استفسار من شباب امريكا

[Ahmad Alhamad]

سلام عليكم ,,

شباب انا عندي استفسار بسيط منكم


انا رايح ادرس في ولاية أريزونا مدينة تمبي

وأخوي رايح يدرس في ولاية نيوجرسي


ارجو من الشباب وضع آراءهم حول الولايتين من كل النواحي

ألف شكر ,,

[Ahmed Al-Salahi]

وعليكم السلام يا السمي

أريزونا ولابه حاره في الصيف و باردة في الشتا الى حد ما. تمبي مدينه قريبه من فينكس العاصمه يعني اذا مليت من الدراسه تقدر تروح اي مكان سواء كان مطعم او مول. يعني مب ملل او دراسه طول الوقت . مساجد متوفرة و الجاليه العربيه في قينكس الى حد ما كبيره بالاضافه الي المطاعم العربية وماشابه علشان ما تحس "بهومسك ". ومن كلامك انت بتدرس في جامعه ولايه اريزونا Arizona State University واعتقد ان قي شباب قطريين هناك بس مب متاكد . عن الدراسه اعتقد ان الدراسه مب وايد صعبه على حد علمي
انشالله اكون جاوبت على سؤالك والشباب انشالله يردون عليك بالنسبه لنيوجيرسي

وثحياثي اخوي و بالتوفيق ان شاء الله وشد حيلك

[Ahmad Alhamad]

اخوي Ahmed Al-Salahi الله يوفقك ان شالله على هالمعلومات الزينه وفعلا الجامعه اللي ذكرتها هي الجامعه اللي راح ادرس فيها ,,

باقي اريد آراءكم عن نيوجرسي خصوصا مدينة هوبكن اللي بيدرس فيها أخوي ..

وألف شكر وان شالله بنتقابل بأمريكا

[Dana Al-Kuwari]

امممممم
شاقولك نيوجرسي الطلاب الي يجونا منها ناشفين ماخذين اسلوب الايست كوست وعلى العموم الناس تعطيك انطباع عن المكان الي جايين منه .. وعرب وهيصه والله المستعان

اما عن اريزونا لحسن الحظ اليوم شفت وحده تسولف معانا جايه من اريزونا تتكلم عن الجو انه حار وهاي معروف وان الشعب حليو وتمدح فا مادري والله .. بس في شباب وايد قطريين هناك يعني بتتأقلم ..


اممممممم انا في رايي ازور الايست كوست اوكي لكن كمعيشه ودراسه صعبه وزحمه وفي سبب مابي اقوله بس انت ذكي واللبيب بالاشاره يفهم ..

[Ahmad Alhamad]

مشكوره دانه وما قصرتي ..

أنا فهمت قصدك ... الله يعين أخوي ان شالله يتأقلم هناك .. والشي الثاني في واحد يقولي المدينه غاااااااليه كثير .. يعني أخوي توسدها عدل

[Dana Al-Kuwari]

طلعت غاليه بعد؟؟ .. الله المستعان بس

مافي الا الفردان كل شهر حواله من الدوحه .. و الا يتعاقد ويا ويلس فارقو ودربك خضر ..

يالله كلها سنه وشوي ونتخرج ..
<< متأكده سنه وشوي ؟؟

ياخوفي اصفقها 3 سنين

[Ahmad Alhamad]

ههههههههههههههههه دانه ..

ان شالله بتتخرجين بأسرع وقت وبتفوق بعد ... الا اذا كانت

امريكا عاجبتك هالكثر وبخاطرك تجلسين فيها كم سنه زياده

هذا راجع لك دام الفردان على حسابك اكيد ماعندك مشكله هههههههه..

مشكوره دانه على مرورك الرائع ضحكتيني وانا محتاس

[Khalid Alhajri]

مرحبتين اخوي حمد ..

اناطالب ادرس في اريزونا- توسان .. واحنا حوالي ٧ قطرين والبقيه تآتي ... ومثل ماقال اخوي احمد اقرب مدينه لك اهي فينكس .. واحنا تقريبا كل ويك اند في فينكس :) ... وعلي حد علمي انا مافي شباب قطرين في فينكس .. بس راح نتلاقا ان شا الله

[Dana Al-Kuwari]

لاتحتاس ولا شي توكل على الله وامش ..
وبعدين الاخ خالد فالولايه وماراح يقصرون الشباب ..
بس ابعد عن العرب نصيحه مني لك ..
لاحد يصفقني بعلبة كلينكس اتغشمر ترى ..

والله يسمع منك بس مابي تفوق ولا شرف ابي بس اخلص
دخيل الله .. الادفايزر من يشوفني يقولي بانصب لج تمثال فالجامعه يا دانه
هههههههههههههههههههههههههه