** TOEFL **

[Dana Al-Kuwari]

السلام عليكم ..

نرجع للموضوع الي شاغل الجميع بخصوص تغيير النظم واعتماد الجامعات المعترف فيها ..

انا اطلعت على شروط البعثات وشفت السكور المطلوب فالتوفل 530 .... وشفت لست الجامعات كلهم تقريبا التوفل من 575 او 600 وطالع ..

الي نبي نعرفه على اي اساس يتم الابتعاث فالنظام الجديد فالدوحه ..

و هل للطالب حرية اختيار التخصص والبلد ؟

[Dana Al-Kuwari]

wow ..
46 واحد دخل موضوعي ولا عبرني بكلمه :eek:

[Hamad Al-Qahtani]

i:( dont really know .. but i just wanted to reply since no one did loool :confused: ...
i dont want you to feel left out .. and good luck.
:cool: i hope someone would give you the answer you want

[Mohammed Al-Mousawi]

السلام عليكم...

هذي اول مشاركة لي..... D:
نظام الابتعاث هالسنة بكل بساطة كالآتي: لو الطالب حقق شروط المجلس الاعلى وجاب القبول من الجامعه راح يحصل البعثة...

يعني لو واحد جايب 80% وجايب في التوفل 530 وعنده قبول من جامعه في اللسته ( قبول غير مشروط) راح يحصل البعثه انشالله

اما عن سالفه التوفل 575 و 600 ... تقريباً انا داش على كل الجامعات اللي في اللسته وماشفت هالدرجات الا في اللسته الاميرية

شروط القبول من المجلس الاعلى تختلف في اللسته الاميرية عن اللستة الوطنية..والمميزات تختلف ايضاً وايضاً القبول في الجامعه صعب في اللسته الاميرية

طبعاً كل طالب يقدر يختار التخصص ومكان الابتعاث على كيفه مدام التخصص مطلوب والجامعه موجوده في اللسته...بس لازم يقدم بنفسه ويجيب القبول ويروح يعطيه للمجلس الاعلى

يعني راحت ايام ماكانت الوزارة تقدم للطلاب...الحين الطالب لازم يدور عالجامعه بنفسه


انشالله اكون جاوبت على السؤال او الاسئلة جواب وافي وكافي واذا بغيتوا اي توضيح انا حاضر

مع تحياتي

[Hamad Abuqaba]

حسب علمي ان البعثة تعتمد بالدرجة الاولى على الحصول على القبول من الجامعة.

وبما ان اغلب الجامعات المطروحة في اللسته تستوجب "في مواقعها على الانترنت" من 550 الى 600 درجة في التوفل , فأن هناك حلين:
اولا: ان يكون الطالب حاصل الدرجة المطلوبة من الجامعة "وهذا من سابع المستحيلات مقارنة بمستوى لغة الثانوية العامة".
ثانيا: ان يقدم الطالب اوراقة للجامعة حتى لو كانت درجته في التوفل اقل من المطلوبة "اغلب الطلبة يحصول على القبول بهذه الطريقة" فرضا لو كان الطالب حاصل على 530 في التوفل فان نسبة حصولة على قبول في جامعة تستوجب 550 درجة في التوفل تعتبر نسبة كبيرة.

واحب ان انوه ان القبول في الجامعات لايعتمد دائما على التوفل , ففرضاً لو قل عدد الطلبة العالميين في احدى الجامعات الامريكية فان الجامعة تضطر لقبول "اي حد" وذلك لاعتبارت مالية.
اتمنى ان يكون ردي مفيداً. وسلامتكم.
حمد

[Mohammed Al-Mousawi]

بالعكس اخوي حمد... في مجموعة جيدة من الجامعات اللي في اللسته طالبه 500 بس.. للعلم اللسته اللي في الموقع قديمه.. وجامعات وايد انحذفت من هاللسته ووايد انضافوا

[Dana Al-Kuwari]

اللسته تغيرت وانا خبر خير ..
زين دلنا على اخر تطورات هاللسته الي وهقتنا يا محمد
وشنو الجامعات الي انحذفت وشنو الي انضافت ..

معقوله جامعه بامريكا وتطلب توفل 500 ؟؟
والوزاره تبعث عليها غريبه ..
دلني عليها بس وانت تشوف قافلة شباب وبنات قطر فيها وانا فوقهم ..

الصراحه UCLA طلعت في راسي شعرتين بيض الله يعين بس

[Khalid Al-Mulla]

السلام عليكم ورحمة الله وبركاته

الأخت الفاضلة دانة هنا بتحصلين لستة الجامعات من خلال زيارة الدليل:

اضغط هنا (http://www.qataries.net/sub/index.php?categoryid=4)

اللسته في طور التجديد لحد الآن ما خلصنا منها وفعلاً في جامعات كثيرة تم تغييرها من اللسته

طبعاً التجديد في البعثات الوطنية فقط الي قاعدين نشتغل عليه والسبب عدم وجود اللسته الخاصة بالبعثات الأميرية لكن نوعدكم إنها تتواجد قريباً بإذن الله

وإن شاءا لله بالنسبة لستة الجامعات الوطنية تم تجديد جميع الدول تقريباً ما عدا امريكا وإن شاءا لله انخلصها على هالويك إند

يعطيكم العافية

[Dana Al-Kuwari]

يعطيك الصحه اخوي خالد ..
وبالفعل الجامعات بامريكا تقريباً نفس الشي ماتغيرت..
يالله انشاءالله يجي دورنا ويغيرون للاحسن ..

مع اني الاحظ التركز كله في Arizona and
Pennsylvania State University

وهم تقريبا الي يطلبون توفل 500
عدل كلامك اخوي محمد

[Mohammed Al-Mousawi]

المجلس الاعلى مابيعطي الطلاب اللي حصلوا قبول من الجامعه اللي تبي 500 الا اذا كانوا جايبين 530 لأن هاي شروط المجلس..، بس في استثناء لطلاب الجسر 2004/2005 (طلاب السنة اللي راحت) اذا جابوا 510 قبل السبرنج وجابوا القبول يقدرون يروحون


اما عن الجامعات اللي طالبه 500 فمنهم:
university of utah (http://www.utah.com)

iowa state university (http://www.iastate.edu/)

university of oregon (http://www.uoregon.edu/)

university of alabama (http://www.ua.edu/)

university of colorado (http://www.colorado.edu/) <<< للتخصصات غير الهندسة

University of Hawaii at Manoa (http://www.uhm.hawaii.edu/)


جامعات طالبه 525:
colorado state university (http://welcome.colostate.edu/)


هاي اللي قدرت اطلعهم الحين

للتذكير: حتى لوجبت القبول من هالجامعات وعندك اقل من 530 في التوفل ما باتقدر تروح...هذي قوانين المجلس الأعلى !!!

تحياتي

[Mohammed Al-Mousawi]

مع اني الاحظ التركز كله في Arizona and
Pennsylvania State University

وهم تقريبا الي يطلبون توفل 500
عدل كلامك اخوي محمد

pennsylvania & arizon طالبين 550 ولو اقل من 550 مايعطونج القبول...انا عن نفسي قبل ماجيب الـ 550 كان عندي 523نشفوا ريجي بنسلفينيا لين ما طرشولي القبول ومتأخر بعد ولهالسبب تقريباً انا قاعد في الدوحه للسبرنج الجاي.

اريزونا طالبه بعد 550 ...مادري ليش طلاب وايد رايحيين هناك، وما حصلي الشرف اني اتعرف على واحد منهم...، يمكن انشالله في امريكا نشوفهم

وللعلم: على حسب علمي ان الشباب اللي في بنسلفينيا تقريبا كلهم تخرجوا الا واحد توه (سنة اولى) رايح السبرنج اللي فات ولين الحين ماعرف حد رايح معاي السبرنج الجاي

[Dana Al-Kuwari]

جميل جداً ..
تسلم عالتوضيح اخوي محمد ..

اما بخصوص اريزونا .. صج مادري ليش الشباب كلهم متركزين اهناك ..
ونزيد فالموضوع انك اول ماتوصل المطار تستقبلك الغبره والحر وشيرة صبار متر في مترين .. مأساه
بس ماصارت الجمعه اهناك الا والجامعه شغل عدل ..
خلينا نستفسر ونشوف ...


have a good one

[Dana Al-Kuwari]

واحب ان انوه ان القبول في الجامعات لايعتمد دائما على التوفل , ففرضاً لو قل عدد الطلبة العالميين في احدى الجامعات الامريكية فان الجامعة تضطر لقبول "اي حد" وذلك لاعتبارت مالية.
== اقتباس==


في هذي معاك حق.. اليوم اسولف ويا ياباني مشلخ مسكين الانجليزي مايدق سلف وبين كل كلمه وكلمه يغمض لي عين ويفتح لي عين واخيرا يطلع بالكلمه المطلوبه عقب مايفصخ نظارته ويحك شعره وحاله لله .. انا اعتقد لو يقول Speech
يمكن يبط عينه بالغلط ولا يسبب لنفسه عاهه ولا شي ..
واخرتها مستانس اليوم يقولي نجحت فاختبار القبول :eek:

عاد انا حطمته قلت له يبه الاوضاع فامريكا تعبانه وقبول طلاب انترناشونال احسن حل بما انه يدفع 4 مرات دبل عن الامريكي

<---- مطفره حياة المكسيكان واليابانيين :D

[Abdulla I AL-Malki]

اما عن الجامعات اللي طالبه 500 فمنهم:
university of utah (http://www.utah.com)



حموووود ليش حاط موقع جامعتنا غلط :mad:

اكيييد عرفتني :p
وموقعنا

www.utah.edu

[Dana Al-Kuwari]

بووووووه .. ماشالله
في قطريين في Utah :eek:

by the way
University of Arizona
انحذفت من اللسته :D

[Abdulla I AL-Malki]

:rolleyes: احنا اول دفعه في يوتا :D

[Dana Al-Kuwari]

اهااااا.. عدل عيل

نص هل قطر الي فامريكا اعرفهم .. قلت مستحيل في حد في يوتا ولا اعرفهم :D

دامكم اول دفعه .. فاذا موفقين انشالله ..

وبالمره شلون الجامعه عندكم ؟؟ كول ولا مو كول :D

[Abdulla I AL-Malki]

اجمعين انشالله :D

والله الجامعه تمام وكوول
بس صعبه شوووووي :p

[Dana Al-Kuwari]

بعد شتسوي النظام تغير .. وصار في لسته بالجامعات المعترف فيها .. واغلبها صعبه :confused:

الله على ايام قبل .. كنا مدللين لاخر حد .. ودخلنا كميونتي كولج .. الي اعدها شي اساسي لطالب انترناشونال.. بحكم الكلاسات نوعا ما صغيره ومافيها رهبه ..وتبتدي تتعرف على نظام الجامعه والدراسه وتخبط فيها مو مشكله .. وعقب تدش الجامعه وانت اساسك مظبوط :D

يالله ليش كل مايتمناه المرء يدركه..

وبخصوص موضوعنا عن التوفل .. المجلس الاعلى سمعت انه مايقبل توفل من برى سواء البحرين ولا الامارات ولا ولا ..

مطلوب منك تقدمه فالمدينه التعليميه .. صج ولا ؟؟

ياخونا دا التعليم في بلدنا بئا تئيل اوي .. :D

موفقين للكل ..

[Abdulla I AL-Malki]

ماعرف شي عن المجلس الاعلى انا بعثتي عالبترول
بس ماتوقع انه لازم بالمدينه التعليميه لأن اعرف اثنين قدموه في دبي وقبلوه المجلس الاعلى وانشالله عالسبرنج بيسافرون
اهم شي ان التوفل يكون انترناشنال

[Mohammed Al-Mousawi]

حموووود ليش حاط موقع جامعتنا غلط :mad:

اكيييد عرفتني :p
وموقعنا

www.utah.edu


:p

سووووري بالغلط :D

اما بخصوص التوفل اللي من برى...مثل ماقال اخوي عبدالله ينقبل الانترنشنل لو من وين

وما ينقبل اذا من المدينة التعليميه انستتوشنل...لازم انترناشنل


انا مقدم فدبي...وقبلوني بدون مشاكل

[Mohamed Al-Sayegh]

في البداية كل عام وانتوا بخير ......

الاخت دانه الكواري, جامعة اريزونا موجوده في القائمه الي في المنتدى, ما ادري يمكن القائمه قديمه الي في المنتدى..

اخوكم: محمد الصايغ