عضو وقادم وبكل قوه لليدز (ترحيب الله لا يهينكم ) !

[Abdulla Al-Malki]

بسم الله الرحمن الرحيم
طبعا قبل لا ابدا احب اشكر القائمين على هذا الموقع الجميل والرائع بافكاره وطروحاته .. ولا اخفي اعجابي الشديد بهدف وفكرة انشاء الموقع وهي التواصل بين الطلاب القطريين في الخارج والداخل ..

وبما اني راح اكون في ليدز تاريخ 1-9 من هذي السنه .. كطلاب مبتعث من قطر للبترول تخصص الهندسه الكيميائيه في جامعة ليدز .. فاتمنى اني الاقي ترحيب منكم ولو قليل .. وخاصه ان هدفي من المشاركه هي معرفة اجواء الدراسه في بريطانيا وخاصه في ليدز .. فاتمنى من اللي عنده خبره في هالشي انه ما يقصر ويانا والله يعطيكم العافيه يا جماعة الخير ..

اخوكم في الله ::: عبدالله المالكي !

[Ahmad Telfat]

أنا مب من ليدز ... لكن عموما أرحب فيك والله يوفقك في الدراسة في ليدز ..

أخ عبدالله أحسنت اختيار ليدز في الدراسه خصوصا وانه الشباب اللي هناك ونعم الشباب ..

أما عن التخصص فأعجبتني يوم اخترت هذا التخصص >>>لأنه تخصصي .. الكيميكال شي عجيب والله ..

تحياتي للكل : أحمد تلفت

[Abdulla Al-Malki]

أحمد تلفت
مشكور اخوي العزيز على الترحيب الحلو ..وكفايه انك اول واحد يرحب فيني فالله يعطيك العافيه .. وان شاء الله كلامك يكون صح عن الشباب في ليدز وانا متاكد من هالشي .. والله يوفقنا واياك في تخصص الكيمكل وتراه تخصص مب هين (على مااعتقد ) .. وموفق في تكسس اخوي ..

اخوك في الله:: عبدالله المالكي !

[Mohammed Al-Subaey]

السلام عليكم و رحمة الله و بركاته

حياك الله اخوي عبد الله المالكي

الله يوفقك في دراستك .. و إن شاء الله تستانس مع الشباب في لييدز

جزاك الله خير :) :)

[Mohammed Al-Mansouri]

حياك الله اخوي عبدالله فمنتداك بين اخوانك... والله يوفقك ان شاء الله

[Hamad Al-Ibrahim]

حياك الله عبدالله وفي اشكثر شباب من قطر في ليدز , واخونا طارق الساعي من بينهم ان شاء الله تستفيد منه وتستانس هناك

[Jassim Al-Naama]

حياك الله اخوي عبدالله ويانا وان شاء الله تقضي وقت حلو في المنتدى ونشوف مشاركاتك وابداعاتك

وزين اخترت الكيميكال . ( تخصصي ) :D احسن تخصص


تحياتي

[Khalid Fakhroo]

حياااك الله اخوي عبدالله والله يوفقك
وعلى فكره شباب ليدز كوول ومابقصرون انشالله معاك
انا صج مب في ليدز بس مب بعيد واايد بسير عليكم
واتمنى لك التوفيق
اخووك
خالد فخرو

[Faisal Al-Raisi]

حياك الله في ليدز
يالله شد حيلك ترى ليدز صعبة واااااااااااايد

اتغشمر
مرة ثانية حياك الله

[Abdulla Al-Malki]

محمد السبيعي
وعليكم السلام والرحمه .. والله يحيك ويبقيك اخوي .. ومشكور على الترحيب الحلو .. وموفق في دراستك

محمد المنصوري
الله يحيك اخوي .. وشاكر لك ترحيبك

حمد الابراهيم
الله يحيك .. وتر النقطه اللي ذكرتها .. هي اللي شجعتني اني اختار ليدز عن بقية المدن .. وان شاء الله
شباب ليدز بما فيهم طارق الساعي فيهم الخير والبركه..

جاسم النعمه
الله يحيك اخوي .. واتمنى ان افيدكم وتفيدوني وخاصه في امور الجامعه وموفق اخوي في الكيميكل !

خالد فخرو
نورت الموضوع اخوي .. وشاكرلك ترحيبك .. والله يوفقكم كلكم

فيصل الرئيسي
الله يحيك .. وانت اول واحد من ليدز يرد علي .. والله يسر علينا وعليك

[Ali Al-Rumaihi]

ههه مارد كل شباب ليدز يجونا مانشستر فرمضان لووووول

بتعرف السبب ياعبدالله لما يسحبونك الشباب عندنا ههههه

[Abdulla Al-Naimi]

سلام عليكم علي
في إشاعة و الله أعلم عنها أوكيه
يقولون
إن كل طلاب مانشستر بيحولون ليدز
فبالنسبة لي مب مشكله إنا نجي مانشستر في رمضان
مع إني ما جيتها ولا مره في رمضان!!!

عبدالله النعيمي
لجنة قمم

[Mohammed Al-Sayed]

يالتوووووووووووووووووووفيق ياخوي وانشاء الله يتحقق اللي في بالك بسسسسسسسسسس ياخوي ابي اعرف اشلون انت مبتعث عن طريق قطر للبترول شنهي متطلبات قطر للبترول للابتعاث للخارج وماقصرت ياخوي