الانتخابات .... والمجلس الطلابي الجديد

[Fahad Al-Jefairi]

:D السلام عليكم ورحمة الله وبركاته

مثل ما تدرون ياطلابنا الحين الفرصة مسموحة لجميع الطلبة ترشيح انفسهم للمجلس الطلابي بالجامعة الى يوم الأربعاء المقبل

والمجلس يتكون من :-
رئيس
نائب رئيس
سكرتير
محاسب
مسؤول علاقات عامة
مسؤول الشؤون الأكاديمية
مسؤول الأنشطة
عضوين من طلاب الادارة للدفعة الأولى
عضوين من طلاب الحاسب الآلي للدفعة الأولى
عضوين من طلاب الادارة للدفعة الثانية
عضوين من طلاب الحاسب الآلي للدفعة الثانية

والانتخابات راح تصير الأثنين اللي بعد القادم (12 /8 )

بالتوفييييييييييييييييييييييييق للجميع .... ولا ترشحون الا الأفضل :rolleyes:

والله يعطيكم العافية

[W Al-Mohannadi]

بالتوفيق للجميع
انت قصدك 12\9 صح

[Fahad Al-Jefairi]

تقريبا ....

يعطيج العافية على الملاحظة الدقييييييقة

:) :)

[W Al-Mohannadi]

الله يعافيك
بس شلون الترشيح للانتخابات
وعلى اي اساس يكون ؟

وكيفيه التصويت؟

الله لايهينك

[Majed Al Hamar]

فهد .. في أي جامعه تقصد ؟؟

وله مجلس لكل الجامعات

[W Al-Mohannadi]

بجاوب عن فهد
في جامعه Carnegie Mellon University
والموضوع انكتب في قسمهم :)

[Fahad Al-Jefairi]

بس شلون الترشيح للانتخابات
وعلى اي اساس يكون ؟

وكيفيه التصويت؟

الله لايهينك

كل وظيفة لها حقوق وواجبات .... واللي يحس انه قد هالواجبات ويقدر انه يخدم الجامعة وبلاده في المنصب اللي يبيه يرشح نفسه عند مسؤول شؤون الطلاب والانشطة الطلابية ... واللي اليوم وحدة اسمها Kristin Gilmore
والتسجيل مفتوح لجميع الطلبة من اليوم لين يوم الأربعاء القادم

والانتخابات تصير في يوم واحد ....يفتح فيه صندوق الاقتراع في فترة ساعة كاملة ... والانتخاب يكون بالاقتراع السري ... يعني ورقة وحدة مكتوب عليها أسماء جميع المرشحين في كل منصب ... والشخص اللي يبي يرشح بس عليه انه يحط دائرة او علامة على الاسم اللي يثق فيه :rolleyes: :rolleyes:

وشكرا على الاهتمام

(اخي الحبيب ماجد .... مثل ماقالت الاخت ....الموضوع عن انتخابات الجامعة فقط !! ... وانتخابات المدينة التعليمية كاملة مطولين عليها شوي :rolleyes: )

وسلامتكم

[Ahmed Al-Rabeay]

موفق اخوي فهد بس
عدد طلاب جامعتكم
اقل من عدد المناصب

[Fahad Al-Jefairi]

هلا والله الربيعي

حياك الله ....(وين مختفي) :Rolleyes:

لا أفا عليك .... مع الدفعة الجديدة احنا نصير 93 طالب .... يعني ترتيب

حياك الله الغالي :) :)

[Ahmad Telfat]

فهد تبي توقعاتي ... بيحطونك رئيس بالتزكيه ..

ولو فيه منافسين بتفوز بالانتخابات..

ولو مافزت بالانتخابات بيتلاعبون في النتايج وبيفوزونك .. يعني انت الرئيس انت الرئيس..

خخخخخ طبعا اتغشمر .. يعطيكم العافيه

تحياتي .. أحمد تلفت

[Jassim Al-Naama]

فهد تبي توقعاتي ... بيحطونك رئيس بالتزكيه ..

ولو فيه منافسين بتفوز بالانتخابات..

ولو مافزت بالانتخابات بيتلاعبون في النتايج وبيفوزونك .. يعني انت الرئيس انت الرئيس..



i coud not agree more :D

[W Al-Mohannadi]

بصراحه اخونا فهد يستاهل انه يكون الرئيس

[Fahad Al-Jefairi]

يعطيك العافية ولد عمتي


ما شاء الله يسويلي دعاية من الحين :) :)


وجزااكم الله خير ...

(بس على فكرة ....شكلي مب مرشح نفسي للرئاسة هالمرة :) :) )

والله يعطيكم العافية

[Ahmed Al-Jefairi]

السلام عليكم ورحمة الله وبركاته..

اييييييه يا فهد... تتدلع ولا شسالفة...يقولون لك تعال نبيك رئيس تقول لاء...تتغلى؟ ولا تبي نسوي فيهم حركة السنة اللي طافت ونخلي الشباب يستولون على كل شي :p ...
انت آمر بس كل شي يتدبر :p

[Hamad Al-Ibrahim]

بالعكس احنا نحب نرى دماء جديده في المجالس الطلابية بوجود اصحاب الخبرات بحيث يساعدون الاجيال الجديده وبالتوفيق للكل