مبرووك لطلاب المدينة التعليمية البعثات الاميرية

[Fahad Al-Jefairi]

السلام عليكم ورحمة الله وبركاته

الف الف الف مبروووك


نبارك لنا ولطلاب المدينة التعليمية تحويل جميع بعثات طلاب المدينة التعليمية اللي مبتعثين عن طريق الوزارة سابقا ... والمجلس الأعلى للتعليم حاليا تحويل جميع البعثات من بعثات وطنية الى بعثات اميرية

وهذا الكلام توهم قالوا لي اياه في هيئة التعليم العالي :rolleyes: :rolleyes:


والفرق بين البعثة الاميرية والبعثة العادية

1- زيادة رواتب (يوم سألناهم شكثر بالضبط قالوا ان ما يدرون للحين)

2- وجود بعض الدورات التدريبية للطلاب وعلى حساب الدولة بالاضافة الى بعض الامتيازات الاخرى في الدولة

والله يعطيكم العافية وجزااكم الله خير :o

[B.A.M]

الحمدلله رب العالمين
الف الف مبروك لنا ...

بصراحه خبر واايد حلو

مشكور اخوي فرحتنا وايد بصراحه كنت احسد طلاب البعثات الاميرية بس الحمدلله صرنا منهم

; )

[Mohammed Al-Mannai]

مبرووووووووووك يا شباب ... والله تستاهلون كل خير

متى العزيمه فهد ؟

[Mohammed Al-Mansouri]

مبرووووووووووووووووووووووكين ان شاااء الله يا شباب...صج اني ما اعرف شنو يعني بعثه اميريه بس من اسمها شكلها خوش ششي

فههد مااااااااااااااااااا تعزم حد وانا محد...

وله تدري...اعزم المناعي... ويوم نرد اعزمنا مره ثانيه... هاي بعثه اميريه مب شوي

[Fahad Al-Jefairi]

السلام عليكم ....

هلا والله اختي B.A.M .... يالله بالمبارك ....

ولحد يحسد حد بس ..... رزق بني آدم مكتوب له من قبل لا ينولد ... فلحد يحاتي ان شاء الله :) :)

===========

هلا والله المناعي

عزيييييييمة....!!!!

طلاب كيوبي المفروض يعزمونا ويزوجونا بعد :rolleyes:

افا عليك يا المناعي .... خل اول راتب ينزل .... ونشوف الفرق (وبعدين نروح نضرب على "ضرب" في شهرزاد :cool: )

===========

هلا والله المنصوري :D :D

لا لاتحاتي يا بوجاسم لا تحاتي (على طاري العزيمة ..... خخخخخ ننطر عزيمتك ترى ... ولا تسوي روحك ما تدري ; ) )

والحين ان شاء الله بس خل تترتب الامور ... ونسير على دربك وخطاك :rolleyes: اذا الله راد (قول امين بس)

الله يعطيك العافية ومشكور على مرورك

:D :D

[Jassim Al-Naama]

ماشاء الله ماشاء اللله تستاهلون والله كل خير

يله عاد فهد اللحين الدور عليكم .. مب كله ياطلبة كيوبي اعزمونا .. !!! :) اللحين عليكم :)


بس ياريت يخي تعطينا آخر الاخبار .. وتفهمنا شسالفة ....


تحياتي

[Mohammed Al-Subaey]

السلام عليكم

مبرووووووووووك اخوي فهد .. اقول شالسالفة!!! :D :D

دخلت المنتدى ..... اشم ريحة عيش و لحم :p

( متى العزيمة؟؟) :D :D

زين لو تكون بعد 1\12 ... تدري ... الواحد يحب يشارك اخوانه الفرحة

الله يزيدكم ... و يوفقكم لما فيه الخير :)

[Mohammed Al-Mannai]

خلاص شباب اليوم كلمني فهد وقالي انه بيسوي عزيمه لنا كلنا اول ماينزل المعاش ,,, عدل فهد ؟

[Abdulrahman Fakhroo]

اللللللللللللللللللله.. السالفه فيها عيش ولحم

ياسلاااااااااااااااااااام :D

فهد ؟؟ مو تقول نسيت رقمك وماتعزم :mad: ... كفايه انت تعرف من عطاك الخبر ; )

[Adel Al-Jalham]

تستاهلون ياشباب كل خير والله يوفقكم الا فهد ما يصير تطرش حصتي من العزيمه لبريطانيا ترى حالتنا لله هناك وبعد عيش ولحم صدقني بتنكتب لك صدقه جارية :rolleyes:

[Fahad Al-Jefairi]

السلام عليكم ورحمة الله وبراكته

الله يعطيك العافية يا جاسم وماقصرت

وان شاء الله .... خل نشوف التغييرات وبعدين يسير خير :rolleyes:

وحياك الله يالغالي

================================

السبيعي + المناعي + عادل الجلهم

خخخخخخخ

يسير خير ان شاء الله ...... :p :p

:cool:

:rolleyes:

[Jassim Al-Mulla]

بالمبارك يا فهد على هالتطورات
وان شاء الله منها لأكثر

ويا شباب ترا الموضوع عن البعثة الأميرية مب عشا
مشكلة اللي يدورون عزايم على اي شي ; )

[Ahmad Telfat]

مبرووووووووووك لكم تستاهلون خير .. واعمل حسابي في العزيمة ..

بعدين بيسوون معاشتكم مثل معاشاتنا !! بااال بيكبر راسكم .. الله يعيننا ..

تحياتي
أحمد تلفت

[Ahmed Al-Jefairi]

هههههههههه السلام عليكم ورحمة الله وبركاته...

صج اني متأخر بس مبروك للجميع على البعثات الاميرية...

توني من يومين رايح فاتح حساب (توني متفرغ :p )

اقول فهد... زين اللي قطوها على راسك بس :p

اخووووي احمد تلفت...شخبارك عساك بخير :)

ترى يقولون المعاش بيزيد الف بس...يعني من 1500 لين 2500... باختصار لا تذبحون الريال ووياه حق لين طب عليكم يا (كيوبيين) :p

السلام عليكم ورحمة الله