المسابقة الأسبوعية

[Mohammed Al-Mohannadi]

السلام عليكم و رحمة اللة و بركاته,,,,,,,


بما اني من أهل السهج على قولت النجاوي في الاجتماع فالأسئلةراح تكون عن الحدااق,,,,,,

1:ما هو الييم؟
2:ماهو الشرخ؟
3:ما هو اللفاح؟

شكرآ

[Meteb Al-Qahtani]

مرحبا اخوي محمد ..
الييم : هو الطعم الي نحطه في الميدار وغالبا ما يكون يا خثاق او ربيان
الشرخ :وهو نوع من انواع الشبك الي ينحط وقت السقيه (المد) وفي وقت الثبر (الجزر)نقوم ونباري الشرخ(اي نخرج الصيد من الشبك).
اللفاح : وهو ربط اداة اللفاح بخيط يكون متين شوي علشان ما ينقطع ومن اشكال الاداة هذي القفشه او اشكال الاسماك الصغيره الملونه وبعض الانواع مثلا للهوامير وبعضها للكنعد وغيرها من الاسماك

يعطيك العافيه اخوي محمد .. ولو سمحت دزلي الجائزه :d

[Ali Al-Rumaihi]

ماعرفت إلا الشرخ
ههههههههههههه يبيلي أدش البحر بطراد ماطلع إلا وانا عارف أسامي السمج كلهم لأن بصراحه خاطري أعرف في هالسوالف مارحت أصيد إلا مره ويا الربع وصارت لنا بلاوي ههههههه
المكينه أختربت في نص البحر وتوهقنا
ههه

[Adel Al-Jalham]

ماشاء الله عليك يامتعب شكلك مال حداق يبيلنا رحله تعليميه وياك لاني انا مالي في البحر خير شر وتسلم يابوجاسم على المسابقه

[Mohammed Al-Mohannadi]

اللة يعطيك العافية يا أخوي يا متعب وانشآءاللة الجائزة عشاءلشخصين في مطعم ايطالي في مانشيستر عنده سي فوود بس على كيفك

اخر يوم استلام الجائزة 1/12/2004

شكرآ

[Meteb Al-Qahtani]

السلام عليكم

مشــــــــــــــــــكور اخوي محمد على الجائزه .. لكن عندي طلب صغير:هو انك تغير الجائزه من

عشاء في المطعم الايطالي( سي فود ) الي سوأل ثاني وفي اقرب فرصه


ويعطيك الف عافيه