هل تغير تعامل الاجانب معكم بعد التفجيرات ؟

[Jassim Al-Naama]

بسم الله الرحمن الرحيم


السلام عليكم


بس بعد الاحداث الاخيرة في بريطانيا والتفجيرات المتتالية .. السؤال اللي دار ببالي هاليومين ..


هل تغيرت تصرفات الاسترالييين وتعاملهم معكم كعرب ومسلمين بعد التفجيرات الاخيرة ..؟


طبعا شباب بريطانيا في الدوحة .. فمالحقوا يروحون هناك ويشوفون تعامل البريطانيين معهم .. ولكن كمغتربين في استراليا .. نعيش هالوقت ونشوف هالتصرفات من الاجانب


مدري يعني .. هل صارت عندكم تغييرات من حيت التعامل هل قاموا يعاملونكم بحذر او حساسية ؟؟.


يعني بالنسبة لي اشوف الطلبة يجيبون طاري التفجيرات كل يوم وفي كل بريزينتيشن او محاضرة ويلمحون ويشوفونا بنظرات غريبة .. طبعا مب الكل ولكن بعض الطلبة .. ولكن خارج الجامعة ماشوف نظرات غريبة حتى اللحين ..


فمدري سؤال طرى ببالي .. وحبيت اعرف شصار معكم في المدن الاسترالية المختلفة

بانتظار ردودكم ..

تحياتي

[Ahmad Telfat]

بسم الله الرحمن الرحيم

أقول لاحول ولاقوة الا بالله ، أقولكم يا الشباب المغتربين تحملوا والله يعينكم ، للأسف الغرب يأخذون فكره أنه كل المسلمين إرهابيين ، والصحيح إنه جماعة من المسلمين لم تفهم الإسلام بالصورة الصحيحة فأصبحت تفجر جميع المناطق سواء كانت مناطق تخص الأعداء أو تخص المسلمين..

أنصحكم يا أخ جاسم إذا حاول أحدهم أن يتكلم في هذا الموضوع فلاتسكت عنه ، يجب أن تفهمه بأنك غير راض عن هذه التفجيرات خصوصا وأنها أيضا تستهدف عرب ومسلمين !!..

إخواني في الخارج عليكم عبء ثقيل على كاهلكم وهي توضيح الصورة الصحيحة للمسلمين والإسلام..

بالتوفيق للجميع في الخارج ..

تحياتي للكل
أحمد تلفت

[Mohammed Al-Mansouri]

جاسم الحمدلله عندنا كلشي عادي... يعني مافي تغير واضح بالنسبه لسلوك وتعامل الناس معانا بعد الي صار فلندن

تسسسسسسلم احمد... ما نبي غير دعواتكم لنا بالتوفيق والثباات والله يجزيك خير

[Jassim Al Obaidly]

اضم صوتي لصوت محمد المنصوري .. والحمدلله كلشئ عادي ويطمن ومافي اي مضايقات لحد الان .. والحمدلله ان معظم الناس عندنا متفهمين الوضع

[Ahmad Telfat]

الحمد لله انه الوضع يطمن في استراليا .. الله يهديه جاسم خرعنا !! ..


تحياتي للكل

أحمد تلفت

[Jassim Al-Naama]

هلا شباب انا ما اقول ان فيه مضايقات كبيرة

انا كنت اقول ان الناس يشوفونا بنظرات شوي غريبة


بعض الامثلة اللي صارت لشباب عندنا ... يجيه المدرس في الكمبيوتر ويقوله هالزر تضغط عليه للتفجير

مثلا ذاك اليوم في الجامعة .. حصة مواضيع بحث .. قام طالب ويشوفني ويقول انا اخترت اتكلم عن موضوع بحثي وهو التفجيرات اللي تصير في لندن وكيفية صناعة هالقنابل اللي تفجر الانسان نفسه ..!!!!!!


لكن من حيث الناس .. الحمدللله اوكي


والف شكر الجسمي والمنصوري على التفاعل


احمد . ماشاء الله منور القسم الاسترالي ..