Fahad Al-Jefairi
20-08-2005, 01:03 AM
السلاااااااام عليكم ورحمة الله وبركاته
مشروع الجسر الأكاديمي هو عبارة مشروع تأهيلي للدراسة الجامعية وإعدادي لمتطلبات الجامعات
وكثير من طلابنا اللي يدخلون الجسر يكونون مب عارفين بالضبط شالمطلوب منهم من الجسر .... او مب عارفين هم في اي جامعة ودهم يدرسون وفي اي تخصص ودهم يدخلون
فمن هالموضوع فكرت بأهمية مساعدة طلاب الجسر الأكاديمي وتقديم لهم جميع الخدمات المطلوبة .... وبحكم ان احنا كنا طلاب في الجسر الأكاديمي فتقريبا عارفين كل اللي فيه ... وان شاء الله اللي عنده اي سؤال او استفسار ياخذ راحته ويتفضل يسأل
بسم الله الرحمن الرحيم
الجسر الأكاديمي ... عبارة عن مشروع سنة واحدة بالكثير (للطلاب المبتعثين عن طريق المؤسسات ... قطر للبترول او راس غاز او قطر غاز) وسنتين بالكثير للطلاب المبتعثين من قبل المجلس الأعلى للتعليم
الهدف الأساسي من طالب الجسر هو تأهيله للدخول للجامعة الي يبي يدخلها .... فيختلف هدف كل طالب عن الثاني في هالموضوع من حيث :
1- أراد الطالب ان يتغرب في بريطانيا او امريكا او غيرها من الدول .... فاللي عليه انه يدخل على موقع الجامعة ويشوف بالضبط المطلوب منه في نظام قبول الجامعة ويجيب التوفل والسات المطلوبين من هالجامعة .... في هالحالة ما راح تفرق على طالب الجسر اذا دخل الجسر ولا لا ..... لان الجامعة اللي برع ما راح تهتم اذا الطالب درس في الجسر ولا لا .... وما راح تحسب له سنة تأسيسية ..... فيعني الطالب مش مربوط بالدوام في الجسر واذا عنده التوفل والسات ممكن انه يختصر على عمره سنة ويشقح الجسر الاكاديمي بسلام وبدون عوائق :p
2- في حالة أراد الطالب الدخول بإحدى جامعات المدينة التعليمية فعلى الطالب احراز المتطلبات المطلوبة من الجامعة (التوفل والسات وال ACT ) + معدل لا يقل عن جيد في سنة الجسر ..... فيعني في ناس جايبين التوفل والسات وانرفضوا من الجامعات بسبب تدني مستوى الطالب في الجسر ... او بسبب اهماله وغيابه عن دوام الجسر ..... وفي أمثلة حية عندنا وبدون ذكر أسامي (ما نقصد اي احراج .... ولكن لخدمة الطلاب فقط :) )
فيعني تلقى الواحد يداوم في الجسر وأول ما يجيب التوفل يسفه ..... فاذا كان يبي يدخل جامعات المدينة التعليمية فلازم يحط في باله انهم ياخذون هالامور في عين الاعتبار .....
3- اذا كان الطالب مب عارف وين بيروح .... وفيه احتمال انه يروح جامعة قطر فمافي مشكلة انه يروح الجسر الأكاديمي ... لأن كورسات الانجليزي اللي في الجسر يعادلونها بالسنة التأسيسية اللي في جامعة قطر فتنحسب للطالب .... أما اذا الطالب جاب السات .... او خلنا نقول درس رياضيات في الجسر فيعادلونها له في جامعة قطر بعد ويشلون عنه سنة التأسيسي بالكامل (طبعا بعد تخطيه امتحان الكمبيوتر اللي عبارة عن مبادئ في استعمال الكمبيوتر والoffice )
:)
أما عن الدراسة في الجسر فتبدأ السنة ب 3 مستويات
intensive 1
intensive 2
Academic 1 (عاشوا طلاب الأكاديميك :cool: )
المستوى الأول يدرسون فيه بس انجليزي .... (Reading, Writing, Gramar,Computer Skills, Study skills, projects ) قد تختلف المسميات ...بس تقريبا هذا اللي اعرفه (اللي يعرف غير هالشي يقول)
غالبا هالمستوى يحطون فيه الطلاب اللي يجيبون في التوفل من 375 لين 450
المستوى الثاني يدرسون فيه انجليزي وعلوم عامه ورياضيات ... نفس المواد المذكوره فوق ... بس بدون Gramar
الرياضيات والعلوم الموجودة في هالمستوى ...غالبا تكون بسيييطة وعامة
وطلاب هالمستوى هم اللي يجيبون من 450 لين 500 في التوفل
المستوى الثالث هو للطلاب اللي يجيبون فيه فوق ال 500 في التوفل ... وغالبا هم أكثر ناس يحكون ويكرفون في الجسر (مساكين)
يدرسونهم نفس مواد المستوى الثاني ولكن بتعمق أكثر ...فالرياضيات ياخذون فيه Precalculus والعلوم ياخذون فيه 4 مواد على طول السنة General Science , physics, chemstry , Biology
سنة الجسر عبارة عن 4 فصول ... كل فصل عبارة عن شهرين وعقب كل نص فصل في امتحانات ال midterms وبعد الشهر الثاني يكون الfinals
بالنسبة للاختلاط في الجسر ... فهي تجربة جديدة لغالب الشباب الموجودين في الجسر .... يجب ان تحكم هذه التجربة من بداية الموضوع .. وعلى الكل احترام اخوه واخته من الجنس الثاني حتى ما تصير اي مشاكل بينهم وبين بعض ... وخل الواحد يحط في باله ان اذا اللي قدامه مش من أهله فهي في النهاية من اهل ربعه او خوانه ... والدوحة صغيرها وغالبية الموجودين هم أولا وأخيرا من عيال بلدنا والاحترام والحفاظ شي مطلووووب من الجميييع
كثير من المشاكل الاجتماعية قد تمر على الطلاب من عدة نواحي مختلفة نوصي الشباب والاخوات جمييييييييعا بأشياء مهمة اللي هي ان
1- لحد ينقل كلام سواء كان من مصادر موثوقة او كان اشاعة ....
2- حسن الظن ....
3- التقيد بشروووط الاختلاط الشرررررعي .... والشروط هي
1- غض البصر
2- عدم الخلوة
وان شاء الله تكون تجربة حلوة للجميع ونتمنى لجميع طلابنا التوفيق والأفضل ..... واذا في أي سؤال أو أي استفسار ان شاء الله احنا حاظرين وما راح نقصر وياكم :) :)
ويا حياكم الله
:)
مشروع الجسر الأكاديمي هو عبارة مشروع تأهيلي للدراسة الجامعية وإعدادي لمتطلبات الجامعات
وكثير من طلابنا اللي يدخلون الجسر يكونون مب عارفين بالضبط شالمطلوب منهم من الجسر .... او مب عارفين هم في اي جامعة ودهم يدرسون وفي اي تخصص ودهم يدخلون
فمن هالموضوع فكرت بأهمية مساعدة طلاب الجسر الأكاديمي وتقديم لهم جميع الخدمات المطلوبة .... وبحكم ان احنا كنا طلاب في الجسر الأكاديمي فتقريبا عارفين كل اللي فيه ... وان شاء الله اللي عنده اي سؤال او استفسار ياخذ راحته ويتفضل يسأل
بسم الله الرحمن الرحيم
الجسر الأكاديمي ... عبارة عن مشروع سنة واحدة بالكثير (للطلاب المبتعثين عن طريق المؤسسات ... قطر للبترول او راس غاز او قطر غاز) وسنتين بالكثير للطلاب المبتعثين من قبل المجلس الأعلى للتعليم
الهدف الأساسي من طالب الجسر هو تأهيله للدخول للجامعة الي يبي يدخلها .... فيختلف هدف كل طالب عن الثاني في هالموضوع من حيث :
1- أراد الطالب ان يتغرب في بريطانيا او امريكا او غيرها من الدول .... فاللي عليه انه يدخل على موقع الجامعة ويشوف بالضبط المطلوب منه في نظام قبول الجامعة ويجيب التوفل والسات المطلوبين من هالجامعة .... في هالحالة ما راح تفرق على طالب الجسر اذا دخل الجسر ولا لا ..... لان الجامعة اللي برع ما راح تهتم اذا الطالب درس في الجسر ولا لا .... وما راح تحسب له سنة تأسيسية ..... فيعني الطالب مش مربوط بالدوام في الجسر واذا عنده التوفل والسات ممكن انه يختصر على عمره سنة ويشقح الجسر الاكاديمي بسلام وبدون عوائق :p
2- في حالة أراد الطالب الدخول بإحدى جامعات المدينة التعليمية فعلى الطالب احراز المتطلبات المطلوبة من الجامعة (التوفل والسات وال ACT ) + معدل لا يقل عن جيد في سنة الجسر ..... فيعني في ناس جايبين التوفل والسات وانرفضوا من الجامعات بسبب تدني مستوى الطالب في الجسر ... او بسبب اهماله وغيابه عن دوام الجسر ..... وفي أمثلة حية عندنا وبدون ذكر أسامي (ما نقصد اي احراج .... ولكن لخدمة الطلاب فقط :) )
فيعني تلقى الواحد يداوم في الجسر وأول ما يجيب التوفل يسفه ..... فاذا كان يبي يدخل جامعات المدينة التعليمية فلازم يحط في باله انهم ياخذون هالامور في عين الاعتبار .....
3- اذا كان الطالب مب عارف وين بيروح .... وفيه احتمال انه يروح جامعة قطر فمافي مشكلة انه يروح الجسر الأكاديمي ... لأن كورسات الانجليزي اللي في الجسر يعادلونها بالسنة التأسيسية اللي في جامعة قطر فتنحسب للطالب .... أما اذا الطالب جاب السات .... او خلنا نقول درس رياضيات في الجسر فيعادلونها له في جامعة قطر بعد ويشلون عنه سنة التأسيسي بالكامل (طبعا بعد تخطيه امتحان الكمبيوتر اللي عبارة عن مبادئ في استعمال الكمبيوتر والoffice )
:)
أما عن الدراسة في الجسر فتبدأ السنة ب 3 مستويات
intensive 1
intensive 2
Academic 1 (عاشوا طلاب الأكاديميك :cool: )
المستوى الأول يدرسون فيه بس انجليزي .... (Reading, Writing, Gramar,Computer Skills, Study skills, projects ) قد تختلف المسميات ...بس تقريبا هذا اللي اعرفه (اللي يعرف غير هالشي يقول)
غالبا هالمستوى يحطون فيه الطلاب اللي يجيبون في التوفل من 375 لين 450
المستوى الثاني يدرسون فيه انجليزي وعلوم عامه ورياضيات ... نفس المواد المذكوره فوق ... بس بدون Gramar
الرياضيات والعلوم الموجودة في هالمستوى ...غالبا تكون بسيييطة وعامة
وطلاب هالمستوى هم اللي يجيبون من 450 لين 500 في التوفل
المستوى الثالث هو للطلاب اللي يجيبون فيه فوق ال 500 في التوفل ... وغالبا هم أكثر ناس يحكون ويكرفون في الجسر (مساكين)
يدرسونهم نفس مواد المستوى الثاني ولكن بتعمق أكثر ...فالرياضيات ياخذون فيه Precalculus والعلوم ياخذون فيه 4 مواد على طول السنة General Science , physics, chemstry , Biology
سنة الجسر عبارة عن 4 فصول ... كل فصل عبارة عن شهرين وعقب كل نص فصل في امتحانات ال midterms وبعد الشهر الثاني يكون الfinals
بالنسبة للاختلاط في الجسر ... فهي تجربة جديدة لغالب الشباب الموجودين في الجسر .... يجب ان تحكم هذه التجربة من بداية الموضوع .. وعلى الكل احترام اخوه واخته من الجنس الثاني حتى ما تصير اي مشاكل بينهم وبين بعض ... وخل الواحد يحط في باله ان اذا اللي قدامه مش من أهله فهي في النهاية من اهل ربعه او خوانه ... والدوحة صغيرها وغالبية الموجودين هم أولا وأخيرا من عيال بلدنا والاحترام والحفاظ شي مطلووووب من الجميييع
كثير من المشاكل الاجتماعية قد تمر على الطلاب من عدة نواحي مختلفة نوصي الشباب والاخوات جمييييييييعا بأشياء مهمة اللي هي ان
1- لحد ينقل كلام سواء كان من مصادر موثوقة او كان اشاعة ....
2- حسن الظن ....
3- التقيد بشروووط الاختلاط الشرررررعي .... والشروط هي
1- غض البصر
2- عدم الخلوة
وان شاء الله تكون تجربة حلوة للجميع ونتمنى لجميع طلابنا التوفيق والأفضل ..... واذا في أي سؤال أو أي استفسار ان شاء الله احنا حاظرين وما راح نقصر وياكم :) :)
ويا حياكم الله
:)