المساعد الشخصي الرقمي

مشاهدة النسخة كاملة : مساعده من فضلكم

M. Al-Swaidy
29-10-2005, 06:48 AM
مرحبا:)

عندي استفسار لطلاب وحبيت اسال عن تخصص الموارد البشريه والماركتنج

اي تخصص منهم الي مافيه رياضيات :o

وهل في امكانيه اني اكمل دراستي بعد الدبلوم العالي في جامعات ثانيه؟
:confused:

وهل في امتحان قبول قبل السمستر الجاي؟
Abdulrahman Almuzaffar
29-10-2005, 11:17 AM
الاثنين فيهم رياضيات ، بس البيئة على ما أظن يكون فيها مادة إحصاء

تقديم الطلبات ، ممكن من الحين تقدمين الطلبات ، وأسأليهم متى يكون الإمتحان ، يبغون صورة من الشهادة ، ورقة من البنك ، وصورة من البطاقة الشخصية ورسوم 100 ريال.

حصلت صفحة حق المواد للبيئة :

http://www.cna-qatar.edu.qa/cnaqatar/currentstudents/Programdetailsnew.asp?eht

نبذة بسيطة عن التسويق:
http://www.cna-qatar.edu.qa/cnaqatar/currentstudents/businessadminnew.asp#Business%20Management%20-%20Marketing
هذي المعلومات اللي قدرت أحصلها
M. Al-Swaidy
29-10-2005, 06:22 PM
هلا اخوي مشكور على ردوك والمساعده

اما بخصوص التسجيل انا سجلت وخلاص بس كان في امتحان من مدة 10 ايام لاكني ماكنت موجوده فا ابغي اعرف في امتحان ثاني..والمشكله يوم اتصل لهم قالو راح انرد عليج وماردو...وهل يومين اتصل محد يرد :(
W Al-Mohannadi
29-10-2005, 06:31 PM
بصراحه انصحج بالجامعات اللي في المدينه التعليمية
لآنها أقوى
واحسن من دبلوما
M. Al-Swaidy
29-10-2005, 06:41 PM
انا كنت مقدمه على جامعه في المدينه التعليميه وحمدالله جايبه في التوفل الدرجه المطلوبه

لاكن للااااااااااااسف القرار الجديد وانا احد ضحاياه:) انه محد يقدر يدرس بالمدينه التعليميه ونسبته اقل من 80.... مع انه مستواي بالانجليزي وعندي شهاره انترناشنل توفل لاكن مافي فايده
W Al-Mohannadi
29-10-2005, 06:48 PM
الله يعينج
حاولي اكثر من مره يمكن يوافقون عليج

بس بصراحه مانصحج تدخلين كليه شمال الاطلنطي :)
M. Al-Swaidy
29-10-2005, 06:51 PM
انا والله مب في ودي كلش ...لاكن باقدم احتياط عشان ماتضيع على السنه
ولاكن بعد بحاول معا هم وعسى اللهم يهديم :)
W Al-Mohannadi
29-10-2005, 06:52 PM
بالتوفيق اختي
Mohammed Al-Mannai
29-10-2005, 07:53 PM
بسم الله الرحمن الرحيم


من احسن باكلريوس جامعة قطر ولا دبلوم النورث ؟؟
W Al-Mohannadi
29-10-2005, 07:58 PM
والله هني في قطر مايفكرون الا في اسم الشهاده
بس دراسه النورث تستفيد منها في حياتك العمليه عكس جامعه قطر اللي كلها حفظ وكورسات ماتستفيد منها

دراسة في كليتنا شامله كل شي ويكون عندك خبره في أحدث انواع التكنولوجيا

انا اعرف بنات تخرجون كل اللي درسوه طبقوه في حياتهم العمليه
Hussain Al-Neama
30-10-2005, 02:55 AM
مرحبا اختي M. Al-Swaidy
اذا تقدرين بنسبتج تدخلين "جامعة قطر" انصحج فيها ..
بصراحة لو خيروني بجامعة قطر الحين وكلية شمال الأطلنطي طبعاً وبدون تفكير راح أدخل الجامعه اللي على الأقل تسلمج بكلوريوس !!

اختي W Al-Mohannadi أنا معاج بأن كلية شمال الأطلنطي تعتمد على المواد العملية أكثر من النضرية .. بس اذا جينا للمستقبل أي شهادة فيهم أقوى؟

الله يوفق الجميع إن شاءالله
E Al-Mahmoud
30-10-2005, 03:47 AM
*¤®§( السلام عليكم ورحمة الله وبركاته)§®¤*

يقولون اسأل مجرب ولا تسأل خبير
ونصيحة من مجربة وطالبة في جامعة قطر
"ادخلي جامعة قطر"
ماعليج من الكلام اللي ينقال عنها
التعليم واااااااااااايد تطور في الجامعة

وأنصحج تدخلين هندسة
معظم المواد اللي ناخذها عملية ومفيدة في حياتنا
والمواد النظرية معاها عملي فترسخ في المخ عدل

ولو قلتي حق الدكتور أحفظ هذا بيضحك عليج
ماعندنا شي في الجامعة اسمه حفظ.. حتى القوانين والأشيا اللي يبيلها حفظ نكتبهم في شيت وندخلهم معانا الامتحان
والكلية لازالت جديدة فاهتمامهم بالطلبة كبيييييييير
فاذا شديتي حيلج بتمشين ان شاءالله لان الدراسة مب سهله وتحتاج مجهود

بس اذا ماتحبين الرياضيات مشكلة لان في الهندسة لازم تاخذين اربع كورسات كالكولاس بالاضافة الى 2 في التاسيسي يعني 6 هههه .. فاذا ماتقدرين عندنا تخصصات ثانية ممتازة

والأهم من هذا ان شهادتج بتكون بكالوريوووس

الله يوفقج عزيزتي:)


http://www.al-wed.com/pic-vb/102.gif
Mohammed Al-Mannai
30-10-2005, 07:48 AM
بسم الله الرحمن الرحيم


انا حبيت اوصل لها النصيحه بهالسؤال وبدون تجريح في كلية النورث :)

واعتقد اخوي حسين واختي E ماقصروا في الجواب
M. Al-Merekhi
30-10-2005, 08:29 AM
مرحبا اختي ... انا ماراح ازيد شي على كلام الاخ محمد المناعي .. و بس حبيت اضيف شي على كلام الاخت الكريمة E Al-Mahmoud ... هي طالبة و تدرس و عارفة الوضع الحين شلون من حيث قوة التخصصات و الدراسة و المهارات الي بتكتسبها ان شاء الله ... وانا عن نفسي خريجة و الحمدلله من جامعة قطر و مثل ما قالوا يكفي في النهاية انج تتسلمين بكالوريوس و يكفي انج تاخذين وظيفة في مرتبة سينير ... و انا حاليا موظفة و اعرف وشهي امتيازات السينير و شو المستقبل اللي امامهم .. و صدقيني التخصصات اللي تستفسرين عنها موجودة بكلية الادارة و الاقتصاد و هي كلية قوية ... و الله يوفقج و يسهل امورج ... استخيري و استشيري يا اختي الكريمة و اسئلي المجربين ... و الله الموفق ... :)
Mohamed Al-Sayegh
30-10-2005, 09:13 AM
انا طالب في كلية شمال الاطلنطي وانصح بجامعة قطر ــــ اما بالنسبه لمواد الرياضيات في 3 مواد حق تخصصات marketing, Human Resource and Accouniting وهاذي المواد هي:
Mathematics of Finance I
Mathematics of Finance II
Statistics

وهاذي المواد مب صعبه


محمد الصايغ
Mohamed Al-Sayegh
30-10-2005, 09:19 AM
هاذي أسماء الجامعات الي بينهم وبين كلية شمال الاطلنطي اتفاقية تسمح للطلاب اكمال دراستهم بعد التخرج من كلية شمال الاطلنطي تخصص ادارة اعمال :
Lakehead University
Memorial University
Northwood University
Royal Roads University
Univesity College of Cape Breton
University of Lethbridge

بس المشكله ان هاذي الجامعات غير معترف فيها من قبل المجلس الاعلى للتعليم, اتمنى ان الكلية على علم بهذا الموضوع, واتمنى نسمع اخبار عن توقيع الاتفاقية بين كلية شمال الاطلنطي وجامعة قطر قريب !!!!!!!
((I Do not think so that it will happen !!!!!!)))


محمد الصايغ
Mohamed Al-Sayegh
31-10-2005, 01:29 AM
حبيت انصح الاخت بما اني انا طالب في كلية شمال الاطلنطي, اختي انصحج بجامعة قطر بدل كلية شمال الاطلنطي اذا انتي اتفكرين في المستقبل, كلية شمال الاطلنطي تعتبر كلية تقنية , وتمنح الطلاب درجة الدبلوم, الدراسه في الكلية مب صعبه مثل ما ايقول البعض , بالعكس مقارنةً بالجامعات فدراسة الكلية سهله, وكثير من المواد تعتمد على الجانب العملي بحكم ان الكلية تقنية, وهناك بعض الشركات تعامل خريجيين كلية شمال الاطلنطي معاملة خريج طالب ثانوية في الراتب, وحبيت انصحج انج لا اتصدقين كل شي اتقول لج الكلية , لان الكلية ما تدري عن اي شي , نصيحه اخوية : جامعة قطر أفضل من كلية شمال الاطلنطي , من حيث الراتب , الدرجة الوظيفية, امكانية مواصلة التعليم بعد الحصول على درجة البكالوريس...والتوفيق للجميع...

اخوكم: محمد الصايغ
W Al-Mohannadi
31-10-2005, 08:39 AM
حبيت ازيد على الاخ محمد
ان جامعتنا اوه اقصد كليتنا شكل ومظهر وبس
لايغرج المبنى اهم شي الشهاده

يعني كلمة بقول لج اياها ربعي اللي تخرجوا من الجامعه يتعاملون كأنهم ثانويه ولين الحين مايعرفون مصيرهم

اول مادخلوهم اوعدوهم باشياء كثيره انهم يكملون دراستهم برع ويكونون سنير يوم تخرجوا انصدموا !!!

طلع هاي كله كلام يزينون فيها الكليه عشان الناس يدخلونها

((جامعتنا تجارية)) لاتغرج

اعرف بنت من المتخرجات تفكر تروح تدرس في الجامعه الهولنديه وتدرس سياحه بس عشان يكون عندها شهاده عدله مب دبلوما

اتمنى تشوفين جامعه احسن منها ، والله انا اتمنى لج كل الخير
والله يوفقج انشالله في الجامعه السنعه :)
Mohamed Al-Sayegh
31-10-2005, 02:20 PM
اختي W Al-Mohannadi ممكن اعرف الطلاب الي تخرجوا ويعاملونهم مثل طلإب الثانويه من اي شركة؟


محمد الصايغ
Fatma R
31-10-2005, 04:09 PM
بسم الله الرحمن الرحيم


من احسن باكلريوس جامعة قطر ولا دبلوم النورث ؟؟


طبعـــاً بكالوريس .. سواء من جامعة قطر او غيرها من الجامعـات ... الدراسة في كلية شمال الاطلنطي ... وايد حلوةةة وبتسفيد اشياء كثيرة .. بس لما نشوفها من ناحية الشهادة والدرجة الوظيفية بالمستقبل اقول لك البكـالوريس اقــوىىى ...
Abdulrahman Almuzaffar
31-10-2005, 10:41 PM
والله الصراحة كل يوم أقول في نفسي ، لو رحت جامعة قطر أحسن لي ، المشكلة تخصصي إحصاء في جامعة قطر ، فالجامعة بالنسبة لي أفضل ، وضامن فيها الراتب الممتاز ، بس للأسف لما أشوف تخصص الإحصاء تخصص صعب ، انسحبت وحاولت أحول التخصص إلى كلية ثانية، إلى أن طلبي جاء بالرفض من الجامعة.

فقررت أحول على الأطلنطي ، لكن أكيد وأنا متوقع ، لو رجعت لجامعة قطر ، بيكون مستقبلي أفصل ، مثل ماقالت Fatma R لكنه تعب ويبغي له إجتهاد
M. Al-Swaidy
01-11-2005, 08:40 AM
هلا اخواني

انا مجبوره ادخل الاطلنطي لانه مافي مجال غيره
وعن جامعة قطر موازي قالو لي احصاء او تاريخ وانا في لثنين مب فالحه :(

وعن جامعات المدينه التعليميه انا قدمت وجبت الدرجه المطلوبه في التوفل لاكن للاسف بعد لمتحان قالو لي جا قرار جديد يمنع اي طالب يدرس في المدينه التعليميه نسبته اقل من 80 :(

فا عشان جذي انا محتاره ماعرف شاسوي :confused:
Ghada J.K.Al-Hitmi
01-12-2005, 10:17 PM
ترى النورث مقلب كبير أحسن شي لا تضيعين وقتج مثلنا ودشي جامعة معترف بها ولها مستقبل أحسن من النورث