مواعيد المحاضرات في رمضان

[Mohammed Al-Mannai]

بسم الله الرحمن الرحيم

هذي وللأسف مواعيد المحاضرات في رمضان في جامعتنا الحبيبه والي حزات تكون خايسه وحقيره .. جامعة قطر

http://www.qatarpictures.com/files/4/ramadan.jpg


يعني انا مضبط جدولي في التسجيل عشان مايكون عندي محاضرات بعد الفطور ... ومتعب نفسي وماخذ اولى كل يوم

اخرتها يخلون دوامنا الساعه 7:30 ؟؟؟؟؟ يعني مافي سهر ولا يمعه مع الشباب

اوكي بنقول انا مالي عذر ....

الطلاب الي يدرسون ويشتغلون ... شبيسوون في رمضان يعني ؟؟؟ مالهم الا انهم يطقون اصبع

ملاحظه : الي عنده المحاضره رقم 12 يوم الاحد والثلاثه والخميس .. يقولنا عشان نعطيه كم سله تمر من سلال فاست أثون عشان يفطر في الطريج

[Abdulrahman Fakhroo]

شكرا اخوي محمد على هذا الموضوع واعلان جدول المواعيد

انا عن نفسي الحمدلله... مواعيدي صارت احسن من قبل.. بدال مااداوم كل يوم بعد صلاة العشاء (وتفوتني صلاة التوراويح كل يوم!!) واداوم الي الساعه 11 بالليل ويروح اليوم كله علي بس دوام بالجامعه؟ غير ان عندي محاضرات بالصبح!! انا اشوف جذي وايد احسن لي وللطلاب الي حالتهم من حالتي :o

اما عن كليتنا.. الحمدلله الدكاتره متفاهمين وقالوا لنا راح نغير مواعيد رمضان عشان الكل يرتاح ومايتعذب يروح اكثر من مره الجامعه في هذا الشهر الفضيل... :)

أما عن طلاب الموازي (المسائي).. فالصراحه انا معاك في هذا!! يعني شنو ذنب الي يشتغل؟ يداوم الشغل ولا يداوم الجامعه!!

الجامعة قد ظلمت هذه الفئه.. والله يعين :(

وشكرا

[E Al-Mahmoud]

*¤®§( السلام عليكم ورحمة الله وبركاته)§®¤*

:eek: :eek: :eek: :eek: :eek: :eek:

بــــل

انصدمـــــت

شسالفة الجامعة!!!

معقولة بيخلونا نداوم من 7 ونص!!!!!!!!!
عادةً يأخرون الوقت في رمضان :confused:
وشلون بيخلونا لين 4 ونص!! والاذان 5 وربع اللي بيوتهم بعيدة شبيسوون!!


:( الله يعينا :(

يعني كرف من الصبح ولين العصر!!!

اخوي يعطيك العافية بس من وين جبت هالجدول!!!
انا اللي عندي غير مثل كل سنة


http://www.al-wed.com/pic-vb/539.gif

[Mohammed Al-Mannai]

بسم الله الرحمن الرحيم

اخوي عبدالرحمن ... شفت شلون عاد ... الي كان مرتب جدوله على رمضان اعتفس كل جدوله ..... والي ياك وسجل وماهتم اذا كانت بعد الفطور ولا قبل ترتب له جدوله ...

اختي المحمود ... الجدول حصلته في منتدى ثاني .. غير ان الجريده كتبوا عن هالجدول وان الدوام يبدا سبع ونص .... عشان يتمكن الطالب من سماع زغزغة العصافير وهو رايح الجامعه ....

[Abdulrahman Fakhroo]

بسم الله الرحمن الرحيم

اخوي عبدالرحمن ... شفت شلون عاد ... الي كان مرتب جدوله على رمضان اعتفس كل جدوله ..... والي ياك وسجل وماهتم اذا كانت بعد الفطور ولا قبل ترتب له جدوله ...

ياخي يوم لك :) ويوم لغيرك :D

خلني انا استانس بالجدول الحين :rolleyes:

:D لووووووووووووووووووووووووووووووووووووووووول :D

[F AL-Jaidah]

جزاك الله خير اخوي


انا جدولي صار عجييب

بس الباقي الله يعينهم

اختكم :)

[E Al-Mahmoud]

*¤®§( السلام عليكم ورحمة الله وبركاته)§®¤*

رحت الجامعة وطلع الخبر صحيح ومنتشر ووصلتني هالورقة:(

معظم البنات محتجين لكن كالعادة لو تروح اصواتنا محد بيسمعنا

الله يكون بالعون :(


http://www.al-wed.com/pic-vb/539.gif

[Mohammed Al-Mannai]

بسم الله الرحمن الرحيم

الله يعين الجميع ...

مب لو تروح اصواتنا ... لو تروح ارواحنا وياها بعد الجدول ماراح يتغير

[Abdulrahman Fakhroo]

والله خوش جدول يالربع :D

ههههههههههههههههههههههه

[Mohammed Al-Mannai]

هذي الي بيخليني اروح له البيت اشمخ القوس الي فوق التاير

[Abdulrahman Fakhroo]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههه

لووووووووووووووووووووووووووووووووووووووووووووووووو ووووووووووووووووووووووووووووووووووووووول


حيااااااااااااااااااااك :D

I Like 2 Move it Move it, I Like 2 Move it Move it I Like 2 Move it Move it....
I LIKE TO>>>>>>>>>>>>>> MOVE IT :D

[F Al-Missned]

قمت اشوف اغبره من العصبيه والتنرفز http://www.asmilies.com/smiliespic/new/015.GIF (http://www.asmilies.com/)

الله يوفق الجميع و انا اشوف ذي السالفه أحسن ، من رايي اكيد http://www.asmilies.com/smiliespic/new/003.GIF (http://www.asmilies.com/)

على أن عندي أولى الله يستر http://www.asmilies.com/smiliespic/new/002.GIF (http://www.asmilies.com/) بس متفائله ان شاء الله http://www.asmilies.com/smiliespic/psmilie/003.gif (http://www.asmilies.com/)

[Mohammed Al-Mannai]

بسم الله الرحمن الرحيم

في احتجاجات كثيره على هالمواعيد وخاصه من طلبة الموازي ...

ووصلت هالاحتجاجات للدكتور عمر الانصاري ...

وياااااارب تتغير هالمواعيد وترجع نفس قبل

[Ali Al-Rumaihi]

أوووه حي الله الروم ميت في العمره

المناعي عيل لا تنسى تقعد أخوانك وتوديهم المدارس لووووووول

بعطيك طريقه تقعدهم

طق الباب طقتين عقب أقعد كبر لوووووووووووووووووول

[Dana Al-Kuwari]

ونعمَ الجامعه :cool:

[Jassim Al-Naama]

الله يعينكم ياطلاب جامعة قطر والله

احنا مرتاحين دوامنا مايبدأ قبل 9 ومرات 1 الظهر

واذا تأخرنا نخلص 5 يعني قبل الفطور بساعتين .. شنبي زيادة

الحمدللله

االله يعينك المناعي والله .. المشكلة في اللي يحب السهر وخاصة في رمضان :(

[Hassan Al-Ibrahim]

مساكين اللي دوامهم يمتد لي الفطور و يأذن عليهم وهم قاعدين مجابلين هالهندي يشرح لهم نتوركينج .. :)

المناعي أحمد ربك على كل حال ترا غيرك مب حاصل لهم يفطرون مع أهلهم ..

[Mohammed Al-Mannai]

بسم الله الرحمن الرحيم

علي الرميحي .. ههههههههههههههههه اكبر ولا ألبي احسن ؟

اختي دانه .... الحلو مايكملش خخخخخخخخخخخخخ

جاسم النعمه ... حظك ... ثرى اذا غيروا جدولكم اعرف انه من عيني خخخخ

حسن الابراهيم ... الشيخ هذي الي مجابل الهندي محد طقه على يده وقاله سافر ...... فديت جامعة قطر مع انها تبط الجبد احيانا

[Mohammed Al-Mannai]

بسم الله الرحمن الرحيم


هذا ماكتبته جريدة الشرق في الموضوع


اشتكى عدد من طلبة الموازي بجامعة قطر، من تغيير مواعيد المحاضرات في شهر رمضان حيث تم تحويلها من الفترة المسائية الى الصباحية، بالرغم من أن الكثير من الطلاب والطالبات موظفون في دوائر حكومية وخاصة، مطالبين الجامعة بتعديل المواعيد حسب ما كانت سابقاً، فهي حالياً تخالف ما جاء في جدول خريف 2005 والذى على أساسه قام كل طلبة الموازي بالتسجيل في المقررات، ويوضح احد الطلبة انه موظف في دائرة حكومية وسوف تتعارض المواعيد الرمضانية مع موعد عمله، مطالبين المسؤولين في الجامعة إعادة النظر في القرار الذي حدد مواعيد المحاضرات الرمضانية لمصلحة الطلبة والطالبات.

[E Al-Mahmoud]

يحليلهم متفائلين :D

دام القرار نزل خلاص مااعتقد يغيرونه

المشكلة الكبيرة ان الدوام يبدا 7 ونص :(:(

أي سيارة بتتفرغ لنا تودينا واليهال يبون يروحون مدارسهم! :o
مافي إلا كروة :D
واذا كل يوم بنقوم الصبح مافي امل نسهر يعني شهر العبادة بيروح علينا

الله يهديهم :(

[E Almazrooi]

لا حول ولا قوة الا بالله
حسبنا الله ونعم الوكيل
احسن شي نتسحر وروح الجامعة على طول وانصلي الفجر هناك

[Mohammed Al-Mannai]

بسم الله الرحمن الرحيم


وهذا ايضا ماكتبته جريدة الرايه <<<<< من القهر قام يتابع الموضوع من قلب




اشتكي عدد كبير من طلبة التعليم الموازي في جامعة قطر من جدول المحاضرات الذي تم تعديله مؤخراً بمناسبة شهر رمضان المبارك حيث يبدأ الدوام الساعة 7.30 صباحاً وحتي الرابعة عصراً.

وقال الطلبة في اتصال بعيون المدينة ان تعديل الجدول بالنسبة للموظفين يعتبر ظلماً بالنسبة لهم خاصة أنهم يعملون في الفترة الصباحية.. وتساءل كيف يستطيع الطالب الدراسة في الفترة الصباحية ونحن نعمل وتم تسجيلنا في الموازي لأن جدول المحاضرات يعتمد علي الفترة المسائية.

وما العمل ونحن دفعنا القسط ولماذا لم يتم اخبارنا قبل الدفع؟




عندي حساس كبير ان هالقرار بيتعدل بس انتوا قولوا امييين

[F Al-Missned]

آآآآآآآآآآآآمين يا المناعي

والي عنده أخو مراهق بالثانويه يلوع جبده بالكشخه شيسوي

اذا تأخر على المحاضره من سبته :(

[Abdulrahman Fakhroo]

بسم الله الرحمن الرحيم

عندي حساس كبير ان هالقرار بيتعدل بس انتوا قولوا امييين
مب آميييييييييين :D <<< احس المناعي بيعطيني بوكس الحين :rolleyes:

ماأبي اداوم لين الساعه 12 بالليل :(

[Mohammed Al-Mannai]

بسم الله الرحمن الرحيم

شووف بابا ... انا مافي كلام ... يد مال انا في كلام

بالعربي ... انا ماتفاهم بلساني ... اتفاهم بيدي ..

بس تدري لو يتغير الوقت ... شنو بسويي حفله

[Abdulrahman Fakhroo]

بس تدري لو يتغير الوقت ... شنو بسويي حفله

اووووووه يعني بتعزمني :D زييييييييين... عسى يغيرون الجدول.. قول آميين :p

والحفله انشالله بتكون يوم الاربعاء على السي فوود ; ) ولا شرايك

[Mohammed Al-Mannai]

شتبي انت ؟؟؟

انا و نفسي بنحتفل في البيت ...

بس خلاص ماعتقد بيتغير الموعد لان مافي وقت ... يمكن الشكاوي تأخذ بعين الاعتبار السنه الجايه

[M.Al.Ali]

من صجكم تبون النظام القديم ؟؟؟ :confused:

يارب مايغيرون المواعيد .. :cool:

بل ماصدقنا نفتك هم وانزاح عاد انا من زود الفهلوة ماخذه هالكورس مادة من 6 لين 8 يعني فرمضان لو على دوام قبل تطلع لي لين 12
وغير ان عندي صبح وروح وتعال ...
وغير ان اليوم الثاني عندي اولى :rolleyes:

زين ماسووا والله بس محد بيروح فيها الا موازي
بس بعد موازي اقل من طلاب الصباحي .. ; )

واكثر المتضررين الشباب فإن شاء الله يخلون الشباب يصلون القيام فالجامعة واحنا يخلونا على هالنظام الجديد .. :p

" انتوا لو تلاحظون المحاضرات اللي عقب الفطور نص الطلاب مايحضرونها والنص اللي يحضر صايدهم تفهي .... :D "

يعطيكم العافية على الموضوع المهم والخطير .. :cool:

ورمضـــــــــان كريم .. والله سهل عليكم هالكورس وتيبون A

لاتنسون تدعون لــــــــــي يالطيبين ....

[Mohammed Al-Mannai]

بسم الله الرحمن الرحيم

بس بعد موازي اقل من طلاب الصباحي ..
اختي اذا رجع النظام القديم ماراح تنقطع ارزاق طلاب الصباحي بعكس ماصار مع طلاب الموازي في النظام الجديد ...

وانتي قلتي بنفج انج خذتي ماده من 6 لين 8 بأرادتج ...

لكن طلاب الصباحي الي كانوا معدلين جدولهم اصلا على النظام القديم وذابحين عمارهم في وقت الدوام وماخذين اولى عشان يرتاحون ايام رمضان يطلع دوامهم الساعه سبع ونص الصبح ؟؟؟؟؟؟؟؟

[M.Al.Ali]

بخصوص الموازي حطينا اقتراح ان يرجعون النظام للطلاب
لانهم متضررين اكثر من البنــات .. " واشكره بيعطونا طااااف"

وبخصوص المادة المتأخرة لو ماخذتها جان بتأخر سنة .. لانها ماتنطرح الا كل خريف وماصدقت احصل هالدكتور طارحها :p "اهم شي " ..
وتسجيلها صار في ظروف الحذف والإظافة ولاجدولي كان شزينه ..:(

بخصوص الساعة 7 ونص انا ماعندي اعتراض على الوقت الحلو اني بارجع البيت بدري .. :p

هاي بالنسبة لي اما البقية فالله يكون في عونهم واذا عندك احتجاج اخوي تقدر تدخل منتدى الجامعة وترسل رسالة على ايميل الدكتور عمر الانصاري لان فاتح المجال لاستقبال شكاوي الطلاب المحتجين واللي عندهم مشاكل ..

و في امان الله ورعايتـــــــــــــه .....