أول ابداعاتي

[A.A.Al-Nasser]

أنا مب قصدي الغرور والا التفاخر لما أقول ابداعات وما ابداعات.. (أعوذ بالله)!!
أنا بس مستانسة.. :D وفي نفس الوقت مستغربة إن هالرسمة طلعت مني!!!!!... :confused:

عاد هذه هي الرسمة اللي رسمتها قبل الامتحان بساعتين.. :cool:
والله حاله.. الناس تذاكر واختكم ترسم.... :p بس والله من الضغط.... المهم هذه صورة شغل الرسام 100% ; ) ; )
حاولت أصغرها وايد.. بس خفت على التفاصيل لا تختفي وما تبان.....!! فقصيت الصورة من اليمين.... !!
ملاحظة.... الصورة كبيرة شوي.. اصبروا عليها لما تطلع!!

والحمد لله.. هذا من فضل رب العالمين..... (بس أبشركم... نجحت في الامتحان وجبت A) :)

وأفكر إني أشارك في قسم مواهب في المؤتمر الطلابي.. وإن شاء الله الأخ ماجد الحمر يوافق :)

http://img402.imageshack.us/img402/8307/anaranma1123wf.jpg

[Hamad Al-Ibrahim]

very good mashallah and of coure u can participate and no one could say no to this skill

[F Al-Missned]

ما شاء الله عليج اسما مدامج اوكي بالأنيميشن كملي فيه

وتعلمي اكثر في ذي المجال :)

بالتوفيق وموهبه نادره تمتلكينها :)

[Abdulrahman Fakhroo]

ماشاء الله يااسطوره... رسمج حلو ولازم تطورين هاذي الموهبه

انصحج تقرين كتاب "How to draw Manga" وفيه اكثر من نوع على حسب وشو ترسمين... حيوانات-بنات-اولاد-مقاتلين-مسدسات :D

كتاب عجيب ورهيب.. يعلم بالتفصيل :)

ملاحظة:"مادري اذا ينباع في قطر... انا شريته لاخوي من ماليزيا... وهو مب رخيص.. الواحد كان 80 الى 120 ريال على حسب الكتاب... اخوي يعرف يفقرني... طالب مني 10 كتب :()

اذا تبين تشوفين الكتاب ماعندي مانع :)

[A.A.Al-Nasser]

أشكرك أخوي حمد.. وإن شاء الله بابتدي الشغل حق المؤتمر من اليوم!!!!! :)

أشكرج فطيم على التشجيع.. وإن شاء الله باتحفكم بصور ثانية.... :)

وأنا فعلاً أحاول أتحسن أكثر وأكثر... وإن شاء الله بانزل برامج خاصة بالرسم وباطور نفسي بإذن الله.... وإذا أراد الله رب العالمين.. باخذلي كورس إضافي في تصميم الجرافيك.... يعني.. خطط قيد الإنشاء..!!

أشكرك أخوي عبد الرحمن على ردك... وأنا بحاول أدور على الكتاب وإن شاء الله ألاقيه... (وإن شاء الله يطيح سعره يوم ألاقيه)... :p

[Mohammed Al-Mannai]

بسم الله الرحمن الرحيم

بصراحه موهبه جميله وتستاهل انها تكون مع المواهب في المؤتمر ..

بس يا ترى عندج امتحانات كفايه قبل المؤتمر عشان ترسمين فيها ؟؟؟؟ :D

[Fahad Al-Jefairi]

السلام عليكم ورحمة الله وبركاته

ما شاءالله عليج اختي ... بالتوفيق والى الامام داائما ان شاء الله ...

انا بهرني شي وااحد في الصورة .......

الظلال ... ما شاء الله شي مرتب :)

بالتوفيق ان شاء الله :)

[A.A.Al-Nasser]

أخوي محمد.. لو ماعندي امتحانات بدبر امتحانات من تحت الأرض..ولا يهمك!!!! ; ) حياتي مليئة بالامتحانات..!! :D :D

شكرك أخوي فهد... بس لو تعرف.. :rolleyes: الظلال كان أسهل شي سويته.. وبدقيقة تخلصه.. لكن العنا كله يطلع لما تحاول تضبط العين وتخليها مناسبة مع العين الثانية... !!!!

حاول تجرب.. ترى وايد سهل ترسم بالماوس... مب ذيك الصعوبة اللي تتخيلها....!! وبرنامج الرسام فيه اختيارات انت ممكن تستغلها في رسمك والتلوين... انت جرب بس...!! :)

[Fahad Al-Jefairi]

حاول تجرب.. ترى وايد سهل ترسم بالماوس... مب ذيك الصعوبة اللي تتخيلها....!! وبرنامج الرسام فيه اختيارات انت ممكن تستغلها في رسمك والتلوين... انت جرب بس...!! :)



ههههههههههههههههههه

انا يوم كنت في اعدادي رسبت في الفنية في سنة من السنين ... :p

يعني عادي ارسم .,... اخليكم تعتزلون الفن (طبعا مب من كثر ما الرسمة جميلة)