المساعد الشخصي الرقمي

مشاهدة النسخة كاملة : U.S Arab Encounter (مادة عجييبة)

Fahad Al-Jefairi
06-09-2005, 11:52 PM
السلام عليكم ورحمة الله وبركاته

ادري بتقولون شفيهم هذول مستانسين على جامعتهم .... لكن هالمادة عجييبة ولازم اتكلم عنها :) :)

الله يسلمكم هالمادة مطروحة من جامعتنا والتسجيل لها كان مفتوح لكل طلاب المدينة التعليمية ....

فكرة المادة ان في مجموعة من الطلاب هنيه مع مدرس + مجموعة من الطلاب في الجامعة الأم في امريكا ومعاهم مدرس والحصة بالاتصال اللاسلكي والتيليكونفرنس teleconfrence

يعني قاعة المحاضرات فيها طلابنا وفي الشاشة الطلاب الامريكان

ومنهج المادة هو عبارة عن تحليلات للصراع بين العرب والامريكان ونقاشات بين الطلاب ....

بصراحة الشغل في المادة كثييير وفي كتب كثيرة ومواضيع وتحليلات واايد لازم نقراها ... ولكن المادة واايد حلوة وشي عجيب (يكفي انها intersting )

اليوم بدينا اول موضوع نقاش وكان عن نظرية صدام الحضارات وربعنا ما قصروا حكروا حق الجماعة اللي هناك ... وان شاء الله النقاش الايجابي راح يتواصل على مدى الفصل :) :)

وجزااكم الله خير
Ali Al-Rumaihi
07-09-2005, 01:16 AM
أوف عجيييب
بس شدخل انت تدرس بزنس وتآخذ هالماده ههههه
Salem Alsaqatri
07-09-2005, 01:49 PM
أفااااااااا......

كان ودي أشارك.. بس راحت علي.......

فهد .. شدوا حليكم ها.. لا يحكرون لكم!
S.A.M
07-09-2005, 10:53 PM
و الله حلو..

انزين اشرايك أخوي تكتبلنا ملخص المحاضرات..منها تحفظ ..و منها نتعلم :)
Fahad Al-Jefairi
08-09-2005, 01:28 AM
:rolleyes:

الله يسلمك يا اخوي علي عندنا موااد تخصص ومواد متطلبات جامعية ... وهالمادة تعتبر politics .... فبتشيل عنا هالمتطلب

حياك الله الغالي .,... والموضوع منور بردك :D

حياك الله يا استاذ سالم ...ومافي مشكلة يالغالي ....الخير في كل مكان ان شاء الله

الاخت الكريمة ....

حياج الله اختي (لحد يوهق حد) ..... ان شاء الله احط اللي اقدر عليه ان شاء الله

وجزااكم الله خير
Ahmed Al-Jefairi
09-09-2005, 05:27 PM
السلام عليكم ورحمة الله وبركاته..

هههههههه يقولون مخرعينهم عدل.. اقول بس لا تصيحونهم خفوا عليهم... يقولون من صجهم خايفين ليكون قايلين لهم ارهابيين او شي :p
يصدقون اي شي ذيلا ترى :p


اقول فهد.. سمعت كلام ان هالمادة في الجامعة عندنا تنحسب 4 كريديتز...لكن اللي جايين من تكساس ياخذون 6 كريديتز وتنحذف عنهم مادة الhistory والpolitical science... هاي كلام واحد من الربع الشطار في تكساس..

زين المادة تاخذ وقت كبير؟ لأن انا ودي اخذها بس المشكلة مواد مثل الروبوتيكس تاخذ كل وقتنا :(
Fahad Al-Jefairi
10-09-2005, 01:29 PM
هلا والله احمد

والله ما يندرى ياريال. ...( اهم شي تستفيد وتتعلم.... مادري والله عن سالفة تكساس والحسبة )

المهم ياجماعة الخير بطرح لكم بعض القضايا والنقاشات اللي صارت في الكلاسات (بطرح بس الامور اللي سببت حدة شوي. ... مب كل شي )

1- الديموقراطية والإسلام ..... ومتى نشأت الديموقراطية ....واذا كان النظام الاسلامي لماذا استمر مدة 1300 سنة بالنظام الملكي ؟؟؟


2- العلمانية ...أو فصل الدين عن الدنيا هي أفضل نظام أكتشف بحيث يكون عادل في دولة تختلف فيها فئات المجتمع بشكل رهيب وتختلف فيها الديانات والأعراق. .... فما موقف الاسلام من العلمانية ؟؟؟

3- الى اي مدى تعتبر امريكا دولة ديموقراطية ..... وهل فاز بوش في الانتخابات بطريقة "شريفة" ؟؟؟

4- نحن "المسلمين" لا نكره الشعب الامريكي ... ولكن نكره الحكومة والسياسات الامريكية (اذا كان هذا الكلام صحيح .... أفليست الحكومة الأمريكية تمثل الشعب الامريكي) ؟؟؟

والمزيد في القريب العاجل ان شاء الله :) :)
Mohammed Al-Mannai
10-09-2005, 05:06 PM
بسم الله الرحمن الرحيم

اممممم

والله مواضيع فيها خبث وهدفها ايجاد نقاط ضعف في الاسلام

الله يعينكم ان شاء الله وعلى فكره انتوا تمثلون الاسلام في هالماده وان شاء الله الله يكون في صفكم انتوا
Dana Al-Kuwari
16-09-2005, 04:25 AM
جميل تطور الدوحه والله ..

سالم اهم شي A+ ..
انا اخر مره شفتها سنة 2000 من عقبها وال C تهل على راسي من كل صوب
احم