبلوم عــالي !!!!
بس ترى الشغل .. مايفرق بين الي درس ... دبلوم .. والا هاي دبلوم .. في دراسة الكلية ... وخاصة في تخصص ادارة اعمال .. فيها 3 انواع ..
كلهـــا نفس الدرجة ... حتى الهندسة .. متحيرين فيــهم !!!!
يالله .... ما اقـــول الا الله يـــكون بــالعــون !!!!!!!!

Mohamed Al-Sayegh

16-12-2005, 10:21 AM

بالرجوع الى Academic Calendar 2005-2006 صفحه 9

Diploma Program:
An apporved progam of study consisting of a prescribed combination of courses.

Diploms Program will normally:
1. Be prescribed over minimum of a four semester period
2. Be comprised of a minimum of 80 credits
3. Consist of a maximum of seven course per semester

Advance Diploma:
Ad approved program of study of in-depth training for graduates of a diploma program of equivalent
Advanced Diploma Programs will normally:
1. Be prescribed over a minimum of one semester
2. Be comprised of a minimum of 20 credits

If Advance diploma = High diploma, it means that a student can graduate with a high diploma from the College of the Norht Atlantic-Qatar.

وللعلم الشخص الي حاصل على دبلوم عالي درجته الوظيفية بالرجوع الى السلم الوظيفي التابع الى وزارة الخدمه المدنية اعلى من الي حاصل على دبلوم, يعني هذا الكلام بس مطبق في الوزارات والهيئات التابعه للدولة..

اخوكم: محمد الصايغ

W Al-Mohannadi

16-12-2005, 11:16 AM

يعني تعتقد يا محمد ان تخصصي بيكون
Advance Diploma ؟

انا يوم الافتتاح قابلت مديره جامعه قطر وقالت لي اخذي ادفانس دبلوما
قلت لها ماعندنا ! قلت لا في

بس انصدمت يوم طلعت لي لاني الكلندر حافظته !!

R.A.A

16-12-2005, 12:41 PM

أخواني وخواتي طلبه شمال الأطلنطي

بأختصار...إلي عنده طموح يخلص باكلوريس خل يقدم على الجامعات برا وحتى جامعة قطر والله يوفقه.

وإلي يحس إنه أو إنها اكتفت بالدراسة وخلاص هي شهادة وشغل والسلام...يحاول يخلي دبلومه عالي على كثر مايقدر مع أن الأفضل سنه أو سنتين زياده وياخذ باكلوريس ويفتك من عوار الراس.

موفقين يارب

Mohamed Al-Sayegh

16-12-2005, 01:34 PM

أختي W Al Mohannadi ,, ما ادري والله بس انا لاحظت في تخصصات تكنولوجيا المعلومات ان الطالب يحصل على عدد الساعات المكتسبه التالية تقريباً:
Internet Application Developer: 110 hours
Computer Support specialist: 80 hours
Programmer Analyst: 89 hours
وحسب الي مكتوب في Academic Calendar ان الطالب يحصل على الدبلوم العالي بعد الانتهاء من دراسة 80 ساعه في برنامج الدبلوم , يدرس الطالب ما لايقل عن سمستر زياده وما لا يقل عن 20 ساعه..
أختي علشان تتأكدين اكثر انا مسؤول قسم ادارة الاعمال قال لي لازم اسأل واحد بس نسيت اسمه , لان هو المسؤول على شنهو الي ينكتب في شهادة التخرج...
لاني اختي لو ترجعين حق Academic Calendar صفحه 10 بتشوفين عنوان فرعي Academic Regulations راح اتحصلين ان من ضمن الشهادات الي تمنحها الكلية هي Advance diploma, يعني اكيد ان الكلية تمنح دبلوم عالي, بس نصيحتي لج اختي لا تسألين المدرسين لان وايد منهم والله ما يدرون شي عن الكلية وعن الخطة الدراسية للتخصصات, وانا ان شاء بعد الاجازه راح اتأكيد بنفسي من الموضوع , بس اختي فكري فيها , لو تكلمنا عن تخصصات قسم الهندسه هل معقول ان دبلوم تكنولوجيا هندسه ميكانيكية نفس دبلوم تقنية المكانيكا!!!!!!!! من المستحيل المساواه من بينهم ...

واي استفسار انا حاضر أختي ...

اخوكم: محمد الصايغ

Mohamed Al-Sayegh

16-12-2005, 01:44 PM

أختي R.A.A
جامعة قطر الى الآن تنظر في موضوع احتساب الساعات المكتسبه من كلية شمال الاطلنطي, يعني الى الحين ما نقدر انكمل في جامعة قطر, اما موضوع الدراسة في الخارج , في جامعات في كندا تسمح لطلاب الكلية اكمال دراستهم للحصول على البكالوريس في فتره تعتبر اوكي مقارنه بالجامعات الثانية الي ما بينها وبين الكلية اتفاقية, يعني الي راح يدرس على حسابه اوكي , او جهة عمله راح تبعثه , بس على حساب المجلس الاعلى للتعليم ما في أمل لان هاذي الجامعات مب موجوده في قائمة المجلس الاعلى للتعليم .. وشاكرلج مشاركتج أختي

أخوكم: محمد الصايغ

R.A.A

17-12-2005, 12:01 AM

أتمنى فعلا أن المجلس الأعلى للتعليم يدخلون هالجامعات بلستتهم ويمددون البعثه للطلبه والطالبات خصوصا من متفوقي الثانويه العامه لان هذيلا لاينقصهم تحصيل دراسي ولا مستواهم اقل والاهم الطموح موجود عندهم.

الله يوفقكم يارب و يلقون حل لهالسالفه.

Dana Al-Kuwari

17-12-2005, 09:22 AM

لا بالعكس..

في مصلحته ان الجامعات مب فاللسته..
يروح على حسابه معزز مكرم مرتاح نفسياً.. مافي سفاره تحن عليه بالنسبه للدرجات والجي بي اي .. وعليك انذار يافلان وعليك وعليك وخلص هالمواد كلها في هالفتره ولا بنقطع عليك بعثتك.. وتعب وضغط نفسي..

وبعدي ملاحظه مهمه.. المجلس الاعلى ماراح يظم اي جامعه كنديه والسلام..اذا بيضم ماراح يظم الا جامعتين وتلاقينهم من النخبه وصعبين الي مايتخرج الواحد منها الا نص شعره طايح..

يعني احسن له المجلس مايحط خيارات ويبهدله..
يروح ويختار الجامعه الي تطق في راسه ولي تعجبه :)

وموفق يابوجاسم وكل الطلبه الي في نورث اتلانتك

Mohamed Al-Sayegh

17-12-2005, 01:18 PM

أختي R.A.A
اتمنى ان شاء المجلس الاعلى للتعليم يضيف هاذي الجامعات في
القائمة ويعطي فرصه للطلاب الي مبعوثين عن طريق المجلس الاعلى للتعليم للدراسة في الكلية ومتفوقين انهم يكملون للحصول على درجة البكالوريس..الله يوفق الجميع , شاكرلج تواصلج معانا..

اخوكم: محمد الصايغ

Mohamed Al-Sayegh

17-12-2005, 01:25 PM

أختي دانه الكواري..

نفس ما قلت لي ما أظن ان المجلس الاعلى بسهوله راح يضيف اي جامعه في القائمه, واذا بيضيف راح يضيف جامعات ذات مستوى عالي وصعبه, الله يكتب الي فيه الخير, اهم شي ان الواحد دايماً يطمح للاحسن , والواحد يسعى واذا الله كاتب له شي راح يحصل عليه ان شاءالله ... شاكرلج تواصلج معانا...

اخوكم: محمد الصايغ

S.A.M

18-12-2005, 08:39 PM

السلام عليكم

جزاك الله خير اخوي...عندي سؤال:

شالفرق بين business mangament & business administration???

اقصد كتخصص

Mohamed Al-Sayegh

18-12-2005, 11:48 PM

Business Administraion diploma program:
برنامج دراسي مدته سنتين يدرسه فيه الطالب السنه الاولى مواد مثل المحاسبه والتسويق وادارة الموارد البشرية ورياضيات مالية وادوات الانتاجية( مقررات في استخدام برامج الافس) ومقررات في اللغة الانجليزية والاتصال وفي السنه الثانية يختار الطالب من بين أحد التخصصات التالية: المحاسبه, ادارة الموارد البشرية او التسويق

Business Management diploma program:
برنامج للطلاب الحاصلين على دبلوم ادارة الاعمال , سنه اضافية ثالثه ايسمونها في الكلية عندنا In depth Tarining يعني مثلاً الطالب الي تخصص محاسبه يدرس سنه زياده على السنتين ويتعمق في مواد المحاسبه أكثر , والي سمعته ان الي يخلص ثلاث سنوات في ادارة الاعمال يحصل على دبلوم عالي في ادارة الاعمال ,,

واي استفسار آخر انا حاضر ...

اخوكم: محمد الصايغ

Abdulrahman Al-Homaid

19-12-2005, 11:37 AM

كليه شمال الاطلنطي ماتمنح الا شهادتين فقط لين حد هذي اللحظه والي هم:-
Certificate & Diploma

اذا كنتوا تحبون تتاكدون شوفوا السايت مال الكليه ... لين حد هذي اللحظه ما في دبلوما عاليه.

والسنه الزايد هي بس خبره وتهيأه لمستوى عالي للشهادات العاليه

لاحظ انه فيه تخصصات 3 سنين زايده كم من ماده على تخصصات بو سنتين

Mohamed Al-Sayegh

19-12-2005, 01:20 PM

ما ادري اخوي عبدالرحمن اذا الكلية تمنح دبلوم عالي او لا بس في Academic Caledar مكتوب ان الكلية تمنح الدبلوم العالي وانا ان شاء راح استفسر عن الموضوع , وموضوع السنه الثالثه اخوي عدد المواد الي يدرسها الطالب مثلاً في تخصص ادارة الاعمال مب كم ماده , عدد المواد تقريبا 12 ماده زياده على المواد الي درسها خلال السنتين.

اخوكم: محمد الصايغ

Mohamed Al-Sayegh

02-01-2006, 10:55 AM

أختي W Al Mohannadi بعد الاطلاع على موقع الكلية لاحظت ان تخصصج Internet Application Developer مكتوب ان مدته 3 سنوات اما تخصصات ال IT الاخرى كلها سنتين ...بتحصلين مكتوب Length of Program: 3 years

http://www.cna-qatar.edu.qa/cnaqatar/currentstudents/Programdetailsnew.asp?it2

اخوكم: محمد الصايغ

W Al-Mohannadi

02-01-2006, 11:01 AM

يعني هل تعتقد ان تخصصي بيكون ادفناس دبلوما ؟

H Al-Haddad

02-01-2006, 11:22 AM

انزين بالنسبه للي تخصصاتهم سنتين...يعني يقدرون ياخذون سنه اضافيه وتصير advanced ?

اممم ومن اللي قريته من ردود الاخوان والاخوات..ان الـ advanced بيكون أفضل للي ناوين يكملون بكالريوس صح.؟

Mohamed Al-Sayegh

02-01-2006, 06:16 PM

أختي W Al Mohannadi لو الكلية حالياً تمنح ادفانس دبلوما للطالب فتخصصج راح ايكون منهم, حسب الشروط المكتوبه في Academic Calendar, ولان تخصصج مدته 3 سنوات مقارنةً بباقي التخصصات, ان شاء الله بعد الاجازه راح اروح اقابل اي حد من Student Services علشان يفهمني ويعطيني شي أكيد بخصوص الموضوع...

Mohamed Al-Sayegh

02-01-2006, 06:27 PM

أختي H AlHaddad بالنسبه لموضوع ادفانس دبلوما الى الآن اختي احنا مب متأكديين اذا الكلية تمنح ادفانس دبلوما او لا , بس بعد الاطلاع على Academic Calendar (دليل الطالب) لاحظنا ان مكتوب فيه ان في ادفانس دبلوما, بس اختي ما ادري اذا كان الي حاصل على دبلوم سنتيين يقدر ايحصل على ادفانس او لا , ما سمعت عن هذا الشي, وحتى موضوع الادفانس دبلوما ما ندري عنها الى الآن,
أما موضوع انج اتكملين بكالوريس اكيد ان الي راح يدرس 3سنوات راح تنحسب مواد اكثر من الي راح يدرس سنتين بغض النظر لو كان في ادفانس دبلوما او لا , لان منطقياً اختي الطالب الي راح يدرس 3 سنوات راح يدرس مواد اكثر من الطالب الي درس سنتيين, ولا تنسيين اختي ان في مواد كثيره في الكلية تدرسينها ولكن لا يتم احتسابها من قبل الجامعه الي راح اتحولين لها يمكن السبب ايكون وصف الماده غير مطابق او اتكون الماده تعتمد على الجانب العملي بشكل كبير , واي استفسار آخر انا حاضر...