المساعد الشخصي الرقمي

مشاهدة النسخة كاملة : حملة ختم القران في رمضان

Mohammed Al-Mannai
08-09-2005, 01:53 AM
بسم الله الرحمن الرحيم

مثل ماكلنا عارفين رمضان شهر القران على الابواب .. فحبيت ان يكون في المنتدى حملة لختم القران

وصدقوني والله الطريقه جدا سهله وماتاخذ وقت


وبحسبه بسيطه ... المصحف الشريف يتكون من 600 صفحه

600/30 يوم في شهر رمضان = 20 صفحه في اليوم

20/5 صلوات = 4 صفحات بعد كل صلاه

اوكي اوكي بعد صلاة المغرب في برنامج حلو ولقيمات وفطاير

خلوها 4 صلوات

20/4 = 5 صفحات بعد كل صلاه

كم من الوقت بتاخذ منك ؟؟

كم من الاجر بتعطيك ؟؟


طريقه سهله ومجهود بسيط ولكن ما أعظم المردود

اسأل الله ان يوفقنا الى ماهو صلاح وخير لنا في ديننا ودنيانا واخرتنا

اللهم امين
Ali Al-Rumaihi
08-09-2005, 02:08 AM
يعطيك العافيه

فعلا كلامك صحيح وبعدين كل ماتأمل وتأنى في الآيات اللي يقراها كل ماستفاد أكثر وكل ماتعلم أكثر .

المشكله الناس دوم مشتطه تقرى لك أول يوم جزء ولا 2 ويقول باجر لازم أخلص نفس الشي وفي النهايه يقول لا وايد جزئين وووهالشكل.

وفعلا حسبتك هذي ماكانت في الحسبان. وراح نعمل بها إن شاء الله

جزاك الله خير أخوي محمد
Jassim Al-Naama
08-09-2005, 03:04 AM
بسم الله الرحمن الرحيم

السلام عليكم ورحم الله وبركاته

جزاك الله خير محمد على الموضوع والله يجعله في ميزان حسناتك ان شاء الله

وباذن الله رمضان الجاي بتكون بدايته اجازة عندنا وبنحاول قد مانقدر نقرأ من كتاب الله خلال هالفترة وبحاول اختمه ان شاء الله
Hassan Al-Ibrahim
08-09-2005, 01:15 PM
السلام عليكم ..

حيالله المناعي والله .. :)

أنا اقترح أن أحنا نزيد مسألة مهمة ألا وهي مسألة خواطر عن الآيات يعني كل شخص يمر على آيه تأثر فيه يذكرها في المنتدى و يذكر كيف أثرت فيه ..

أتوقع أحنا وصلنا لمرحلة لازم نوقف على الآية و نتأمل فيها و ناخذ العبرة منها و نعرف وش المقصود من وراها و كيف تأثر علينا .. أتوقع أن هذا الشيء بيساعدنا كثير و بيقلب طريقة تلاوتنا من مجرد تلاوة إلى تلاوة و تركيز و البحث عن المعاني ..
Salem Alsaqatri
08-09-2005, 01:31 PM
جزاكم الله خير عالموضوع....

أظن أن هالنظام ممتاز.. بس في أشخاص يرقدون عقب الفجر، كل شخص يختلف عن الثاني ،فأظن أن عقب صلاة العصر بالذات يكون 10 صفحات = نص جزء=20-25دقيقة بالكثير، لأني أحس ان هالوقت هو وقت النشاط وكل واحد ناطر الفطور...( لاحد يقول بيفوتني المسلسل :mad: )....

ترون المسلسلات ومسابقات التلفيزيون كلام فاضي عشان تضيع وقت الصايم فيما لا يفيد.. يعني بدال المسلسل أقرا قرآن وبدال برنامج المسابقات اقرأ تفسير أو شي مفيد :) ..

يعني رمضان شهر عبادة وتقرب مافي داعي نحوله شهر معاصي أو إضاعة وقت...

واسمحوا لي عالإطالة.................
Mohammed Al-Mannai
09-09-2005, 02:18 AM
بسم الله الرحمن الرحيم

اشكر كل الي شاركوا وابدوا رايهم

اخوي سالم ...
اعتقد ان اهم شي هو قرآن الفجر
وخمس صفحات ماراح تاخذ وايد من وقت ارقادنا العزيز
Hassan Al-Ibrahim
24-09-2005, 05:50 PM
المناعي قرب رمضان :)
F AL-Jaidah
24-09-2005, 09:45 PM
اخوي المناعي جزاك الله كل الخير على هاللفته القيمه

واعتقد ان فكرة اخونا حسن اكثر من روعه

وياريت تثبتون موضوع في هالقسم يحط فيه كل عضو آيه أثرت فيه

وحب ان يشارك الاعضاء في لفت النظر اليها

لان لكل انسان نظره مختلفه ممكن ما تجي على بال شخص ثاني

واعاننا الله على طاعته وعلى قيام رمضان وحسن التعبد فيه

اختكم في الله
Adel Al-Jalham
25-09-2005, 01:42 AM
هلا بالمناعي ولد فريجي العزيز تسلم على هالموضوع المميز وطبعا هالشيء مب غريب عليك وفعلا في قراءة القران اجر وعلم كثير بل عندما تقرأ القران تشعر بالاسترخاء وتنزال عنك الهموم واذكر اني كنت في مشكله وبعد ما تعبت وانا ادور لها حل لجأت للقران والحمدلله انحلت المشكله وحسيت بالثقه بالنفس والتأمل شيء مهم في قراة القران مب تقعد تقرى وتهز راسك وانت مب متأمل وانصحكم يا شباب في كتاب اسمه التصوير الفني في القران حيث يتناول هالكتاب الجانب الفني والجمالي في ايات القران وهالكتاب يساعد على التأمل
والله يتقبل طاعاتنا وصيامنا واستغفارنا في هذا الشهر الكريم
Mohammed Al-Mannai
25-09-2005, 02:09 AM
بسم الله الرحمن الرحيم

اشكركم اخواني على المرووور

اخونا وجارنا وعزيزنا وصديقنا وكل شي عادل الجلهم

لجأت للقران والحمدلله انحلت المشكله وحسيت بالثقه بالنفس

خخخخخخخخخخخ تصدق ذكرتني بسوالف الرسايل الي يقولك اذا ارسلتها لعشره سوف تربح في تجارتك واذا اهملتها مادري شبيصير :)

طبعا محشوووم وفعلا القران يفرج الكرب ويزيل الهم بس لاني قبل ماقرى ردك كنت اقرى رساله من هالنوع

جزاك الله خير على النصيحه واسال الله ان يجعل هذه الاعمال في ميزان حسناتنا
Mishal Al-Mahmoud
26-09-2005, 04:10 AM
السلام عليكم ..

الله يجزااك خير اخوي محمد على هالحمله الطيبه .. والله يجعلها في ميزان حستاتك انشالله .. :)

وهالملف المرفق انشاالله بيساعدكم .. :)

طبعا تقدرون تغيرون عدد الصفحات على حسب مقدرتكم .. انا مسويه على اسااس 4 صفحات قبل الصلاه .. و4 بعد الصلاه ..

اتمنى ان هالجدول يفيدكم انشاالله ..

يعطيكم العافيه :rolleyes: