Class 2011

[B.A.M]

السلام عليكم ورحمة الله وبركاته

(اسمحوا لي الموضوع متاخر شوي بس انشغلت بالدراسة :o )

الاسبوع الماضي يوم الاحد الموافق 28\8\2005

كان اول يوم تعريفي للطلاب الجدد لدفعه 2011 وهي الدفعه الرابعه وعدد الطلاب 60 طالب وطالبه من اقطار مختلفة من العالم

منها:

قطر (طبعا)
امريكا
لبنان
العراق
الاردن
روسيا
السودان
ايران
الهند
مصر
الجزائر
باكستان
كندا
فرنسا
البوسنة

واحلى مافي السالفه ان عدد الطلاب القطريين والقطريات في هالدفعه

12 طالب وطالبه ( اللهم زيد وبارك) :D

في اليوم الاول
تم تعريف الطلبة على تاريخ الجامعه وعن افتتاحها في قطر وعرفوا الطلاب ببعض ووزعوا شنط الجامعه فيها كاب وكوب ولاب كوت وقوقلز
وراحوا الطلاب السيتي سنتر ضمن خطه البرنامج التعريفي للعب (treasure hunt)

في اليوم الثاني
تناقشوا الطلاب في قصة كان المفروض يقرونها وراحوا السيتي سنتر للبولينج والسكيتنق
واللي بعده
تعرفوا الطلاب على اساسيات السلامة في اللاب و تعرفوا على مكتبة الجامعه وكيفيه استخدام المكتبة الالكترونية

في اخر يوم من الاورينتيشن تم توزيع )cornell pins) على الطلاب كاعلان رسمي عن الدفعه

وهذي بعض الصور من ايام الاورينتيشن

http://img99.imageshack.us/img99/9222/cornell18po.jpg
صورة جماعية للدفعه

http://img99.imageshack.us/img99/1011/cornell33ya.jpg
توزيع حقائب كورنيل

http://img99.imageshack.us/img99/9813/cornell49ne.jpg
صورة في السيتي سنتر بعد ال treasure hunt

http://img99.imageshack.us/img99/6433/cornell21fh.jpg
بولينج في السيتي سنتر

http://img99.imageshack.us/img99/8828/cornell60kh.jpg
مسابقه عن المكتبة الالكترونية

http://img99.imageshack.us/img99/5641/cornell58ro.jpg
Opening Exercises 2005


:)

[Mohammed Al-Mannai]

بسم الله الرحمن الرحيم

يعطيج العافيه اختي B.A.M

والله شكلهم اطباء المستقبل مصرقعين شوي .... الله يعين

[B.A.M]

ههههههههههه (مصرقعين) :D

اخوي محمد اشكالهم الحين مصرقعين لان توها السنة بادية وكانت ايام (orientation) بس انطر عليهم كم اسبوع بعد وشوفهم ( بينحكون عدل ; ) )

دعواتك لنا اخوي ودعواتكم كلكم ان نكمل في هالجامعه ونرفع اسم قطر ونكون خير دكاترة ان شاء الله
:)

[Ahmed Al-Jefairi]

السلام عليكم ورحمة الله وبركاته..

مسرع اختي ما انشغلتي بالدراسة تونا باديين :D

معليه ان شاء الله خير.. الله بيعطيج على قد تعبج ونيتج :)


ما شاء الله عدد القطريين والقطريات زادوا... اهم شي ان شاء الله يتمون بس :D


الله يعطيج العافية وان شاء الله موفقين اجمعين :)

السلام عليكم ورحمة الله..

[Ahmed Al-Jefairi]

هههههههههههههههه لا تعليق..

موفقة ان شاء الله

[B.A.M]

اخوي احمد

(شكلك للحين ماعرفت كورنيل :cool: ) اول يوم واخر يوم عندهم واحد حك في حك

وان شاء الله الطلاب القطريين يكملون على عددهم ومحد يطلع من هالجامعه :)

[Ahmed Al-Jefairi]

ههههههههه والله انا اسمع سالفة حك في حك... بس اشوف الشباب كله ويا لعب ورقة :p

بس صج الله يعينكم.. ويعيننا اجمعين... شلون الmcat؟ ان شاء الله سويتوا زين :)

[B.A.M]

خير ان شا ءالله :rolleyes:

[E Al-Mahmoud]

*¤®§( السلام عليكم ورحمة الله وبركاته)§®¤*

يعطيج العافيه حبيبتي :)

الله يوفقكم

الحمدلله زاد عدد القطريين والقطريات:D بس مثل ماقال اخوي أحمد ان شاءالله يتمون

ماادري ليش كل من يدش جامعتكم يطلع منها عقب فترة :confused:

ماشاءالله عليج انتي الوحيده من ربعي للحين صامده الحمدللــــــه

الله يوفقج ونشوفج أكبر دكتورة ; )

http://www.al-wed.com/pic-vb/539.gif

[Fahad Al-Jefairi]

.....

جزااج الله خير اختي الكريمة على هذي التغطية ....

الله يصبركم ان شاء الله

والله يعينكم ويكون في عونكم

[B.A.M]

اختي بنت المحمود

(((ماادري ليش كل من يدش جامعتكم يطلع منها عقب فترة؟؟؟)))

في مشكلة تواجه الطلبة القطريين في كورنيل وهذي المشكلة تصير كل سنة..

مشكلتنا ان النظام اللي تعلمناه في مدارسنا يختلف كليا عن نظام كورنيل
وخصوصا في اسئلة الامتحانات
12 سنة وهم يقولون لنا ادرسوا من التقويم بس حق الامتحان (الله على هالايام :o )
بس في كورنيل الاسئلة تقيس مدى فهمك للموضوع مو مدى حفظك له فالاسئلة طريقتها غير واسلوبها في الطرح غير :rolleyes: وهذا هو الصح

ومانعرف شنو اللاب وشلون نكتب الاب ريبورت ولا شلون نحضر للاب :(

وفي نقطه بعد ان الجسر الاكاديمي على ايامنا كانت الدراسة مركزه على الانجليزي بس في الاخير على الscience
والدراسة ماكانت تحتاج لمجهود يعني بالعربي الفصيح كنا مطنشين ومستهترين بالجسر :cool: على اساس انه سهل فصعب على الطالب انه بعد ما يكون (مشتط وحكيك على ايام الثانوية) وبعدين يتهاون ايام الجسر انه يرجع يشتط مرة ثانية :rolleyes:





اللي يصير كالاتي:::
في السنة الاولى
معظم الطلاب القطريين درجاتهم ومعدلهم تكون نازلة نسبة الى الاسباب اللي ذكرتها وتكون درجاتهم انزل من درجات الدفعه :(

في السنة الثانية
يعدلون اخطاءهم ويتخطون مشاكلهم وترتفع درجاتهم على قوله العميد ان درجاتهم ثاني سنة تكون اعلى من درجات طلبه الدفعه :)

بس للاسف درجات السنة الاولى تخرب على المعدل العام للقبول ل medical

عشان جذيه عدد قليل منهم اللي يقدر يكمل هذا اذا ما يأس من الجامعه من البداية وطلع من اول سنة :cool:


وهذا اللي يصير بالطلبة القطريين كل سنة في كورنيل :(

[E Al-Mahmoud]

*¤®§( السلام عليكم ورحمة الله وبركاته)§®¤*

حتى احنا في الجامعه نواجه نفس المشاكل لان تاسسنا جذي

بس لو تلاحظين في السنوات الاخيرة الحمدلله تطور التعليم عندنا

المدارس العلمية علمتنا وايد اشيا بس المشكله احنا مالحقنا عليها الا أيام الثانوية:(

بس تخيلي لو كانت دراستنا من البداية من ايام الحضانة والتمهيدي بنفس نظام المدارس العلمية المطورة ماكنا بنواجه هالمشاكل ف الجامعه

وبالنسبة للجسر فكلامج صح انامعاج اكثر شي خرب علينا الجسر :(

الجسر علمنا على الكسل والاستهتار لان بصراحة الدراسة فيه ولاشي بالنسبة للي درسناه في العلميه

الحمدلله على كل حال

والحمدلله الامور شوي شوي تتطور والتعليم في قطر وااااااايد تطور

الله يوفقج حبوبة ويوفق جميع الطلبة والطالبات :)



http://www.al-wed.com/pic-vb/539.gif

[Essa Abuhelaiqa]

السلام عليكم

مشكورة أختي B.A.M على الموضوع المتميز

صراحه دفعتنا أكبر دفعة حتى الآن (ترى ما تصورت فلا أحد يتعب نفسه يدور عني :p ) ، وصراحة الكل متميز فيها

الأيام الثلاث كانت تهبل .. لكن المشلكة الوحيدة أنهم عطونا قصة من 200 صفحه قالوا لنا نقراها حق اليوم الثالث وأحنا ما نرجع البيت كل يوم إلا 9 في الليل :confused:

إلي مو مصدقة مدى سرعة الدروس إلى ناخذها .. أحنا تونا في ثالث أسبوع وخلصنا 7 وحدات في الأحياء و 5 وحدات في الكيماء و 5 في الرياضيات :eek: ( وين أيام الثانوية الوحدة نخلصها في شهر :D )

والQuiz وما أدراك ما الQuiz .. كانت صاعقة على وجوه الطلاب لما قالوا أنه المتوسط هو 13 من 20

الدكتور قالنا أنه كل الدفعات في البداية عندهم شي من النزول لكن ما دام الدرجة فوق المتوسط كل شي بيكون تمام

الله يستر بس

يوم الخميس عندنا أمتحان دوري أول للأحياء (من الحين :eek: )

لحد يفهمي غلط ويقول أني أكره كورنيل ... العكس أنا مستانس هناك ... هم يخلون الواحد يكتشف طاقاته المختزنه :cool:

[Ahmad Almansoor]

((لحد يفهمي غلط ويقول أني أكره كورنيل ... العكس أنا مستانس هناك ))

لوول ..والله لو ما حطيت هالجملة ..كنت بطيح في بطنك لووول

انت اخر واحد تتشكى من الدراسة ..

الدراسة اخترعوها عشان عيال بو حليقة يطلعون مفيدين في الحياة

ماشالله ماشالله ..تف تف ... عن تقول صكنا بعين لوول

المتوسط في الكوز 13 ..بس ما قلت لنا ان انت الوحييييد اللي خذت 20

سلامي

وتحياتي لطلبة كورنيل

[Abdulrahman Fakhroo]

الله يوفق جميع طلبة كورنيل :)

وانشالله انشوفكم دكاتره بالمستقبل ترفعون اسم بلادنا الغاليه قطر :)

[B.A.M]

اخوي عيسى اشكرك على الرد

ومعاك حق ايام الاورينتيشن احلى ايام في كورنيل

ونصيحه اخوي:
لا تستعجل .. ترى الكراف والدراسة جايتك..
يعني يجيك يوم لازم تسوي (لاب ريبورت على بري لاب على كتابة بروسيجر على هوم وورك وهذا كله لمادة وحده)

بس الحق ينقال : لكل مجتهد نصيب وان شاء الله تنال نصيبك من كورنيل

[Dana Al-Kuwari]

ياسلام سلم ..
الي مضحكني ان امريكا مافيها جامعات على هالمستوى والتقنيه انا اقصد الجامعات الحكوميه الي تعود عالولايات
ابدعت قطر الصراحه :cool:

وسالت الادفايزر يضحك ويقولي جامعات امريكا كل سنه فوج ودفعات يدخلونها سواء طلاب انترناشونال ولا امريكان
يعني استهلاك عالجامعه غير طبيعي
اما قطر تحاول تكسب سمعه اكاديميه وعدد الشعب قليل
والله طلع حكيم ماثيو :D

الصراحه شغل عدل وترتيب لكن في عيب واحد فالجامعات الي بقطر ..
اغلبيتها مالت حك على قولتكم..

(((لكن المشلكة الوحيدة أنهم عطونا قصة من 200 صفحه قالوا لنا نقراها حق اليوم الثالث وأحنا ما نرجع البيت كل يوم إلا 9 في الليل )))


احمد ربك 200 .. احنا يعطونا 600 صفحه ويقولك لخصها وحط لي اسالها تسالني اياها :confused:

موفقين انشالله يا اطباء المستقبل :rolleyes: