والله حرام

[R. Al-Harami]

والله قصوا علينا في هالكلية(كلية شمال الأطلنطي الموقرة) والsponsors بعد ما قصروا اوعدونا واخلفوا! اشلون يعني عقب هالتعب والدراسة نتخرج ويحطونا جونير وبعد 3 سنوات يحطونا توب جونير .. ومافي امل بالسنير الا لمن رحم ربي ولو بعد 10 سنوات :( يصير ؟؟

وبعدين اذا قلنالهم نبغي نكمل دراستنا قالوا انطروا لين ما تتخرجون وعلى حسب الادارة توافق ولا لاء؟ وقلنا بناخذ اجازة بدون راتب بعد ما في فايدة .. يعني الأبواب من كل صوب مسكرة ..

وشي ثاني اما عن الموقرين اللي في المجلس الأعلى انقولهم نبغي نكمل بكالوريوس يقولون ما في اي خطة بخصوص هذا الشي و يبون حجي الله اعلم من وين جايبينه :confused:


والله وانا حاولت في اكثر من مكان لكن للأسف لا حياة لمن تنادي .. وقلتلهم اني خذت بعثة اول ما خلصت الثانوية عشان كنت ابغي ادرس علوم سياسية والحمدلله نسبتي في الثانوية فوق الثمانين وندرجتي في التوفل بعد اوكي .. وعندي استعداد اكمل .. ولكن كل ما اكلمهم يحبطون معنوياتي زيادة :( ..

والله وفي ناس وايد غيري الGPA مالهم مرتفع ومستواهم احسن من الاوكي ويبغون يكملون لكن وش نقول ..((الشكوى لغير الله مذلة))

[Nasser Al-Saadi]

قلتيها بنفسج " الشكوى لغير الله مذلة "

والحين احنا في رمضان ،، يعني ان شاء الله الدعوات مستجابه وخاصة وقت الفطور :)

فـ عندج اياهم :)

[R. Al-Harami]

تهقي يعني ادعي عليهم :D

الله كريم والله يعينا فيما ابتلانا والله يصبرنا بس ونشوف اخرتها معاهم



تسلم اخوي ناصر

[Mohammed Al-Mannai]

بسم الله الرحمن الرحيم

اسمحولي على هذا الرد

لكن من المعروف اصلا ان كلية شمال الاطلنطي كلية ضعيفة في كندا وتخرج تكنشنز والمفروض تكونون عارفين هالشي قبل ماتدخلون الكلية


لكن صراحه سالفة الوعود الي من السبونسرز هذي مالها حل وانا اقول توكلي على الله وادعي عليهم

[R. Al-Harami]

لاحول جنك قلت كلية ضعيفة :(

حسبي الله عليهم لكن عقب وشو عقب ما طاح الفاس في الراس :confused:

يعني لو الأهل موافقين ورايحه البعثة يوم تخرجت احسن لي

وتسلم اخوي محمد المناعي على ردك

[M. Al-Merekhi]

حبيبتي انا عندي اقتراح ... هو يطول شرحه بس ان شاء الله تكون نتيجته زينة ... انتي تبين بكالوريوس صح ؟ انزين انتي موظفة ولا لا؟ و هل مستعدة تكملين دراستج و انتي تشتغلين ؟ جاوبيني عن هالاسئلة وان شاء الله نلقى حل لج و لجميع المتميزين اللي مثلج لان ما شاء الله نسبتج زينة وااااااااايد مو شوي ... ; ) بعد الصلاة بارجع لج ان شاء الله ... جاوبي على اسئلتي بس بدووون غش ... خخخخخخخ امزح :D

[Nasser Al-Saadi]

بعض المؤوسسات ،، ما تحتاج بكالوريوس ،، لان عندها زحمه منهم ،، الآن محتاجين ناس يكونون جونير ،، اذا كل الموظفين سينر خساير ،، وبعدين وين يصرفونهم ،، كم مدير بيحطون ؟؟!! ،، وكم رئيس قسم ؟؟!! ،، الباقي وين يودونهم ؟؟!! ،، مدخلين بيانات مثلاً :)

[R. Al-Harami]

حبيبتي انا عندي اقتراح ... هو يطول شرحه بس ان شاء الله تكون نتيجته زينة ... انتي تبين بكالوريوس صح ؟ انزين انتي موظفة ولا لا؟ و هل مستعدة تكملين دراستج و انتي تشتغلين ؟ جاوبيني عن هالاسئلة وان شاء الله نلقى حل لج و لجميع المتميزين اللي مثلج لان ما شاء الله نسبتج زينة وااااااااايد مو شوي ... ; ) بعد الصلاة بارجع لج ان شاء الله ... جاوبي على اسئلتي بس بدووون غش ... خخخخخخخ امزح :D


ايي والله ابي بكالريوس وناوية على الماجستير والدكتوراة باذن الله , انا حالياً مب موظفة اعتبر متدربة من الجهة اللب ابتعثتني وما فيها شي اذا ادرس واشتغل وان اشاءالله اقدر اوازن بين الشغل والدراسة ليش لاء ..
تكفيـــــــــن قوللي وشو هالحل ؟ :(
وحرماً اختي M. AlMerehki

[R. Al-Harami]

بعض المؤوسسات ،، ما تحتاج بكالوريوس ،، لان عندها زحمه منهم ،، الآن محتاجين ناس يكونون جونير ،، اذا كل الموظفين سينر خساير ،، وبعدين وين يصرفونهم ،، كم مدير بيحطون ؟؟!! ،، وكم رئيس قسم ؟؟!! ،، الباقي وين يودونهم ؟؟!! ،، مدخلين بيانات مثلاً :)


ليش خساير اذا المؤوسسات عندهم ميزانية عدلة وكله اللي بيدفعونه بينصب في خدمة الدولة والمواطن ما اعتقد انه خساير !!!

يا يبا وانا عن نفسي ما ابي اصير مديرة ولا رئيسة ولا شي ((القناعه كنز لايفنى)) بس رحم الله امرىء عرف قدر نفسه وانا عارفه نفسي ان في امكاني وحدود قدراتي اني ارتقي بمستواي وما فيها شي اذا الواحد يطمح للأحسن والافضل ..

وبعدين ماشاءالله قطر دوله اقتصادية وبترولية والاقتصاد عندنا مرتفع ويرتفع بسرعه وشركات كثيرة بترولية تفتتح ومؤوسسات كثيرة قيد الانشاء وبعدين لا تنسى سياسة التقطير يعني اكثرية الأجانب اللي موجودين الحين في يوم من الأيام بتنتهي عقود عملهم وبيردون بلادهم وهالوظايف بيخذونها القطريين

ولا اشرايكم؟ :confused:

[Abdulla Alrashdi]

السلام عليكم ورحمة الله

أأيد الأخ ناصر السعدي على وجهة نظري

بما إني قعدت أراكض وراء المؤسسات والشركات الفترة الأخيرة

على سالفة التوظيف اللي أخروها

قعدت أسأل ما وراء كواليس الموارد البشرية انهم ليش مأخريني

ووين الوعود اللي كانوا يقولونها نبي مهندسين ونبي مهندسين :mad:

فطلع انهم يبون يوظفون التكنيشنز قبل لأنهم أحوج لهم، حتى

غير القطريين اللي تخرجوا معاي توظفوا قبلي.. لكن عطوهم

درجة جينيور!!

لذلك هم ما يفرطون بهم..

لكن يبقى حرام مادام الطالب طموح يبي يكمل دراسته

الله المستعان


:: عبدالله الراشدي ::

[M. Al-Merekhi]

جمعا ان شاء الله ...

انا الصراحة اختي اشجعج عالبكالوريوس و الماجتير و الدكتوراة بعد ... :)
شوفي اختي ... انا الحمدلله عندي بكالوريوس و اشتغل و ابي الماجستير ... تقريبا نفس حالتج ... توهم في شغلي عطوني جرين لايت اني اكمل برا بس لظروفي العائلية ما اقدر اتم برا لمدة طويلة .. و الشكر للاخوان في هالمنتدى و برا انهم دلوني على طريقة وهي الدراسة اما Part Time او Distance Learning. :) شوفي اختي ترا وااايد جامعات برا حطت هالبرامج لكل الدرجات ( بكالوريوس - ماجستير - دكتوراة ) وذلك لان في اشخاص ما يقدرون يسافرون و ينتظمون لمدة طويلة .. مثل العسكريين و السفراء و غيرهم ... و اللي اعرفه ان هالدرجات معترف فيها و الله اعلم بالنسبة للبكالوريوس .. بس مهما يكون انتي كافحي لين النهاية و شوفي دام انج تتدربين في مكان ما لوظيفة ما ... تاكدي انهم بيقبلون شهادتج ... بس مب شرط تعادلها لج التربية ... اتمنى انج فهمتي يا قلبي ... يعني الشغل ممكن يعادلها و يقبلها و هذا الاهم ... و صدقيني ترى في وايد جامعات مرموقة تطرح التخصص اللي تبينه و بتكون شهادتج قوية باذن الله ... ; )

و بالنسبة للاخ اللي تفضل برايه ... بالنسبة لي انا اتفق مع كلامج انتي و ما راح اروح بعيد ... عندج قسمي اللي اشتغل فيه ما في قطري سينير الا انا و الباقي امريكان - بريطانيين - استراليين - هنود و اكيد هذول ما بيتمون للابد :cool: و الاولوية لي انا اني اتطور و اكون رئيسة قسم مو هذول ... و اذا ما تدربت و درست من بياخذ الوظيفة ؟ هندي و لا ياباني :mad: ؟ لا مادام احنا الكفاءات الوطنية موجودين راح نكفي و نوفي و نكون قدها و قدود .... :cool: عشان جذيه شدي حيلج و انا الحين ادور حق عمري برنامج ماستر بارت تايم ... اذا انتي حابة يسعدني اني اساعدج تدورين حق نفسج و تختارين اللي يناسبج ... اذا حابة نتناقش اكثر ما عندي مانع بس انتي شوفي الوسيلة اللي تناسبج ... ايميل - ماسنجر - اللي تشوفينه ... الله يوفقج يالغالية و يسهل امورج ان شاء الله :)

[R. Al-Harami]

تسلم اخوي عبدالله

صراحه هم انا سمعت معلومات عن هذا الشي ان بعض المؤوسسات ما يبون اللي عندهم بكالريوس يبغون تكنيشنز او تقنيين

بس عندك الجانب الأخر وانا في ناس ما يبوون يكملون دراستهم وبيكتفون بالدبلوم وانهم يكونون تكنشنز وجنير بس في ناس لاء...

يالله الله كريم

[R. Al-Harami]

جمعا ان شاء الله ...

انا الصراحة اختي اشجعج عالبكالوريوس و الماجتير و الدكتوراة بعد ... :)
شوفي اختي ... انا الحمدلله عندي بكالوريوس و اشتغل و ابي الماجستير ... تقريبا نفس حالتج ... توهم في شغلي عطوني جرين لايت اني اكمل برا بس لظروفي العائلية ما اقدر اتم برا لمدة طويلة .. و الشكر للاخوان في هالمنتدى و برا انهم دلوني على طريقة وهي الدراسة اما Part Time او Distance Learning. :) شوفي اختي ترا وااايد جامعات برا حطت هالبرامج لكل الدرجات ( بكالوريوس - ماجستير - دكتوراة ) وذلك لان في اشخاص ما يقدرون يسافرون و ينتظمون لمدة طويلة .. مثل العسكريين و السفراء و غيرهم ... و اللي اعرفه ان هالدرجات معترف فيها و الله اعلم بالنسبة للبكالوريوس .. بس مهما يكون انتي كافحي لين النهاية و شوفي دام انج تتدربين في مكان ما لوظيفة ما ... تاكدي انهم بيقبلون شهادتج ... بس مب شرط تعادلها لج التربية ... اتمنى انج فهمتي يا قلبي ... يعني الشغل ممكن يعادلها و يقبلها و هذا الاهم ... و صدقيني ترى في وايد جامعات مرموقة تطرح التخصص اللي تبينه و بتكون شهادتج قوية باذن الله ... ; )

و بالنسبة للاخ اللي تفضل برايه ... بالنسبة لي انا اتفق مع كلامج انتي و ما راح اروح بعيد ... عندج قسمي اللي اشتغل فيه ما في قطري سينير الا انا و الباقي امريكان - بريطانيين - استراليين - هنود و اكيد هذول ما بيتمون للابد :cool: و الاولوية لي انا اني اتطور و اكون رئيسة قسم مو هذول ... و اذا ما تدربت و درست من بياخذ الوظيفة ؟ هندي و لا ياباني :mad: ؟ لا مادام احنا الكفاءات الوطنية موجودين راح نكفي و نوفي و نكون قدها و قدود .... :cool: عشان جذيه شدي حيلج و انا الحين ادور حق عمري برنامج ماستر بارت تايم ... اذا انتي حابة يسعدني اني اساعدج تدورين حق نفسج و تختارين اللي يناسبج ... اذا حابة نتناقش اكثر ما عندي مانع بس انتي شوفي الوسيلة اللي تناسبج ... ايميل - ماسنجر - اللي تشوفينه ... الله يوفقج يالغالية و يسهل امورج ان شاء الله :)


تسلمين يالغالية على الحل والله خوش حل صراحه

والحمدلله اني حصلتج ((وينج من زمان)) :D والله لأن احس شوي شوي فقدت الامل بأن اكمل دراستي ..

وما عليج امر يعني اذا ممكن تضيفيني على المسجر عشان اتناقش وياج بخصوص هالموضوع I will be more than happy

ويعطيج العافية عزيزتي

[R. Al-Harami]

أكيد حبيبتي .... :) يشرفني هالشي ... :) بس ما اعرف و ين احط لج ايميلي؟ و لا انتي تعطيني ايميلج ؟؟ ما ادري شلون نحطها ؟ ردي علي اوكيك ؟؟؟


ايي انا متوهقة الحين ابغي اطرشلج رسالة على الخاص يقوللي ما يصير ؟ :(

شسالفة ؟

[R. Al-Harami]

تسلموون جميعاً على مروركم وردودكم ما قصرتوا

كفيتوا ووفيتوا ..


ويعني ما عليكم امر اي حد عنده شي بخصوص هالموضوع او له علاقة بهالموضوع او رأي تبغون توضحونه وتشاركون فيه لا تبخلون علينا بمشاركتكم ..


ولكم جزيل الشكر والاحترام والتقدير

[Dana Al-Kuwari]

So SaD :(

الله يعينكم والله ..
بس اختي ريم لو طالعه علوم سياسيه وبرى احسن لج ولمستقبلج والخارجيه ماعليها كلام .. بدال الشحططه في جامعه ماصار لها فالاقدميه سنتين اربع .. يعني توها في طور التكوين والترتيب والخطط مب واضحه :confused:

والمجلس الاعلى بعد لا تعليق .. طلاب متوفقين يروحون يقدمون بس محد لهم :)

[Hussain Al-Neama]

السلام عليكم,

اخوي محمـد المناعـي بصراحة ما أعرف شقولك !!

أقولك وينك عنا من مدة ؟ كنا خذنا بنصيحتك ..

أو أقول إن فكرتك عن الكلية "يمكن" تكون خاطئة !

بصراحة احترت انا والشباب اللي معاي (Sponsors) احترنا واحنا نستعلم ونبغي نرسى على "جواب واحد" اللي عجز عن الاجابه عنه كل من الاداريين في الكلية والمسؤولين في المؤسسات المبعوثين منها !!

كل يوم طالع لنا جواب .. وكل يوم تزيد الكلية غموض !!

أنا مابقالي غير كورس واحـد .. أن شاءالله أتخرج على خير .. وسلمت أمري لله " هذا الشيء الوحيد اللي " أقدر أقوله الحين ..

إختي ريم: ترى والله الكل زعلان على اللي قلتيه

ماودنا تتأذين وولا ودنا نتأذى لأن في الأخير هذا يتعلق بمستقبلنا المجهول ..

كلية ضخمة نفس كلية شمال الأطلنطي غريب أن اللي فيها كلهم عجزوا عن توفير الضمان لمستقبل طلابها !!

سؤال محير الجميع,

الله يوفقنا وياكم !!

اخوكم: حسين النعمه

[M. Al-Merekhi]

اخواني و خواتي ... الله يوفقكم كلكم يارب ... :) المشكلة ان محد قاعد يعطيكم كلمة و حده ... :mad:
ما في شي اكيد ... هالكلية اول مابدت سوت ضجه ... كونها كلية قوية و نمط التدريس فيها جديد ... و انا اللي اعرفه انه الدراسة صعبه مو سهله ...فاقل شي يسونه ان يفهمونكم و شنهو المؤهل اللي بتحصلون عليه بعد مشوار التعب هذا ..

انا اشوف ان ابسط حقوقكم انكم تحصلون على ما وعدوكم فيه قبل لاتدخلون الكلية او على الاقل to make up للاشياء اللي فاتتكم ... قد تكون هذه اول تجربه و لكن هذا مش عذر يجعل المسؤلين يبهدلون مستقبل جيل ... :eek:

ما اعرف شلون اقدر اساعد ... اذا تحتاجون شي ارجو انكم ما تترددون في طرحه ...يمكن اقر اساعد او ادلكم على حد يقدر يساعد... :)

[R. Al-Harami]

So SaD :(

الله يعينكم والله ..
بس اختي ريم لو طالعه علوم سياسيه وبرى احسن لج ولمستقبلج والخارجيه ماعليها كلام .. بدال الشحططه في جامعه ماصار لها فالاقدميه سنتين اربع .. يعني توها في طور التكوين والترتيب والخطط مب واضحه :confused:

والمجلس الاعلى بعد لا تعليق .. طلاب متوفقين يروحون يقدمون بس محد لهم :)

Thanks alot Dana for your reply
as i mentioned before taht the only reason I wasn't able to go abroad was''family reasons'' and you are right the ministry of forign affairs is a good place .

other thing is the College Of The North Atlantic was established in Canda for more than 40 years , actually it is not a matter of the college it is a matter of your sponsors promises and the supreme education council that they have no plans for us, unfortunatly.

But any way thanx alot sis. and we will see in the near future what will happen enshallha

[R. Al-Harami]

السلام عليكم,

اخوي محمـد المناعـي بصراحة ما أعرف شقولك !!

أقولك وينك عنا من مدة ؟ كنا خذنا بنصيحتك ..

أو أقول إن فكرتك عن الكلية "يمكن" تكون خاطئة !

بصراحة احترت انا والشباب اللي معاي (Sponsors) احترنا واحنا نستعلم ونبغي نرسى على "جواب واحد" اللي عجز عن الاجابه عنه كل من الاداريين في الكلية والمسؤولين في المؤسسات المبعوثين منها !!

كل يوم طالع لنا جواب .. وكل يوم تزيد الكلية غموض !!

أنا مابقالي غير كورس واحـد .. أن شاءالله أتخرج على خير .. وسلمت أمري لله " هذا الشيء الوحيد اللي " أقدر أقوله الحين ..

إختي ريم: ترى والله الكل زعلان على اللي قلتيه

ماودنا تتأذين وولا ودنا نتأذى لأن في الأخير هذا يتعلق بمستقبلنا المجهول ..

كلية ضخمة نفس كلية شمال الأطلنطي غريب أن اللي فيها كلهم عجزوا عن توفير الضمان لمستقبل طلابها !!

سؤال محير الجميع,

الله يوفقنا وياكم !!

اخوكم: حسين النعمه


Thanx alot brother for your consideration and I think that we should go and talk to our sponsors and if that didn't work out I think we might say something in the newspapers and we will speak on behalf of the college students espcially the sponsored students and then we will see what is gonna happen .

Wishing you all the best brother Hussein in your academic and proffesional career and Congratulations for your graduation in advance

Best Regards,
Reem Yousef

[R. Al-Harami]

اخواني و خواتي ... الله يوفقكم كلكم يارب ... :) المشكلة ان محد قاعد يعطيكم كلمة و حده ... :mad:
ما في شي اكيد ... هالكلية اول مابدت سوت ضجه ... كونها كلية قوية و نمط التدريس فيها جديد ... و انا اللي اعرفه انه الدراسة صعبه مو سهله ...فاقل شي يسونه ان يفهمونكم و شنهو المؤهل اللي بتحصلون عليه بعد مشوار التعب هذا ..

انا اشوف ان ابسط حقوقكم انكم تحصلون على ما وعدوكم فيه قبل لاتدخلون الكلية او على الاقل to make up للاشياء اللي فاتتكم ... قد تكون هذه اول تجربه و لكن هذا مش عذر يجعل المسؤلين يبهدلون مستقبل جيل ... :eek:

ما اعرف شلون اقدر اساعد ... اذا تحتاجون شي ارجو انكم ما تترددون في طرحه ...يمكن اقر اساعد او ادلكم على حد يقدر يساعد... :)


Thanx alot sis. for your reply I think that your totally right about what you said that we should be all aware of what kind of degree that we will get and what kind of position we will be in after graduation .
There are alot of meetings held regarding the college with the board directors Mrs. Latifa Al Hutte and Shiekh Abdulla Bin Saud AlThani but no one mentioned any thing about all these issues or even they didn't take a real step to do something!

We will wait for a while and we will see then what is going to happen . I am sure that the students will not agree and they will talk and argue with the main people .

Thnax alot once again,
wishing you all the best in your life

[Mashael Mohammed]

انا ماأيد الكلام الي قالته ريم

لان انا من جامعة قطر ورفيجتي من الاطلنطي ثنيناتنا ناخذ نفس المعاش وثنيناتنا نفس الدرجه

وانا اعرف وايد من طلاب الشمال الاطلنطي درجاتهم ومعاشاتهم اعلى من طلاب جامعة قطر مع ان هذول بكلريوس والاطلنطي دبلوم

[M Al Kuwari]

صراحه حطمتوني زياده يوم قريت هالموضوع

<< خريجة قطر التقنيه قسم " نظم معلومات جغرافيه "

اشتغل صار لي 5 سنوات و خلال هالسنوات احاول ادور لي على جامعه مو لاقيه

بالاول دورنا في قطر هل في مجال نكمل قالوا في قطر مافي تكمله على الدبلوم

قلنا اوكي بنشوف جامعات قريبه قالوا الجامعات هذي مب معترف فيها

يعني درستي ولا ما درستي مب معترف بالشهاده اللي بتجيبينها

بالاضافه ان جهة العمل مو موافقه على التكمله

وما شاء الله لحد الحين مب حاصل لنا سنير

صراحه حال الدبلوم مثل الثانويه مب معتبرين ان في ناس

تعبت لين خلصت ولا مقدرين هالسنين اللي درسناها

الله يعين على الجاي :@

[A.O.A]

هلا اختي, والله كل مكان يقولون شيء , ناس يقولون لين يشتغلون في اماكن يعاملونهم معامله البكالورياس , وفي ناس يقولون لا, كل مره يطلع شيء , ماقول الا الله يعينا على الياي ...

الحمــــــــــدلله على كل حاااااال ...

[Ahmad.A.Alhamadi]

اخت ريم ان كنتي من كيوبي فاول مابتخلصين بتشتغليين سنه وبعدين بيقدرك المسئوول وبيحطك سنير لاتخافين:42:

[Saad Al-Hababi]

معا انه الطرح قديم وبين فتره وفتره يرجعون يثيرونه

بس حبيت اذكر شي واحد اللي هو تبع الكيو بي

اثنين من ربعي بيسافرون اخر هالشهر لـ ليفر بول عن طريق الكيو بي للدراسه في جامعه ليفر بول

الشباب جايبين فوق معدل عدل وبيكملون بكالورياس ,, هم أوفس وبيكملون بزنس

نصيحتي لكم ,, شدوا حيلكم والباقي على الله

[A.O.A]

شكرا اخوي على المعلومات, بس حبيت استفسر اذا بيدرسون بيزنس كم سنه عشان ياخذون البكالورياس, ان شاء الله مب اكثر من سنتين ... والله يوفق الجميع ...

[Khalid Al-Qahtani]

معليش عالرد المتأخر...

طبعا يا جماعه ترى في جامعات تقبل ....

انا باذن الله رايح امريكا تاريخ 19 من هالشهر اكمل بكالريوس...

وانا من خريجي الدفعه الاولى ولله الحمد...

بس الواحد يشد حيله ويراسل الجامعات المعترف من قبل المجلس للتعليم...

وبتلقون انشالله قبول...

اما من ناحية المؤسسات او الادارات انها تاجل موضوع تكملة الدراسة فهالشي من حقها...

عالاقل اشتغلوا وانفعوهم وساهموا في بناء هالبلد وبعدها بفتره انشالله بتكملون بكالريوس...

بالعربي احمدوا ربكم ياجماعه معاشات وتدرسون ببلاش....

وبخصوص الدرجه اصلا الدبلوم مايعطي الا توب جونيور بالكثير...

كمثال انا تخرجت من الكليه وانا اصلا توب جونيور...

وعادي داومت ومافي مشاكل وجزاهم الله خير انهم خلوني ادرس...

والحين الحمدلله بفضل الله كاني بكمل بكالريوس...

يعني انا جلست سنتين بعد الدبلوم وعقب ودوني...

والله يوفقكم...

ودمتم بود وعبير الورد...

[A.O.A]

معليش عالرد المتأخر...

طبعا يا جماعه ترى في جامعات تقبل ....

انا باذن الله رايح امريكا تاريخ 19 من هالشهر اكمل بكالريوس...

وانا من خريجي الدفعه الاولى ولله الحمد...

بس الواحد يشد حيله ويراسل الجامعات المعترف من قبل المجلس للتعليم...

وبتلقون انشالله قبول...

اما من ناحية المؤسسات او الادارات انها تاجل موضوع تكملة الدراسة فهالشي من حقها...

عالاقل اشتغلوا وانفعوهم وساهموا في بناء هالبلد وبعدها بفتره انشالله بتكملون بكالريوس...

بالعربي احمدوا ربكم ياجماعه معاشات وتدرسون ببلاش....

وبخصوص الدرجه اصلا الدبلوم مايعطي الا توب جونيور بالكثير...

كمثال انا تخرجت من الكليه وانا اصلا توب جونيور...

وعادي داومت ومافي مشاكل وجزاهم الله خير انهم خلوني ادرس...

والحين الحمدلله بفضل الله كاني بكمل بكالريوس...

يعني انا جلست سنتين بعد الدبلوم وعقب ودوني...

والله يوفقكم...

ودمتم بود وعبير الورد...

شكرا اخوي ردك جدا مطمئن جزاك الله الف خير, انا حبيت استفسر اللي يخلصون اوفيس قالوا عقب لازم يدرسون بزنس عشان البكالوريا, كم يبيلهم عشان ياخذون البكالوريا ؟...

[Mohamed Al-Sayegh]

بسم الله الرحمن الرحيم

اسمحولي على هذا الرد

لكن من المعروف اصلا ان كلية شمال الاطلنطي كلية ضعيفة في كندا وتخرج تكنشنز والمفروض تكونون عارفين هالشي قبل ماتدخلون الكلية


لكن صراحه سالفة الوعود الي من السبونسرز هذي مالها حل وانا اقول توكلي على الله وادعي عليهم

بالنسبة لكلية شمال الأطلنطي بالعكس مب ضعيفة، صح هي كلية تفنية ولكنها اوكي، مثلاً لو تم مقارنة كلية شمال الأطلنطي مع كلية التكنولوجيا القديمة الي كانت تابعة لجامعة قطر، طبعاً كلية شمال الأطلنطي أفضل بكثير، لو الكلية كانت ضعيفة كان حكومة قطر ما تعاقدت مع الكلية لفتح فرع لها في الدوحه، اكيد في كليات في كندا أقوى بس مب معنى هذا الكلام ان كلية شمال الأطلنطي ضعيفة، وانا في وجهة نظري ان المشكلة في المؤسسات انها اتعامل خريج الكلية معاملة الجينير مب في كلية شمال الأطلنطي، اللحمدلله انا تخرجت من الكلية واحس بفرق كبير، في بعض المؤسسات تعامل خريج الكلية كسينير،

وبالنسبة لإكمال الدراسة في شباب تخرجوا من الكلية تخصص إدارة اعمال ومعدلاتهم اوكي وتم ابتعاثهم للحصول على البكالوريس، في شباب احسبوا لهم من السنتين سنه نصف صراحه شي حلو، وتم قبولهم في جامعات موجوده في قائمة المجلس الأعلى وهي جامعات قوية...

مع تحيات: اخوكم/ محمد الصايغ

[Mohamed Al-Sayegh]

شكرا اخوي ردك جدا مطمئن جزاك الله الف خير, انا حبيت استفسر اللي يخلصون اوفيس قالوا عقب لازم يدرسون بزنس عشان البكالوريا, كم يبيلهم عشان ياخذون البكالوريا ؟...

أختي اذا راح اتكملين في بريطانيا ما راح يحسبون لج ، بس راح يعادلون لج شهادة الدبلوم بسنة تأسيسية يتطلب من الطالب دراستها حسب معلوماتي لان الشهادة الثانوية القطرية لا تعادل الشهادة الثانوية في بريطانيا، على العموم بكالوريس إدارة الاعمال في بريطانيا 3 سنوات مب 4 سنوات،،،

بالنسبة للدراسة في امريكا او كندا راح اتحصلين جامعات تقبل منج مواد من تخصص الافيس بس خلنا انكون واقعيين ما راح اتكون وايد، بس يختلف من جامعة الى اخرى يعني يمكن اتحصلين جامعة تقبل منج 5 مواد وممكن اتحصلين جامعة تقبل من 8 مواد بس ما راح يحسبون لج وايد لانج راح اتكملين بزنيس لان ما في بكالوريس إدارة مكاتب، بس لازم اتحصلين على التوفل حتى يتم قبولج، بس بالنسبة للي تخصصهم ادارة اعمال بيحصلون لهم جامعات تحسب لهم سنه ونصف من السنتين الي ادرسوها...

مع تحيات: اخوكم/ محمد الصايغ