أترجاك وأبيك

[Ali Almarri]

السلام عليكم ورحمة الله وبركاته
أبيات جات على بالي وكتبتها
ولو أني شخصيا موب راضي بمستواها فأرجو المعذره

وأخليكم مع هذه ألأبيات البسيطه

ياصاحبي قلبي تعب في حراويك
..............والعين ما ذاقت من النوم حالي

العيد جاء وانــا اترجاك وابــيــك
................بالله تسمح لي وترفق بحالي

ابي أغمض ثم افتح والأقـيـــــك
..............يا سعد عيني لو اشوفك قبالي

حبك رماني رمية (ن) بالتهاليك
.......وشلون ما افرح وانت حبك صفى لي

ماني بالهجران والصد ناويك
................مير انت ناوي بالجفا ما تبالي

وبالأخير اعايدك ثم أهنيك
............وياجعل عيدك من سعيد الليالي

[Talal Al-Khalifa]

كل عام وانت بخير يا بو حمد ..

و صح الله لسانك ..

و ننتظر جديدك :)

[E Al-Mahmoud]

*¤®§( السلام عليكم ورحمة الله وبركاته)§®¤*

ماشاءالله عليك

كلمات غااااية في الـــروعة

وحروف متألقـــة في قسم المواهب

صح لسانك أخي الفاضل واهنئك بماتملك من موهبة فريدة

بانتظار جديدك



http://www.al-wed.com/pic-vb/102.gif

[Adel Al-Jalham]

صح لسانك يا علي وكل عام وانت بخير وبالنسبة لابياتك جات على الجرح بالضبط حلاة العيد بين هلك وربعك الي تعزهم في بلادك بس ان شاء الله نعيد العيد الكبير معاهم وبنتظار جديدك

[Hassan Al-Ibrahim]

السلام عليكم يا بوحمد..

صح لسانك وطبت وطاب ما كتبت :) ..

والله يا بوحمد في كل قصيدة تكتبها سبحان الله لها في قلوبنا مكان لأنها تلامس واقعنا ...

غريبة كيف ترتبط مشاعرنا و فرحتنا ولو كانت فرحة العيد بشخص ..

وغريب كيف أن فرحتنا بالعيد ترتبط بفرح هذا الشخص ..

تصير ريحة العود مع طيب ريحته .. ريحة عادية

و تصير القهوة مع طيب هيلها .. عادية ..

ويصير عيدنا مع ضحكة العالم و ابتسامتهم عادي و خالي من المشاعر

وكل هذا بسبب شخص :) ..

مرة ثانية صح لسانك ويعطيك العافية على القصيدة الطيبة ..