المساعد الشخصي الرقمي

مشاهدة النسخة كاملة : اقتراح ل president طلبه قطر في امريكيه الشارجه

KMMK
01-09-2005, 07:50 PM
السلام عليكم ورحمة الله وبركاته
لو سمحت أخوي عبدالعزيز .. سمعت انك president نادي قطر فقلت أقولك ان احنا مجموعه من البنات نبي انسوي نشاط بمناسبه استقلال قطر ... :)
كنشاط حقنا لان فعلا نادي قطر ما كان له اي نشاط العام .. :o اللي صج رفع ضغطنا :mad: :mad:


المهم اذا في مجال نثبت وجودنا ... ووجود طلبه قطر

وبما ان الاستقلال بيكون يوم السبت ..والوقت ضيق..فاحنا نبي نسوي اي شي خلال هالفتره

وشكرا
W Al-Mohannadi
01-09-2005, 10:53 PM
بصراحه مع الاخت KMMK
ان يكون في نشاط باسم قطر
لان هالمناسبه الوحيده باسم قطر تكون
كل الدول تحتفل بيوم استقلالها في الجامعات

المفروض اخونا عبدالعزيز مسوي جدول مسبق للنشاطات الي راح تستوي في نادي قطر

على الاقل يعلق علم قطر كبير و يحط صور والا داتا شو
وشريط عرضه :)

:)
Shaikha A
02-09-2005, 01:51 AM
يعطيج العافيه KMMK :)

انا معاج..لازم نسوي شي يمثل قطر في هاليوم..ومب انا بس ..فيه كذا طالبه غيري..كلنا نبي نشارك باللي نقدر عليه..

ياريت لو اخوي عبدالعزيز يتعاون معانا.. :)


يعطيكم العافيه
Abdulaziz Jolo
03-09-2005, 01:35 PM
يا هلا ويا مرحبا فيكم ... :)

اسمحو لي على التاخير في الرد ... بس ردي ما كان بيقدم او بياخر ... :(

يمكن انتو ما تعرفون طريقة جامعتنا المعقدة في عمل نشاط معين ... :mad:

يوم الاستقلال كان موعده حرج جدا... :o

لان المفروض اي نشاط نسويه ..نقدم له طلب قبل باسبوع ...

واصلا ما لحقنا لان احنا ما دوامنا الا اربع ايام ..

هاي اول شي .. ; )

الشي الثاني ان الحين في الفترة هذي مافي نشاطات ...لانه اول اسبوع بالكورس

يوم الاثنين والثلاثا من هالاسبوع بيكون عندنا الclub fair

وهو للتسجيل في النادي ... ومن بعد هالاسبوع بيبدا الاسبوع الثاني ... وهو لعقد اجتماع النادي ...وتحديد المناصب للنادي..

ومن بعده تبدا فعاليات النوادي

ويمكن اللي ما تعرفونه ان انا قررت اني ما ارشح نفسي لرئاسة النادي هالسنة ... والمجال مفتوح لاي واحد "او وحدة " اذاا يبي يرشح نفسه لرئاسة النادي ... او العمل باي منصب في النادي نفسه..
وبيكون في تصويت من قبل الاعضاء ...

وحبيت اوضح لج شغلة اختي KMMK

العام الماضي يمكن ما كان خالي من الانشطة مثل ما تعتقدين ..
كان في رحلة "سفاري" سواها النادي كنشاط مشترك مع اندية الخلييج ... وال Global Day


واللي ما تعرفونه ان كنا نعد لنشاطين ضخمين في رمضان اللي طاف ...بس اللي صار ان توفى الشيخ زايد .. وتكنسلت كل المشاريع ...مع العلم ان احنا اشتغلنا اكثر من اسبوع لاعداد هالانشطة

واحد من الانشطة كان فطور قطري في الجامعة ...

والثاني كان "غبقة" وسهرة رمضانية ... مع الاندية الخليجية ...

بس مثل ما قلت لكم ...وفاة الشيخ زايد ... الغت المشروع بالكامل لانهم عطونا الاجازة ..

وتعب الاعداد والتنظيم لاكثر من اسبوع راح هبائاً منثوراً

اتمنى اني اكون وضحت لكم الامر ...


واسمحو لي على القصور
W Al-Mohannadi
03-09-2005, 03:12 PM
الله يعطيك العافيه
بس لاحظت مافي انشطه للبنات القطريات
واعتقد ان عددهم كبير

هل في انشطه لهم في هالكورس؟
KMMK
03-09-2005, 03:32 PM
السلام عليكم ورحمة الله وبركاته...
مشكور أخوي عالرد والله يعطيك العافيه :)
اسمح لي أخوي أقولك:
الكلام اللي كتبته مب كلامي ... هو كلام مجموعة من بنات قطر... وحبينا أوصله لك كونك الpresident والعضو الوحيد في هالمنتدى :confused:
والشي الثاني: احنا الحين نتكلم عن هالسنه مب عن العام
وعالعموم أخوي ليش ما انسوي الأنشطه اللي تكنسلوا في هالسنه وبعد انسوي انشطه يديده ... خلنا نبتدي من الحين


يزاك الله كل خير :)
Abdulaziz Jolo
03-09-2005, 04:19 PM
السلام عليكم :)


اسمحو لي خواتي برد عليكم برد واحد ...


مثل ما قالت الاخت KMMK

الحين احنا في السنة الجديدة ...

وقلت لكم .. انا ما راح امسك النادي مرة ثانية ..

لاني هالكورس اخذ 17 ساعة وكلها مواد تخصص ...واشوف اني مب قادر اعطي النادي حقه ...


وراح يكون هناك رئيس جديد للنادي .. :rolleyes:

ولهذا السبب ... اتمنى انكم تحضرون وتشاركون في التصويت ...

وترشحون انفسكم لاحد المناصب ...

والصراحة احنا نحتاج جهودكم ... وللعلم البورد عندنا في السنة القديمة كان فيه طالبة "سعودية" والسبب ان الطلاب القطريين اللي معانا يمتنعون انهم يرشحون نفسم في بورد النادي

ومن خلال هالموضوع احب اوجه النداء لجميع الطلاب والطالبات ... انهم يرشحون انفسهم ..

اختي KMMK ... راح يكون هناك اجتماع في الاسبوع القادم راح يعلن عنه ... اتمنى انج تتواجدين ... وتكلمين المجموعة اللي تتكلمين عنهم ... ونشوفكم ترشحون انفسكم...


ممكن وحدة منكم تكون البرزدنت ; )

او تمسك اي منصب بالنادي ....او على الاقل تشاركونا اجتماعاتنا ... وتعطونا اقتراحاتكم ...

عشان نشوف الانشطة اللي تبونها ... ونقدر ننظمها بالشكل المطلوب .

تحياتي :cool: