المساعد الشخصي الرقمي

مشاهدة النسخة كاملة : أحد الأنشطه المقامه قريبا في استراليا

Ali Almarri
21-07-2005, 05:29 AM
في القريب العاجل أن شاء الله سيقوم عد من شباب بيرث برحله الى

ميلبورن ومنها الى حيت تقع الثلوج وأن شاء الله سيكون هناك تقرير بالصور

وبالنشاطات المقامه خلال الرحله .........طبعا أشكر الشباب اللي ما قصروا

ويانا من حيث ابداء ارائهم المتعلقه بالرحله واللي ما راح يشاركونها عاذرينهم

عشان عندهم امتحانات ومشاغل اخرى والجايات اكثر من الرايحات.....ومن هني طبعا

اوجه دعوه لأخواني في أنحاء استراليا اللي ما تشرفنا بمعرفتهم اذا حابين يشاركونا

ترى نكون من اسعد الناس والسلام ختام ....
Hassan Al-Ibrahim
21-07-2005, 09:27 AM
حيالله هل استراليا

و الحمدلله على سلامتكم ..

يعطيكم العافية شباب استراليا و ننتظر نشاطكم و تغطيتكم

:)
Ali Al-Rumaihi
21-07-2005, 12:48 PM
سلملي على شباب مرليبون

بتلاقون هناك واحد عماني أسمه عبدالله الريامي سلموا عليه سلام كثيييير إن شفتوه
Mohammed Al-Mansouri
23-07-2005, 10:08 AM
جزاك الله خير اخوي علي... بس ممتى موعد الرحله وكم مدتها؟؟...
Ali Almarri
23-07-2005, 12:08 PM
مرحبا بك أخوي حسن الله يسلمك ويطول عمرك


أخوي علي مرحبا بك يوصل سلامك أن شاء الله


مرحبا أخوي محمد ..الله يجزاك خير يالغالي
الرحله بتكون من يوم الجمعه الموافق 4/8/2005 أن شاء الله

أما بخصوص مدتها ما راح تتعدى اربع أيام خبرك فيه شباب وراهم دوامات فبنحاول

ما نعطلهم وبنفس الوقت نستغل الوقت بأقامه نشاطات قد ما نقدر وطبعا ما راح تكون رسميه

يعني رحله شبابيه ومنها نتعرف على الشباب اللي راح يشاركوننا

ومثل ما قلت الرحله للجميع واذا حد من ربعكم وده يشاركنا ترى يزيدنا شرف

وأتمنى التوفيق من الله
Mohammed Al-Mansouri
23-07-2005, 04:15 PM
يعطيك العافيه علي... ودنا نشاركم والله بس للاسف الوقت كلش ما يساعد.. بنكون مشغولين مع الامتحانات فهالوقت...
ان شااء الله تستاانسون... وتسلمون على هالجهود الطيبه

ولا تحرمونا من دعائكم
Jassim Al-Naama
23-07-2005, 06:07 PM
هلا علي

الصراحة نشاط حلو وفكرة حلوة والله

بس المشكلة تونا بادئين دوام الكورس الثاني


بس اذا بتنزلون سدني ممكن نمركم لقرب المسافة بينا وبينا سدني ساعتين بالسيارة

ولكن اذا بتتمون في ملبورن .. فصعبة شوي .. لان الرحلة جوية تاخذ ساعتين

اما اذا تقصد تنزلون عند الثلوج هل تقصد تزمينيا ؟؟؟ ودي اروحها

على العموم .. بانتظار ردك وان شاء الله بكلم الشباب معاي ونشوف اذا نقدر نفضي نفسنا على حسب الظروف
Ali Almarri
24-07-2005, 06:02 AM
مرحبا اخوي محمد عاش من شافك احنا ما سوينا شي هذا جهد بسيط

والأخوان ما قصروا في التشجيع والمشاركه وتسلم يالغالي


مرحبا اخوي جاسم والله بخصوص مكان الرحله راح تكون لمنطقه هاملتون على

حد علمي طبعا انا ما اتطلعت على الخريطه والأخوان في ميلبورن يقولون انها تبعد عن

ميلبورن 180 كيلومتر.

كلم الشباب وطبعا ما نبي نكلف عليكم على قد استطاعتكم واذا ما حالفكم الحظ طبعا

راح تكونون ويانا بقلوبكم

سلم على الشباب بوصقر وخالد النجار ...
Jassim Al-Naama
24-07-2005, 08:52 AM
هلا اخوي علي

ممم انا شفت الخريطة وطلعت هاملتون شوي بعيدة ابعد من ملبورن .. مثل ماقلت

شوف الخريطة في النك

http://www.auinfo.com/Victoria_map.htm


على العموم . اتمنى لكم تقضون وقت حلو وبانتظار تقرير الرحلة


سلم على الشباب بوصقر وخالد النجار ...

يبلغ ان شاء الله :)


سلم على الشباب في ملبورن وبيرث


تحياتي