العيد و ذكريات اول سنة ..

[Talal Al-Khalifa]

السلام عليكم

كل عام وانتو بخير :)

الصراحه لين اتذكر اول عيد لي في الغربة و الحين تجي في بالي ذكريات كثيرة .. صحيح طعم العيد غير في بلادنا و بين اهلنا بس المصيبة تهون عليك مع الوقت .. و اهم سبب لشيء هذا تذكرنا سبب وجودنا في الغربة عسى الله يوفق الجميع ..

مابي اطول عليكم بس هذا ماكتبته في العيد اول سنة لي في بريطانيا .. و الوضع مايبي له شرح لنه موجود في القصيدة :)

يـا عيـد بـيـّحـت الـخـفـيـات يا عـيـد ,,,
يـا حيـث حـالي بالـعـنا مـسـتـصـيـبـي
غـــريـب فـي دار ٍ بلـيّــا قــرايـــب ,,,
ولا رفــيـق ٍ يـشـفـي الـلـي مـصـيـبـي
لا قـهـوة ٍ تحـمـس ولا نــــار حـيـّـه ,,,
ولا نـشـم بـهـالـمـحـل ريــح طـيــبـي
كـل ٍ علـى حـظـه بـوسـط الحـبـايـب ,,,
احـد ٍ يـنـام الـلـيل واحـد ٍ يـشـيـبـي
مـا سـرتـه دنيـا الجـفـا و المـضـره ,,,
هــذا انـا يـا صــــاح هـذا نـصيـبـي
جـرح ٍ بـقـلـبـي مـالقـيـنا عـلاجـه ,,,
زدت الجـروح جـروح عـنـد الطـبـيـبي
حيـثـه طبـيـبي و البـلا في عيـونـه ,,,
سـود ٍ سهـمـهـا تطـعّـن اللي قـريـبـي
ودي اصـارحـها بـخـافـي ودادي ,,,
يـالله عـسـاهـا بـالـوصـل مــاتـعـيـبـي
او هي تصد هناك و اسـلـى هـواهـا,,,
عـسـى هـواهـا عن غـرامـي يـغـيـبي
ياعزوتي ياكاسب المجد والطيب ,,,
يـاللي عـزومـك بالعـطـا مـا تـخـيـبـي
احمد ترى ضيـم الحبايب قـتلنـي ,,,
اكـثـر جـروحي بـالهوى مـن حبـيـبي
جـاكم جوابي يا بعد كـل غـالي ,,,
عـسـاك تبـقـى ذخـرنـا يـا لبـيـبـي
هذي سوايا صاحبي في حبيبه ,,,
جـرح ٍ مـوشّم بـالحـشـا ما يـطيـبي

25/11/2003

و السموحة على القصور ; )

[Mohammed Marafi]

صح الله لسانك يا بوراشد

روعه بصراحه كفيت ووفيت..

:)

وعبرت عن اللي نشعر فيه كلنا كمغتربين..

ولاتحرمنا من اللي عندك.. ; )

بس انشالله عيد الأضحى بنعيده في قطر..

:D (بعض الناس مايقدرون)

[Hassan Al-Ibrahim]

صح لسانك يا طلال

والله يردك و يردنا لأهلنا سالمين و غانمين

ترا ذي الغربة هي مدرسة الرجال و هي صقل لهويتهم وخبرتهم في هذي الدنيا

:)

[Khalid Al-Mulla]

صح لسانك يا اخوي يا طلال

والله ذكرتنا بأيام
:)

[Talal Al-Khalifa]

الاخوان :
محمد معرفي
حسن البراهيم
خالد الملا

مشكورين على الردود و الله يوفقنا انشالله في دراستنا و غربتنا ..

اسعدني مروركم :)

[Ali Almarri]

صح الله لسانك يابوراشد عز الله انك كفيت ووفيت

وشهادتي فيك مجروحه وابشر بالخير ان شاء الله العيد الجاي

مع شيبانك وربعك يالسنافي

[Mohammed S Al-Rumaihi]

صح الله لسانك يا بوراشد...كفيت ووفيت

وانشاءالله ان عيد الاضحى فالدوحه وانا اول من بيعيدبك انشاءالله

[Khalifa AlAttiyah]

صح الله لسانك يا طلال والعيد عليك مبارك وعلى جميع المسلمين والله لا يهينك على الأبيات

[Talal Al-Khalifa]

علي المري

مرحبا بو حمد لا هنت على الرد ...
والله يردنا سالمين و غانمين لديارنا انشالله :)

محمد الرميحي

مشكور على الرد يا بو سعد ...
غريبة ماشفناكم الويك اند في لندن ; )

خليفة العطيه

ولاهنت يا بو عبدالعزيز مشكور على الرد ..
وانشالله نتواجه عن قريب :)

و عيدكم مبارك جميعا ً

[Ali Al-Thani]

صح لساااااانك بوراشد ..
الله يهون علينا هالغربة و يردنا سالمين غانمين انشاءالله
الغربة نمت مواهب , أذكر "الفرست درافت" لها ;)
لا تحرمنا جديدك يالغالي

[Jassim Al-Naama]

بسم الله الرحمن الرحيم

السلام عليكم

صح لسانك طلال ولاهنت على الابيات

الصراحة ذكرتني بالسنة اللي فاتت واول يوم عيد واللي ماحسينا فيه بأنه عيد .. جينا استراليا قبل رمضان بيومين وتوهقنا وماحسينا بطعم رمضان ولا العيد

آه من هالغربة الي غيرت فينا الكثير


يله هانت الله يوفق الجميع ان شاء الله ويردنا سالمين غانمين وبايدينا شهاداتنا

تحياتي

[Talal Al-Khalifa]

علي بن عبدالله ال ثاني :

فرق بين ذاك العيد و العيد هذا :p والله ذكريات
مشكوور على الرد يالغالي ; )

جاسم النعمة :

مشكور على المرور و كلامك كله صحيح .. اول عيد في الغربة ماينسي ..
الله يوفق الجميع انشالله :)