تخصص شئون دولية ـــ جامعة القاهرة

[Mubarak AL-Hajri]

السلام عليكم ياشباب أنا أرغب الدراسة في جامعة القاهرة وناوي على تخصص شئون دولية

أول شي عطوني رايكم في التخصص وثاني شي هل هو موجود في الجامعة

أتمنى أنكم ماتبخلون علي في الإفادة.

النسبة 72.2 هل النسبة مقبولة.

[Mubarak AL-Hajri]

ياشباب أبي خدمه منكم حتى عن نظام الجامعه وهل السفارة ستكون معي


ماطلبت شي


معقوله مافي حتى يامرحبا فيك

[A.Al-muhannadi]

السلام عليكم


ماعندي خلفيه عن الدراسه فالقاهره

بس بجاوب عالجزئيه الاولى من السؤال بخصوص التخصص ..وايد حلو

ويفتح مداركك على مجالات وايد ويخليك تفكر بطريقه ثانيه

دراسه العلاقات الدوليه والفلسفات السياسيه تخلي عندك درايه بكل شي يصير فالدنيا اللحين يخليك مواكب

العصر مب بس من الناحيه السياسيه بس مرتبط في كل شي الصحه والمجتمع مثلا ..

ترى فكره ان التخصص بس سياسي مب صحيحه..التخصص ملم بكل شي

واحنا كطلاب فجامعه قطر مستانسين وايد في تخصصنا

ان شاء الله قدرت اعطي فكره ولو بسيطه عن التخصص

واذا في اي استفسار عن التخصص.. احنا موجودين :)

وبخصوص السفاره ..الملحق الثقافي اتوقع هو المختص بشؤون الطلاب

[Mubarak AL-Hajri]

ان شاء الله قدرت اعطي فكره ولو بسيطه عن التخصص

واذا في اي استفسار عن التخصص.. احنا موجودين :)


ماقصرت ووجهك ابيض

ولكن أبي أسألك أنت أو أحد الأخوان الموجودين انا في مجال عملي بيكون تخصص القانون أفضل ولكن أنا حبيت هذا التخصص .

أبي رايك ولو وضع لك التخصصين بين يديك ماذا تختار .. (( قانون . . . شئون دولية))

أنتظر وشاكر لك المرور العطر.

[Abdulla.AL-Khulaifi]

اخوي بخصوص التخصص وهل هو موجود او لا .. ماعندي فكره ..

اخوي اي شي في خصوص التسجيل في جامعة القاهرة سيكون عن طريق السفاره وراح يساعدونك ان شاء الله ..

تبي تتأكد من كافة التفاصيل بعطيك رقم موظف في السفاره مهتم في شؤون الطلاب وان شاء الله بيفيدك اكثر ..

اما اي التخصصين افضل القانون ام الشئون الدوليه .. التخصصين حلوين وهذا يعتمد على ميولك ومدى تقبلك للتخصص ..

بس الي اعرفه مثلا خريج القانون يحصل على الدرجه السادسه اما الشئون الدوليه يحصل على السابعه .. وفي وزارة الخارجيه خريج القانون يعين سكرتير ثاني اما تخصص اخر فيعين سكرتير ثالث .. هذا الي اعرفه وانت لك الاختيار على حسب ميولك وحبك للتخصص

[Mubarak AL-Hajri]

والله أنا أحب تخصص شئون دوليه ولكن أظن القانون أفضل من الشئون الدوليه ومجال العمل أشمل


ولكن اخوي عبدالله بسألك أنت كيف طريقت إلتحاقك للجامعه عن طريق جهة العمل او إذا كنت موظف لي استفسارات أخرى

معليش ثقلت عليك.

[A.Al-muhannadi]

ماقصرت ووجهك ابيض

ولكن أبي أسألك أنت أو أحد الأخوان الموجودين انا في مجال عملي بيكون تخصص القانون أفضل ولكن أنا حبيت هذا التخصص .

أبي رايك ولو وضع لك التخصصين بين يديك ماذا تختار .. (( قانون . . . شئون دولية))

أنتظر وشاكر لك المرور العطر.



انا عن نفسي لو برجع اختار من يديد..راح اختار شؤون دوليه لاني حبيت التخصص ومستمتعه فيه..وبالنسبه لنا احنا فالتخصص مطلوبه منا مواد من القانون..اذا ما خاب ظني الشؤون الدوليه اشمل من القانون في المجالات

اما بالنسبه لك مثل ما قلت اذا كان القانون افضل لمجال عملك وملم اكثر اذا كنت انت موظف ومثل ما قال الاخ الخليفي درجتك بتكون اعلى..فـ أختار اللي بيفيدك اكثر وهو القانون..واذا كانت لك ميول في الشؤون الدوليه ممكن تاخذ مواد اختياريه منه..

:)

اسفين عالتأخير...و بالتوفيق