المساعد الشخصي الرقمي

مشاهدة النسخة كاملة : تغني يابلاد العز

Ali Almarri
03-09-2005, 03:21 PM
[CENTER][B]السلام عليكم ورحمة الله وبركاته

تــغــنــي يـابــلاد الــعـز بـالـذكـرى وطـاريـهـا....تغني خلي الفرحه تهز أقصى مبانيها

تـغـنـي وأتـغـنـى لك قـصـيـد جاء على بالـي..قصيد ما طرى لحد سكن بآخر ضواحيها

تـراها فـرحة أستقلال ديـره بالـدمـاء تمـشي...فخر وأمجاد والنخوه شعار الشيخ بانيها

سقى الله شـهر سبتمبر ثلاثه بالشهر بادي....شهر فيه أستقلينا ورب العرش حاميها

أنا ما أحصى محاسنها ولا أحد اليوم يقدرها...تعب من سردها جدي وأبوي ومن سكن فيها

ولا حـتـى الكتب تـقـدر ولا التـاريـخ ينساها....بلاد في مبادئها شموخ العز ساقيها

فـديـت ترابها الطاهر وفـديـت الـلي تـولع بـه ...وأنا اللي من صغر سني وأنا متولع فيها

أنا لا قـالـوا الـعـالم قــــطــر دولتـك يالغالي ؟...أقوم أشمر ايديني عسى ما شي جرى فيها

أنا لا شـفـت صـورتهـا مع الـعـالم وخـارطـته ...أقوم أقبل الصـوره من اولــــــها لـــتالــيها

كفو والله يابو مـشـعـل كـفـو والله كفو والله ...كفو ياراعي النخوه أسلومك ما تخليها

كـفـو تـسـتاهـل الـفرحه مع شعب تفانا لك ...كفو تستاهل الشيخه غصب عن كل أعاديها

تـحيـه للعلم نوقف وتـحـيه لــلأمـــيــر نقوم ...وتحيه للوطن نقسم بدم الروح نفديها

وخـتـام أهـنـي الشعب الكريم بيوم فرحتنا...وأهني الشيخ أبو مشعل عساك تدووم راعيها


والسموحه
Fahad Al-Jefairi
03-09-2005, 03:27 PM
جزااك الله خير يالغالي ...

وان شاء الله الحين نجهزها لليوم الوطني :) :)

بارك الله فيك
Jassim Al-Naama
03-09-2005, 03:34 PM
بسم الله الرحمن الرحيم

صح لسانك علي

والله يحمي بلادنا من كل مكروه ويدوم علينا هالافراح

تحياتي
Ahmed Al-Salahi
03-09-2005, 10:48 PM
صح لسانك أخوي علي
وكل سنة وبلادنا قطر في خير و نعمة وسلام والى الامام ياقطر الخير
Mubarak Al-Sowaidi
04-09-2005, 08:19 AM
ما اقول الا صح لسانك يا خوي علي والله يديم الافراح على قطرنا الغالية دوووووووووووووم
Ali Al-Rumaihi
04-09-2005, 12:13 PM
صح لساااانك أشهد انك صادق بكل كلمه
Hassan Al-Ibrahim
04-09-2005, 01:05 PM
صح لسانك يا شاعر شبكتنا .. و يا شاعر الطلبة

عز الله أنك كفيت ووفيت ويوم كتبت القصيدة أثرت في نفوسنا بكل بيت ..

والله أن قصيدك ما يعده إلا إنسان حب الديرة و عشق ترابها وفارقها و حس بحرارة حبه لها ..

صح الله لسانك يا طيب و يا الأجودي و يا من كلامه قول و فعل و لي طلبوه ما ردهم

الله يوفقك في دراستك يا علي و يردك لديرتك سالم و غانم
Mubarak Al-Marri
04-09-2005, 02:30 PM
صح لسانك يا بو حمد

بيض الله وجهك عز الله ما قصرت وبيضت وجيهنا

السموحه منك يمكني ما عطيت القصيده حقها في الإلقاء

وهي قصيده ما يقولها الا شاعر ولا يلقيها الا شاعر

والله انه فخر لي يا بو حمد اني القيت قصيدتك بالحفل

والف الف الف شكر مني لك على هذه القصيده الجميله والاكثر من رائعه

تحياتي
Mohammed Al-Mansouri
04-09-2005, 07:40 PM
صح لسسانك علي... الصراحه هالابداع مب جديد عليك ما شاء الله

ما قول غير كفيت ووفيت يالطيب

فديت ترابها الطاهر وفديت اللي تولع به ...وأنا اللي من صغر سني وأنا متولع فيها

أنا لا قالوا العالم قطر دولتك يالغالي ؟؟ ..أقوم أشمر ايديني عسى ما شي جرى فيها
Ali Almarri
04-09-2005, 09:06 PM
مرحبا بكم جميع وصحت أبدانكم

أخوي فهد الجفيري بارك الله في حياتك


أخوي جاسم النعمه صح بدنك يالغالي ولا هنت على المرور

أخوي Ahmed Al-Salahi صح بدنك يالغالي ومرحبا بك مليوون

مبارك السويدي صح بدنك ولاهنت على المرور

أخوي علي الرميحي مرحبا بك مليار وصح بدنك وما عليك زود

أخوي حسن يامرحبا بك وصح بدنك ...وما عليك زود يالغالي

واللي طلبها يستاهل قصيده أجمل منها ولكن هذا اللي قدرت

عليه ...جعلك ذخر يالغالي ..ولا هنت على المرور

مبارك المري صح بدنك وبيض الله وجهك والفخر لي يالغالي

اما عن القصيده فأنت القيتها بالشكل الصحيح وعطيتها حقها لا

تحاتي ولا هنت يالغالي

محمد المنصوري صح بدنك يالغالي ولا هنت على المرور الجميل اللي عودتنا عليه

وأحب أشكر أخواني وأخواتي اللي قدموا شكرهم والعفو ياجماعه

ولا هنتو على هالمرور وأن شاء الله يكون لنا لقاء جديد في المنتدى وفي مناسبات أخى أن شاء الله

أخوكم
علي المري
Hamad Al-Ibrahim
04-09-2005, 09:12 PM
صح لسانك يا شاعر الطلاب
Ali Almarri
04-09-2005, 11:23 PM
صح بدنك يا بوشهاب

نورت المشاركه بوجودك
Meteb Al-Qahtani
13-09-2005, 08:22 PM
السلام عليكم
بيض الله وجهك وصح لسانك . و يعطيك الف عافيه على الابيات المعبره

و بصراحه انت فخر كبير للمنتدى .

تمنياتي لك بالتوفيق
Hassan Al-Ibrahim
13-09-2005, 10:51 PM
عز الله أنه فخر للمنتدى :)
Ali Almarri
14-09-2005, 02:15 PM
مرحبا مليون أخوي متعب نورت يالغالي ومن طول الغيبات جاب الغنايم

صح بدنك وبيض الله وجهك والله يعافيك ....
الفخر كله أن القصيده أعجبت الكل وهذا المطلوب وما عليك زود

أخوي حسن يامرحبا بك مليون وما عليك زود يابوعلي
Shaikha A
14-09-2005, 02:51 PM
صح لسانك اخوي عالقصيده المميزه.. :)

وصراحه هي بادره منك..تميزنا احنا كطلاب قطريين وطالبات قطريات..وتميزنا كموقع..

يعطيك العافيه اخوي
Ali Almarri
15-09-2005, 12:02 PM
صح بدنج أختي...وهذه البادره شوي بحقكم وبحق أدارة المنتدى

وهالشي يبعث في نفسي الثقه...ولولا اخوي حسن هو اللي طلبها ويستاهل أكثر أبو علي وان شاء الله أعوضكم بأحسن منها

ولا هنتي على المرور أختي
Tareq Al-Saei
15-09-2005, 04:33 PM
صح الله لسان الشاعر ...

أبيات صادقة ورائعة تدخل القلب من أول مرة ...

واللي يقراها يحفظ منها بدون ما يرددها من قوة وقعها ...


سلمت يمينك يا بو حسن وعساك ذخر ان شاء الله

لا خلا ولا عدم

واسمحلي على تأخر الرد ... انا قريت القصيدة أكثر من مرة لكن ما صارت لي فرصة إني أرد على الموضوع


ننتظر المزيد
Ali Almarri
17-09-2005, 01:07 AM
صح بدنك يا طارق وتسلم على المرور يالغالي

وكفايه أنك قريتها وأعجبتك ومعذور يالغالي لا تحاتي

والربع ما قصروا في ردودهم وكفايه نورك في المنتدى

أخوك/علي المري