قيادة المرأة للسيارة [الأرشيف] - منتدى شبكة الطلبة القطريين

A A S

30-08-2005, 09:44 PM

مسألة ان المرأة تسوق السيارة ماأشوف فيها شي محرم.. يمكن عيب من وجهة نظر شريحة من المجتمع.. بس مثل ما ذكروا الاخوان أحسن من انها تركب مع السايق بروحها،، خصوصاً اذا ماكان عندها حد يروح معاها..

بس بعد في نقطة مهمة:: اذا البنت ساقت ما يعني هالشي انها تطلع بروحها أي وقت تبي وتروح وين ما تبي.. وهذا شي ملاحظ وااايد من البنات الله يهديهم دوارة في السيارة من غير هدف..

في النهاية في بنات يحتاجون وفي بنات ما يحتاجون .. وأتمنى ان المسألة ما تزيد عن حدها،،ترى الشوراع صارت زحمة والحوادث زادت :p :p

W Al-Mohannadi

30-08-2005, 11:58 PM

بصراحه ماقدرت اصوت
لاني مع وضد في نفس الوقت
انا ضد اذا البنات في سن المراهقه يعني في عمر ال 20 لانهم ماخذين وسيلة ترفيه عن نفسهم و تحدي ويكذبون على نفسهم وعلى اهلهم انهم محتاجين انهم يسوقون بغرض الشغل
ياما سمعنا بنات في عديد ويسون سباقات وحركات واعتقد هاي حركات شباب
يعني امس شفت وحده تسوق جمس شباب !!!!! وفيه اريل بعد

وين الابو والاخو .. في الموضوع !! اعتقد هذا واجبهم ان يوصلون بناتهم وخواتهم ولو مافي لازم يكون في دريول في البيت

انا مع اذا كانت سيدة متزوجه او مطلقه او ارمله توصل وتجيب عيالها
وتكون انسانه خايفه ربها في كل شي
وان لاتكون متبرجه
ويكون وسيلة نقل مب ترفيه

لو في علمكم المدرسين الكندين اللي في كليتنا يقول لنا : انتم ياحظكم ان عندكم دريول يجيبكم ويوصلكم .. ان بيتكم وااايد مدلعكم

مايدرون ان الدريول يزقرنا ويهاوشنا لووول

هذا رأي واتمنى محد يزعل مني =)

W Al-Mohannadi

30-08-2005, 11:59 PM

بضيف شي بعد اتمنى من اداره المرور تعطي الليسن للبنات في سن متأخر شوي يعني 30 سنه وفوق :) يكون احسن

Mohammed Al-Mannai

31-08-2005, 02:47 AM

بسم الله الرحمن الرحيم

انا ضد قيادة المرأة للسياره ... الا في حالة الضروره

والسبب هو : دام اخوج موجود وابوج موجود مافي داعي تسوقين وتعرضين نفسج لاشياء انتي غنيه عنها

فله والله انت قاعد مع الشباب في الميلس لا متصله لك اختك تعال انا بنشرت ... ياسلاااااام

E Almazrooi

31-08-2005, 05:59 AM

انا بصراحة اشجع الحرمة هي الي تسوق اذا كانت محتاجة فقط
اما البنات فاعتقد ان اغلبيتهم ما يحتاجون للسواقة ما خذين المسالة لعب وبرستيج فقط

A A S

31-08-2005, 03:30 PM

في شي نسيت أذكره :: غير اللي ذكرته أختي W Al-Mohannadi
أتمنى حتى الاختبار يكون حق البنات غير ،، ومشدد زيادة...

اوكي خل البنات يتعلمون ،،سبحان الله الواحد مايدري بالظروف،، يمكن قريتوا قصة البنت السعودية اللي أبوها علمها السواقة،، ومرة كانوا مسافرين من منطقة لمنطقة وابوها تعب،، وهي اللي ساقت ورجعتهم مدينتهم..

W Al-Mohannadi

31-08-2005, 03:38 PM

ومدارس تعليم السواقه ماتعطي دروس في اجزاء السياره ولا تصليحها
مع ان هالشي مفيد

بقول لكم شغله البنت ماتعرف شي عن محرك السياره ولا تبدل ايل ولا شي
اللهم يمكن تعرفه انها تصب بترول وبس !!

يعني لو سمح الله تعطلت السياره شبتسوي !!!
لو التاير تبنجر مب حلوه البنت تدنع وتبدل تاير

منظرها مب حلو
ولا في مكانت المرأه ..

Maryam Abdulla

31-08-2005, 04:16 PM

مرحبا الساع ..

الصراحة عجبتني جداً طريقة عرضكم للموضوع

بالنسبة لقيادة المرأة فاعتقد ان ها شي اصبح امر عادي وطبيعي

خاصه ها الايام .. وانا أأيد الكثير من النقاط اللي تعرضتوا لها

مثل ما هو واضح الاغلبية هني تأيد قيادة المرأة للضرورة

وها الضرورة تختلف ووتفاوت درجاتها .. ولكن لا صارت

ضرورة ملحة بحيث - لا سمح الله - تنقطع كل وسائل الاتصال

فهل تجازف البنت بقيادة السياره وهي ما تعرف !؟

من وجهة نظري إذا البنت تعلم السواقه حتى لو مب محتاجه

راح يكون شي مفيد حتى لو ما تسوق الحين .. بس على الاقل

تضيع وقت بشي مفيد ... ^_* .. ولا دعت الحاجة فالليسن موجود

طبعاً الامر اولاً وأخيراً راجع للبنت .. إذا عندها الرغبة ..

ومن ناحية ثانية .. مهم جداً ان السائق سواء كان بنت او شاب

يكون متمكن من السواقه .. وملتزم بضوابط المرور .

والسموحه عالاطاله .. . :)

E Al-Mahmoud

06-09-2005, 11:38 PM

*¤®§( السلام عليكم ورحمة الله وبركاته)§®¤*

ماشوف أي مشكلة في قيادة المرأة للسيارة خاصة للمشاوير الضرورية

مثل ماقلتوا تروح بروحها أحسن من انها تركب ويا سايق غريب

وسندارة في كل طلعة لازم تدور على محرم عشان تقدر تطلع معاه

وحتى لو تعطلت السيارة لا سمح الله أو صار حادث فالدوحه صغيرة وتقدر تتصل في اي حد من اهلها ويجيها على طول

فمااشوف اي مشكله من هالناحية

أكثر شي يعور قلبي ان بعض البنات ف الجامعه بيوتهم بعيده والدريول المسكين يضطر ينطر في الحرررررررر لين تخلص البنت لان مايسوى عليه يروح ويرد
وهاي مايجوز الحر عندنا مب بسيط والشمس تذبح “إخوانكم خولكم جعلهم الله تحت أيديكم، فمن كان أخوه تحت يده فليطعمه مما يأكل وليلبسه مما يلبس، ولا تكلفوهم ما يغلبهم فإن كلفتموهم فأعينوهم”
وفي هالحالة .. الليسن هو الحل :D

http://www.al-wed.com/pic-vb/539.gif

B.A.M

08-09-2005, 01:17 AM

بصراحه انا مع سياقة المراة للسيارة

بس بشروط وحدود :o

لان بصراحه في بنات يحتاجون السيارة والدوامات تختلف
واشوف اني اسوق سيارة افضل من اني اكون مع سايق ; )
صح الابو الاخو موجودين بس لكلن اشغاله وظروفه

اصلا حلاه الوحده ابوها او اخوها يوصلونها بس شتسوي اذا الظروف حدتها تسوق :(

بس اللي صاير هالايام ان البنات اللي يسوقون واااااايد مستهترات بالشارع مثلا
:cool: تعلي على صوت المسجل مع ربعها
:D تشارك في مسيرة المنتخب وتكشخ السيارة وتتلثم
:rolleyes: تحفص او تتحدى الشباب في السرعه

يعني مافيها شي اذا استخدمت البنت السيارة لحاجتها مثلا من الدوام للبيت والعكس فقط بدون ماتروح هالصوب وهالصوب واذا بغت سوق او غيره نطرت اخوها او ابوها

:confused: وترى للعلم فقط ::::
ترى سمعت ان المرور عنده امر تسهيل اجراءات اللياسن للبنات اللي في المدينة التعليمية ( ترى والله مو الكل يستاهل)

Ahmad Almansoor

08-09-2005, 02:08 AM

==
بس اللي صاير هالايام ان البنات اللي يسوقون واااااايد مستهترات بالشارع مثلا
تعلي على صوت المسجل مع ربعها
تشارك في مسيرة المنتخب وتكشخ السيارة وتتلثم
تحفص او تتحدى الشباب في السرعه
===

هذا هو الغلط ..الغلط مو انها قاعدة تسوق ..ان الوحدة تسوق مب غلطه ..الغلطه انها ترتكب غلطة اثناء السواقة

يعني حتى الحين الشباب اللي يحفصون ويستعرضون ..هالشي غلط !! ..وندري انه غلط .. ليش ما نمنع اللياسن عن الشباب ؟؟

لأن افعال بعض الشباب ما تعني بالضرورة افعال الكل .. وكلن يستعمل السيارة حسب حاجته ..

Nayef Al-mansouri

09-09-2005, 12:23 AM

سلام عليكم ورحمة الله
جزاكم الله خير بصراحه موضوع مهم

وانا مع وضد
انا اشوف المراه لو تزوجت وكان في حاجه انها تسوق فمافي مانع تتعلم
خصوصا لو هي زينه وزوجها واثق منها لان تركب وتسوق بروحها احسن من دريول .. هاي مو معناته ان زوجها مابكون فاضيلها لكن وقت الحاجه تسوق .. ماتدرون ممكن سياقتها راح يكون عامل اكبر في تحسين العلاقه الزوجيه والتعاون لبناء العائله الصالحه

اما البنات الي مو متزوجات .. انا اشوف لو خلاص ضروري تسوق لكن لو مافي داعي تسوق ليش تسوق . وين اخوانها والوالد عنها . بعدين لكل شي حدود .. المراه بطبيعتها غير عن الرجل وهنا في بلدنا قطر السواقه تحتاج جراه شوي وانتوا فاهمين علي فايضا هاي يكون عامل صعب خصوصا لبنت لكن للضروره احكام

والله اعلم وبارك الله فيكم :)
اخوكم نايف

Abdulrahman Fakhroo

11-09-2005, 04:20 PM

السلام عليكم

شدعوه انا مثلا اتزوج ومرتي تقعد مع الدريول في السيارة اكثر مني :mad: :mad:

والله خوش تفكير يا جاسم :confused:
لوووووووووووووووووووووووووووول :D

انا عن نفسي مااشوف في اي مانع انها تسوق اذا ندري انها مابتسوي شي غلط او ماراح ادعم خلق الله وتقول "وييييي" او انشوفها صافه عند كرك النعيمي (خبركم مافي مواقف :D )

لكن افضل انها ماتسوق.. لان تعب عليها اذا تشيل اغراض.. ولا تروح المجمعات ومافي مواقف.. او اذا بنجر عليها التاير اشعرفها تضرب جيك!!

غير هذا انا احب اعامل اهلي كـ Queens :rolleyes:

F AL-Jaidah

15-09-2005, 12:11 AM

والله انا مع اغلب الاخوه

للضروره

وانا مثلا عندي ليسن بس كان الخيار يا اني ما اكمل تعليمي

لعدم توفر المواصلات ( والدريول مب محرم طبعا ) او اني اسوق

وطبعا قبل لا اطلع من البيت لازم اسجل محضر والبيت كله يدري متى ووين بروح وامي كل شوي تكلمني .. والخ

انا اشوف اني ما اسوي شي غلط والاهم انه مش حرام

تحياتي

اختكم في الله

M Al-Mohannadi

15-09-2005, 11:12 AM

السلام عليكم

يعطيك العافيه اخوي عالموضوع

انا من رأيي ان الافضل للمرأه انها ما تسوق الا من اضطرتهم ظروفهم للسواقه...

ولفت نظري مقال بالجريدة يأكد ان النساء يشكلن أقل نسبة في الحوادث المرورية ...

العقيد الخرجي لـ الشرق: قطر انفردت بالدوريات المرورية النسائية على مستوى الخليج

تاريخ النشر: الخميس 15 سبتمبر 2005, تمام الساعة 05:06 صباحاً بالتوقيت المحلي لمدينة الدوحة

فوزية علي :
كشف العقيد محمد بن سعد الخرجي مدير إدارة المرور والدوريات في تصريح خاص لـ الشرق أن النساء يشكلن أقل نسبة في الحوادث المرورية طبقاً للدراسات والاحصائيات التي أجرتها الشؤون الفنية برئاسة العقيد محمد عبدالله المالكي مساعد مدير إدارة المرور للشؤون الفنية، حيث أكدت الدراسات أن 3% فقط من حوادث المرور كان سببها النساء. وأوضحت الدراسات أن النساء أكثر التزاماً بقواعد المرور وقوانينه والأكثر التزاماً بالسرعة المحددة واستخدام حزام الأمان أثناء القيادة وعدم الوقوف في الأماكن الممنوع الوقوف فيها وكافة الضوابط المرورية.
وأضاف أن النساء يحرصن على تعلم قيادة السيارة بمدارس التعليم مما يكسبهن الخبرات اللازمة والقواعد الأساسية للقيادة الصحيحة.

ومن ناحية أخرى أكد العقيد محمد عبدالله المالكي مساعد مدير إدارة المرور والدوريات للشؤون الفنية في تصريح لـ الشرق أنه في سنة 2002 حصلت المرأة على 8032 رخصة قيادة، كما حصلت سنة 2003 على 6687 رخصة قيادة.

أما في عام 2004 فقد ارتفعت أعدادهن حيث حصلت القطريات على 1843 رخصة قيادة أما غير القطريات فقد حصلن على 8208 رخص قيادة.. وكان إجمالي الرخص التي صدرت 68 ألفاً و254 رخصة لمختلف أنواعها.

وأضاف المالكي أنه منذ بداية يناير عام 2005 وحتى بداية أغسطس كان عدد الرخص التي حصلت عليها القطريات 2034 رخصة بالاضافة إلى 6215 رخصة قيادة نسائية حصل عليها غير القطريات بإجمالي 8249 رخصة قيادة نسائية.

وأشار إلى أن أعداد تلك الرخص النسائية تشير إلى أن المرأة جديرة بقيادة السيارات وأن نسبة %3 من الحوادث التي تحدث بسببهن تدل على أنهن أكثر التزاماً بقواعد المرور واحتراماً لضوابطه.

أما السواد الأعظم من حوادث المرور التي تحدث في الشارع القطري فتعود إلى الفئة العمرية من 18 عاماً وحتى 40 عاماً من الشباب ولا تمثل النساء فيها إلا %3 فقط من إجمالي %79 من نسبة الحوادث التي تحدث.

وأوضح العقيد المالكي أن تصنيف الحوادث المرورية التي كشفت عنها الدراسات تشير إلى أن %32 من الحوادث تكون نتيجة الانتقال من شارع فرعي إلى شارع رئيسي دون الانتباه من قائد السيارة أو تجاهل القواعد المرورية.. وكذلك يمثل الإهمال وسوء التقدير أثناء القيادة نسبة %21 من الحوادث و%18 من الحوادث يأتي نتيجة تغيير المسار دون الانتباه وأن %16 تحدث نتيجة عدم المحافظة على المسافة الآمنة بين المركبات في الشارع، أما نسبة %13 فتحدث نتيجة السرعة الزائدة.

Ahmed Al-Rabeay

17-09-2005, 04:11 AM

والله انا اقول
البنت اتسوق ولا تركب مع دريول
(شوفوا الاجابة البسيطه بدون حشو)
('-')

Mohammed Aldelaimi

17-09-2005, 03:11 PM

بسم الله الرحمن الرحيم
--------------------------------

السلام عليكم ياجماعة الخير

خلنا نتكلم في أساسيات الموضوع اولا ... بعدين نتكلم في كل حالة خاصة

بعدين يا جماعة ... إذا تبون تفهموني وتفهموا السالفة بدون ظلم للمرأة ... لازم نفكر بعقولنا مو بعواطفنا او مشاعرنا

انا في رأيي بالنسبة لقيادة المرأة للسيارة ... (( مو مثل ما قال أخوي علي عمر الله يحفظه "قيادة السيارة للمراة " :confused: ))

كانت الصحابيات على أيام الرسول-صلى الله عليه وسلم- يركبون الخيول والبغال والجمال. صحيح أنهم كانوا يضعون الهودج على الجمال ولكن, هم يضعونه في السفر لكي ترتاح النساء أكثر. ولكن في داخل المدينة وضواحيها لم يكونوا يستخدمونه, ولتراجعوا كتب التاريخ في ذلك.

والإستفادة من هذا الكلام ... أن الرسول-صلى الله عليه وسلم- لم ينهى الصحابيات عن ذلك.

إذا ... ما هو الأستر لنسائنا الأن ... أي ما هو أكثر سترا للمرأة

هل هو ركوب الخيل او الجمل او السيارة

طبعا السيارة ... هذا جانب من جوانب القضية

الجانب الأخر ... بعض الناس يقولون أنه قد يحدث إختلاط مع الرجال في محطة البترول او في مركز الشرطة او في الشارع بشكل عام

وجوابي على هذا هو ... هذا الأختلاط هو نفس الأختلاط في السوق وفي المستشفى وفي الأماكن العامة

فهل يجوز للمرأة أن تشتري من الرجل من السوق
ولايجوز لها أن تشتري بضع ليترات من البترول من المحطة

ولكن بشكل عام, هناك حل لهذا الجانب... وهو عندما يقارب البترول على النفاذ, يذهب أخوها ليملأه
وعندما تنتهي أستمارة السيارة, يقوم بنفس العمل.

وهذا جانب أخر بالنسبة لي قد حُل

فقيادة المرأة للسيارة من الأصل لا بأس بها

ولكن لا تفهمون ان المرأة لا بأس لها بأن تسوق السيارة بشكل عام وبس

لا ... في شروط وإلتزامات لازم تلتزم فيها

أنا لما أقول لابأس بقيادة المرأة للسيارة

أنا أعني أنه لابأس بأن تقود السيارة للعمل
أو لبيت أهلها أو جيرانها أو أقاربها
أو إلى السوق ( بس أنا أفضل انها تروح مع أحد من أهلها سواء أخ أو أخت على الأقل يكون وياها أحد, لأن الشباب هالأيام ماصاروا يحشمون أحد)

مو يعني تسوق السيارة أنها تتمشى في شارع النصر بين الشباب(وقد رأيت هذا بنفسي)
أو تتمشى بالسيارة على الكورنيش في أنصاف الليالي
أو تتمشى برع اللاندمارك وتحفص على الشباب (وبعد انا شفت هذا بنفسي)

يا بنات الخير ... تراكم في مجتمع محافظ ولله الحمد
يربطه الدين والعادات والتقاليد الحميدة في غالبها

فلا تستغلون الحرية الخاصة أو الأنفتاح الحضاري هذا
في شئ ما يرضاه لا دين ولا تقاليد

تبون تسوقون السيارة , ما في مشكلة

بس أنتبهوا لأعراف الناس وتقاليدهم

-----------------------------------
أسف على الإطالة ... واللي يبي ينتقد كلامي ... ينتقد بس بعقلانية
خلونا نفكر للأفضل ... مو بس نمنع وانتهت السالفة.

أخووووووووووووووكم
محمد عبدالعزيز الدليمي

Fahad Alshrani

28-10-2005, 05:57 AM

im with almohnadi opinion

thank u

Ahmed Al-Salahi

28-10-2005, 06:49 AM

بارك الله فيك اخوي محمد وانا في اعتقادي هذا هو الرأي الصواب ... وانا صوتت من زمممممااااان

N S

29-10-2005, 02:30 PM

السلام عليكم ورحمة الله وبركاته

ما شاء الله غريبة شريحة كبيرة من الشباب مع سواقة البنات
هذا شي يسعد القلب :)

انا بشكل عام ضد ان البنت تسوق
لكن في حالات خاصة وفي الضرورة القصوى من الغلط منعها من السواقة
اما
تعلم البنت السواقه هذي ما فيها شي مثل ما تتعلم اي شي ثاني
انا عن نفسي ودي اتعلم اسوق فقط من باب التعلم

A.A.Al-Nasser

30-10-2005, 02:24 AM

أنا أتفق معاج في هذه النقطة... أنا أعتبر تعلم السواقة يختلف عن ممارسة السواقة.. نوعاً ما.....

يعني أنا بعد بخاطري أتعلم السواقة من باب التعلم... أخوي يعلمني مثلاً... مع إنها لحد الحين ما صارت.... وهو الواحد أحياناً يفكر لبعيد... مثلاً في حالة وجود حالة طارئة لا قدر الله....
يعني أذكر بنت أخوي مرضت علينا... ومع إن إخواني كلهم يسوقون وعندهم سيارات.. إلا إن ذاك اليوم كانت السيارة موجودة بس محد كان موجود يوصل البنت المستشفى... ساعتها تمنيت لو إني أعرف أسوق.... هي كانت مرة وحدة.. بس الواحد بعد ما يضمن ما في الدنيا...

لكني لا زلت ضد قيادة المرأة من غير ضرورة...

K.Al-Thani

15-11-2005, 12:20 AM

انا اشوف انه عادي ان المرأة تسوق لان الصراحه في ناس ظروفهم ماتسمح انهم يحطون سايق ولا بعد لازم خادمه عشان توصل بنتهم وفي ناس اخوانهم لايودونهم ولايجيبونهم انا اشوف انه هي تسوق احسن.....

Khalifa H AL-Dosari

19-11-2005, 02:34 PM

مشكورة اختي على الموضوع هذا
الصراحة انا ما اشوفه انه لازم الحريم يسوقون , يكفي الزحمة الي كل يوم نشوفها اذا بغيت تروح الدوحه او الدوام, يعني بعد حريم يسوقون زياده الصراحه ما ادري شنو راح تكون الزحمة شكلها ..؟
أظن 99,99% من الحريم مايعرفون الا يدقون سلف وتعشق القير ولازم يكون توماتيك بعد ..... :rolleyes:
والشي الي ما راح ارضى اشوفه في قطر انه الحريم يضربون جيك في الشارع...........!! :confused:
الصراحة ما في وحده من الحريم بتنزل في الشارع وبتشمر يدها وتقط العبايه على كتفها وتبطل البانه وتقعد تصلح .
خلنا واقعين ليش يعابلون عمرهم الحريم , هذا الحريم الي قبلهم ما ساقو , يعني اللحين صارت مشكله انهم لازم يسوقون ويقضون حاجتهم بنفسهم....!! :confused:
يعني الدلليل واضح من عنوانه , الحريم مكانهم البيت استرلهم

هذي وجهة نظري ويمكن اكون غلطان

Dana Al-Kuwari

27-11-2005, 10:18 AM

^
^
^سواقة الحريم بات امراً محتوما..وواقع كل يوم نشوفه فالشارع.. علشان جذي اقول للجميع تقبلوا الموضوع :)

Faisal Al-Raisi

29-11-2005, 07:42 PM

انا في راي أنه ما في مشكلة اذا المرأة ساقت سيارة
خصوصا اذا كانت محتاجه و ظروفها تفرض عليها هالشي

Abdulla Almulla

30-11-2005, 12:27 AM

مشكورين على الموضووع ..
انا في رايي الشخصي مافي مانع من قيادة المرأة للسياره في الضرووورة :D ..

Meshaal Al-Sowaidi

05-12-2005, 07:06 PM

انا بصراحه ماشوف اي مشكلة ان المرأة تقود السياة ... والسيارة آداة ذو حدين مثل كثير من الادوات ( التلفزيون ، التيلفون .. إلخ ) فالموضوع يعتمد على البنت في اي مجال تستخدم هذه الآداة مثل ماهو معتمد على الرجل في اي مجال يستخدم هذي الأداة ...

صحيح ان في بنات مايستحقون انهم يسوقون السيارات ونفس الشي هناك شباب مايستحقون يركبون سياره اصلاً . لووول

فيعني الموضوع مخصص في فئة معينه ومش معمم على جنس معين

Dana Al-Kuwari

06-12-2005, 06:45 AM

^
^
حلوه هذي في بنات وشباب مايستحقون يركبون سياره..
ههههههههههههههههههههههههههههههه

شيركبون عيل خيول..بعدين ياخوي حتى لو اساء ولا اساءت استخدام السياره.. مانقدر نقول شي حلالهم وهم احرار فيه.. :(

يازين الدراجات والله.. عمليه وسبورت والباركات مايحتاي مانتوهق فالخرده وقيادتها اسهل.. وفالرش اور تزرق بين المواتر ولا تركب رصيف وتدعسسس سيده :D

بعدين ملاحظه:
كل ماشوف الموضوع اضحك.. لانه عنوانه غلط..
قيادة السياره للمراءه ؟؟ ولا قيادة المراءه للسياره..
التبلي هالايام بارز حق الحريم مساكين :)

Sultan Al-Kuwari

06-12-2005, 06:57 AM

^
^

بعدين ملاحظه:
كل ماشوف الموضوع اضحك.. لانه عنوانه غلط..
قيادة السياره للمراءه ؟؟ ولا قيادة المراءه للسياره..
التبلي هالايام بارز حق الحريم مساكين :)

:D :D

:p

ما انتبهت لها الشي ..خخخ

Shaikha A

08-12-2005, 03:41 PM

السلام عليكم

انا اشوف ان احسن يكون عند المرأه ليسن..احتياط وللزمن..سواء احتاجت انها تسوق الحين ولا في المستقبل..

وبخصوص قيادة المرأه للسياره..فهالقرار راجع لها هي..وهي نفسها اللي تقرر..وماشوف فيه شي غلط..اذا هي محترمه نفسها..لان اذا جات عالحاجه فالكل محتاج انه ينتقل من مكان للثاني ومب دايما" يكون الاب ولا الاخ فاضين..وطبعأ احسن من انها تطلع مع الدريول..لان في حالة اطلعت مع الدريول لازم تكون معاهم الشغاله..وفي حالة وصلوها لمكان(مثلا الجامعه)..راح تبقى الشغاله مع الدريول..وهالشي حرام بعد

يعطيكم العافيه :)

Abdulla Al-Attiyah

16-12-2005, 02:22 AM

totally aginst i missed the poll thinge and i donno why it says yes cuz thats out of the world

let just say in our sick soceity no .....

Mohamed Al-Sayegh

16-12-2005, 10:13 PM

انا ما اشوف ان فيها شي ان البنت اتسوق اذا محتاجه, بس مب مع ان البنت او ما اتخلص من الثانوية على طول اتسوق لانها لحين ما افهمت الحياه عدل, اشوف ان المرأة اتسوق صار شي ضروري والدنيا تغيرت, وأحسن لها من ان تركب مع واحد غريب( السائق) , انا اشوف اذا البنت تزوجت احسن لها اتسوق بدل الاعتماد على السائق , والله ان مجتمعنا غريب : اشلون يرضى ان المرأة تركب مع واحد غريب في السياره وما يرضى انه اتسوق بنفسها , يمكن لانه هندي !!!!!!!!!!!!!!!!!!!!!!!!!!!!!!!!!!!!!!! للأسف ما ادري اشلون الناس ايفكرون...

اخوكم: محمد الصايغ

Hamad Salem

16-12-2005, 11:32 PM

السلاام عليكم
نقاش تسعة ونص من عشرة :) ..

انا ضد حالياً.. والأسباب تطول ..

1- دراسات عالمية أكدت أنه أكبر نسبة حوادث في
( العالم ) توجد بدولة قطر !! .. من حوادث شباب
من حوادث نساء من عديد وووو .. فا لو المرأة ساقت في
هالفتره و ياكثرهم اتوقع راح تزيد الطين بله .. المشكله مو
في المرأه بس لو مسكناها اشوي الى أن نحل
مشكلة الشباب اتوقع راح يكون أفضل بكثيييير ..

2- البنت بطبعتها عاطفية .. والرجل عقلاني .. تخيلوا
بنت صار لها حادث لا سمح الله طلعت في ويهها
شاحنه أو شي من هالقبيل ( الله يحمي خواتنا و جميع خوات المسلمين ) اتوقع ماراح تقدر تتصرف بقدر ما يتصرف الرجل ..
يعني بالنسبة لي اختي تركب مع دريول ومعاها اخوي الصغير
احسن من انها تسوق بروحها و ماتعرف تتصرف في الأوقات الحرجه ..

3- خلونا نفسرها طبياً .. ( الكلام الي راح اقوله استنتاج من عندي يتحمل الصواب والخطأ ) احنا لما نسوق تكون اعصابنا مشدوده شووي و نكون في حالة تركيز وضغط و مالنا خلق وإذا
احد لف عليبنا نعصب ونتنرفز و الضغط يرتفع و و و .. تخيلوا المرأة تصيدها هالحالات .. شي ثاني ومعلومة حلوه كل لما تمر قدامنا شاحنه أو لما نتعرض لموقف جامد سواء حادث او شي من هالقبيل الندرالين في الجسم يزداد بشكل رهيب .. فا العضلات تنشد ومع كثرة الاندرالين ممكن أنه الشخص يغمى عليه و ممكن تجيه تشنجات في عضلاته .. فا ما توقع احد يرضى انه اهله يصيدهم هالشي والله يحفظ لنا أهالينا ..

4- البنت عندنا الله كرمها و اعطاها منزلتها .. فا انا اقول
انه البنت أرقى من أنها تفك بنشر وتركب تاير و تعدل في
السياره .. البنت عندنا ارقى من انها تروح للكرجات و
تعدل في حديدة ( السيارة ) واهي غنية عن هالشي ..
تخيل أنك تنطر مرتك على الغدا اشوي الا تحصلها داشه
واهي متبهدله و و جها ويدها اسود في أسود من التاير !!
كح كح اتوقع راح يكون موقفك ضد سواقة المرأه بقوه ..

أولا وأخيرا سواقة المرأة تُتعبر رأي شخصي وحرية شخصية
لا انا ولا انتوا تقدرون تتحكمون فيها .. أهل البنت أهم الي
يقروون مصير البنت ..
الحديث يطوووول في هالموضوع .. ولكن خير الكلام ما قل ودل .. >> قل !! :rolleyes:

وشكرا على الموضوع وعلى الردود الحلوه ..

R.A.A

16-12-2005, 11:56 PM

حلو ردك أخي الكريم حمد سالم ويدل على غيره على بنات المسلمين وخوف عليهم...بس هالخوف مايحمي لأن كل أنسان معرض لأي موقف. ممكن البنت مع السائق يصير لها حادث ولاهو بحاميها ولا بساترها لو طاحت شيلتها سبة الحادث.

الكل معرض لكل شي وأي شي باي وقف وباي شكل من الاشكال...وبالنهاية الحافظ الله.

وبالنسبة للبنجر....إذا بأمريكا وأمريكا ماقد شفت بنت تغير تاير ولا بشوف..يبنجر التاير تتصل ب شركة AAA وكان الله غفورا رحيما...وإذا البنجر صار جنب مكان فيه محلات وناس مايقصرون الشباب وعيال الخير موجودين بكل مكان...يغيرون التاير وهي تروح تتقهواء في اقرب ستار بكس لين يخلصون.

هذا بأمريكا شلون بقطر؟؟؟ السواقه بقطر الخوف فيها اجتماعي اكثر من خوف مادي ولاخوف من حوادث ولاشي من هذا القبيل.

وشكرا

Dana Al-Kuwari

17-12-2005, 05:26 AM

^
^
^
لا تنسيين ان الشباب والي فيهم الخير امريكان.. يعني يصلح لوجه الله مسكين ويبتسم وباي وتيك كير..

عندنا فالدوحه مافي شي لوجه الله الا ما ندر حطوا تحتها خط.. بيصلح صحيح لكن شوفوا بعدين شراح يصير :) ..

ثانيا بالنسبه للبنجر.. ياخي ليش مصعبين الحياه.. وديزل والبنت تتبهدل وتظرب جيك؟؟

في شي اسمه اطق اشاره واصفط على جنب واكلم اخوي ولا اي حد ويصلح لي.. وكان الله غفور رحيم..

الي بتسوق بتسوق .. ولي ماتبي الله يسهل عليها..
وخلصنا عاد :D

R.A.A

17-12-2005, 11:08 AM

صادقه اختي دانه...امريكان يصلحون كذا بس بغرض المساعده وبس بدون مقابل وباي وباي وماتشوفين رقعه ويهه ولاتسمعين عنه طول عمرج.

وبالنسبة للبنجر بعد والمشاكل الثانيه بالسياره...تر السياره مثل الانسان..يبي لها مداراه وعنايه..وإلي بتبدل توايرها كل مدة معينه أو كل ماحست ان التواير قدمت ماعليها خوف من بنشر...وتدخل سيارتها الصيانه والكشف كل كذا شهر مافي خوف من مشاكل صعبه ممكن تواجها بالطريق.

Meshaal Al-Sowaidi

18-12-2005, 12:58 PM

صادقه اختي دانه...امريكان يصلحون كذا بس بغرض المساعده وبس بدون مقابل وباي وباي وماتشوفين رقعه ويهه ولاتسمعين عنه طول عمرج.

وينكم عن صفحات الجرايم بأمريكا والغرب عموما ؟
ممكن تعدون كم فلم او فيديو كليب او دعاية يظهر الرجل وحواليه مية بنت!! هل هذا فيه اهانة ام كرامة للمرأة ؟

وبخصوص ان الي يسوية لوجه الله ، لا يبى مب لوجه الله .. من كثر صديقاته مب ملحق يطالع غيرهم ..

لاتغترون بهم

Abdulla Al-Attiyah

18-12-2005, 10:22 PM

all what u ppl been saying proves my point

In qatar girls are not suppose to drive

and thats that

and to tell u the truth i think if the girl doesn't need to drive and its not a most then its kinda cheap for her to

Dana Al-Kuwari

19-12-2005, 12:07 AM

له له له شو هاد ياولد السويدي :)

انت جذي غلطت علي.. كله ولا عيال امريكا.. انشهد انهم نشاما والله وماشفنا منهم الا كل خير :confused:

عالاقل انت قلتها بنفسك عنده ومكتفي.. بس تعال لنسبه من شبابنا الي عنده ومب مكتفي وصارت عنده هوايه وعلى قولتهم زيادة الخير خيرين يافلان مو ؟؟ :)

النقطه الي كنا نتكلم فيها.. ان سواقة البنت برى عاديه واقل من عاديه ولا فيها تحرش ولا تعب.. غير بلادنا المصونه :)

لاتحورون وتطلعون عن الموضوع يا شباب ويصفقون الموضوع اكس..

Abdulla Al-Attiyah

19-12-2005, 02:53 AM

له له له شو هاد ياولد السويدي :)

انت جذي غلطت علي.. كله ولا عيال امريكا.. انشهد انهم نشاما والله وماشفنا منهم الا كل خير :confused:

عالاقل انت قلتها بنفسك عنده ومكتفي.. بس تعال لنسبه من شبابنا الي عنده ومب مكتفي وصارت عنده هوايه وعلى قولتهم زيادة الخير خيرين يافلان مو ؟؟ :)

I do agree with the point u stressed
though i see that ur the one who is going out of topic lol

p.s its weird how america changes ppl
seriously read what u wrote and think about it shwy shwy

i seriously don't know how to put this in a good way

i like the way u write

and yes driving abroad could be ok

Dana Al-Kuwari

19-12-2005, 04:51 AM

اخي عبدالله....
شفيك متحامل على الصبايا هيك :confused: ..

ليش بس ليش

In qatar girls are not suppose to drive

and thats that

and to tell u the truth i think if the girl doesn't need to drive and its not a most then its kinda cheap for her to
==========================
و على قولتك to tell u the truth
انا فالدوحه اقط الليسن.. مب عن شي.. بس والسبه الزحمه :) ..

خل تصير لنا شوارع حلوه وزقرت.. بعدين نسوق فالدوحه :)

Saud Aldolaimi

19-12-2005, 06:04 AM

الناس وصلوا القمر ...وحنا لين الحين ...المرأة تسوق ولا لا ....وساقت ودعمت ...واحنا نتناقش في هالموضوع ....من الاول قلت الموضوع صراحة سقيم ....
تحياتي لكم
سعود

Abdulla Al-Attiyah

19-12-2005, 02:21 PM

الناس وصلوا القمر ...وحنا لين الحين ...المرأة تسوق ولا لا ....وساقت ودعمت ...واحنا نتناقش في هالموضوع ....من الاول قلت الموضوع صراحة سقيم ....
تحياتي لكم
سعود

actually weather someone did reach the moon thats questionable there are alot of marks that no on did

but I seriously disagree when u say thi is nothing this is a big deal specially when we are talking about Qatar come on u have to agre on that

Abdulla Al-Attiyah

19-12-2005, 02:23 PM

Mohammed Al-Mannai

19-12-2005, 02:41 PM

بسم الله الرحمن الرحيم

ياجماعة الخير كل واحد يعرض راية وليش هو مع او ضد السواقه ويخلي حرية الاقتناع للقراء .. مافي داعي للردود والتعليقات الجانبية

K.A

02-02-2006, 02:14 PM

أولاً أشكركم على هذا الحوار المتميّز..

بالنسبة لرأيي حول هذا الموضوع فأنا أؤيّد قيادة المرأة للسيارة في اطار حدود وشروط...

فان كانت المرأة تقود فهذا لايُعطيها الحق بأن تخرج في الوقت الذي تريد وتعود في الساعه التي تريد والذهاب الى المجمعات متى ماشاءت!!

فكل هذه التصرفات غير مناسبة في زمن غير آمن أبداً...

ويمكن أن تخرج الفتاة الى المجمعات وأي مكان بصحبة الأب أو الأخ وان كانت تخرج مع السائق فلابد من وجود الأم أو أي شخص أكبر منها غير الخادمه لأن الخادمة بحد ذاتها لامعرف خيرها من شرها لا هي ولا السائق...

ان قيادة المراة للسيارة افضل بكثير من خروجها مع السائق وحدها بشرط الشروط التي تم ذكرها..

أنا مثلاً لدي رخصة سياقة منذ شهر سبتمبر الماضي وقدتُ السيارة الى الجامعة في كثير من الأحيان ولكنني منذ أن حصلتُ على رخصة السيّارة لم أقود السيارة وحدي ففي كل الأحوال كانت معي الوالدة ولايهمني أن اقودها وحدي ولم اطلب ذلك من والديّ لأنني لستُ بحاجة الى أن أقود السيارة وأذهب الى أي مكان وحدي ...

آسفة على الاطاله...

وجزاكم الله خيراً...

RRR

08-02-2006, 10:02 PM

اخى الفاضل انت عرضت الموضوع وكانه مصيبه وفضيحه السياره وسيله مواصلات فاذا لم يتوفر لنا من يقلنا من والى من محااااااااااااارم وليس السااااااااااااااائق فبامكاننا ان نقود ولم لا ؟
هل هو حرام ؟؟؟

انا لاقول انه ليس هناك من النساء من يسئ القياده ولكن هل معناه ان تركب المرأه مع سائق افضل من ان تطون لوحدها انا اقول انى افضل ان اقود سياره ولا ان اذهب مع سائق فكم من مصائب حصلت بسبب هذا السائق ؟
انا من راي ان اقود السياره بعلم اهلى طبعا الى اين اذهب وبشروط افضل من سائق لا اثق به فهو اجنبي وليس من اهلى اما اذا تواجد من يقلني فلا امانع واغلب الرجال لايستطيعون ان يقلون نسائهم دائما قياده المرأه ليس بجريمه يااخى الفاضل ولا بفضيحه فهي مجرد وسيله مواصلااااااااااااااااااااااااااااااات وشكرا على الموضوع

Saif Alkaabi

18-02-2006, 05:32 AM

والله البنت تبوون الصراحة ماله داعي تسووق والي نشووفه عجب عند المجمعات حشى مب بنات يقضوون حاجته بالسووق ولة العمل عارضات ازياء بعضهم بسياراتهم وشعر متبري منها والنظارة تقوول صحن حاطتها في العين وتصيد حق الشباب وعقب يقطون اللوم على الشباب الله يعينا بس محشوومين بعض البنات انا لم اعم خصيت عينه فقط لعدم الزعل وليس اي شي اخر

Saif Alkaabi

18-02-2006, 05:35 AM

MEMA

19-02-2006, 01:44 AM

ا""لبنت عندنا الله كرمها و اعطاها منزلتها .. فا انا اقول
انه البنت أرقى من أنها تفك بنشر وتركب تاير و تعدل في
السياره .. البنت عندنا ارقى من انها تروح للكرجات و
تعدل في حديدة ( السيارة ) واهي غنية عن هالشي ..
تخيل أنك تنطر مرتك على الغدا اشوي الا تحصلها داشه
واهي متبهدله و و جها ويدها اسود في أسود من التاير !!
كح كح اتوقع راح يكون موقفك ضد سواقة المرأه بقوه .. ""

انزين انتوا قد سمعتوا عن شركات التأمين اللي لين التاير طق بنجر يبون لكم سيارة و اذا اللي داعم او اللي طاق عليه بنجر بنت يجبون لها مرأة تسوق وودونها المكان اللي تبيه وعقب يجبون لها السيارة؟؟

ياماما لا تصعبون الامور وهي محلوله!!

مثلا اللي قالوا ان المرأة لازم تكون متزوجه لين يت بتسوق انا اعارض معاهم بشدة؟؟ انزين واللي مــــــــــــــــا جاها النصيب شتسوي؟؟؟وهي عاقلة(تتحمل المسؤوليه) مو خبله وعندها سوالف؟؟

وعلى سالفه يرفعون سن سواقه الليسن حق البنات لين 30 سنه...حلا ل على ناس يسوقون وحرام على الباقي؟؟--حتى لو سوا هالقانون مو مشكله بيروحون الكويت بيبون الليسن!! --اللي يبي يسوي الشيء راح يسويه!! مو محتاج راي احد!!

وانا هاي رايي الواحد قبل ما يتكلم لازم يسئل..-DO YOUR HOMEWORK FIRST & SEARCH TELL YOU FIND WHATEVER YOU ARE LOOKING FOR!!!!

=================================
هاي رايي بس انشاء الله ما زعلت احد:)

الراي يعبر عن رأي كاتبه وليس عن رأي المجموعة:)

Khalifa H AL-Dosari

23-02-2006, 12:54 AM

والله الموضوع ما رح يخلص ...................
الي تبي تسوق الشارع موجود
و
الي ما تبي تسوق وتستر على عمرها بيت ابوها وأهلها موجود

الكل يشوف رأيه صح ويشوف غيره غلط

والحمدالله حنا عايشين في نعمه وكل يقدر يجيب بدال السايق ثلاثه وبدال السياره ثلاث بعد
بس المشكله (الحريه) و (حقوق المرأة):confused:

(كل شي بالعقل زين)
الله يحفظنا من فتن الدنيا

Hamad Shahbic

06-04-2006, 04:11 PM

يعطيكم العافيه على هالطرح ..
بالنسبه لي ما شوف فيها شي .. بس في نفس الوقت لازم نسيطر على هالشي .. مهب نعطي البنت عمرها 19 سنه ليسن خلاص وطبعا هذا كله يعتمد على اهل البنت .. كلن عارف اهل بيته وامكانيه التصرف في اي وقت يعني بالعربي لي صارت مشكله في السياره .. بدل ماخلي هلي مع الدريول هي اتسوق ابرك ( ثالثهم الشيطان ) .. والسموحه ..

Ahmad Telfat

07-04-2006, 03:34 PM

السلام عليكم أشكر الأخ الكريم على الموضوع الجيد..

أنا ضد قيادة المرأة المراهقة أو التي لم تتزوج للسيارة وذلك لأنها سوف تتعرض للمضايقات ونحن لانرضاها على الأخوات ..

ياجماعة احنا عندنا عادات وتقاليد لازم نحتفظ فيها ومانفرط فيها ، ومانخلي أحداث العصر والتطورات تجعل المرأة تحل محل الرجل في كل شيء..

تحياتي

أحمد تلفت

f alhamadi

08-04-2006, 12:53 AM

السلام عليكم
أشكرك اخوي ع الموضوع الممتاز صراحه
أولا : انا انصدمت من الردود اللي شفتها ومن نتيجة التصويت لان الأغلبيه مع قيادة المرأة لأني توقعت العكس وهذا شي حلو :)
ثانيا : انا مع ثم مع قيادة المرأه للسياره لأن اشوف ما فيها شي إذا الوحده اتسوق ع شان اتقضي مشاويرها وأشغالها

ALK

17-04-2006, 11:37 PM

Ali Omar

09-06-2006, 02:13 AM

مشكورين على ردودكم الطيبة

Dana Al-Kuwari

10-06-2006, 05:03 PM

الحريم قامن يسوقن البطابط على قولة يدي :) ..

واحنا لين الحين تنتاقش اذا المراءه تسوق سياره ولا لا ..
شسايقين احنا طياره جويه :)

Roudah Q

14-06-2006, 08:23 AM

بصراحة أخواني وأخواتي في هذا الزمن لا ينفع دريول ولا خدامة لأن قمنا أنشوف منهم المضرة أكثر من النفع بصراحة أكثر حتى من أشغال رجاجيلنا في البورصة والبزنس الخاص صرنا نادر ما نشوفهم ومتى أصلا كان الواحد يعتمد على الراتب وبعدين شبابنا صاروا يبون الطلعة والجلسة على الكمبيوتر أكثرمن يطيع أمهم أو حتى يتفرغون لأهلهم .

وبعد كل هذا يجون على المراءة يقولون ليش تسوق والله البنت أحن على أهلها من الرجل ويمكن تقوم بأهلها أكثر من الرجال بصراحة أشوف ايجابياتها للمراءة العاملة وأشوف سلبياتها في المراءة الفاضية والسطحية .

وأشجعها في ظروف وأرفضها في ظروف وكل أسرة تقيسها بمنظورها ومافي شيء ممكن يعيق المراءة في هذا الزمن وأتمنى كل رجل ينظر إلا نفسه هل هو لايستطيع أن يرفض القيادة ويترك السايق أن يقود به ، هذا وهو رجل فما بال المراءة الضعيفة هل يأمن للغريب على حرماته وبجود الخادمة التي هي غريبة (والله يعلم بعيشتهم في بلادهم ) بصراحة أتمنى الكل يفكر ويقيسها مثلي متى ينظرون لها مهمه ومتى لا تكون مهمه ...

والله عليم رقيب ....

ومشكورين لطرح لمثل هذه المواضيع المهمه ...........

RRR

14-06-2006, 04:42 PM

صراحه انا مو معا ولا ضد

يعني اتس دبند اون

لو ان المراءه ماحلصلت حد يوديها

ويخليها تقضي مشاورها

فتظطر ان تسوق يعني من ناحيه

احسن من انتركب مع ريال

غريب مثل السائق ( الادريول)

لكن اذا ساقت بس لعبه اون ان

يقولون فلانه بنت افلان تسوووق

فاحسن شي تقعد في البيت

السلام عليكم حبيت اعلق على كلامك اخوي

ترى في جمله وحده رفعت ظغطي انت قلتها مع احترامي لك شنو يعني بيقولون فلانه بنت فلان تسووق انزين وبعدين واذا قالو ليش عيب ولا جريمه ولا منكر الناس تتطورت والمره ساقت وخلصت وانتوا لين الحين تتناقشون
انا من رايي انه لو الوحده تسوق هي احسن من غير دريول مو محرم لها ثا ني شي ياما بلاوي صارت مع الدريوليه يتحرشون بحريم البيت يعني ماتخافون على اهلكم .

وبعدين اذا البنت او المره عاقله وتعرف انه السياره لمشاويرها هي وعيالها هي التى تسوق اما بنات مراهقات علشان جوفني اسوق وطلعات على كيف كيفها هذا العاقل مايرضى فيه على العموم ترى المره ساقت وخلصت .

Dana Al-Kuwari

14-06-2006, 04:54 PM

^
^
شبلاج يا يبه الله يهداج طبيتي في جبد الريال..
والله انه صادق.. الناس تقول فلانه بنت فلان تسوق..
و اذا اي وحده فالعيله تبي تسوق تقول شمعنى فلانه ساقت؟

وبعدين شغله ثانيه احنا ندري ان المراه ساقت وخلصت..
بس هالشي مايمنع ان احنا نتناقش فالموضوع..

في ناس مع وفي ناس ضد.. لا اكثر ولا اقل..
احنا مب قاعدين في لجنه فالداخليه وينطرون علينا الرد :D

مجرد مناقشه..

RRR

14-06-2006, 05:01 PM

هدي اعصابج يمه انا قصدت من كلامى انه الناس تتكلم على الفاضى والمليان وكلام الناس ترى مايخلص واهم شي اعصابج:D ويعطيج العافيه ماشالله ردج سريع مشكوره

Dana Al-Kuwari

16-06-2006, 01:05 PM

آآآآآي يدي انكسرت انسكر :D

زين سمعوا..

على طاري فلانه بنت فلان تسوق..
في شي نسيتوه واحنا كبنات خبره 6 سنيين ندرول لا زلنا نعاني من ( فالدوحه بس ) :( :..

1: فلانه بنت فلان شفناها فالمكان الفلاني..
مطعم.. بقاله الي هو..

تتفاجئ البنت لما ترجع البيت.. وتقولها امها "" يا فلانه شكنتي تسوين فالغرافه؟؟""
تنصدم البنت وفي خاطرها تقول ول شدراها امي.. :confused:

ترد الام وتقول لا ولا شي بس فلانه وهي رايحه الخياط شافتج..
( الحين انا نفسي افهم شدخل رفيجة امي فيني وليش تتصل وتقولها من الاساس ولا هو عبط؟ )

زين مو مشكله نجي للشي الثاني..

2: فلانه بنت فلان موترها ملغم بنات ليش؟؟ :D
او بصيغه ثانيه فلانه ماتمشي الا وحذاها وحده تسليها عالطريج لازم يعني؟؟

واهني تدش مشكله ثانيه.. ان اذا صادفنا موتر فيه شباب نتلته تلته مابعده تلته ولاحول الله ياخي فج عنا ياخي بسك تطقق في هالليتات ياعلها تحترق :(

واهني الطامه الكبرى اذا شفتنا نوعية الحريم الي ماتسكت..

اول مابتسوي..
"" الو وييييييي بنتج مسويه عرضه فالدوار ميننه عيال خلق الله وراها""
والبنت تلقونها مسكينه مالها خص.. كل مصيبتها ان في كم بنت معاها فالموتر رايحين مشوار :(

ولا عاد اذا شافنا اخو.. او اذا شافنا ولد عم وهذي العن بيسوي فيها راعيها :)

ومن هذا المنطلق تحضرني سالفه صارت لي..

انا والوالده والاخ في مطعم نتعشى واحنا ماشيين على خط البيت جا اتصال.. وقال ول مشغول ماقدر اردكم البيت تونا احنا فالريان وبعيد..
( شنو يعني ناخذ كروه مثلا :) )
اتصلنا في الاخ الثاني قال خلكم اهني وباجي.. لما جا توني انا بنزل باركب موتر اخوي.. ماوعيت الا واحد يقول لاحول الله في ناس اهني ردي الله يغربلج شبيقولون مايدرون ان احنا اهلكم..

صدينا في مكان بس بعد في كمن موتر حذانا ونزلنا انا و ماما.. ونتفاجئ بان بعد الناس يطالعونا باستغراب وشكلهم قالوا ذيلا ناس تعبانيين ولا شي.. مافي الا الوالده تضحك وتقول كنك يابو زيد ماغزيت :D

من هذا المنطلق اقول.. بان بعد الشباب لو حد يعرفهم بيقول ول ول طالع ذاك الصوب ذي فلان ولد فلان..
المساله مو مقتصره على سواقه ولا على بنات ولا على صبيان..

المساله ان اي منظر غريب سواء جديد ( مثل سواقة البنت) او عادي مثل سواقة الرجل
اذا شافوا شي يلفت النظر فيه..على طوووووووول ذي فلان او ذي فلانه..

خصوصا في مجتمعنا الخليجي المحافظ.. الاثنين سواسيه..

تحياتي

B.A.M

16-06-2006, 06:06 PM

بسم الله الرحمن الرحيم

عندي سؤال للاخوه الاعضاء .......

هل ترضى ان (اختك او مرتك) انها تركب مع بنت تسوق سيارة ولالا؟؟؟؟؟؟؟

لان شفت كم موقف ان الزوج او الاخ ما يرضى البنت تركب مع بنت ثانية عشان ما يلفتون النظر ويلاحقونهم الشباب وخاصه اذا اللي تسوق مو منقبه!!!!!!!!!!!!11

شنو ردكم؟؟؟

R.A.A

16-06-2006, 07:18 PM

لين أحين هالموضوع عايش!!!

بس فعلا لين أحين سواقه البنت في قطر مصدر جدل ونقاش لاينتهي بين أهل مقتنعين وواثقين بس خايفين من نظره المجتمع وبين أهل مايهمهم شي ويبالغون في الحريه المعطاه للبنت.

على طاري سالفه موتر فلانه بنت فلان:
إيـــــــــــــــــــــه يبه موتر فلانه بنت فلان ال فلاني و إذا فيك خير اقرب...ماغير سجلي أرقامهم و عقب يدقون عليهم التحريات يجرجرونهم واحد وراء الثاني....وإذا كلش السالفه لاتحتمل التأخير دقي على أخوج ويجي يسنعهم ويلعن خيرهم.
المشكله في ناس لما تشوف بنات تمشي بالشارع تحسب أنها تشوف قطاوه ريشيه بيلحقونها ويبون يصيدونها. والله ياليت يسمحون بالتسلح في قطر للبنات فقط جان وااااااااااااااااااااايد راحوا ضحايا كحيله العين رشيقه القد.

Dana Al-Kuwari

16-06-2006, 07:31 PM

^
^
LOOOOL

كفيتي ووفيتي قسم بالله..

لا لا في حركه اطبقها عالبزارين ذيلا الي فالثانويه الي حتى الشنب ما طلع.. لانهم يصدقون ويتصرقعون بسرعه..

اصفط على جنب واتل تلفون السياره واطلع اقوله تعال العقيد فلان يبيك.. وهو لافي عقيد ولا بطيخ قلت اسم من مخي..

والله يمسك غترته ويشخط بلا رده..

LOOOOOL
با حليل عيالنا..

N S

14-08-2006, 05:33 PM

السلام عليكم ورحمة الله وبركاته

زين ان الموضوع لين اليوم عايش:D

انا بشكل عام ضد ان البنت تسوق
لكن في حالات خاصة وفي الضرورة القصوى من الغلط منعها من السواقة
اما
تعلم البنت السواقه هذي ما فيها شي مثل ما تتعلم اي شي ثاني
انا عن نفسي ودي اتعلم اسوق فقط من باب التعلم

هذا كلام أمس
اما كلام اليوم "بسوق يعني بسوق" وآآآآه مليون آآآآآآآآه

اليوم صار لي ضغط نفسي :mad:
كان عندي امتحان الساعة 12 واخواني والوالد فالشغل
وقعدت ابكي .:*_*:. وتمنيت من كل اعماق قلبي اني اسوق عشان اتجنب الصدمات النفسية قبل الامتحان
الحمدلله عدت على خير تبرع ولد عمي يوصلني (طبعا كانت امي معي)

المهم قرار واتخذته بسوق استعدادا للحالات الضرورية ومنعا للاحراجات:(

H.M.A.

05-09-2006, 10:57 PM

،

من واقع تجربة لا أنا ضدها

أولا سيبدأ الرجل بتخلي عن مسؤولياته و رميها على الزوجة خاصة ما كان يقوم به من مشاوير وروحة و جيه

،

M.Al-Obaidly

06-09-2006, 01:07 AM

هذي وجهة نظرك أخي الكريم وأحترمها ..
بس والله أنا اشوف عادي ان البنت اتسووق السياره اذا كانت محتاجه
واحسن لها من انها تركب مع شخص غريب وليس محرم لها وهو السايق ..
بس كل هذا يكون في نطاق الادب والاحترام والحاجه والالتزام بالزي الشرعي المحتشم ...
وجزاك الله الف خير ...

B.A.M

07-09-2006, 12:20 AM

بسم الله الرحمن الرحيم

اضمن صوتي لج اختي بنت العبيدلي

البنت ساعات تحتاج السيارة للضرورة وهالضرورة تختلف من عيله لعيله واحسن لها مما تركب مع دريول ولا تروح مع سيارة خاصه ولا كروة

اما بالنسبة للي قالته اختيHMA
معاها حق .. البنت لما تسوق تصير دريول للبيت!!!
بس هي اللي تحدد ان الرجل لازم يقوم باموره وتكون مشاويرها تقتصر على امور معينه
يعني هي تروح من الجامعه للبيت والعكس بس .. لكن سالفه جمعيه .. مواعيد عيادات .. زيارات .. يصير على الاب او الاخ

في النهاية ... البنت اذا كانت محترمه الكل يحترمها وين ما كانت حتى في سيارتها ومحد بيلاحقها ....

R.A.A

07-09-2006, 12:22 AM

عقل و منطق مؤيد و مجتمع رافض

هذا ما أراه على أرض الواقع. الفتاه التي تقود السياره لقضاء حاجتها تتهم بالتحرر و تتعرض للكثير من الازعاجات بالطريق...وينظر لقيادتها للسياره كأمر ينقص من أنوثتها. بينما التي تركب السياره برفقه سائق غير محرم و خادمه لحراستها وقد تكون هذه الخادمه مصدر خطر لا ثقه ..ينظر لها كفتاه محترمه لأنها تجاري العادات والتقاليد مع أنها بذالك تنافي الإسلام.

نظره غير منصفه و حكم قاسي من المجتمع المتحضر الواعي المتدين القطري الذي أكتشفت انه يقدس عاداتهه وتقاليده أكثر من دينه للأسف الشديد.

المبادىء صحيحه ولكن الواقع يخالف المبادىء.

وبما أن الشرطه في خدمه الشعب....أتمنى وضع قانون أو خط ساخن للفتيات القائذات للسياره للإبلاغ عن رقم اي سياره تضايقهم و يلقى الشاب الذي لايراعي حرمات المسلمين ولا حرماته جزاءه وعقابه.

A.A.Al-Nasser

11-09-2006, 01:22 AM

لا زلت أذكر الآراء التي قيلت في شبابنا وإنهم ما يصدقون يشوفون وحدة مبنشرة إلا وضايقوها..!!
كالعادة.. (أول سؤال يدور بخاطرناعن قيادة الرأة: وإذا صار وبنشرت..؟)

هذه أمثلة يا جماعة نااادراً ما تصير عندنا في الدوحة.. (الفكرة العامة... إذا البنت محترمة نفسها.. محد بيتعرض لها.. وإن هي عاجبتها اللفة في السيارة.. فما أدري شاقول.. لكن ربك يستر على عورات المسلمين.. )
لكن لا زال في شبابنا ورجالنا خير ونشامة.. وفيهم أصل المساعدة من غير إبداء أي مضايقات..
يعني أنا عندي صديقة لي.. تسوق سيارة لأنها محتاجة تسوق.. فسبحان الله بنشرت مرتين خلال ثلاث أسابيع..
وكل مرة توقف السيارة على الطريق.. يجيها واحد يساعدها من غير أي مضايقات.. يعني يوقف سيارته.. ينزل ومن غير أي كلام سوى تحية الإسلام.. يركب التاير.. ويركب سيارته ويروح..!!
لا ابتسامات ولا أي شي آخر من هالقبيل..!!

لكن مرة حصلت لوحدة ثانية وتلفونها مسكر ما فيه بطارية.. واضطرت إنها تركب تاكسي بروحها..لأن كان عندها امتحان بالجامعة.. وما قدرت تتأخر.. وكانت خايفة الصراحة.. لكن ألا بذكر الله تطمئن القلوب..!! والحمد لله.. وصلت بالسلامة... لكن نرجع ونقول.. مب كل مرة تسلم الجرة..!!

ولازم اللي (بتضطر) تسوق السيارة تاخذ كامل احتياطاتها وتفكر في كل الاحتمالات..!!

B.A.M

11-09-2006, 01:39 AM

بسم الله الرحمن الرحيم

خواتي اقروا دعاء ركوب السيارة كل مرة تركبون السيارة وان شاء الله محد يضايقكم
والاسباب هي:
*ذكر الله وذكر دعاء الركوب
*اختيارالاوقات المناسبة (يعني بقدر المستطاع مو وقت الزحمة)
*عدم التبرج ومحاوله جذب الناس

الحمدلله صار لي سنة وشوي اسوق سيارة ولله الحمد (ولاااااا) مرة تعرضت لمضايقات

اذا تبون الصج :: البنات صاروا يضايقون البنات اكثر من الشباب .. تشوفينها تهرن وتولع فلاشات وتسرع وتلف عليج بعد
الله يهديهم

Dana Al-Kuwari

28-09-2006, 08:29 AM

صج الواحد مايعرف نعمة الشي الا لما يفقده :) ..

فالدوحه مع الدريول المصون والخدامه المصونه وقاعده ورى ومتكيه ومخفي ومجلات ديكور وسوالف مع رفيجتي وانواع الراحه.. لا ونتحلطم نبي نسوق نبي نسوق ماصارت مب حاله..

لما طلعنا وصارت لنا الفرص.. قمنا نزهق وظهورنا تكسرت من ظرب الخطوط بالساعات.. قمنا من نشوف حد تعال تعال ولي يسلمك سوق فيني ونقعد نتكي الصوب الثاني..

مادري يعني انتوا عبالكم السواقه fun يعني؟؟

ولا شوارع الدوحه عاد.. حفريات وزحمه ولويه..
وهالمصبنه الي مايهلون حد في حاله..
الي مسويلي فيها طرزان قدام ربعه ويقول بارويكم فيها باخليها تدش فالنخل.. ولي ماشي عالثلاث خطوط متنقل بينهم ومايرسى على بر..

يخلون الوحده غصب تسب وتشخط في ويهم :)
شحادكم عالتعب..

والله انا اشوف الدريول مهم واريح.. بس هذا مايمنع ان اذا طقت في راسي اي وقت اتمشى فالوكره ولا عالكورنيش فالليل اطلع.. عالاقل على مزاجي وماوراي شي ومافي زحمه..

Ali Omar

27-02-2007, 11:15 PM

مشكورين ع الردود

Khalifa Al-Khulaifi

22-01-2008, 04:59 PM

والله على حسب...........:linguino:

لا اي...........ولا لا

بس في بعض الحالات أقفل .... يوم اشوف وحده تسوق فلليل مثلا ساعه12 في شارع النصر...http://img404.imageshack.us/img404/8055/showletterohoxg5.gif

أو أفرض اختربت عليها سياره في نصف الطريق........ياخي اشلون بتتصرف...والعالم قز...

فاهمين انتو, ولا شلون:risatonaD:

وشكرا

Rashid.AL-Athbi

22-01-2008, 05:53 PM

ليش مانؤيد !!؟

من ناحية السلامه .. ماشالله صاروا بعض الحريم يسوقون احسن من الشباب ..!

ومن ناجيه ثانيه, هالبنات الي يسوقون ماتعبوا انفسهم وصاروا يسوقون في الشمس عشان الكشخه واللعب, الله اعلم من العازه والظروف الي جبرتهم على هالشي .. ولا الوحده تبي تكون معززه ودريولها يسوق فيها وياخذها وين مابغت ...

بس في شي سلبي لاحظته انا في قيادة المرأه ^_^ ...!

بخصوص بعض البنات الي توهم يسوقون .. بعضهم الله يهديهم يطلعون فيها ويتحدون الشباب في الشوارع .. سواء بسباق او بالدروله << وهالشي صار وانا اشوفه بعيني @_@

ويوم نسألهم ليـــــش ؟

ترد عليك الاخت وتقول : (( والله عشان تعرفون انه انتم موب احسن منا في السواقه )) !!!!

و ع العموم .. يعطيكم العافيه على تطرق هالموضوع .. ونهاية كلامي مايعني اني موب مؤيد, لا بالعكس مؤيد .. وانشالله يعطيهم خير السيارات ويكفيهم شرها ...

تحيـــــاتي ...

Best Regards

Abrar Al-Janahei

22-01-2008, 07:49 PM

المواصلات أمر مزعج بالنسبة حقي .. اذا ابي اروح مكان ولا عندي شي اسويه افكر ألف مره مين بيوديني !!!!! .. وبحكم ان اهلي ديما مشغولين فأنا أطر احيانا اكنسل وايد مشاوير مهمة بسبب ان محد يوديني ..

مهم ان الوحدة تسوق في هالظروف .. الله يعيين

fatma.j

24-01-2008, 07:05 PM

السلام عليكم
انا اوافق كلام اخوي محمد الدليمي 100%
من وجهة نظري
اذا كانت البنت مب متزوجه تقدر تسوق في حاله وحده اذا ما عندها حد يجيبها ويوديها وبدل ما تحط ريال اجنبي يقضي لها مشاويرها .. للاسف الاخوان ماعاد لهم مسؤوليه .. تلقاه مع ربعه او زوجته ومب فاضي لخواته
واذا كانت متزوجه .. فانا اقول احسن لها ماتسوق .. بس تحتفظ بالليسن للضروره .. لان الزوج بيخليها دريول العيله وبيعتمد عليها في كل شي .. طبعا مب الكل جذي بس الاغلبيه اللي اشوفها

يعطيك العافيه اخوي على طرح الموضوع

Jaber Al-Musallam

31-01-2008, 11:04 PM

السلام عليكم ورحمة الله وبركاته
انا اشوف انه لا يوجد مانع للمرأه انه تسوق , ونظرت المجتمع عندنا لازم تتغير من هذي الناحي.
لاهو عيب , ومايكونون بسبب تقصير من الاهل انه بنتهم تسوق.
لانه في احيا تكون عوايل على قد حالها مايكون عندها استطاعه انه توفرون للبنت دريول.
ومابيكون اخوها او ابوها فاضين 24 ساعه لها....

اذا كانت نظرت المجتمعنا انه عيب انه البنات يسوقون, نجبر العوايل الي قد حالها انه اما تحط دريول حق البنت
او الناس بيبدأون يتكلمون ," او والله شلوفو بنتهم تسوق".

من وجهت نظري لازم يكون الموضوع عادي , وانا ما اشجع المرأه انها تسوق لراحتها لا اكثر
بس اذا هي مصممه تبي تسوق فأنا ماشوف اي مانع.

A.F.N

21-02-2008, 11:03 AM

انا بأختصار مع قيادة المرأه الناضجه عقليا

وضد قيادة البنت اللي بعمري

مثلآ 19 و20

صح في بعضهم ماينخاف عليهم

بس انا اتكلم اني ضد الفئه اللي ( الله بالخير :D) لان بصراحه امس

كنت مخليه اخوي يوصلني لغرض

المهم شوي الا اتصل فيني على طول بعد مانزلني

قال توقعي شصار عقب مانزلتي قلت له وشو ؟

قال تخيلي اول مابعدت شوي ونزلتي الا البنات اللي فالسياره الفلانيه

4 بنات وفعمري تقريبا

المهم ... قربو من سيارة اخوي الا يأشرون بأيدهم يعني امش ورانا ؟!!!!

اخوي طنش

وحصلهم ع الدوار الا قامت وحده منهم .. سوت له .. باي باي

شدعوه ! شهالجرئه

ماتخاف يطلع رقم سيارتها واسمها مثلا ؟! ماتخاف ع اسم ابوها

الصراحه ذولا مب كفوو والله حق سواقه

Fatma Al-Jufairi

01-04-2008, 11:19 PM

Well, personally, i think driving is useful for women especially working women, or mothers who need to drive and drop/pick up kids to and from school, buy groceries, shop, etc...
but what we see around us in Qatar, is that the majority of women drivers are obedient and drive carefully and safely, but unfortunately there is a small portion of women drivers who take this for granted and drive around in order to flirt around and show off infront of men or merely to make other girls envy them.
there shouldn't be a rule saying that women should not drive but there should be rules and guide lines within families to allow their daughters to drive. we live in a very traditional environment which does not accept change quickly. we need to prove that we are good enough and can take big responsibilities such as driving, because in Doha driving is a huge responsibility ;)

S.S.Ahmed

12-04-2008, 03:26 AM

أختــي ××فاطمه الجفيري××

كــلامج هــو الصـــواب.....ومــا أقولج إلا لا فضّ فوكِ :)

-----------------------------

أخوي صــاحب الموضوع,,,,بــارك الله فيك...

أنــا مــع سيــاقة المــرأة,,,لحــــاجة...

أمــا السياقة فقط للخروج والتنزه,,,فأنــا ضده...

حتــىإن أعطينــا أختنــا,,أمنــا,,,نســاءنــا الثقه,,وهــنّ حقاً جديرات بهذه الثقه,,,فلا أتوقع بأن نثق بالبيئة الخارجيه ومن فيهــا مــن ضُعفــاء النفوس..

سدد الله خطاكم..

Dana Al-Kuwari

21-04-2008, 03:57 AM

المراءه القطريه ساقت بورشات وساقت مرسيدسات وساقت دراجات

واحنا للحيت تؤيد ولا ماتؤيد ؟؟

هههههههههههههههههههههههههههههههههههههه

Essa Al-Mansouri

21-04-2008, 04:31 AM

المراءه القطريه ساقت بورشات وساقت مرسيدسات وساقت دراجات

واحنا للحيت تؤيد ولا ماتؤيد ؟؟

هههههههههههههههههههههههههههههههههههههه

حتى دراجات :SnipeR(14):

http://thump01.pbase.com/t6/55/531755/4/84739259.vp0eBP0W.jpg

شهالحالة الناشفة :vip7007112:

لهالسبب متشوهة سمعة اللي يسوقون

Mohsin Al-shaikh

01-05-2008, 10:14 PM

السلام عليكم

الموضوع قديم وايد من 2005 من لي طلع الموضوع من الستور. خلاص الحين السيارة باجر طيارة.

RRR

02-05-2008, 11:37 PM

بل صج الموضوع مغبررررررررررر

المرع ساقت وخلاص وانتوا تايدون وماتايدون؟؟؟

هههههههههههههههههههههههههههههههههههههههههههههههههه هه

S.S.Ahmed

03-05-2008, 02:58 AM

ههههههههههههههههههههههههههه

افاا طلع قديم

تراني استغربت السؤال والمرأة القطرية نشوفها بكل مكان تسوق,,بس مافكرت أشوف تاريخ الموضوع :(

Dana Al-Kuwari

15-05-2008, 11:04 PM

اي والله المراه القطريه صارت حتى فالمريخ تسوق.

انا اشوف بان هالموضوع قديم المفروض تنزوله سنه 1984
بس الحين خلاص يعني.. السالفه راحت عليها..

كتبوا موضوع يقول " سواقه المراه القطريه للدراجات.. هل تؤيد؟ "
عالاقل اهني باحس ان في شي جديد.

ولو ان القطريه وراس امي ساقت برى دراجات وخلصت هههههههههههههههههههههههههههههه
خصوصاً في ظل الزحمه في بعض الدول و تقلص الباركات. فا يعتبر حل مثالي.

تستهينون بالدراجات يا عالم؟؟ هذي يبيلها ليسن ثاني وتراي خاص هههه

Sh.W

16-05-2008, 01:34 AM

إغلاق الموضوع حتى لا يتم العودة اليه

Sh.W

16-05-2008, 01:34 AM

إغلاق الموضوع حتى لا يتم العودة اليه

Dana Al-Kuwari

16-05-2008, 07:33 AM

وشو الي تم اغلاق الموضوع ؟؟؟؟؟؟

ولا علشان دانا الي تكلمت على طول يغلق؟؟
نفسي افهم شنو قصه بنات المنتدى وياي.. غيره يعني ولا حسد ولا شسالفه ؟؟
طبعاً البعض مو الكل..

شقلنا احنا.. انتوا تتكلمون عن السيارات.. والدراجات عيال عم السيارات ووسيله للمواصلات

قلت منكر يعني ولا شي مو موجود فالشارع !!!!!!!!!!!

Omar Al Hazaa

16-05-2008, 09:26 AM

بما ان الموضوع تم مفتوح ههههه..

ما أيد ان البنت تسوق السياره الا اذا كانت لابسه نقاب عدل..
لأن المناظر الي شفناها مب هينه..

اختي دانه شفيج تتكلمين كأن البنات مسويين مؤامره عليج..
بنات المنتدى يحبونج وايد ودافعوا عنج اكثر من مره الله يهديج بس..

Dana Al-Kuwari

16-05-2008, 11:02 AM

^
^

كيدهن عظيم يا عمر.. خلني ساكته بس

بخصوص النقاب يعني.
شدخل السواقه فالنقاب ؟؟؟؟؟؟؟؟؟؟؟؟

علماء كثير قالوا بان الوجه حلال.
وبعدين مع احترامي للقطريات وانا منهم علشان ماتقولون اني عنصريه ولا شي..
مو ملكات جمال ولا كل وحده تقول للبنانيات والارمينيات
وخروا واقعد مكانكم.. طبعاً ماجبت شي من عندي.

بيلبسون نقاب على وشو ؟؟
خايفين من الفتنه يعني ولا وشو ؟؟ وضح النقطه ههههههه

يعني كل وحده صاروخ ولا هيفا وهبي مثلاِ داشه الشارع وخايفين عالعالم والامه العربيه تدعم؟؟؟

شدددددددخل النقاب بس فالسواقه يا عمر نفسي افهم ههههههههههههههههههههههههههه

Sh.W

16-05-2008, 12:45 PM

لا والله،، مب عشان انج تكلمتي،، بس أبي أعرف شاللي يخليكم تردون عليه
دام انه الموضوع قديم جذيه نطرح موضوع ثاني،، لأنه أغلب الحريم الحيين تسوق..

Omar Al Hazaa

17-05-2008, 12:14 AM

هههههههه الله يهديج يا دانه..

انا ماقلت الوجه حرام ولا حلال..

لاكن لازم يمنعون البنات انهم يطلعون ويوهم لما يسوقون..
لأن المكياج والبودره والروج والكحل الخخخخ مايقصرون..

البنت تصبغ ويها وتصير بيييضه..
وخلاص صارت ملكة جمال ويطلعون ويفتنون الشباب..

ف لو يلبسون نقاب هالشي بيكون ابرك والشباب بيرتاحون..

وادري ان هالشي مستحيل بس قلته ك قتراح..

الصاروخ ذكرني فالشوارما ههههههه..

Omar Al Hazaa

17-05-2008, 12:16 AM

اختي Sh..

افتحي مواضيع جديده اذا شفتي ان المنتدى يحتاج هالشي..

الصراحه عن نفسي استحي كل شوي فاتحلي موضوع..

واحب اشكرج على جهودج الطيبه والى الامام ان شاءالله..

S.S.Ahmed

17-05-2008, 03:38 AM

:)

أختــي دانــة

أسمحي لــي أعلق :)

أتــوقع إنج مــاخذه موقف مــن النقاب,,وهــذا بالتأكيد أمر راجع لج....بــس أتمنــى ماتكونين ماخذه مــوقف مــن المنقبات أنفسهن :)

وأخــوي عمــر

مــرة ثانية وثالثة وعاشرة أشكر فيك تمسك بالدين,,وبالفعــل مع كثرة الفتن فالأولــى للمــرأة وخوفاً على نفسهــا إنهــا تتنقب....

Omar Al Hazaa

17-05-2008, 05:27 AM

عفوا اختي S..

نسئل الله الاخلاص فالقول والعمل..

اختي لاتنسيني من دعائج..

Dana Al-Kuwari

17-05-2008, 09:24 AM

:)

أختــي دانــة

أتــوقع إنج مــاخذه موقف مــن النقاب,,وهــذا بالتأكيد أمر راجع لج....بــس أتمنــى ماتكونين ماخذه مــوقف مــن المنقبات أنفسهن :)

.

اخذ موقف من النقاب؟؟ ليش من انا ؟؟
كل وحده حره تتنقب ولا تكشف ولا تسوي الي تسويه
اتعقد من وشو ؟؟ ليكون انا الي لابسته هههه

S.S.Ahmed

17-05-2008, 12:42 PM

:)

حياج الله اختي دانــة

أكيد إن كل إنسانه حره بسلوكهــا,,وأنـا ماقصدت أبداً أفرض عليج شي,,أنــا كان عندي تساؤل فقط لاأكثر,,ومــاأتوقع إني ذكرت ولو ضمنياً إنج متعقده من النقاب أو غيره...

عــلى العمــوم,,مهماً كــان رأي أو رأيج الأهمــ هــو الدين والشرع,,لأن المشرع هـو الله عزوجــل,,وهو سبحانه أعلم بعباده مــن أنفسهم....

أشكرج أختي...

Dana Al-Kuwari

18-05-2008, 12:01 AM

والله السواقه فالدوحه تعب قسم بالله.

اتبهدل ويا الدفه والشيله والحاله وتعال امسك الشيله لا تطيح وتعال ارفع الدفه قبل لا نركب علشان ماتتعفص
وفرضاً كنا لابسين قصير مو طويل نتكشف عالخمه.. مادري بس تعب ترى خصوصاً في شوارعنا الزفت

انا اشوف بان البنت تنزر ويا دريول في مغسيدغس هههه مثل الاميره وبنوته واموره احسن لها والله.

الا اذا بتطلع تالي الليل تتمشى والدنيا خفت شوي.. انا هذا الي اسويه

غير ان العالم المتخلف فالدوحه مايحب يركب ويا بنت الللللللله واعلم ؟؟؟؟
يدي لو عليه يروح بيته الي في ازغوى مشي وفالحر !!
بس مايركب وياي ..

اخوي الاصغر مني يركب بس يبط راسي من كلمه حاسبي حاسبي حاسبي ...

مادري علشان بنت يعني ومستضعفه ولا شسالفه ؟؟ هههههههههههههههههههههههههههه
8 سنين اسوق برى وفي شوارع اكبر من شوارع الدوحه ب 6 مرات ولا مره دعمت
جايين لي في شوارع الدوحه ام 3 مادري 4 خطوط وتخافون وحاسبي حاسبي ؟؟ :)

والله المراه مظلومه في كل شي !

Omar Al Hazaa

18-05-2008, 12:12 AM

^
^
بخصوص الشيله.. ترا اذا ربطتيها عدل مابتطيح..
شدي عليها شوي هههههههه..

احنا الشباب الغتره ماتطيح عندنا مهما كانت الحركه (كوبره نص كوبره الخخخ)
اما الشيله مايبيلها شي..

والسواقه تعب على البنت في كل مكان ..

قريت تقرير في جريدة الشرق "السواقه تضعف انوثة المرأه"

مشاكل نفسيه وجسديه تجي حق البنت من السواقه؟
ف ابرك لها لو تروح مع الخدامه والدريول..

أو مع زوجها الغالي..

انا ازهق من الزحمه وريلي تتكسر وتنام..
واختي قاعده معاي وتقولي روح هني وروح هناك..
اقولها قاعده مرتاحه (وتسولف فالجوال) ماتحسين فالزحمه ههههه..

والله كرهت السواقه في شوارع الدوحه..

Eman Al-Marri

18-05-2008, 12:22 AM

^

^

هذا وانا ناوية اخذ الليسن هالشهر ..

يعني لو سقت الهرمونات الذكرية بتزيد هههه

والله هني كل اللي حولي من الحريم يسوقون واشوف ان كلهم تقطر الانوثة منهم .. ماادري على اي اساس قامت هالدراسة ... الظاهر لدراسة تخص اللي يسوقون شاحنات ..!

دانة ..

حطي مخفي بالسياارة وقطي الشيله ههههههههه وفكي عمرج اخاف تشدينها وتختنقين بعدين.. واشوف ان شوارع امريكا اقلها انج ضامنه عمرج ماراح تدشين بحفره ..كاااااك

والله هناك ارحم وماألوم اهلنا بخوفهم علينا

Omar Al Hazaa

18-05-2008, 12:25 AM

^
^

ههههههههههه اختي ايمان كوني حذره..
"كانوا يقصدون السيارات العاديه"
حذرناج احنا والباقي عليج..

انا الصراحه اشوف خالتي تعبانه نفسياً من السواقه..
عندها سياره لاكن ماتروح الا مع الدريول الحين..

نبي راحتكم ومصلحتكم يابنات..
الصراحه في مواقف خطيره فالسواقه مادري شلون البنات يتعاملون معاها..

Dana Al-Kuwari

18-05-2008, 02:06 AM

^
^

والله انا قبل كنت محترمه واسوق صح بس من يوم ماجيت لوس انجلس وانا صرت وياهم.
نزرق بين السيايير واذا مازرقت الي وراك بيهرن وبيحركك غصب واشارات..
شوارعهم اهني مثل القيم كلن يفتر محد يمسك خط واحد واذا مسكت بيمر احذاك واحد وبيسب.

اما شوارع الدوحه بالف مره ومرتين وعقب خلاص دوار قدامي ههه

ساعات انسى وادش بين السيايير والمصبنه عبالهم استعرض وهات يا تلحق وسب وماتعرف انا بنت من
هههههههههههههههههه

والله عيالنا هم الي يزهقون بالوحده تسوق.. الي يبي يخوفنا يابالفيت ويقرب مايدري ان لو دش فالمكينه والله ماتحرك
الانشورنس بيصلح شعلي انا.. للاسف مافي احترام للمراه ..

ولاشاحنه صاكه الدوار ولا اقدر اشوف شي لا حول ولا قوه الا بالله .
ماعندنا خط مفتوح ونمشي فيه .. حتى الشمال نخاف تطلع لنا فيه مطيه ولا شي لا سمح الله.

Omar Al Hazaa

19-05-2008, 12:29 AM

اختي دانه حاسبي لاتسوقين بتهور..
انتبهي على نفسج..

شوارع الدوحه صغيره وزحــــمــــه..
وين تبينهم يسون خط سريع..

الدوحه بكبرها صغيره..

اما بخصوص الشباب الي يضايقون البنت..
انا بتكلم عن نفسي..

يوم كنت في عصر الجاهليه ههههه..
اذا شفت وحده مطلعه قذلتها وصابغه ويها وصايره جميله!! هههه!!!

اما اذا شفت وحده ضاربه مخفي..
على جسمها مب على سيارتها..

اذا شفت وحده محترمه نفسها..
وماتخلي كل من هب ودب شوف محاسنها..

مستحيل الشباب يقربون منها..
وهذي الي زوجها يكون مرتاااااح منها..

وهذي الي راح تكون عفيفه وطاهره..
بالعكس الشباب يعصبون اذا حد قرب من البنت المُحترمه..

^
^
^
بغض النظر عن البنات الي يتغطون عشان خاطر اهلهم..
لاكن الي في قلبهم شي ثاني!!

اما الي اتقول ابي الكل يشوفني حلوه..
الله يعينج اذا الشباب قربوا منج عشان يشوفون حلاتج يالخطيره هههههههههههه..
تزيني عدل واكشخي لاتنسين هههههههههه!!

واخرتها كل الي في ويها تركيب واصباغ ههههه..

والستايل الجديد مفيد!! لأنه راح يخلي ستايل قبرج جديد؟
وان شاءالله ترتاحين فيه..

على فكره الي تلبس ضيق..
تدخل ضمن حديث الكاسيات العاريات..
الي مايدخلون الجنه..
والي اهم اصلاً من علامات نهاية الزمان ومن علامات الساعه..

وماننكر ان بعض الشباب فيهم!! فيهم وضاعه وسفاله ومافيهم غيره << مثل البهائم الله يعزكم..
يغازلون البنت الي محترمه نفسها وتتغطى عدل..

هذولا الله سبحانه وتعالى يعلم بعقابهم..

Mona Al-Hammadi

28-06-2008, 02:35 PM

السواقه شي مهم صار للبنت بعد كم سنه بشوف البنات يسوقون اكثر من الشباب

انا ودي والله اتنقب لين اسوق بس النقاب يحكرني اموووووووت وراه هههههههههههههههه

بعدين صج ترى الاسواقه اتخشن مرات ودي اشمر وانا اسوق والبريكات ياكثرها في شوارعنا النعومه تجي لين انزل من السياره ههههههههه

الصعب هي البركنات الي تلوع الجب لو مع دريول ابرك ساعه لين اندور باركن وخاصه عند البنك ودي اعطي حد السياره اقوله خذ لفه ورد مابطول

اخس موقف لن سيارتي مافيها بطاريه ترى بنات انتبهوا وشيكوا عليها مواقف محرجه توقف نص الشارع وفي الصيف بعد ولا ماعندي واير ازيد من الطين بله

السواقين الله لايبارك في بعضهم اللسان طويل وقله ادب مره كنت مع رفيجتي رايحين الجامعه وتهاوشت مع السواق تخيلوا نص الطريج وقف ونزل من السياره وقط السويج عليها قال انتي روحي بروحج

مرات نفسيتهم خايسه يسوق بسرعه ويلوع جبدك في السواقه والبريكات والعالم شوي وبيسحبون السياره منه

ينزلني الجامعه ويسوي نفسه صاف وادش وتلاقيه في شوارع قطر يخلص اغراضه و يجيني مافي بترول

ولا مره اتصل فيه مايرد حرقت التلفون رحت ادوره في الباركن الاخ مشغل المكيف وراقد في العسل كم ساعه